رحيلك أوجعني

بارت 1

#قصة_ رحيلك_ أوجعني

#الكاتبة_فراشة

🌺🌺🌺🌺🌺

خليك مثل #الدله♣️

من تنزل تسد حلوك♥️

ولاتاخذ طبع #فنجان☕

من تخلص يهزوك✋🏻

🌺🌺🌺🌺🌺

راح اعرفكم على نفسي وأهلي 😊💖

🌺🌺🌺🌺🌺

أسمي مريم عمري 20 سنه حاليآ 🌺 مواصفاتي : قصيرة وسمينه يعني مدبدبه وزني بل أحداث 50 وبعد الأحداث 52 وحاليآ 55 😊 لون بشرتي على لون بشرة ماما جايه بياض ممزوج ب وردي والعيون لون بني و وسط لا جبيره ولا صغيرة وشعري وسط لا طويل ولا قصير ولا ثخين حيل ولا خفيف حيل
وعندي شامه بخدي اليسار وشامه بين حواجبي لونه أشكر 🌺

عائلتي متكونه من بابا و ماما وأخويه مصطفى ألي هوه التوأم مالتي بس أحنه الاثنين ل بابا و ماما

ماعدنه بعد لا أخ ولا أخت لان بابا ميصير عده أطفال بقه هوه وماما 7 سنوات وماعدهم طفل الا راحو ل

بغداد عالجو ياله صرنه أحنه عدهم وبعد ما صار عمرنه 10 سنوات راحو لل أردن وعالجو بس فشل

العلاج وما صار عدهم أطفال أنوب لان أعمارهم متسمح ايصير عدهم أطفال ف بس أحنه عدهم

وجدي الله يرحمه شيخ عشيرة ال ..... أو عنده أربعة

ولد خلدون ومنير يلي هوه بابا ومزهر وعمر ومحمد عمو خلدون الله يرحمه عنده 5 ولد و 3 بنات وعمو مزهر عنده 2 ولد و 3 بنات وعمو عمر عنده 2 ولد وبنيه وعندي 7 عمات وكل وحده عده كومه ولد

وبنات ماشاء الله مينعدون الله يحفظهم الهن آنٰٖۧ شِٰٰ̲ٓــآء اللّـــهـہ• ̮💕 طبعآ

عمامي وعماتي كلهم شخصياتهم مختلفه عن بابا عماتي أمشيات كلمتهن على أرجولتهن

وعمامي نسوانهم هنه أتكومهم وهنه أتكعدهم

بس بابا يختلف عنهم كل واحد يشوفه أيكول عنه أنو هوه ضابط بس بابا لا ضابط ولا هم يحزنون

بابا يشتغل مقاول وعنده شركة مقاولات أو عنده معامل هوه وعمامي كلهم يشتغلون سويه أو ولا واحد بيهم أمكمل دراستة كل واحد واصل لل أبتدائيه وأمبطل وكلهم راحو يشتغلون بل مقاولات

وجنه أحنه وعمامي كلهم ساكنين أبيت واحد يم جدي وجديتي وجانت حالتنه الماديه كلش زينه بس بعد أحداث الأنبار خسرنه كلشي وظلو بابا وعمامي عل سيارت الصغار يشتغلون بيهن تكسي الحمدلله على كل حال

جانت طفولتي كلش حلوه أني ومصطفى عل طول أني وياه نلعب سويه أو حيل متعليقين أبعضنه كأنو أصدقاء وحيل ميانه أبيناتنه بحيث ميانه زايده يمكن لان بس أحنه الاثنين ل أهلنه وتوأم صارت هيج ميانه أبيناتنه