رحيلك أوجعني

البارت الأخير

قصة_رحيلك_أوجعني

الكاتبة_فَہرٍآشُهہ ۦ، ۦ،❀🦋

البارت الأخير

أحس متغير أني
ومالي خلك الناس
وأحس تعبان كَلبي
من الوكت مقهور
مثل غيمة حزن
تمطر علي كبريت
وأنه بنار عايش
والدموع تفور كل
يوم الأمس مثل
الفلم ينعاد وباجر
والأمس والجاي
نفس الطور
ناعور الوكت
يسكيني جان أشعار
وأفتر الوكت وإنه
الصرت ناعور
جنت أضحك وأسولف
ويا هذا وذاك على غفلة
ولكيت الناس كلها جور
طرت بجناح واحد للفرح
فد يوم شو حتى الفرح
ردني بجنح مكسور
ضيعت البخت وإنه
الجنت محظوظ
حتى ويا العشك
ما عشت لحضة بنور
يا كَلبي شكثر عذبـتك
إنت ويـاي أحس كَلبي
على كَلبي من الحزن مفطور

مريم : اتصلت على محمد وبلغته برفضي هوه سألني

محمد : اكدر أعرف شنو سبب رفضج الي

مريم : اجه ظرغام علية بالحلم وزعلان علية وكلي مستحيل أسامحج اذا وافقتي على محمد (وحجيتله كلشي بالمظبوط )

..اخذ نفس محمد وكال

محمد :سبحان الله اني هم اجاني بالمنام وهم كلي مثل ما كلج وكلت اتصل عليج واصارحج وافهمج انو مااكدر ازوجج لان ظرغام زعلان علية وكلي مستحيل اسامحك اذا تزوج مريم بس مدام صار بيج مثل ما صار بيه ف هاي هية انسي الموضوع واني هم راح انسه

..بس تدرين ما جنت اتوقع ظرغام لهل درجه ايحبج وانتي اتحبية بس يله الحمدلله على كل حال

مريم : الحمدلله 💔😔

..سديت المكالمة من محمد وكمت اتوضيت وصليت ورحت للمدرسة واني كل احوالي متخربطة لكيت صديقاتي جايات للمدرسة قبلي سلمت عليهن واني بداخلي مخنوكة ابد ما اتمنى أذي ظرغام واخليه يزعل علية من جان عايش ولا مرة اتعاركت وياه او زعلني او زعلته جنته حيييل متفاهمين من ايشوفونه سوه الناس اظلون بس ايباوعن علينة  والي يدعي الله يسعدنه والي يباوعون علينة بحقارة وحسد ويدعون نتفارك

..اذكر مرة بعرس رنين من جنه نركص سويه اني وظرغام دا نركص وسمعت نسوان ايكولون علينة عابت اي والله عابت علي هل شكول ان شاء الله ميتهنون سوه و ان شاء الله يتفاركون

..اني سمعتهن بس مااهتميت الهن كلت لويش اهتم واصلآ ما بينت الهن انو اني سمعتهن بس هسه ياله عرفت الحسد والعين شتسوي بالواحد صدك عيونهم ما وكعت بل كاع و صدك اتفاركنه حته ما لحكنه نتهنه اوووف ياربي والله ما اكول غير حسبي الله ونعم الوكيل على كل واحد ما يمنى الخير للناس

..جنت صافنة وانتبهت علية صديقتي وسألتني

صديقتي : ها مريم اشبيج اليوم ليش ضاربتلج صفنه مو من عوايدج اتسوين هيج

مريم : مابيه شي

صديقتي :امبين ما بيج شي تره اعرفج من عيونج