رحيلك أوجعني

بارت مفاجىء

قصة_رحيلك_أوجعني

الكاتبة_فراشة 🦋

باارت مفاجىء

حكايتنا القدر بيها لعب دور
التقينا وبيها شمل كلوبنا التم
جفينة اعيونة بنظرات الاحساس
وتغازلنة بگلب مايعرف الهم
على عناد الزعل نتراضة مرات
ولملمنة الجروح الصعبة تلم
ندهتنا البلابل للمواعيد
وشردنة من النعاس البابة محكم
وتماشينة رغم درب السهر خيط
من يفلت الليل بليل نلزم
الشمس سلمت النة بوكت الغروب
ومن مر الكمر فوگانة سلم
كتبت ذكرى بينه اعواد الاغصان
وحلف بينه الورد وبشوكنة اقسم
بحيث اتحاججت ويانة الاشجار
البهاي الحدايق ياهو الاقدم
تفاركنة وجرة بنهر ارواحنة الموت
وبياض كلوبنة اعلى الروح غيم
اتفقنا انموت لكن وحنة عدلين
نضحك بس اكو بخاطرنة مأتم
الهوة يلاگينة لكن ما مبينين
مختنكين بس انكول نشتم
فتركنة بليل ونايمة الناس
خفنة من النهار الناس تعلم
تركنة ارواحنة المايرضن انروح
بالدمعة العزيزة نريد نسلم
الشماتة تحولو بفراكنة حجار
الطريق البي كبل نوگف تلعثم
رجعنة منين ما جابتنة الايام
المطر من ينزل من الغيم مرغم
كسرنة الحجي البعيونة بماي
حتى اليقرة يلكة المعنى مبهم
جمعنا همومنا بنصين الفراك
ولكينة بذاكرة عشرتنة منجم
اصعب موقف بلحظات الاوداع
من اشوف الجنت تبني تهدم
من تقوي كلبك وانته مجروح
ما مهتم تبين وانته مهتم
من تبتسم بس بداخلك نوح
الدموع اباب عينك سكتة تلتم
تضطر تمشي لكن وانته مكسور
عزت نفسك تبررلك الهم
وراها تعيش لكن گلبك يموت
وحساسك الطيب يبدي يفهم
ماتحلم بعد بل عنك يروح
وما مسموحلك يومية تندم
كل جروحنة وكل المعانات
منما من وره الناس البيها نحلم

مريم : ثالث يوم من بعد جيتي ويه رسل ل بيتهم كعدت الصبح باوعت عل ساعة ب 8 والكل نايم كمت سويت ريوك دا اسوي مخلمة وجان تكعد رسل صاحت واجتني بوستني وسجدت شكر ل رب العالمين لان اني كاعدة اتحسن وكتله يله كافي
ودزينه على صمون وعلى خبز للغده لان حظرت جنابج ماعدنه طحين علمود اعجن

رسل : مو تدللين راح انطيج فلوس وانتي روحي جيبي صمون واني راح اكعد ابراهيم والجهال بين ما تجين

مريم : اني اروح 😳

رسل : اي حبيبتي روحي انتي عادي لتخافين هم علمود تتفضين اشويه اتنفهين عن نفسج

مريم : ماشي

..اخذت الفلوس ورحت للفرن مالت الصمون طبعآ هوه قريب على بيت رسل براس الشارع صاير صاير
لكيتهم واكفين سره كله زلم واني واكفه على صفحه
وهذا ابو الفرن ايبيع للزلم وعايفني اني يعني حته اكو زلم اجو وراي وباعلهم واني بعدني انوب اني اعصابي فلتت رحت علية كتله انته متخلص عاد صارلي ساعة واكفه اهنا واتبيع للزلم وعايفني

ابو الفرن : بابا اشبيج بس اصبري هسه ابيعلج

مريم : ول صارلي ساعة واكفه وانته اتبيع للزلم وعايفني عبالك دا اشحذ منك
..انوب اني فلتت وكمت احجي اشكال والاول لزمت ابو الفرن اكس تربيع ما انطيته مجال وهاي الزلم واكفه اتباوع علية وتضحك واني جني الخبلة ما انطيت مجال اله يحجي