رحيلك أوجعني

بارت 3

# قصة _رحيلك _أوجعني
#الكاتبة _فراشة

بارت 3

'يكول :
- احسبيني طفل مــآ يعرُف الصَح ،
- انـهَ الخسران عُمره و بيچ يربح ♥️

🙂💚

🌺🌺🌺🌺🌺

ام مريم : اي مو اني الي راح اتزوج مو انتي
مريم : ماما والله ماادري دايخه .

مرت يومين عل سالفه عاد سويت عل غده برياني أو مصطفى كام أيهلهل ورأسن خابر على ظرغام كله عل موافقه .

وماما وبابا فرحو حيل واني بقيت هيج مثل الدايخه مااعرف اذا كان قراري صح او غلط

صبيت غده واتغدينه وكملنه عاد بابا وماما راحو على خالتي واني ومصطفى بقينه بالبيت

واشويه هم مصطفى طلع بقيت بوحدي بالبيت
عاد طلعت العصر للحديقة جان الجو يجنن جو ربيع
و كاعده اسكي بالورود شو مااحس غير واحد طب او طب وراه مصطفى بالبدايه ماشفته زين لان جان شعري على عيوني فما ركزت زين عبالي واحد من ولد عمامي

« اني بطبيعتي ماالبس شال كدام عمامي او ولد عمامي لان تربينه سويه ابيت واحد ف صارت عادي عادي » .

عاد غسلت ايدي من التراب او وخرت شعري من عيوني جان اطير عيوني وفاكه حلكي او ما اشوف غير ظرغام كدامي لابس جينز اسود او تشيرت زيتوني شفته او رحت ركض طبيت جوه

« صحيح اني انطيته الموافقه بس بعد ماصار شي رسمي حته اطلع كدامه بدون شال عيب »

او اني اركض وهوه يكلي تعاي وين اكو وحده تستحي من خطيبه

اني الصراحه مااتحملت صديت عليه ابسرعه وكتله

ياخطيبي هوه احنه حته فاتحتنه ماقريناه بعدنه
هوه باوع على على مصطفى
عاد مصطفى رفع ايديه مستسلم .

ظرغام : ولكم عاد واحد ايصف وياي شو كلكم صرتو ضدي

مصطفى : موزين قبلت انطيك أختي غصبآ عليك تتحمل 😂

ظرغام : بسم الله والله ولا عرفتك 😂

مريم : عفتهم او طبيت جوه هوه كعد اشويه او راح

عاد ورا اسبوع سوه مشيتة زلم او نسوان الزلم كعدو ابيت عمي والنسوان كعدن ابيتنه
« المشيه صارت بعد الأربعين بأسبوع »

طبعا بيت عمامي اجو يمنه حظرو الخطوبه مالتي الزلم يم الزلم والنسوان يمنه
سويت مكياجي كلش خفيف لان ميصير همه بعدهم حزنانين عيب او لبست فستان اسود مطرز ذهبي
والصدر مالته صاير على شكل سبعه او من الخصر وجوه صاير على شكل كلوش
اسود والقماش شيفون والردن ربع هم قماش شيفون والحذاء ذهبي وشعري عفته مفتوح على طوله
ورفعته من كدام وطلعت كذله
حظرت نفسي وبقيت كاعده بالغرفه وبحالة قلق
عبالك مو خطوبه عبالك راح يعدموني