بين الحـﮩ❥ ـْﮧۧـب والكـبرياء
بقلم… زهرة التوليب…
البارت ..26
…………………………...
لو صاير بي شي جان شحالتي هسه ..يمه الله لايكولها.. اموت غير
طلع الفجر.. واني ع كعدتي ماعرف لشوكت غفيت
فزيت ع صوت.. صياح علي يضرب ..التخت بقبضه ايده ويصيح من الوجع
كعدت مفزوعه ركضت ع دواه نسيت انطي اله
ماعرف شسوي واني اشوفه بهاي حالته ..
انثولت لازمه علاكه الدوا بيدي ودموعي تصب
هو ايد مخليه ع عيونه وايد عاصر بيه الفرشه
من سمع صوت بجيي
وخر ايده وفتح تك عين حجه ..بتعب
لج مخبله شبيج ع شنو تبجين
حجيت بكلمات متقطعه.. كله مني
يول مو وكت غبائج انت شدخلج
كمل وهو ياشرلي انطيني الدوا البيدج
الوجع ذبحني
رجع راسه لتخت بعد مشرب حبايتين فاليوم
مغمض عيونه من الوجع ويتلوه
ـ حجيت بخوف واضح.. بيه ولا بيك
ـ اسم الله غبيه انتي.. لا تدعين ع نفسج
- اااسفه كله من وراي ديصير بيك هيج لو ماني جان هسه انت متعرف ذياب
جراني خلا راسي ع صدره.. هشش لج انت شعليج ليش ادخلين نفسج غصب
حساب بيني وبينه بس وغلاتج عندي موكعه اله
ـ وبعدين
ـ شنو
انت حتضربه وهو حيضربك وحتبقون هيج الا متئ
علي عوفه الله يخليك عوفه كافي ماريد اخسرك.. كطعت كلامي واني اشهك
ـ هههههه جا شكد تحبيني وساكته انتي
ـ ……
شلت راسي رجعه.. بهمس ابقي حجه كلامه وهو يلعب بشعري
ـ لا اذيك
معليج ابقي
بس خليت راسي ع صدره غفيت ويمكن قبله
همين
مكعدت الا ع ضربه قويه ع زندي
فركت ايدي بوجع واني افتح عيني بنعاس
انصرعت واني اشوف عمتي
عمممه
ـ اوجعه لج فاينه الحض حاضنته لرجال ونايمه ع صدره متكولين خاف جرحه ينزف
دخل يطيب وحضني براحتج
ـ وجهي صار طماطه ظليت امتمت
خنزرت بوجهي وهي تحجي بغضب..نامي يمي بعد انتِ مو امان
ـ قاطعه صوت علي.. هي وينه يايمه ميبسه من زمان
هايمه اشلون صرت..بخير يمه
أنت تقرأ
بين الحب والكبرياء
Romanceإهـمال عـنيد و كـبرياء مـقيت جـعل الـحب بـينهم اخـرس لا يـتكلم إلا بـ الـعيون...! الصراع بين العقل والقلب هي المعركه التي تخرج منها في كل الاحوال خاسرا..! اما خاسراً مبادئك او خاسراً لسعادتك
