بين الحب والكبرياء

البارت الأول

بقلم:-...زهرة التوليب…

في احد مناطق في جنوب العراق الساعه6:30
في احد المزارع الكبيره

الاب وهو ينزل بندقيته ويدكهه بالارض.. عليوي تعال هنا

ـ خير بويه

ـ شني ولك جا شخبصتني انا وانا اشو مصايدلك شي
حكيت راسي بحيره ادورلي حجه اقنع ابوي ..احم مو مو…

اسد (اخو علي) يتجهه ناحيه ابوهه وبكذب لا بويه صاد خير من الله بس ابنك گلبه رجيج يطيره للطيره بس يصيده

ابوي بعدم تصديق :ها يلاادنيه غوربت خل نمشي
الكل ديلم بالخيم والي يعزل اغراض الصيد

اسد بهمس ولك عليوي يمته تنسه وتعيش دشوف روحك الناس اصيد وتتعلل وانت ليكول شايل هموم
جبال ع ضهرك منعزل وجكارتك مطيح من حلگك ولا يمك السالفه

ـ شنسه متكلي انسه بنتي لماشافت من دنيتهه
شئ لو انسه مرتي الي بعدهه بعمر الورد لو طفلي الي ياماتمنيته يجي ويصحولي ابو فلان

ـ هونه تهون الزمن هو الي حينسيك ..مضنيت يخوي

اجه وكت.. اعرفكم عن نفسي
اني علي عمري 33 من الجنوب  وتحديدا (البصرة)

عندي شهاده الدكتورا
بس دكتور ومو دكتور مجان الي نفس بطب ابد بس
بالاحاح من امي دخلت هلمجال اخذت شهادتي ودخلت بتجاره..

ابوي شخص معروف واله احترامه وهيبته
عندي3 اخوان ثنين مزوجين و عازلين وبس اسد اخوي مامزوج باقي يمنه
و3 خوات كلهن مزوجات وطالعات
موصفاتي عيوني سود حنطاوي طولي 190

جسمي معضل مو لان العب حديد بس جبت شبابي اشتغل عماله واشيل اشيا ثقيله بجانب دارستي
 صح احنه ناس الله كارمنه بس اني من من صغري اعتمدت ع روحي واشتغلت 

من صغري واسمع بنت عمك (لمى) الك وانت البنت عمك
جنت اعرف بيهه تحبني لاحضت هشئ من هيه صغيره بس كلت حب مراهقه تكبر وتنساني وكتهه تخلصني منهه 

لان صعبه عدنه نوكف بوجهه ابونه ونعصي امره عكس البنيه لمن ترفض شخص يسدون السالفه من يمهم

فجنت ااجل هلموضع بحجه الدراسه
 وحالفيلي اول يوم تخرجي هو اول يوم زواجي
 صح البنيه جماله مقبول مبيه عيب وهادئ خو امي وعاماتي من يكعدن مطيح من السانهن

 دائما جنت اتهرب من لقاءهه من تزورنه
اخاف يشوفه ابوي كدامي ويلطشلي كدام امهه بس اختلف الامر

لمن صار عمري20  سنه جنت توني راجع من
 الكليه مرحله ثانيه
واشوف لمئ دتمشي بسدريتهه وتوه راجعه من مدرسته ( صف سادس ادبي)

 وراهه شاب يتغزل بيه ويمشي وراها وهي تمشي سريع وكفت اباوع من بعيد واني افور من الغضب
ماحس الا وجار الجنطه منه ودارهه لجهته