بين الحـﮩ❥ ـْﮧۧـب والكـبرياء
بقلمي ...زهرة التوليب…
البارت… 40
…………………………………
سَألَتْهُ : كَيفَ الحَياةُ بِدوني ؟ فَأجابَها مُبتَسِماً : وَ مَنْ أخْبَركِ أنّني كُنتُ عَلى قَيدِ الحياةِ فِي غِيابِكْ ..???? !
….………………………………
دخلت وياه للغرفه مدري شبيه انقمتت هو حس علي بساع كال غزل اذ تحسين روحج مختنكه تكدرين ترحين وي ابوج وشوكت مترتاحين تعاي
كتله لا ماكو شي حضني قوي
همس والله اعوضج عن كلشي
اريد اكمل كليتي
يجرالج
وكل سبوع اني يم بابا
تدللين يابه كل شروطج مجابه بس سكتي تقرب مني وهو يحتضن وجهي بلهفه .....…
ابتعدت منه خليت ايدي ع صدره..اني اروح وي بابا باوع مستغرب.. ليش
لاتفهمني غلط بس ملابسي وكل غراضي هناك
يي ع راحتج
ماعرف حسيته ضاج بس مبينه ..اندك الباب كالوا
..غزل ابوج
حضنته كتله علي لتضوج مو بعد سبوعين لزواج ياسمين عود جيبني بيهن بقت ع السبوعين ذن اخذله صفنه
كال روحي
خفت من صفنته كال يلا روحي ابوج حيروح.. اذ هشي يزعلك انسه
لابويه ميزعلني روحي لاغير رائي ..
ياسمين
بعد ما تم العقد جهزت ماما روحه حتئ تروح
حضنته وبقيت ابجي حيل لاول مره احس بمعزه ماما رغم ان هي تميز ساره عني بكلشي بس هلمره اريده حتئ لو تسوي كلشي
حجيت بشهكه حتجين مو.. مسحت دموعي لايمه
اشوف اخوتي استقبلوني زين ع زين
ماقبلو اجرلي شقه هناك واشوفلي شغله اني مكاني هنا غلط من اول ماطلكت من ابوج جان لازم ارجع لهلي محد الي هنا باست راسي وراحت دنكت وابجي حيل
حجه امان الي هستوه دخل
ميصلح البجي يابه بس تكولين اني اوديج بايدي
كال كلمته وترخص يودي ماما حسيته بعده ضايج مني
هو و حسام راحو وياها للمطار
غزل
رحت وي بابا جهزت كلشي رحت لصالون.. صبغت شعري سويت بشرتي فرحتي مانطيه بكنوز احس ان علي صحيح تغير مو بس حجي
ذاك الشخص المغرور الي ميدنك راسه هسه لان راسه اليابس
يوميه بليل يخابر نبقئ للصبح..
طلعت من الغرفه ..لكيت ابوي مدنك ويبجي شهكت بخوف وركضتله
خير بابا
باوعلي وعيونه مغوركه دموع
مات..
الكاع افترت بيه صارت روحي بعلي
كوه نطقت ممم ننو
ذياب
ااه اشون صار هيج
جر نفس قوي وكمل بصوت مكسور والكلمات كوه تطلع منه صاكيهم قرب الحدود ولازمين عدهم كرستال ومواد مخدره يتاجرون بيه لزموا قسم منهم
بس ذياب و2 وياه كدره يشردون صعدو بسياره وشاخطين بيه ولان الشرطه وراهم ويمشون سرعه.. سووه حادث وگبت سيارتهم
جثته صايره رماد..حتئ متتميز عن الجثث البقيه
دنكت ابجي بعده شاب مشاف من حياته شي لا كسب دنيته ولا كسب اخرته
الله يغفرله ويسامحه هذا يومه مات ما راضي ربه
يا ما يطغي بني ادم ويضلم..
وينسه ربه وينسه الموت.. ويصير عبد لاهوائه وللشيطان ويامل نفسه بان العمر كدامه وحيتوب لهناك ويحصرنا ملك الموت
ونتمنئ بس لو نرجع للحياة جان صليانه وصمنا
رغم ان الفرصه جانت كدامنا
………………………………..
بعد مرور سبوعين ..
مرت اسبوعين ع وفاته لذياب واليوم عرس ياسمين
ابوي جانت صحته متسمحله يروح ويانه لان كلش تاثر بوفاته وحقه
اجذب اذ كلت ما متاثرة لموته لان ذياب بداخله خوش انسان وكلبه نضيف لاكن ضلم ابوهه اله والادمان هو الي خربه.. وصله لهحاله
جنت بصالون منتضره علي يجي ياخذني للقاعة.. تاخر كلش وكل ماخبرله يكلي مسافة. طريق واني يمج..
كلهه طلعت حتئ سهام اجه حسام الهه واخذه اجيت اروح وياهه بس مقبل و
بقه يصيح
انتبهت لساعه ايدي العرس صارله ساعه من بدئ اجيت ابجي الادخل العينتين
اخذ ايدي وفتح الباب حتئ ادخل ..سعد وساق السياره بسرعه كال اسف حبيبتي تاخرت عليج..
بس تعرفين عرس وهوسه وكلشي صار بسرعه وابوي الله يكتب سلامته ليكول اني المعرس كربني كراب
باوعتله مخفف لحيته ..واول مره يلبس زي رسمي هيج..قاط زيتوني ونضارت سود وساعه ومحبس شذرته خضرا قريبه الون القاط..
كتله ..رقمك يحلو
ـ ضحك بقوه .. كال ماعندج خوات تتحرشين بولد العالم.. ناس متخاف الله
كتله… انت المتخاف ربك گلبنه ميتحمل هيج ترئ… وجماله تبيع ثكل
رافع وجه ويضحك حيل صار وجهه احمررر… كال اخخ مرتي انحرفتي مو خوش خبر ..
درت وجهي منه واني اضحك……..يتبع
""""""بقلم:-زهرة التوليب""""""
ان شاءالله التكمله باجر..
أنت تقرأ
بين الحب والكبرياء
Romanceإهـمال عـنيد و كـبرياء مـقيت جـعل الـحب بـينهم اخـرس لا يـتكلم إلا بـ الـعيون...! الصراع بين العقل والقلب هي المعركه التي تخرج منها في كل الاحوال خاسرا..! اما خاسراً مبادئك او خاسراً لسعادتك
