بين الحـﮩ❥ ـْﮧۧـب والكـبرياء
بقلم…زهرة التوليب...
البارت.. 37
…………………………………
يمه شفته لو متت بدمي هذا سواها صدك
كتبتله بساع علي اني راجعه ارجع لمكانك حرجع والله
تنفست الصعدا من شفته هز راسه ورجع لمكانه يراقب..
لزمت راسي وحجيت بكذب ..بابا راسي ياذيني خلي نرجع
شبيج بنيتي هستوج تحجين عادي ..ماعرف بابا الله يخليك خلي نرجع
حجه ذياب هستوهم ..خلو الاكل بعدنا مماكلين شي..
مست بترجي.. ماكدر ابقئ دخت كلش
ابوي كال يلا امشو اخذت جنطتي ومشيت
وكف كبالي ذياب وصاير قريب مني
كال غزل شبيج اوديج طبيب ..باوعت لعلي شو هذا واكف ع حيله ويخزر بيه وياشرلي اطلع..
كتله لا ميحتاح غزل خلي اخذج لاتعاندين.. هسه وكتك يمعود دامشي عني لانسحل
حجه ابوي خليه يابه ع راحته
سعدت بسياره اجت عيني ع سياره علي دايمشي ورانا اجيت ابجي اخاف يوكف السياره ويسويه صدك ويتعارك وي ذياب
وبابا وياه سكر مو مال هبطات
خليت راسي ع جتف ابوي حضني كال شبيج بويه ليش ترجفين
ضميت راسي بصدره.. وضليت ابجي.. فرحت كدرت اغير نفسيتي شوي اجا علي وضلماهه عليه
كل ساع اوخر التفت وهو ورانا
وابوي وذياب مبطلو اسئله
خليت راسي ع جتف بابا وغمضت عيني خلص اهدي لتخافين
نمت صدك مكعدت الا من كالو نزلي وصلنا
انتبهت من بعيد..علي مخلي سيارته براس الشارع يادوب مبينه.. ويراقب ربك ذياب سلم ع بابا وديروح بس لحضه خلي احركه..
من يوم لكلي
حزوج ساره واني ضاله بنار واعرفه ساره لا خجل ولا مستحه:- كتله لا وين رايح انزل اتغدا ويانه
..سفره دايمه ..هاي تحجي صدك انت من عزمتني مو قبلت هسه دورك حتئ تقبل واني خربته ومخليتكم تتغدون
كولو دخل ذياب…
وحترك النقال مكالمات خليه ما احضره
خليته صامت ودخلت سويت الغدا وداحرك بالكدر
ابوي كال انتي تعبانه روحي اني اكمل عنج.. لابابا
شوي صرت احسن ..
ساعه ومديت السفره
ودخلت للغرفه باوعت من الشباك علي يفتر يم بابنه
يروح. ويجي يريد يدك الباب ويرجع
باقي ميكدر..يفرك اديهه ومحتار
نزلن دموعي ليش مجاي احس بفرح شهتناقض الاني بي
راح اموت احس اكو خنكه بصدري..اباوعله كعد ع رجليه ورجع راسه للحايط ومغمض عينه حيل.. وجكارته بحلكه..
أنت تقرأ
بين الحب والكبرياء
Romanceإهـمال عـنيد و كـبرياء مـقيت جـعل الـحب بـينهم اخـرس لا يـتكلم إلا بـ الـعيون...! الصراع بين العقل والقلب هي المعركه التي تخرج منها في كل الاحوال خاسرا..! اما خاسراً مبادئك او خاسراً لسعادتك
