part18
كمال عالهاتف:هيا اطلعي انا برا
بيان:تمام ووقفت هاجر اللي في راسك غلط وحاولي انك تنسيه وتعيشي حياتك خير ماتقعدي عايشه ندمانه
هاجر:ان شالله خير
طلعت بيان وواضح عليها تفكر في شي وطول الطريق ساكته
كمال:شد يدها وباسها اللي واخد عقلك
بيان:شنو
كمال:خيرك من لما ركبتي ساكته في شن تفكري
بيان:لا شي عادي
كمال:نقولو بهي استحشتك
بيان:كلها ساعتين اللي غبت فيهم
كمال:بنستاحشك حتى دقيقتين عندك مانع
بيان:لالا ابدا 🤗
خدو عشا وروحو
بيان:حبي
كمال ياكل:اها
بيان:نطلب منك طلب
كمال:امري
بيان:نبي نزور ماما 😔
كمال:حاضر غدوة نرفعك تزوريها ونزورو حتى امي بهي
بيان:اوك حضناته بقوة ربي مايحرمني وجودك في حياتي انت اماني
كمال:امين نقولك سر
بيان:شنو
كمال:خيرك بعدتي تعالي 👩❤️💋👨👩❤️💋👨
بيان:حبيبي خلاص نبي نركب لي لوكه
كمال:تو تسيبي راجلك وتركبي لصاحبتك
بيان تلعب بلحيته:بعدين نقعد معاك غير بنشوفها توتي في حاجات قريب موعدها
كمال:اتكى عالصالون بهي بري اركبي وماتعطليش
بيان:حاظر وركبت شن ديري
ملاك:بنطبق الكلينكس
قعمزت جنبها:هاتي نعاونك
ملاك:خيرك انتي في شن تفكري
بيان:اووف كان نحكيلك يالوكة تعرفي خايفه
ملاك:من شنو تقوليش مراد
بيان:لالا بس ...
عند هاجر طيب في الغدا وسرحانه لين حست باسلام يبوس فيها طول بعدت:اهلين
اسلام:اطفي عالغدا وتعالي
هاجر:اهو قريب يطيب ونحطه
اسلام بعصبيه:قتلك اطفي عالهم والحقيني وطلع
هاجر خافت منه وطلعت مترددة قعمزت بعيد عليه:نعم
اسلام يحاول يتماسك اعصابه:ممكن نعرف خيرك
هاجر:خيرني
اسلام:شن خيرني شايفه وضعنا طبيعي اثنين متزوجين يتعاملو مع بعض تقول خوت متخاصمين
هاجر:انت هدا اللي يهمك تبي حقك
اسلام تعصب:ماتغلطيش وادوي معاي كويس رهو صبري ليه حدود انا لو نبي حقي ويهمني الشي هدا رهو خديته منك من اول يوم وانتي عارفه اني نقدر وماحد يحكي معاي بس انا محترمك ومقدرك قلت متوترة قلت خايفه كل يوم نطلعلك في عذر نساير فيك كيف تبي وانتي ولا كأنه في شن غلطت معاك بالك دايرلك شي بدون مانحس يابنت الناس قبل نتزوجك كنتي معاي عسل شن فيك توا
هاجر تبكي: شي مافيا شي
اسلام قرب منها:بهي خيرك يا قلبي علاش ديريلي هكي خلينا حلوين مع بعضك عارفتني نحبك نموت لما تبعدي عليا بالطريقه هدي
هاجر:بس انا مانبيش نقرب منك
اسلام حس قلبه بيوقف:علاش اعطيني سبب بس
هاجر:هكا بدون سبب
وقف وبعد عليها:تمام براحتك ديري اللي تبيه وطلع
قعدت تبكي وشاده قلبها:ياربي انا شن درت كيف فكرت هكا شن ذنبه هوا مش قادرة نشوف لعيونه 😢😢
عبير طالعه مع صاحبتها دور في المحلات
صاحبتها:امشي بسرعه يابنت
عبير:علاش مستعجلة نبي ناخد حجات حلوة للبيبي
صاحبتها:بنت ولا ولد
عبير:نعرفش ماقالوش كيف بتخش لمحل عثرت في الباب
شدها ولد
عبير:بارك الله في..هدا انت 🙄
ايهاب:وخيرني انا كان ماشديتك رهو الناس كلها تضحك توا
عبير دفاته:بهي قلنا شكرا مابردك
ايهاب:وخيرك لابسه روحك انتي بشويه عليك
عبير:شن دخلك وبعد عليا كان فيك الخير رهو مش مسيب حوشك ويمكن خوتك لازينك 😏
ايهاب اضايق من كلامها:صح مافياش الخير اشبحي كويس مرة ثانيه وانتي ماشيه مش كل مرة حد بيشدك ومشي
صاحبتها:خيرك تكلمتي معاه هكا حرام عليك يبان طيوب
عبير:اووف هيا نروحو
صاحبتها:مش قلتي بتاخدي لبس
عبير:معاش صارلي هي حطيني عند ملاك
فتون:خلاص ياعامر تحشم امك معانا
عامر:بهي استحشتك 🤤
فتون:برا قعمز في الصاله خلي نحط الغدا
عامر:ايح علينا وطلع
فتون تضحك عليه كملت الغدا وطلعاته تغدو وغسلت الماعين:نديرلك شاهي عمتي
ام عامر:لا بنيتي صحيتي انا بنحط راسي نرقد بري شوفي راجلك
فتون:حاضر وخشت لدارها
عامر يتفرج عالتلفزيون وقالب وجهه 😤
قعمزت جنبه:خيره حبيبي مايبيش يكلمني
عامر:نحي بنحضر البرنامج
ضحكت:بس هدا فيلم ياروحي
عامر:مادخلكش
فتون:بهي ياقلبي كنت مشغولة خيرك
عامر:خلاص خليك مشغولة عادي انا مش مهم الصبح ديري الفطور واطلعي مع امي وفي الغدا مش لاهيه بيا وحتى توا بري قعمزي معاها علاش جايه جنبي
فتون 😓😭😭
تلفتلها:اشش ماتبكيش يا عيوني خلاص اسف مانبيش شي غير بلا بكي
فتون:انا مش قصدي بس عمتي نحبش نخليها بروحها مرات تحتاج حاجه وانا مش معاها
عامر:عندك حق حتى انا زودتها اسف يا روحي انتي قايمه الحوش كله بروحك وتهتمي بامي جميلك مش رح ننساه
فتون: مش جميل امك هيا امي وهدا واجبي انا مش مضايقه بس نحبش تزعل مني
عامر:مش زعلان انا بس مستاحشتك وباسها بقوة
فتون:نحبك
عامر:نتعب انا 😍😍
بيان تتصل بكمال مايردش قلقت عليه اتصلت باحمد:ايوا
احمد:اهلين بيان كيف حالك
بيان:تمام قتلك نتصل بكمال مايردش بالله شوف واحد من صحابه
احمد:تمام هي
الساعه10في الليل انفتح الباب وخش
بيان مشت تجري حضناته وتبكي
كمال:علاش البكي اهو روحت
بيان:وين كنت من ساعه3نتصل بيك
كمال:عندي خدمه عيوني مافضيتش وهاتفي ناسيه في السيارة
بيان:اها خيره ريحتك هكا
كمال:خيرها
بيان:شي هي اركب غير نديرلك عشا
كمال:لا ماتعبيش روحك متعشي
بيان:وين تعشيت
كمال:جابولنا عشي في الخدمة
بيان بعدم اقتناع:بهي صحتين
كمال باسها:سلمك نغير ونجيك مستاحشك موت
هزت راسها ومشت قعمزت
روح اسلام شاد جاكيته في ايده وشنطه اللابتوب عاكتفه
هاجر:الحمد لله عالسلامه
اسلام:سلمك
هاجر:هي غير خلي نحط العشا
ركب بدون مايرد عليها غير لبسه ونزل قعمز ياكل بدون كلمه وهاتفه في ايده
هاجر تحاول تفتح معاه موضوع ومترددة:اسلام
رد عليها:اها
هاجر:عادي غدوة نمشي لفتون
اسلام:علاش
هاجر:ليا فترة ماشفتهاش استاحشتها
اسلام:تو نشوف
هاجر:لو مش فاضي نكلم كمال
اسلام بحدة:ماتكلمي حد اسمي راجلك حتى لو رافضتني
هاجر:انا ما
اسلام:امتي بتمشي
هاجر:بعد العصر
اسلام:تمام تصبحي عاخير وركب
قعدت تشوفله ودموعها خدو طريقهم عاخدها 💔
في مكان ثاني لينا فترة عليه
خشت عليها امها:نوضي اطلعي من دار اللي حابسه روحك فيها يابنيتي لاه عليك
نادين:خليني في حالي ماما
امها:بوك يسأل شن جاكم انتي وراجلك فجأة تقولي اطلقت وماتبيشي يمشي لكمال
نادين:ايه مافيش داعي يمشيله عادي ماتفاهمناش واطلقنا
امها:كيف وانتي كان ماخداكش رهو متي شن تحسابيني مش حاسه قداش تحبيه
نادين:نحبه يا ماما ونموت فيه بس خداته مني لكن والله ماني مخليتها تتهنى بيه
امها:فكينا وريحي روحك الدنيا نصيبات واهو حتى بعد تزوجتيه طلقك ارضي بنصيبك وتو يجيك اللي احسن منه وطلعت
نادين:نبيه هوا انا ولو نقتلك يابيان مش رح تتهني معاه
ثاني يوم الصبح فتحت عيونها مالقاتاش جنبها طلعت دور فيه مش موجود خدت هاتفها واتصلت بيه
كمال:صباحها قطوستي
بيان:وينك
كمال:طلعت عندي شغل
بيان:شغل شنو هدا اللي مخليك معاش فاضيلي بكل
كمال ضحك:تو نفضى بيك ونقولك شن الشغل
بيان بزعل:امتى بتروح
كمال:ماتزعليش
بيان:قولي
كمال:العصر
بيان:تمام براحتك وسكرت مشت دوشت وفطرت وقعمزت اتصلت بهاجر:كيف الحال
هاجر:تمام وانتي وكمال
بيان:فكيني منه خوك بايخ طالع ومخليني بروحي
هاجر:نفس الشي اسلام يطلع الصبح يروح الليل
بيان:شن وضعكم
هاجر:قعدين زي قبل
بيان:هاجر حرام عليك تعذبي فيه عاخاطر سبب زي هدا
هاجر:بهي شن تبيني ندير انا عارفاته غلط ونادمه بس معاش قدرت نتراجع
بيان:ربي يهديك
هاجر:بنمشي ندير غدا تو نحكو سلام
دارتله كل حجات اللي يحبها وكانت تبي تبدا معاه من جديد
روح الساعه 2 خش للحوش وفي يده الدخان
هاجر انصدمت لانه اول مرة تشوفه يدخن:اهلين
اسلام بدون نيه:اهلا
هاجر:بديت دخن
اسلام:من قبل ندخن بس وقفت فتره وتوا حنيتله
هاجر:علاش
اسلام:يريح فيا
هاجر:بس يضرك
اسلام:مش حايضرني اكتر من هكا
هاجر:نحط الغدا
اسلام:مانبيش كولي انتي
هاجر:بس
اسلام:بنرقد
هاجر:تمام نزلو دموعها مسحتهم طول
روح كمال المغرب:غزالتي
بيان:هوا هدا عصرك 😒
كمال:هههه معليشي عويناتي طلعلي شغل مهم لازم نكمله
بيان:بجوك جت بتمشي
شدها ولصقها عالحيط:خيرك علينا
بيان:حول بنمشي نحطلك تاكل ولا متعشي 😏
كمال: ارحميني راني تاعب بكل وليك عليا غدوة الضحكه ماتفارقش وجهك وعد اميرتي
بيان شدت جاكيته:يعني نتأكد انك كنت في الخدمه
كمال ضحك بصوت عالي:تي انا ماخديتك لين شاب راسي تبيني نزيد نفكر تاني مستحيل
بيان:نحبك
كمال:تعالي نوريك كيف نحبك انا
بيان:بهي غير نحطلك عشاك
كمال:فوتيه توا لازم نثبتلك حبي لازم
بيان:بلا براده
كمال:حي عليك وبارد ثاني تو نوريك وسكرو الباب 🤗
الصبح
كمال:هيا نوضي يا خميرة
بيان:نحي بنرقد
كمال:بهي معناها نمشي للخدمه انا
ناضت وقفت:لالالا خليك معاي اليوم
كمال يضحك:للدرجه هدي
بيان قعمزت:والله نفد بروحي حبيبي وشبحت عاجنب شن هادو
كمال يبوس فيها
بيان:كمال نكلم فيك
كمال:ها ها هادو شناطينا
بيان:علاش
كمال:صحاب الحوش لزونا 😁
بيان:بلا براده
كمال تي بنسافرو يا مهبولة شهر سكر
بيان 😍😍😍اسمه شهر عسل
كمال:اللي هوا المهم معاك 🤤🤤
بيان:نموت فيك وناضت تجري
بعد ساعه طلعو ومشو لتونس ومنها طلعو للمغرب
وصلو الساعه 7للفندق
بيان دور في الجناح:محلاه حبيبي حبيته
كمال طاح عالسرير:اطفي الضي وتعالي
بيان:مش جايني نوم
كمال:تي اطفي النم
بيان خافت طفاته وخشت تجري للسرير
قعدو اسبوع فيها عاشو احلى ايام ولفو اجمل المناطق ومخلى في خاطرها شي
عند فتون عامر معيشها اميرة ومش منقص عليها شي هيا وعزوزتها متفاهمين وفتون متعلقه بيها هلبا
اما هاجر اسلام بدي اغلب وقته في الخدمه يروح يرقد طول ومعاش يحكي معاها هلبا
في يوم خشتله في داره:نبي نحكي معاك
اسلام:تفضلي
هاجر: انا.......
اسلام 😡😡😡😡
توقعاتكم للجايه
