part6
كمال:هيا يما وقت
امه:بهي غير علاش مستعجل
كمال: خيرك يما ماتبيهاش?
امه:لا ياوليدي غير وقت بكري عالاقل فوتت امها خمسه شهور
كمال:لالا هوا هداكا
فتون:انا فرحانه اخيرا بنجهز عرسك
كمال:سلمها بنوتي
رفعهم لحوش بيان وبعد ساعه اتصلو بيه مشالهم
ركبو في السيارة وجوهم ماتتفسرش وقعدو طريق كلها ساكتين
كمال:شن صار
امه:تو نوصلو حوشنا ونحكو
وصلو ونزلو
كمال:شن يما امتى حددتو
امه:شن بنحدد انت بعقلك ولا هبلت
كمال:خيرك
امه:كيف ترفعنا للبنت وهيا مخطوبه لولد عمها
كمال ضحك:بلا جو ديرو فيه امتى نفضو
امه تكلمت بعصبيه:قتلك البنت مخطوبه لولد عمها ترا بلا لعب فروخ مشيت وتبعتك غير خسرت جاهي وردوني
كمال:تي شن تقولي يما بيان مش مخطوبه
امه:هيا بروحها قالت خاطبني ولد عمي ومافيش نصيب
كمال حدف المزهريه كسرها:تبصرو ها قولو كذب تي هدي ليا انا
فتون تبكي
هاجر:ربي يهنيها هيا خسراتك تلقى احسن منها
كمال:مانبيش احسن منها انا تبدا هيا اسوء بنت عالارض نبيها كيف تقولو هكا وطلع
هاجر لحقاته بتوقفه بس بدون فايده
في حوش بيان
مراد مقعمز قدامها ويبتسم:تراهني انه حبيبك شويه وبيجي
بيان تبكي وبس
مراد:نعدوله
بيان:ربي ياخد فيك الحق
مراد: 1.2.3.4.5. بدي الباب يطق بقوة
بيان انخلعت وزادت في البكي
مراد ضحك:وقت قياسي الصراحه شكله نارك في قلبه قويه
بيان:مستحيل نطلعله
مراد:لا بتطلعي يا روحي وبترفضيه انتي زي ما اتفقنا هي ياشطورة
بيان مشت بخطوات مترددة وتتمنى تموت قبل توقف في وجه حبيبها وكل دنيتها
كمال حاس بقلبه بيوقف ونار والعه فيه:افتحي النم احسن مانهده بياااااان 🤬🤬
فتحتله الباب ووقفت قدامه تشوف للارض
كمال يحاول يحكي بهدوء عارفها تخاف منه لما يتعصب
"حتى وهيا كاسراته مزال يهتم بادق تفاصيلها" 💔:شن اللي قالوه
بيان:اسفه
كمال:شن تخرفي انتي مش تحبيني كيف يعني مخطوبه وبتتزوجي ولد عمك كيف ماتقوليش انك ماتحبينيش انه كل شي كان كذب
بيان:ايه كان كذب انا مش مرتاحه معاك مخنوقه مستحيل نتزوجك ونعيش معاك هدي حياتي اللي نبيها
كمال قعد يشوفلها: من اليوم انتي متي وعطاها بظهره ربي يرحمك ومشي
بيان طاحت على ركابها تبكي:سامحني يا روحي سامحني
مراد وراها:انا روحك بس
بيان تبكي وتتفكر في كمال
كمال نزل ركب للسيارة وعيونه حمر
اسامه:شن قتلك
كمال:روح بيا
اسامه فهم انه صاحبه تعبان ومش رح يقدر يحكي اي شي طلع حطه في الحوش وروح
هاجر:شن صار
كمال مافتحش فمه بكل ركب لداره طول قعد مقعمز عالسرير ويشوف للفراغ يذكر فيها وقلبه مش راضي يقتنع انه بيان دارت فيه هكا وببساطه في لمح البصر خسرها وبياخدها غيره
رن هاتفه
كمال:ايوا
الشخص.........
كمال:تمام ساعه ونكون غادي
لبس بدلته العسكريه ووتى شنطته ونزل
امه:وين ياوليدي
كمال:استدعوني في الخدمه
امه:لا ماتمشيش تشوف في وضع البلاد قعمز
كمال:هدي خدمتي ردو بالك على روحكم باس راس امه وطلع
يسوق بسرعه قريب يقلب السيارة ويذكر في كلامها
انا مخنوقه مانقدرش نعيش معاك
نزلت دمعته اول مرة في حياته تنزل على حد
عند بيان مقعمزة تبكي وترعش خايفه
"اكيد تفكرو شن جبر بيان تتخلى على كمال اللي تعشقه وتوافق تتزوج مراد بس مش رح نحكيلكم توا 😁😁"
خش عليها اسلام:هبلتي انتي كيف ديري هكا
بيان:درتها وخلاص
اسلام:مستحيل اكيد هددك قولي شن دارلك وانا معاك والله ماني مسيبك بس ماضحيش بروحك هكا
بيان:خليني اسلام خلاص اللي صار صار
مراد:عين العقل يا روحي
اسلام تلفت لخوه وضربه بوكس:حقير يا تافه شن درتلها
مراد يبتسم:اسألها ولو عندها جرأه تو تحكيلك شن دارت هيا
اسلام: مش حانخليها تتزوجك
مراد ضحك بصوت عالي:سبق وقتلك توقف في وجهي قاتلك يا خوي 😏
بيان شدت اسلام:خلاص اطلع منه الموضوع انا نبي نتزوجه بهي
اسلام:انا نعرفك مستحيل تقبلي بيه المريض هدا
بيان:وقبلت وبنتزوجه
اسلام:ضرب ايده في الحيط وطلع
مراد:شنو عيوني
بيان:خليك قد كلامك
مراد:قده وحياتك مانتراجع فيه ويجي يوم تحبيني
فاتو شهرين فيهم تزوجت بيا ومراد وملاك معادش تكلم فيها طبعا بدون ماتعرف السبب وقفت مع سلفها 💔
ام كمال تعبت هلبا ودخلوها للمستشفى
كمال في الخدمه معاش يروح بكل
"الوقت هدا بدايه 2011يعني بدايه الثورة كيف بدت الدنيا تتلخبط وطبعا كمال مستحيل يتراجع في خدمته"
اتصل بيه اسامه:الو وينك
كمال:تشوف في حال البلاد والله مانفضا بكل
اسامه:امك تعبانه
كمال:كيف من امتى
اسامه:ليها 3ايام في لمستشفى تعالى شوفها خوتك مش قادرين يوصلو فيك "طبعا وقتها التغطيه باي باي"
كمال:تمام
نزل خدي اذن وطلعو معاه صحابه يأمنوله في الطريق باش يوصل
خش للمستشفى
هاجر وفتون جوه يجرو حضنهم
فتون:وين كنت ياكمال ماقدرناش نكلموك بكل
كمال:عمل بنيتي مافيش تغطيه خيرها امي
هاجر:جلطه ربي يشفيها كل يوم تقول نبي نشوفه.
د: الوالدة تبي تروح للحوش تقدرو تاخدوها
كمال:شن وضعها يا دكتور
د:ربي يفرج وخي
روحو بامهم وقعمزو الكل جنبها
كمال:سلامتك يا تاج راسي
امه:وليدي نبي نحكيلكم شي
كمال:ارتاحي توا ولاحقين عالكلام
امه:لالا نبي نحكيلكم توا
زمان قبل بوك ياخدني كان متزوج ومرته جابت وليد وتوفت بالمرض العافن ماباش حد ياخده ويربيه وقعد بوكم يعاني بروحه لين تلاقينا يوم في مستوصف جاي يعاين في ولده وقعدنا نهدرزو وقتله انا نربي ولدك ومانعده الا ولد بطني واكثر وبعدها باسبوعين تزوجنا وربيتك لليوم مانحس فيك الا اغلى حتى من صغاري
كمال يشوفلها بصدمه:قصدك انا مش
امه:لا ولدي انت ولدي انا ربيتك وكبرتك
ايهاب:كمال خونا من بونا بس
امه:الدنيا فيها حياة وموت وماتندريش على ربي امتى ياخد امانته انا حكيتلك باش يكون عندك علم بس
كمال باس ايدها:ربي يخليك لينا يا ضي الحوش
بعد يومين توفت امهم وكمال انهد ضربتين حسهم قتلو كل شي حلو في قلبه خسر حبيبته وامه وااليوم بيدفنها تحت التراب ويدفن حبه معاها
روح من الجنازة ماحكاش مع حد قعمز مع الناس يتلقى في التعازي
العصر طلع بيركب لداره
نادين:البقيه في حياتك
كمال:حياتك الباقيه
نادين:سمعت انها سيباتك
كمال:ايه سيبتني
نادين:انا مستحيل نتخلى عليك وقلبي ليك انت وبس
كمال:انا اليوم دفنت امي وقلبي معاها معادش نحب حد بعدهم وفاتها.
ركب غير وقعمز يشوف في صور امه
هاجر طقت الباب وخشت:اصحابك يبوك
كمال:اني نازل لبس جاكيته وطلع
كيف بيركب سيارته سمع صوت خلى عيونه تولع تلفت
بيان:عظم الله اجرك
كمال:شكر الله سعيك
بيان قدمت خطوتين
كمال رجعهم:تفضلي وخيتي
بيان:ماتكرهنيش
كمال يشوف لعيونها ويتكلم بكل ثقه:نعرفك انا!
بيان نزلو دموعها:كمال
كمال قام حاجبه بمعنى شن تبي
بيان:انا كنت
نادين:مش تزوجتي شن مزال تبي منه
كمال:خشي البسي خرا على راسك شن طالعه هكا
نادين:حاضر يا قلبي وشافت لبيان باحتقار ومشت
بيان: انا
كمال ركب سيارته وطلع بدون مايعبرها
بيان مشت لملاك:لوكه
ملاك:نعم شن تبي شن جايه ديري هنا
بيان:ارجوك اسمعيني ماتقتلينيش حتى انتي
ملاك:نقتلك هههه وانتي شنو درتي كسرتيه بعد ما حبك. انتي بسببك عمتي ماتت من القهرة على ولدها
بيان:والله ماكنت نبي يصير هكا
ملاك:وصار. تفضلي برا
بيان:ملاك انا صاحبتك
ملاك:معادش عندي صاحبات
بيان روحت للحوش وخلاص خسرت الكل معادش عندها ولا اي حد
اسلام:بس لو نعرف شن الي خلاك توافقي
بيان:نبي نقعد بروحي
اسلام:تمام
كمال قعد يومين في حوشهم وبعدها رجع للخدمه
بدت الحرب ومعادش فيه تغطيه او شي اللي عنده حوش معادش طلع منه خوته وخواته بيموتو عليه ومشغولين بس مش عارفين يوصلو فيه بكل
كمال واصحابه كلهم في الجبهة
في يوم وقف الضرب شويه
ضابط:كان نلقى كيف نوصل في عيلتي يا شباب مشغول عليهم
كمال:كلنا نفس الوضع وخي ربي يفرج
ضابط: عليك قصه
بدي الضرب وطلعو كلهم
كمال يشوف في صاحبه حدفو عليه رمانه وقف وبيمشيله حس بحاجه اخترقت جنبه طاح على ركابه وظلمت الدنيا.....يتبع
