part3
بيان تلفتت وتجمدت في مكانها لما شافت كمال واقف ببدلته وواضح على وجهه التعب وانه فيه فصله في الطريق احتمال تقتلها 😩اشرلها براسه وطلع
فهمت قصده ولحقاته طول للمكان اللي يقعمزو فيه
كمال ضاغط على سنونه:من الخرا اللي كنتي واقفه تتسهوكي معاه
بيان بخوف:هدا
كمال:ادوي احسن مارقبتك نكسرها راني شاد روحي بالسيف
بيان:هدا ولد خالتي ويقرا معايا كنا نحكو عالماده والله
كمال:تشوفي في منظري ليا ثلاثه ايام مش شايف النوم نحس في جسمي متفصل من بعضه وجاي نبي نشوفك قبل الكل
بيان:انا
كمال:اسكتي ماتقولي شي ارجعي هدرزي واضحكي بس اقسم بالله يا بيان حانحاسبك عليها اللقطه هدي
بيان:بس
كمال:مانبيش نسمع شي بري على حالك ومشي ركب سيارته وطلع بسرعه
بيان:ياربي
روح كمال للحوش وخش طايرتله يقربع
امه:الحمد لله عالسلامه
كمال:الله يسلمك وباس ايدها كيف حالك ياامي
امه:حالي بهي خيرك
كمال:شي
امه: ربي يهدي
كمال:خيرك يما
امه:لا شي قلت ربي يهديها اللي حارقتلك دمك
كمال:بهي بهي 😒انا بنرقد مايقربني حد وركب لداره
عند بيان روحت طايرتلها قابلها
مراد:اهلا بالجميله
بيان 🙄:فوتني
مراد:من معصب حلوتي واليوم نقتله
بيان بعصبيه:حبيبي بهي
مراد بدي وجهه احمر وقرب منها شدلها ايدها بقوة:تبصري
بيان:لا ونحي يدك احسن لانه لو عرف حايكسرهالك
مراد:حانقتله ونبكيك عليه دم
بيان:ربي يشفيك ومشت وخلاته
"وهنا مراد رح تتغير معاملته مع بيان. طول الفترة اللي فاتت يتعامل معاها بحنيه بس توا خش طرف جديد عليهم ورح يجبرها تختاره وتسيب اللي تحبه"
فاق كمال من النوم وفكر في ايهاب ماشافاش اليوم طلع من داره ويمشي قرب من دار ايهاب يسمع فيه يحكي عالهاتف
ايهاب:تي علاش الزفت يزيد في حقها والله تحشمت من كثر طلبت من خوي
الشخص:.........
ايهاب:بهي نبي حبوب انا ضروري راسي بينفجر معاش متحمل بالسيف متحكم في روحي قدام العيله
هنا كمال قربع باب الدار برجله وخش
ايهاب انخلع سكر الهاتف
كمال يعيط:شن هوا اللي تاخد فيه
ايهاب:شش..شي خيرك
كمال شده من شعره:قلت شن تاخد
ايهاب دفه:قتلك ماناخد في شي يا راجل شن المعامله هدي مانيش فرخ انا
كمال:لا بالله ماكش فرخ التصرفات هدي مايديرهاش الراجل اصلا يديرها العيل بس
ايهاب:تي خليني في حالي
كمال جبده من لبسه وطلع:ماتبيش تقول ولا
ايهاب:نحي يدك مادخلكش فيا هي
كمال ضربه كف:انا تقولي مادخلكش فيا انا اللي ربيتك يا حيوان شن هوا اللي منقصه عليك ها قولي تي عمري ماسألتك شن بدير بيهم الفلوس بس الحق مش فيك في الحمار اللي مخليك على راحتك
طلعو خواته وامه على صوته ونزل احمد ومرته
احمد:خيركم شن فيه
كمال:الكلب هدا يتعاطى في حاجه
ايهاب:ماناخدش في شي
كمال:سكر فمك مانبيش نسمعه صوتك وتوا نشوفو
امه:غير اطلقه يا وليدي هوا تو يحكي بروحه
كمال:تي شن يحكي بروحه ياامي حتى انتي تزيدي فيه
ايهاب: حول بهي
كمال ركبه في السيارة وطلع بسرعه
هاجر:الحقهم يااحمد بالله عليك
وصلو لعيادة نزل كمال:انزل
ايهاب:لا مش نازل
كمال:اقسم برب العباد ندفنك مكانك وماواحد يفتح فمه انزل قتلك
ايهاب نزل وخش معاه بهدوء
كمال:نبو تحليل دم وبول
الممرضه عطاته ورقه التحليل ومشو
كمال:خش
ايهاب:بتخش معاي 😱
كمال:ايه مهو الثقه انعدمت هيا ماتعطلنيش
خشو وعطاهم ايهاب العينات وطلعو قعدو يستنو 3ساعات بدون ولا كلمه بينهم
نادتهم الممرضه وخشو للدكتور
كمال:نبي نعرف شن يتعاطى
الدكتور:خوك يتعاطى في حبوب....... والواضح انه ماليشي فترة طويله اثرها في دمه مش قوي
كمال:تمام منور وطلعو
ايهاب ماحكاش حرف وراسه لوطه
روحو للحوش نزل كمال ركب لداره طول
امه:شن وليدي ماتاخد في شي ولا
ايهاب:خلوني في حالي
هاجر:تكلم كويس مع امك
كمال:خود
ايهاب تلفت وشافله بصدمه:تبصر صح
كمال:شايف على وجهي اي علامه للبصارة انت
هاجر:كمال
كمال:مايكلمنيش حتى واحد الفرخ هدا من يومه مدلع واللي يطلبه يلقاه ومرتاح واخرها يخشلنا عالمخدرات ويبدا مدمن
ايهاب:شن يعني تقتلني
كمال:لا مهو مدام تبيش تبدا راجل وتتربى انا نربيك وتتمرمد باش تعرف ربي واحد
ايهاب:انا مانبيش
كمال:وانا مانسألش فيك انا نأمر توا
ايهاب يعيط:بلاش منه الجو هدا علاش ديما انت تعطي الاوامر واحنا نفذو ديما تعاملو فيا اني فرخ فديت كرهت روحي
كمال قرب منه:انت كرهت روحك مالا انا وهاجر شن نقولو تعرف لما مات بوك قداش كان عمرنا. تعرف اني سيبت القرايا وخدمت باش تاكلو تعرف شن يعني اختك تبدا تقرا وتخدم باش انا نقدر نخش الجيش وتوا تقول كرهت روحك بس لانك الصغير هه تي اعطيني حد يهتم بيا هكا وان شالله يحطولي زلباحه مش غير يقولولي فرخ
امه تبكي
كمال:اركب البس وانزل
ايهاب خدي اللبس وركب لداره
طلعو بعدها واتجهو لمقر التدريب اللي مسؤول عليه
كمال:سجل المتدرب الجديد ايهاب عمر ال.......
وتلفتله تركب تستلم مكانك وزملائك رح يحكولك على النظام هنا بس انت لانك معرفه بنخليلك تدريبك شهر واحد بس 😉
ايهاب:يعني شهر ونروح
كمال ابتسم:ايه شهر وتروح
ايهاب ركب وتعرف علي المتدربين اللي معاه وقعمزو يهدرزو
محمود:انت خو الضابط كمال
ايهاب:ايه
محمود:وشن جاك خاش هنا مضحي بروحك
ايهاب:علاش خيره خوي
محمود:نار حمرا 🔥
ايهاب بلع ريقه بخوف:شن يعني
محمود:قداش مده تدريبك
ايهاب:قلي شهر بس
محمود ضحك:الله يرحمك شهر يعني مكثف وفي فترة قصيرة. ربي يعينك ويقويك
ايهاب:شن قصدك
محمود:نوض ارقد لانه الساعه 6 نكونو في الساحه ومع الوقت تعرف
ايهاب نزل يدور:كمااال
كمال من وراه:وطي حسك وهنا انا الامر ليكم مش كمال
ايهاب:شن معناها تدريب شهر واحد
كمال: تعرف تطبخ دحيه في ثانيه وحدا وتكون طايبه كلها
ايهاب:شنو
كمال خبطه على كتفه:غدوة تفهم اركب ارقد هي
ايهاب:اووف
كمال 😒😒
الساعه 6 كانو كل المتدربين في الساحه
كمال لابس سرواله العسكري وتيشرت نص كم ويديه ورا ظهره: مجموعه التدريب المكثف يطلعو بروحهم
طلعو مجموعه وايهاب واقف مش فاهم شي
كمال بصوت عالي:ايهاب عمر اطلع معاهم
وبدي يعطي فيهم التدريبات وياناري على ايهاب جهده طاح وكل مايغلط يقوله عاود من الاول
فاتو اسبوعين ايهاب مرض من الماكله والجو اللي تغير
ضابط:كمال خوك مريض
كمال ببرود:زي الباقي
ضابط:قصدك
كمال شبحله:هدي خدمه مش لعب قتلك زي الباقي والصبح نلقاه مع الكل في الساحه 💪💪
بيان قريب تحرق الهاتف اتصالات وهوا مش معبرها
بعدها قرر يرد
كمال:ايوا
بيان:اخيرا رديت معقولة هكا حبيبي اسبوعين مش عارفه نحكي معاك
كمال:وشن يعني متي ولا صارلك شي
بيان:تقساش عليا هلبا 💔 رهو ماعنديش غيرك انت وامي نشوف فيك سندي وقوتي
كمال قلبه حن:بهي واللي درتيه صح!
بيان:غلط واسفه
كمال:تو نروح ونتفاهمو
بيان:بنمشي لي لوكه غدوة تعالى
كمال:يصير خير
بيان:اوك دير بالك على روحك غزالي وسكرت
في مكان ثاني
مراد يضحك:هوا قرب على شخص انا مستحيل نتخلى عليه وهكا يكون لعب في حياته وحياة عيلته وخلي اللعب يبدا 😈
الشخص:شن نديرو معلم
مراد بخبث:........يتبع
