part19
اسلام:تفضلي
هاجر: نبي نحكيلك شي بس قبله نبيك تعرف اني مش نحبك نموت فيك يمكن عقاب من ربي ليا
اسلام:للدرجه هدي تشوفي في حبي غلط 💔
هاجر:مراد خوك يبي يكسر كمال في عيلته كلها واكيد عرفت انه بسببه ايهاب ادمن المخدرات وخلاه يقطع خيوط سيارة ام بيان وبعدها قعد فتره يجي للعيادة ويحكي معاي لين حبيته وتعلقت بيه وبدينا علاقه حب فتره بس بعد كمال خدي بيان وايهاب جاني مراد واعترفلي انه كل شي لعبه ويضحك عليا واستغلني باش يكسر كمال بيا ويخليني نكره بيان ونضرها تعبت هلبا بعد سيبني وتعاركت مع بيان وقررت اني ننتقم منه بنفس طريقته
اسلام بصدمة:شنو
هاجر:ايه لقائنا في الشركة ماكانش صدفه واتصالاتك كلها وحبك ليا كان هدفي وزواجي منك كان بس انتقام لكن للأسف ربي في الوجود وماخلانيش نظلمك وزرع حب ليك في قلبي كأني ماحبيتش في يوم كل ليله نبكي لانك بعيد لاني معاش قادره نقرب منك حاسه بي ذنب بيقتلني
اسلام:يعني شنو كل شي كذبه
هاجر:اسفه بس والله نحبك
اسلام عيط:كذابه انتي من وين جبتي قوة ديري فيا هكا شن ذنبي انا طول عمري ضد مراد مافيش يوم اتفقنا تجي توا تقتليني بسببه
هاجر تبكي حاولت تقرب منه دفها بقوة لين طاحت
اسلام بدي يكسر في الدار كلها والمرايات والتحف:حبيتك من كل قلبي حبيتك وكأنك كل عيلتي درتك امي واختي وبوي علاش هكا هدا يوجع فيا كل يوم حسيت اني جارحك او غالط فيك بدون مانحس
هاجر:نحبك والله
اسلام بدي يبكي:مانكرهش زيك في الدنيا هدي تطلعي من حياتي كيف ماخشيتي فاهمه
هاجر:لالا مانبيش خليني معاك ارجوك
اسلام:حانطلقك
هاجر:لاااا مانبيش بالله عليك خليني معاك. ماتعاقبنيش هكا
اسلام طلع وخلاها تبكي
عند كمال وبيان
سافرو لماليزيا
بيان:نموت فيك انا
كمال:هلبا!
بيان:اكيد فوق ماتتصور
كمال:بهي غنيلي
بيان:بس صوتي فضيع 😨
كمال:اللي هوا انا خاطري نسمعك تغني
بيان:ياحضي شاتمنى بعد والغالي باحضاني قعد مثل النجم حظي صعد ✨شااتمنى وانت بين ايديا اشعلني باحضانك شعل منك حبيبي شلون امل عمري انت يالبيك احتفل شااتمنى وانت بين ايديا 😍 منا لحد ما اموت اضل باحضانك 🤤ماانسى حبك يالصعب نسيانك للماي ما اعطش ابد كل عمري بس انا يالغالي صرت عطشانك🤗
كمال:تي نموت في دين امك يافرخه وقعد يبوس فيها 😘😘😘😘
عند ايهاب
صاحبه:بهي برا لمصحه نفسيه عادي
ايهاب:تي شن مصحه نفسيه حتى انت
صاحبه:وشن يعني عادي نعرف عياده فاتحه جديدة جنب حوش خوي وقالو فيها دكاترة جدد كيف مروحين من برا
ايهاب:قولتك
صاحبه:اي هيا نوض نمشو وطلعو مع بعض
خشو للمصحه
رسيبشن:تفضلو عندكم موعد
ايهاب:لا بس نبو نشوفو دكتور
رسيبشن:تمام الدكتورة كيف واصله تفضلو ارتاحو شويه وندخلك
بعد عشرة دقايق خبط الباب
دكتورة:تفضل
ايهاب:صباح الخير
دكتورة تشوف للاوراق قدامها: صباح الورد ا 😦 ايهاب
ايهاب:هوا انت تي شن طالعتلي في السحبه 🤯
عبير:حظك عاد 🤭 ارتاح ولا تبي نشوفلك الدكتور الثاني
ايهاب قعمز:لا اللي هوا حتى انتي بس امتى دكتورة وجو
عبير:انا من قبل نقرا برا روحت في عرس ملاك قعدت اسبوعين وبعدها رجعت لبريطانيا تخرجت وروحت ليا سنه وهنا خدمتي 😌🤗
ايهاب:اها كويس وتوا شن بديريلي
عبير:اول شي عبي الورقه هدي باش نفتحلك ملف هنا وبعدها نبدو الجلسات وحسب وضعك نوصفلك ادويه او تكمل جلسات عاديه
ايهاب كتب الورقه
عبير:برا ارقد عالسرير هداكا و طبعا كل اللي هنا سري بيني وبينك ومستحيل يطلع برا لاني حالفه حياة المرضى سريه وبرا الباب هدا ماحد يعرف شي
ايهاب:تمام انا تعبان بكل ليا فترة لا ليلي ليل ولا نهاري نهار نادم وندعي لربي يرحمني ويسامحني 💔
عبير:اهدى وحاول ماتشدش اعصابك واحكيلي بشويه من وين ماتحب انت ابدا عادي وانا معاك ونسمعلك
بدي ايهاب يحكيلها على حياته من الاول وكل شي صار معاه وعبير تسمعله ومصدومه
كمال مقعمز عالسرير ويخدم عاللابتوب لين جاه اتصال فيديو:اهلا غريب متصل فيديو
احمد يضحك:مهو لازم تشوف المفاجئة وقلبله الكاميرا
كمال بفرحه:ايااه توأم مره وحدا 😍😍 الف مبروك يتربو في عزك
جت بيان:مني توأم
كمال:احمد جاه توأم ولاد
بيان:الله لوكه جابت وانا مش معاها 💔😍😍
وقعدو يتفرجو عليهم ويهدرزو مع احمد
ملاك:هي امتى بتروحو
كمال:مزال شن خصكم بينا
ملاك:لا بس غير
كمال:علقت مرتك 😂😂
احمد:خليها في حالها وقولي بجديات امتى جايين
كمال:بعد اسبوعين
عند هاجر قعدا عاحالها تبكي وخلاص اسلام ماروحش للحوش وهيا بتموت خايفه عليه
فاتو الاسبوعين
طالع اسلام بيمشي للشركه
هاجر:صباح الخير
اسلام ماردش عليها وماشي جيهة الباب
هاجر:شدت يده خلينا نبدو من جديد والله نحبك انا 😓
اسلام:معاش بينا شي يروح خوك من برا وترجعي لحوش بوك وحقك كله عندك
هاجر بدت تشوش قدامها الصورة وطاحت بين ايديه
اما عبير مقعمزة وتستنى في ايهاب اللي تعودت عليه
ايهاب:صباحك دكتورتنا
عبير:اهلا صباح النور 🤗
ايهاب:تفضلي هديه بسيطه
عبير:السبب
ايهاب:انتي ساعدتيني هلبا وانا بجد بديت نرتاح وحاس بتحسن وهدا شكر مني ليك
عبير:تسلم
قعمز عالسرير ويشوفلها:هي بدينا
عبير ضحكت:ايه هي كلي اذان صاغيه
ايهاب:بهي ممكن نسألك خارج الخدمة
عبير:شنو تفضل
ايهاب:انتي مرتبطه!
عبير:وعلاش هالسؤال
ايهاب:هكا جايبلك عريس الحق
عبير طارتلها:ماعنديش وقت للدوة هدي انا هنا نشتغل مش نتسلى
ايهاب:بهي تمام سكتنا 😌
بعد ساعتين
عبير:زي ماقتلك خود الدوا هدا مره قبل ترقد بساعه ومدتله الحبوب
شد يدها معاهم:شكرا
عبير:وايدي ?
باسلها يدها وطلع
اسلام:خيرها
دكتور:هبوط بس من قلة الماكله ركبنالها تغذيه وبعد تفيق تقدر تروح بيها
بعد يومين مقعمز في محل صاحبه لين وقفت سياره قدام المحل نزلت عبير ومعاها ولد
خشت:السلام عليكم
ايهاب:وعليكم
خشت دور هيا وياه ويضحكو ويختارو في لبس
ايهاب بيموت دمه محروق وقف ومشالها:تفضلو تبو شي معين
عبير:اي احنا نختارو في هديه لماما وماعرفناش نثبتو على راي
ايهاب:اها خليني نوريك عبايات جدد كيف واصلات
الولد جاه هاتف طلع يحكي برا
عبير:حلوات
ايهاب شدلها يدها بقوة:منو هدا اللي معاك
عبير:ااي يدي خيرك
ايهاب:ادوي مني الفرخ هدا
عبير:ولد خالتي نحي
ايهاب:وولد خالتك تضحكي معاه هكا
عبير:وشن يعني عادي
ايهاب:ماتعصبيش فيتي نقولك كلمه معاش تعاندي
عبير:وشن خصك فيا والله
ايهاب:قعد يشبحلها
عبير دفاته:مادخلكش بيا فاهم من انت باش تقولي معاش تطلعي مع ولد خالتك
ايهاب:تي نحبك الهم نحبك واضحه زي عين الشمس علاش ماتفهميش
عبير 😨😨
ايهاب:تسمعي فيا
عبير سيبت كل شي وخدت شنطتها وطلعت مؤيد هيا بنروحو
ولد خالتها:علاش مش بتاخدي العبايه
عبير:ماصارليش هيا نروحو
مقعمزة هاجر في الصاله وتفكر في اسلام لين انفتح الباب وخش والصدمه من معاه 😓
مراد:اهلا بمرت خوي 😅
هاجر:شن دير هنا
مراد:حوش خوي 😌
هاجر تشوف لاسلام ومش عارفه على شن ناوي
اسلام:اسبقني للمكتب
مراد غمزلها ومشي
هاجر قربت منه:علاش جايبه شن تفكر
اسلام:مانفكر في شي خليك بعيده بس
هاجر:بس انا خايفه منه
اسلام:شن بيديرلك يعني مهو تحبيه
هاجر:ماديرش فيا هكا انا نحبك انت
اسلام:معاش تفرق اركبي لدارك وماتطلعيش لين نقولك
هاجر:حاضر وركبت
خش اسلام لمراد وقعمزو يحكو وقت طويل
روحو بيان وكمال واستقبلهم
احمد:الحمد لله عالسلامه
كمال:الله يسلمك وروحو
بيان:شن بتسميهم
احمد:ايهم واياد
بيان:حلو ان شالله من حملة كتاب الله ✨
كمال:وخيرك ماتسميش عليا 😒
احمد:الجاي ان شالله 😂
وصلو خشو يرتاحو
بيان:نديرلك تاكل
كمال:لا نبي بنت انا
بيان:شن خطرلك
كمال:شن خطرلي يعني كبرت خلاص بديت شايب
بيان:لالا قاعد شباب والشيب زايدك النص
كمال:شن يعني 🙄
بيان:مزال شويه
كمال:تو نتفاهمو انا بنرقد شويه وبعدين بنمشي لاسلام
بيان انخلعت:خيره اسلام
كمال:مافيه شي خيرك مخلوعه ليا فتره عليه بنشوفه هوا وهاجر
بيان بتوتر:اها نمشي معاك!
كمال:عادي تعالي نرقدو
بيان:هههه لالا ارقد بروحك ني بنمشي نشوف البيبيات
كمال:بهي بهي
الساعه 10
ملاك:فرخه عبير تعالي هاتفك يرن
عبير:ايوا
ايهاب:استحشتك
عبير:من معاي
ايهاب:على اساس ماعرفتيش صوتي 😁
عبير خشت للدار وسكرتها:شن تبي مني
ايهاب:نحبك
عبير:بهي فهمت
ايهاب:خيرك معاي
عبير:ماخيرني شي
ايهاب:ماتحبينيش
عبير:سكتت
ايهاب:تمام اسف ازعجتك وسكر
عبيرقعدت تتفرج عالهاتف
ملاك:وينك ياهم
عبير:انتي علاش مفهمتني اني خدامتك
ملاك:خيرك حبيبتي
عبير:ايه لما تعرفي روحك طيرتيها قولي حبيبتي
خش احمد:خيرك عليها
ملاك:شوفها حبيبي 😢
عبير:مابردك ديري في حسابك غدوة مروحه للحوش انا دبري من يخدمك
ملاك:احمد 😨
احمد:ها عيوني خلاص اهدي تو نشوفلك شغاله تجي ضم الحوش وانتي خليك مع الصغار بس
عبير:اسملله علينا 😏
ملاك:سلملي راجلي 😌💛
اسلام خش للدار:تقدري تطلعي مراد روح
هاجر وقفت:علاش جاي هوا
اسلام:شي مايخصكش
هاجر:بهي نديرلك تاكل
اسلام:ايه جعان وديري في حسابك غدوة بنرفعك لحوشكم
هاجر بخوف:علاش
اسلام:لانه زواجنا كله كذب خوك كان جاينا اليوم واكيد رح يعرف انه كل شي كدب
هاجر بدت تبكي:ماتبيش تسامحني ناس كلها تغلط وانا مااذيتكش جيت واعترفتلك بكل شي علاش تعذب فيا والله قلبي يوجع فيا
اسلام قرب منها ودفن راسه في شعرها:جبرتيني نحبك حبستيني فيك ومش مخليتني نطلع طيحتي اسلام اللي ماعمره بنت لفتت نظره واخر شي يطلع كله كذب بسبب شي انا مالياش ذنب فيه
هاجر:نحبك
اسلام:معاش يفيد نبي تطلعي من حياتي بس
هاجر:انت هكا تبي
اسلام زاد حضنها بقوة وكأنه يودع فيها:هكا نبي
حست بدموعه علي رقبتها:حاضر رح نطلع من حياتك
اسلام:ورقتك تو توصلك وطلع
فات اسبوع عبير تستنى في ايهاب كل يوم بس ماجاش
قررت تتصل بيه رد بعد 3مكالمات:الو
ايهاب:اهلين
عبير:كيفك
ايهاب:كويس
عبير:حتى اني تمام
ايهاب:دوم عليك
عبير:علاش ماجيتش الاسبوع كله
ايهاب:ماعندك ماديري بوجهي نبيش نضايقك
عبير:بس انت ماكملتش جلساتك وعلاجك
ايهاب:مادورينيش عادي
عبير بترجي:ايهاب
ايهاب:ها ياهمي
عبير:تعالى
ايهاب:علاش شن تبي فيا ماتزيديش تقتليني
عبير:بهي تمام سلام وسكرت
كمال خش للحوش:قطوستي
بيان:تعالى في المطبخ
خشلها حضنها ويبوس فيها:مستاحشك مووت
بيان:هي قعمز الغدا واتي
كمال:بسرعه نحس في روحي تالف
بيان:حاضر ها كملت كول انت نركب نشوف الصغار ونجي
كمال:وين امهم
بيان:عندها مراجعه رفعها احمد والصغار قعدا معاهم عبير نشوفهم ونجي
كمال:ماتعطليش بنرقد
ركبت شافتهم ورفعت لعبير من الغدا ونزلت
بيان:صحه حبيبي
كمال جبدها من يدها:سلمك باسها ورقد في حضنها نحبك
بيان تمسح على شعره:واني نعشقك يا بعد طوايفي
كمال:طوايفي صار
الساعه 6 رن هاتفه ناض شاف بيان راقده ويدها على شعره
كمال:ايوا
احمد:كمال ملاك مش لاقيها الحقني
كمال:كيف مش لاقيها وين بتمشي مرتك
احمد:مانعرفش خشت لدكتورتها وانا مشيت للسيارة بنجيب هاتفي جيت معاش لقيتها والدكتورة قالت طلعت
كمال وقف:وين انت
احمد:عياده .....
كمال:اني جايك
بيان:شن فيه
كمال:احمد مش لاقي مرته
بيان بخوف:وين بتمشي ملاك
كمال:مش عارف بنمشيله هوا خاش بعضه مش رح يعرف يتصرف
بيان:بهي رد بالك على روحك
كمال:حاضر اركبي فوق للصغار تو نجي وطلع
قعدو يدورو عليها بس مالقوهاش بكل
بيان مقعمزة تسكت في اياد وصلتها رسالة "بيبو الجميلة تبي ملاكك الحلو اتصلي بيا" حست بقلبها بيوقف وارتعبت:عبير ترا خوديه عندي مكالمه
خشت للدار اتصلت طول
جاها صوته: اهلا اهلا بالجميلة
بيان:انت حقير كيف تخطف ملاك
مراد:اممم لانك تحبيها مثلا
بيان:انت واحد مريض
مراد:مريض بيك وحياتك توا يا حلوة معاك نفس المده اللي عطاهالي راجلك باش نطلقك يومين والثالث تعطيني قرارك تجيني ونرد صاحبتك لراجلها اللي صارعتنا بيه
بيان بدت تبكي:ملاك مريضه يا حيوان
مراد:يااي شن يعني كان مريضه في الحفظ والصون ماتخافيش عليها تشاو يا حلوة وسكر
قعمزت بيان وتبكي خايفه على ملاك هلبا والاكثر انها تعبانه لانها كيف جايبه
اتصلت بكمال:نعم
بيان:مراد
كمال:خيره
بيان:خدي ملاك 😭😭😭
كمال:اووف ياربي
بيان:قلي تعالي بدلها
كمال:تفكريش نهائي
بيان:بس ملاك تعبانه
كمال بعياط:قتلك ماتفكريش مستحيل نخليك تمشي ثاني مانتحملش تبعدي ثاني بيان ماتقتلينيش
بيان:تعالا
كمال:حاضر شويه ونجي
احمد:وينها قولي رجعت للحوش
كمال:مرتك خداها مراد الزفت
احمد:شنوو وشن دخل مرتي مشكلته معاك ولا مع ملاك
كمال:هوا هكا يبي يضرني بيكم هيا روح لصغارك وانا تو نلحقك
اتصل بساريه صاحبه وطلعو يدورو فيه مالقوشي نهائي
روح احمد وحكالهم
عبير تبكي:نبي اختي انا مالياش علاقه فيكم
بيان:اهدي بهي ان شالله كمال رح يلقاها
عبير قعمزت وتفكر اختها توا وين وشن تحس وهل كويسه ولا تعبانه
روح كمال الساعه12 خش شافها مقعمزة تبكي مدلها يده:تعالي حبيبي
حضناته بقوة:كله بسببي
كمال:اهدي حانردها وحياتك
بيان:صغارها بكري يبكو مش قادرة نتحمل
كمال:بهي غير ياسر بكي
قعمز وقعد يهدي فيها لين رقدت
اما احمد وعبير ولا غفالهم جفن
عند مراد
ملاك تبكي
مراد:ياسر الزفت وجعتيلي راسي
ملاك:سيبني نمشي لصغاري انا شن درتلك
مراد:مادرتي شي هدا علاش انا حابسك هنا بس والا كنت قتلك بكري
ملاك خافت:شن تبي
مراد:بيان
ملاك:اطلع برا
مراد:خليك ساكته وفكينا من العياط هما يومين وبعدها بتقلبي وجهك وطلع
الصبح هاجر تلم في لبسها وتتمنى يجي يقلها خليك
خش اسلام:صباح لخير
هاجر:صباح النور
اسلام:بنرفعك لحوش خوك
هاجر:تمام اهو ناخد في لبسي
اسلام:سيبي اللبس بنرفعك لاحمد
هاجر:علاش خيره احمد
اسلام:ملاك خاطفها مراد
هاجر:كييف
اسلام شد يدها:اهدي انا توا بنرفعك لحوشكم ونمشي نشوفه ان شالله نقنعه يسيبها
هاجر:لا ماتمشيش خوك حقير ومرات يديرلك شي
اسلام:مش حايدير شي هيا البسي بسرعه
هاجر تجرأت وقربت منه باساته:نحبك
اسلام:نستناك في السياره
تجمعو الكل في حوش العيله وكمال واحمد واسلام توزعو يدورو على مراد
عبير تفكر في ايهاب هوا الوحيد اللي قعد مع مراد فتره وعارف كويس مكاناته ناضت طلعت برا واتصلت بيه
ايهاب:اهلا دكتورة
عبير:ايهاب
رد عليها:روح ايهاب خيرك من مزعلك
عبير:مراد خاطف ملاك
ايهاب:شنو امتى هدا
عبير:امس
ايهاب:فاسد
عبير:تقدر تساعدنا
قعد ساكت فترة ويفكر كيف بيشوف خوته ويخش الحوش ثاني بس عاخاطرها مستعد لكل شي:روحي ليك
عبير:انت اكثر واحد تعرف مراد ووين ممكن يكون
ايهاب:ساعه ثانيه ونكون عندكم
الساعه 1كانو الكل يستنو على نار
طق الباب
فتحت عبير:خش
ايهاب متوتر:السلام عليكم
ردو عليه
ايهاب: ان شالله نقدرو نلقوها مني بيطلع معاي!
كمال:انا وعامر وساريه محسن
احمد:حتى انا
كمال:لا خليك هنا
"اكيد تفكرو كمال علاش مبعد احمد عاكل شي لانه احمد من صغره هادي ومش متع مشاكل وفي المواقف اللي زي هدي مايعرفش يتصرف وعنده القلب يعني الكل يخاف عليه فا مبعدينه عاكل شي يوتره وهوا يعتمد على كمال ويوثق في كلامه"
طلعو عامر ومحسن في سياره وكمال وايهاب في سياره
ايهاب ساكت ماتكلمش بكل
كمال:شن علاقتك بعبير
ايهاب:عادي
كمال:كيف عادي شن بينكم بالزبط وعلى شن ناوي للبنت مش برانيه ره
قص عليه ايهاب:انا معادش نتعاطى والله معاد حطيت حاجه في فمي تبت ونصلي في كل وقت في الجامع اسال عليا حتى في جامع...... وعبير دكتورتي ليا فتره نتعالج في مصحتها النفسيه
كمال هز راسه
وصلو للمكان الاول مالقوشي ونفس الشي في مكان ثاني
كمال خبط السياره:اووف
عند البنات
رن هاتف بيان:الو
مراد:فكرتي
بيان:لا
مراد:بهي بجوك صاحبتك اليوم تعبت
بيان:خيرها
مراد:شن عرفني انا شن قالولك دكتور
بيان:نكرهك سكرت عليه
ايهاب يدور ويتفكر وين ممكن يكون مراد
بعدين اذكر شي قرب من كمال:اسمع خلينا نمشو بروحنا
كمال:علاش
ايهاب: مراد ممكن يدير اي شي رهو مايهمه حد
كمال:ياجماعه انا بنروح بعتولي رساله من الحوش
ايهاب:نجي معاك
كمال:هيا وانتم خليكم دورو
طلعو وايهاب يسوق بسرعه قريب يقلب السياره
كمال:وين خاش بينا
ايهاب:الحوش في مكان بعيد شويه
وصلو لقو مراد مقعمز يدخن
ايهاب خشله:سلام
مراد انخلع:انت شن جابك هنا
ايهاب:جاي بنروح بمرت خوي
مراد:ههه في احلامك
ايهاب قعمز جنبه:ومرات الاحلام تتحقق
مراد:شن سمعت تعالجت
ايهاب:اي والله تبنا والحمد لله عقبالك
مراد:مش ناوي قبل مانقتل خوك
ايهاب:لاه عليك
كمال يدور لين لقاها:ملاك انتي كويسه
وقفت بتعب ووجها اصفر:الحمد لله
كمال:هي تعالي معاي
طلع هوا وياها ومشو وسيب ايهاب
مراد:عموما مرت خوك قعدا عندي توكل انت
ايهاب:براحتك ووقف طلع لحقهم للسياره وروحو
خشت ملاك تبكي وتحضن في احمد:استحشتك حبيبي
احمد:وانا اكثر يا عيوني
كمال:بالك معاكم ناس وتتحشمو
ايهاب طلع بيروح
عبير:ايهاب
ايهاب:نعم
عبير قربت منه:شكرا مستحيل ننسا وقفتك معاي
ايهاب:قتلك روحي ليك
عبير:انا
ايهاب:خيرك
عبير:اممم نحبك
ايهاب:احلفي
عبير:والله
ايهاب كيف بيقرب طلع كمال
عبير تحشمت وخشت
كمال:وين ماشي
ايهاب:للحوش
كمال:وين قاعد
ايهاب:مع سمير مأجرين شقه مع بعض
كمال:اها وتخدم
ايهاب:ايه نخدم مع عمه عنده محلات عاطيني واحد
كمال:كويس
ايهاب:هي سلام ومشي
في الليل
بيان:وين لقيتها
كمال:ايهاب يعرف الحوش هوا رفعني
بيان:اممم
كمال: ساكت ويفكر
بيان:حبي بنقولك حاجه
كمال يمشي في يده على شعرها:قولي
بيان:علاش ايهاب مايروحش هنا قصدي حرام يقعد بعيد عليكم وهوا مظلوم مراد استخدمه باش يكسرنا ومتأكدة لو كان عارف انها سيارة ماما مش رح يقطع الخيوط
كمال:به
بيان:سامح خوك ورجعه ربي مايوريك وحده انك تعيش بروحك ماليكش حد
كمال:ان شالله
ثاني يوم طلع هوا وياها للمحلات يدورو
لين فجأه عيط كمال باعلى صوت:بياااااااان....يتبع للحلقه الاخيرة 😁🤯😘😘
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
