الانفجار ( الملاك الأسود)

الفصل الرابع عشر

قبل مانبدأ الفصل حابه اقول لهمس كل عام وانتي بخير ياحبي @SaifAna6 بجد من أحسن الناس اللي كسبتهم هنا
وكمان حابه اشكر اكتر حد شجعني وهي سعاد اختي الكبيره قلبي بجد من اوائل الناس الي شجعتني علي الفيس وهنا بجد بجد كلكم بلا استثناء شجعتوني ووقفتوا جنبي كلكم بتفرحوني بتعليقاتكم اللي زي السكر وغاده بنت عمي واختي اللي شجعتني اني اكتب روايه من الأساس
وبنات كتير جدا هنا مش عارفه اسمهم بس عارفاهم وعارفه شكل الاكونت بتاعهم وبستني تعليقهم بجد بلا استثناء شكرا شكرا ليكم كلكم وبجد انا معرفش الأسماء بس اعرف مين كل يوم بيعلقلي فممكن بقي اللي يقرأ الروايه دي ومتابعها وبيعلقلي يقولي اسمه لان يشرفني كتير اني اكسب اخوات بجد حابه اعرفكم اسفه طولت عليكم بس هي همس اللي فتحت الموضوع 😂😂😂كل عام وانتي بخير ياهمستي ♥️ ♥️ ♥️

رساله اليوم :💋
مش يمكن اللي نفسك فيه يجيلك بدعوه ف ركعتين قيام .. قومي اطلبي من ربك كل اللي بتحلمي بيه ، هو مش هيتأخر عليكي

*"قم الليل الا قليلا"*

*القيام*💁🏻‍♀
*لأنه يحبك*💛
صلوا على الحبيب المصطفى صلى الله عليه وسلم 💞 💞 💞 💞 💞 💞
开始吧
**************************
وقفنا لما المأذون سأل غاده علي موافقتها
غاده بدموع وقلب مكسور وكأنها تنطق حكم الإعدام علي نفسها /موافق...
فجأه سمع الجميع صوت زغاريط عالي وصوت امرأه وهي تتحدث بصوت عالي /هالله هالله هالله يا استاذ حسين منت حلو اهو وبتعمل أفراح
نظر الجميع لهذه المرأه فوجدوا فتاه تقريبا في العشرينات ترتدي جيب ضيق وقصير وقميص ضيق ومفتوح الازرار وترتدي حجاب يخرج منه نصف شعرها وتضع ميكب كثيف
المرأه بردح /امال ياراجل ياناقص كل ما اقولك اعملي فرح تقولي معلشي ياشوشو ياحبيبتي اصل عمي مات معلشي اصل خالي تعبان وعشتلي في دور ابو تورته
كان حسين يتصبب عرقا مما يحدث
لم تصمت بل اكملت /وديني ان كملت الجواز ده لكون فضحاك يامعفن ياللي بتاخد مصروفك مني وشوووبش
وتخصرت واصبحت تهز رجلها
قام حسين من جنب المأذون وذهب إليها ومسك يدها وقبلها /ياشوشو ده انتي الخير والبركه دي دي بس عشان عشان
شاديه /لا عشان ولا معشانش ده انا هطين عيشه اهلك ياراجل ياناقص
المأذون /ياجماعه هتكملوا ولا امشي لسه عندي زفاف تاني
شاديه /لا ياشيخنا خد دفترك وطريقك أخضر ياحج
حنان /لا يامولانا استني
ضرب المأذون كف علي كف مما يحدث
كل هذا وعلياء تحتضن غاده التي تبكي في حضنها
لاتعرف هل تبكي لما حدث لها ام تبكي لان الله نجاها منهم
شاديه /قدامي ياخويا
سماح /مين دي ياحسين
شاديه /انا مراته يا تيزا
سماح /نعم ياختي مرات مين
ثم نظرت لحسين /انت اتجوزت من ورايا ياحسين ومين من دي
شاديه /ومالها دي بقي ياختي
سماح /اسكتي انتي
شاديه نظرت لحسين /انا راجعه بيتي خمس دقايق الاقيك ورايا
سماح /قدامي ياخويا علي بيتنا
حنان /والفرح
سماح /فرح مين ياختي انتي مش شايفه انا اساسا مش طايقه ام الجوازة دي قدامي يا خويا
بعد مغادره حسين وسماح
حنان وهي تنظر لغادة التي تبكي بشده /عجبك كده فقر زي ابوكي مش هخلص منك بقي
خرجت شهقات غاده اكثر والجميع ينظر لهذه الام التي تبيع ابنتها
حنان /يكون في علمك اول واحد هيجي هجوزك ليه أن شا الله يكون  قد جدك يابنت بطني يافقر
كل هذا وهذا العاشق لايعرف ايفرح لأنها لم تتزوج ام يحزن لحزنها سمع ماقالته والدتها فلم يشعر بنفسه سوي وهو يقول /انا بطلب ايدها منك ياست حنان
حنان وهي تنظر لعاصم /انت قلت ايه
عاصم/احم انا بطلب منك ايد الانسه غاده
حنان /وانا موافقه واكتب عليها دلوقتي وخدها علي بيتك خلينا نخلص
كل هذا وغاده تكاد تموت امها تبيعها لأي أحد
عاصم وقد توتر لانه لايعرف رأيها به /بس اعرف الانسه غاده موافقه ولا لا
حنان /مالكش دعوه بيها موافق ولا لا
عاصم بخوف ان تتراجع /لا موافق
وتم كتب كتاب غاده وعاصم واصبحت غاده زوجه عاصم الذي لا يصدق انها أصبحت حلاله ولكن خائف من رفضها له
علياء وهي تبكي علي صديقتها /قومي ياغاده ظبطي نفسك
قامت غاده وهي تستند علي علياء وفجأه سقطت في الأرض ركض إليها عاصم برعب
واحتضنها قبل وصولها للارض
عاصم /غاده مالك ياقلبي قومي وانا والله عمري ماهزعلك ياقلبي ولو عايزني اسيبك هسيبك بس قومي ياعمري انتي
كان يتحدث وهو يكاد يبكي ويضمها بشده لصدره رأت علياء مايحدث وعرفت ان الذي أمامها عاشق لصديقتها فرحت لان الله سيعوضها به واطمئنت لصديقتها
علياء /احم شيلها يا استاذ عاصم نوديها المستشفي
حنان /اعملوا اللي عايزينه بس يلا بقي من هنا
علياء وهي حقا ستجن من هذه المرأه لايعقل ام وحمدت الله علي والدتها
حملها عاصم وذهب لشقته في العماره المجاوره لعماره حنان
عاصم /لو سمحتي يا انسه علياء خليكي جنبها هروح اجيب الدكتوره في العماره اللي جنبنا
علياء /تمام متقلقش اتفضل حضرتك