عند يسر
بعد ان سافر اهلها اسبوع وبقيت بمفردها ف المنزل
يسر تحدث نفسها:ايه الزهق دا بقى مش كانو يخدوني معاهم احسن م هما سايبيني كدا لوحدي
يطرق الباب
يسر:اتفضلي ي سماح
سماح:انا اسفه ي هانم بس انا مطرة اسافر يومين لان امي تعبانه شويه
يسر:لا الف سلامه عليها سافري براحتك
سماح:ايوه بس انا خايفه من مدام فاطمه لا تتخانق
يسر:ولا يهمك هقولها اني انا الا مشيتك روحي بقى علشان تلحقي توصلي وابقي طمنيني على مامتك والف سلامه عليها
سماح:شكرا لحضرتك شكرا جدا عن اذنك
تغادر سماح وتبقى يسر :اهو البيت فضي عليكي حتى سماح سافرت وانتي قاعده زيك زي الكرسي الا انتي قاعده عليها
اقوم اطلع اتغدى برا احسن من الملل الا انا فيه دا
..............
ريم:لما يجي بس
ناديه:طيب هو كان هيعمل ايه م صاحبه تعب فجاه
ريم:يعني حبكت صاحبه يتعب انبارح
ناديه:يعني هو تعب بمزاجه
ريم:يعني صاحبه والا انا
مازن:انتي طبعا ي قلبي😂😂
ريم:انت شرفت ي باشا
مازن:طب والله العظيم الواد كان تعبان
رييم:ايوه تعبان ما كل الناس بتتعب🙄🙄
مازن:ي بنتي والله كان عامل حادثه ونقلوه المشتسفى وحالته كانت مش كويسه خالص
ناديه:ي قلب امه وانت مقلتش كدا انبارح ليه
ريم:داانا كنت فكراه تعبان عادي
مازن:لا والله عمل حادثه بس الحمد لله عدت على خير
ريم:طيب هو كويس طيب
مازن:ايوه الحمد لله وصلته للبيت وكان تمام
ريم:ماشي هسامحك المرادي بس علشان الحادثه
نازن:يااه على الاخت الطيبه😂😂هروح انام بقى لاني منمتش من انبارح ولما اصحى لينا كلام ماشي😂😂ويغمز ل ريم
ريم:روح روح نام نبقى نشوف بقى
ناديه:والله ناقر ونقير 😂😂😂
ريم:ابنك الا مستفز
...............
عند يسر
كانت خارجه من المطعم حين اعترض طريقها شباب
احد الشباب:وياترى سابك وجاش ليه
الاخر:مسكينه اتغدت لوحدها من غيره
الثالث:لا يجماعه ممكن يكون مستنيها برا😂😂
الاول:مش باين ان حد مستنيكي ي مزه مش عاوزه توصيله
تلتفت يسر لهم وبعصبيه:م تحترم نفسك انت وهو والا انتو بتحبوو تتهزئو
الشاب الثالث:احنا بنموت ف التهزيق
يسر:م انتو ناس مش متربيه اساسا
يتدخل شاب:في حاجه ي انسه
يسر من غير م تلتفت للشاب:مفيش غير شويه عيال هنا
رامي:طيب اتفضلي معايا ي انسه
تلتف يسر لذاك الشاب وقبل ان تنطق تتفاجئ بالشخص
اما رامي الذي تفاجى ايضا وقال:اتفضلي سيبك منه
تتحرك يسر مع رامي ف حين قام احد الشباب بسحب ذراع يسر وها هي ثواني حتى تلقى لكمه قويه من رامي اسقطته ارضا
وبعصبيه:اقسم بالله لو م مشيتو دلوقتي هتشفو حاجه مش هتعجبكم
ذهب الشباب مسرعين خوفا من رامي بعد ان ضرب صديقهم
يسر:شكرا بجد مش عارفه من غير حضرتك كنت هعمل ايه
رامي:ولا يهمك بس انتي دايما كدا بتتخانقي خلقك ف مناخيرك على طول
يسر:لا مش حوار خلقي بس هما ناس قليله الادب اساسا
رامي:متبقيش تمشي لوحدك
يسر بملل:يعني انا لقيت حد امشي معاه وموافقتش يعني
رامي:انتي معندكيش اخوات والا ايه
يسر:نوووو انا بنت وحيده
رامي :وانا عندي اختي بس متجوزه
يسر:ربنا يخلهالك
رامي:ي رب وانتي رايحه فين كدا
يسر:مفيش وجهه محدده بصراحه لا وجهه
رامي:اسمحيلي بقى مبقاش رخم واعزمك على الغدا طيب
يسر ترفع الكيس:عزمت نفسي خلاص😂
رامي:خلاص اعزمك على عصير بعد الغدا لو معندكيش مانع
يسر بابتسامه:ماشي
ف داخل يسر لا تعلم لما وافقت بهذي السرعه ولما ترتاح ف وجوده بجوارها هي لم تره الا مرتين ومع هذا تشعر واكنها تعرفه منذ زمن
اما رامي فلا يعرف ما هذي الجرئه التي اتى بيها وجعلها يعزم فتاه لا يعرفها ولكنه شعر بشي يجبره على فعل هذا
بعد ان جلس رامي مع يسر ف مكان للغداء
رامي:مقلتليش اسمك ايه عموما انا اسمي رامي
يسر:وانا يسر
.........
مها:نعم ي سيف
سيف بضحك:تعالي شيلي عيالك لا ارميهم من الشباك
مها:ليه بس😂
لارا:😂😂قولها ليه بقى ي هندسهه
يارا:يقول ايه والا ايه😂
سيف:هتتنفخو والله
لمى:لا يجماعه عيب
سيف:شفتو العاقله اتعلمو😂😂
لمى:المبشمهندس حاطط صورة ريم تحت المخده😂😂😂
لارا ويارا😂😂😂براااافووو برااافو
سيف يرمي مخده على لمى
لمى:ااه😂😂😂مالك يبني مش تحاسب
لارا ويارا يهجمو على سيف بالمخدات وترتفع اوصواتهم بالضحك
مها:برئيه انتي صح
لمى:انا عملت حاجه😂😂
سيف:دا انتي سوسه😂😂😂
ماهي الا ثواني حتى تمر لحظه صمت على الجميع
لحظه دخول احمد من باب المنزل
احمد:سلام عليكم
مها:وعليكم السلام
اما لارا ويارا نهضو مرتبين الفوضى التي فعلوها
احمد:ايه مالكم سكتو ليه
سيف: مفيش ي بابا
اما لمى فمدت يدها ممسكه بالعصى الخاصه بيها وهمت واقفه مغادرة الصاله
احمد:هو دا اسمه لو حضرت الشياطين
لمى :العفو ي بابا بس تعبت
احمد:ريحي هنا معانا
لمى :انا بحب اريح ف اوضتي
احمد بعصبيه: هنفضل كدا لحد امتى
لمى انتفضت ثم قام سيف بجوار لمى:سيبها ي بابا ترتاح
احمد:وانتي مرتاحه كدا وانتي سايبه القعده الا كنتي قاعداها وتخشي اوضتك ف هي دي كدا الراحه
مها:خلاص ي احمد سيبها براحتها
لمى بحزن:عااوز تعرف ليه علشان انت السبب ي بابا
كل يوم اصحى من النوم ابص من المرايه ومشفش حاجه اشوف سواد كل يوم اقوم من النوم واتسند على الحيطه علشان اعرف امشي كل يوم وانا مفتحه عيني بشوف سواد كله سود في سواد
علشان مستقبلي الا ضاع
علشان كدا مش عاوزه اقعد لاني مش شايفه غير سواد ف سواد
لحد ما السواد دا يروح هبقى اقعد ي بابا
فاكر ي بابا لما قلت لماما انك مش حارمنا من حاجه واي فلوس عاوزينها بناخدها ممكن بقى بففلوسك ترجعلي نظري تاني ممكن😔😔
احمد بحزن:واخرتها لحد فين ي بنتي
لمى:لحد ماارجع اشوفك تاني ي بابا لحد لما افتح عن اذنك
تذهب لمى الى غرفتها وتدخل ف نوبه بكاء على ما اصبحت عليه ماذا ستصبح عليه
أنت تقرأ
أمل واحد يكفي(مكتملة)
Non-Fictionفي نهاية كل طريق يوجد شعاع من النور يضيئ ظلمتنا مهما اشتدت بنا الشدائد هناك ذلك الامل الذي يملؤ قلوبنا الذين يخرجنا من الظالم الى النور ذلك الامل الذي يضيئ عتمه حياتنا مجرد بؤره من الامل تضيئ حياتنا امل واحد نعيش به حياتنا
