الرابعه فجرا
جود:خاااالووو اصصحى
رامي بنوم:ايه ي جود ف ايه
جود:انت وعدتني هتوديني عند ياسو
رامي:ياسو ايه دلوقتي احنا الفجر ي جود روحي نامي ي ماما
جود:ايوه بس انت وعتني
رامي:وعدتك ايه ي جود الساعه اربعه الفجر اكيد مش هروح ليسر دلوقتي واساسا هي نايمه
وانتي ايه الا صحاكي اساسا
جود:ييعني يسر هتبقى نايمه
رامي:ايوه ي حبيبتي هتبقى نايمه
جود:يعني هنروحلها بكره لما تصحى
رامي:ايوه ي حبيبتي روحي نامي بقى
جود تخرج خارج غرفه رامي ثم تعوود بسرعه وتقول:يعني ي خااالو هنروح بكره
رامي بعصبيه:جووود روحي نامي حرام عليكي
تركض جود خارج الغرفه
رامي:استغفر الله العظيم ي رب استغفر الله
الله يسامحك ي جود
................
عند مازن
مازن:ايوه ي سيف معلش صحيتك
سيف:لا ولا يهمك كدا كدا كنت صاحي بصلي الفجر
مازن:طيب معلش ي سيف عاوز منك خدمه كدا
سيف:طبعا اممرني ي مازن
مازن:ليا واحد صحبي الشرطه مسكته بيقولو انو يعرف دكتور هما شاكين انو بيتاجر في المخدرات لو ليك حد تعرفه يخرجه بضمان اقامته لان هو طالب اساسا وملهوش في اي حاجه خالص وامه منهار من العياط والظابط راسه والف جزمه ميسبهوش
سيف:ماشي ي مازن متقلقش الموضوع بسيط ان شاء الله هكلمك الرائد صالح هخليه يخلص الموضوع
مازن:ماشي ي سيف معلش بقى تاعبك معايا
سيف:عيب ي بني انت اخويا يلا
مازن:حبيبي دا العشم بردو
يدخل مازن الى القسم مره اخرى ويصل الى مكتب الظابط
حسنين:افندم ي باشا
مازن:قول للظابط انا مازن الا لسه كنت عنده من شويه تبع حوار ادم
حسنين:خليك هنا لحد ماقول للباشا
يدخل حسنين الى حسن :ي باشا ف واحد اسمه مازن بيقول انو لسه كان عند حضرتك وعاوزك تاني
حسن:مش هنخلص من سي مازن دا دخلوه اما نشوف اخره
حسنين:اتفضل حضرتك
حسن:ها ي هندسه عاوز ايه تاني
مازن:اتفضل حضرتك الرائد صالح مع حضرتك على الفون
ينظر حسن الى مازن ثم ياخد الهاتف منه
حسن:ايوه الرائد حسن مين معايا
صالح:حسحس ايه ي دفعه ناستني والا ايه
حسن:ايه صاصا حبيبي ازيك
صالح:الحمد لله والله انت اخبارك ايه
حسن:انا كويس الحمد لله امرني ي حبيبي
صالح:حبيبي ميؤمرش عليك عدو عندك حد مسكته النهارده اسمه ادم
انا سالت وعرفت الواد مسكينه ووحيد امه وابوه ميت من زمان والواد سمعته زي المسك ومعلهوش ولا غلطه
ف سيبه بقى لانه ملهوش ف الشغل الشمال
حسن:تؤمرني ي حبيبي بس يعني انا كنت شاكك انو يكون يعرف حاجه
صالح:على ضمانتي ي باشا سيبه وعلى ضمانتي
حسن:ماشي يحبيبي علشان خاطر المكالمه الجميله دي بس
صالح:حبيبي منحرمش منك
حسن:اي خدمه مع السلامه مع السلامه
يناول حسن الهاتف ل مازن
مازن:الو
صالح:خلاص ي هندسه هيخرج معاك دلوقتي
مازن:شكرا جدا لحضرتك كتر خير ي رب
صالح:تحت امرك ف اي حاجه مع السلامه
حسن:طيب ي عم مش تقول انك تبع صالح بيه
مازن:مكنتش فاكر ان الموضوع مستاهل قد كدا
حسن:حسنين هاتلي ادم الا مسكناه من ساعتين
حسنين:حاضر ي باشا
حسن ينظر ل مازن:تشرب ايه
مازن ويحاول كتم غيظه:شكرا مش عاوز
يدخل حسنين وبجواره ادم ويبدو عليه التعب وبعض من اثار الضرب
ينظر مازن بغضب الى حسن ويقوم ممسكا ادم
حسن ببرود:خلاص يهندسه صاحبك اهو حته واحده نورتنا ي ادم😂
يمسك مازن ادم ويخرجه :انت كويس
ادم:دا انا شفت ساعه هحلف بيها طول عمري
مازن:معلش ي ادم مامتك لسه رانه عليا ي دوب على ماجيت وعرفت اوصل لحد
ادم بتعب:كتر خير ي مازن متعبك معايا
مازن:متقولش حاجة يبني كلم مامتك بقى دي منهاره من العياط
ادم:ايوه ي ماما
نهى ببكاء:ادم انت كويس يبني
ادم:انا كويس يماما كويس الحمد لله ومروح اهو مع مازن
نهى:ماشي ي حبيبي انا مستنياك
.............
عند لمى
كانت تبكي في غرفتها وتحدث نفسها
انا مش معترضه على قضائك ي رب بس انا تعبت
اديني الصبر اني استحمل ي رب ي رب مليش غيرك وانت اعرف بحالي صبرني وارضيني ي رب😭😭
يطرق سيف الباب ويدخل الى لمى
سيف:بتعيطي ليه دلوقتي
لمى ترفع راسها الى اتجاه الصوت :وانت ايه الا مصحيك لحد دلوقتي
سيف يجلس بجوارها:مفيش يستي قمت صليت الفجر وبعد كدا مازن رن عليا كان عاوز حد يطلع ولد يعرفه من الحبس حوار كدا يعني
لمى:وطلع؟
سيف:ايوه الحمد لله المهم بقى قوليلي انتي بتعيطي ليه
لمى:بعيط على نفسي ي سيف
سيف:مش كنا اتفقنا مره ي لمى
لمى ببكاء:اعمل ايه ي سيف قولي بس اعمل ايه
خطوبه صحبتي كلها كام اسبوع ومش صاحبتي بس دي زي اختي ومش هروحها بسبب الا انا فيه
واخويا هيخطب هو كمان وانا زي ماانا ي سيف يعني كان لازم بابا يعمل كدا علشان يبقى كويس معانا ارتاح كدا مبسوط وهو شايفني مش عارفه اعمل اي حاجه ف حياتي
خلاص بقى فاق وقرر يتغير كان لازم كل دا يحصل علشان يعرف الا بيعمله فينا ويتغير كان لازم يعني😭😭
يضم سيف لمى التي دخلت في نوبه بكاء الى ان هدئت وقال:مين قالك مش هتروحي خطوبه صاحبتك دا انا هجيبلك احلى فستان فيكي ي مصر وهتبقي اجمل واحده ف الخطوبه كلها اجمل من العروسه كمان😂
لمى:لا مش للدرجادي يعني
سيف:لدرجادي ونص كمان هو في مليون لمى يعني
وبعدين مالها خطوبتي دا انتي المفروض تعملي فرح دا انا كنت حاسس انك عاوزه تخطبيلي ريم اكتر من نفسي والله😂😂
لمى:ايوه طبعا فرحانه جدا يعني وريم لما تعرف هتتبسط جدا يعني بس انا كل الا مزعلني اني مش هعرف اشوفكم
سيف:بصي هقولك انا لابس شراب لونه ايه كمان بس متزعليش والله ي حبيبتي كل حاجه هتعدي وتهون
تضم لمى سيف ويقبل راسها :ايه رايك ترني على ريم وتقولها
لمى تمسح دموعها:فكره فكره يلا يلا هات الفون بسرعه ارن عليها
يناول سيف الهاتف ل لمى ويفتح الاسبيكر
ريم بصوت كله نوم:ايوه لمى
لمى:انتي لسه نايمه
ريم:ليه هو المفروض اصحى
لمى:انتي بتهزري الناس عماله تشتري فساتين وانتي نايمه
ريم:فساتين ايه ي لمى انتي سخنه يحبيبتي
لمى:اه صح نسيت اقولك صحيح
ريم بنوم:تقزليلي ايه
لمى بضحك: مش سيف هيخطبك
ريم بصدمه:سيف يخطب مين
لمى:يخطبك يبنتي انتي متعرفيش😂
ريم:لمى مش ناقصاكي على الصبح كدا وبطلي بقى لانك عارفه الموضوع دا انا مبحبش حد يهزر فيه
لمى بضحك:مش بهزر على فكره المهم بقى كملي نوم تصبحي على خير😂😂
لمى:تخيل بقى تروح تسال مازن ويقولها مفيش
سيف:لا ريم متعملهاش وتسال مازن😂انا عارفها
لمى:ربنا يستر😂😂
سيف:يلا بقى نامي انتي كمان تصبحي على خير
لمى:وانت من اهله
يخرج سيف من غرفة لمى ليجد اباه امام الغرفه
سيف بصدمه:بابا!!
احمد بحزن:انا كنت معدي وسمعتها للدرجادي هي بقت كرهاني
سيف:لا ي بابا هي مش كرهاك بس هي بس مدايقه ونفسيتها وحشه من الا حصلها
احمد:انا عارف هي عمرها ماهتسمحني بس مش عاوزها تكرهني
ينظر سيف الى والده ولا ينطق بكلمه
احمد:روح نام يبني يحلها الحلال من عنده
................
عند ادم
نهى:معلش يبني متعباك معانا دايما كدا
مازن:مفيش تعب ولا حاجه دا اخويا وربنا كويس انك كلمتيني اصلا
نهى:دخل نام اول ماجيتو يحبيبي تعبان
مازن:شاف ساعه محترمه يلا ربنا يكون ف عونه انا هروح بقى ي طنط ولو احتجتو حاجه كلميني على طول
نهى:ماشي ي حبيبي طريق السلامه خخد بالك وانت بتسوق
يعود مازن الى منزله فيجد اباه ف انتظاره
علاء:عملت ايه
مازن:الحمد لله الموضوع خلص بس كان حته ظابط رخم رخامه
علاء:يلا الحمد لله وادم عامل ايه دلوقتي
مازن:والله يبابا بهدلوه
علاء:ربنا يعينه والله ي رب موضوعه يكون خلص بس
مازن:ان شاء الله انا هروح انام بقى مش قادر خلاص
علاء:ماشي يحبيبي تصبح على خير
يذهب مازن الى غرفته ويفتح الباب ليجد ريم امامه
مازن :بسم الله الرحمن الرحيم !!!
في ايه ي بنتي هتقطعيلي الخلف ايه الا مصحيكي
وقاعده بتعملي ايه ف اوضتي
ريم:كنت فين ي مازن ومع مين
مازن:ايه دا هو تحقيق والا ايه يبنتي
ريم:لا مش قصدي يعني اتاخرت برا
مازن:كنت مع ادم ف حوار كدا وخلصت وروحت انتي ايه الا مصحيكي دلوقتي
ريم:مين قال اني صاحيه
مازن:نعم خيالك الا بيكلمني دلوقتي
ريم:لا يعني قصدي اني هنام يعني كنت بطمن عليك بس
مازن:ماشي ي ريم اطلعي خليني انام بقى
ريم:انت كنت مع ادم اكيد
مازن باستغراب:ارنلك عليه علشان تتاكدي
ريم:لا لا مش قصدي يلا نام تصبح على خير
مازن:مجنونه مجنونه يعني انا تعبااان عاوز انام😴😴😴
............
أنت تقرأ
أمل واحد يكفي(مكتملة)
Non-Fictionفي نهاية كل طريق يوجد شعاع من النور يضيئ ظلمتنا مهما اشتدت بنا الشدائد هناك ذلك الامل الذي يملؤ قلوبنا الذين يخرجنا من الظالم الى النور ذلك الامل الذي يضيئ عتمه حياتنا مجرد بؤره من الامل تضيئ حياتنا امل واحد نعيش به حياتنا
