أمل واحد يكفي(مكتملة)

بارت 27

في الصباح
عند وائل
يدخل الدكتور بسرعه على باسم الذي بدا لونه يتلون باللون الازرق
الدكتور:بسرعه اديني الحقنه ببسرعه
تحت انظار غاده ووائل
الممرضه مفيش فايده ي دكتور الطفل مش عارف يتنفس بردو
الدكتور يقوم بوضع الاكسجين عليه
الممرضه معلش ي فندم اطلعو برا لو سمحتم
غاده ببكاء:لا مش هطلع مش هسيب ابني مش هطلع
الممرضه:لو سمحتي ي مدام اطلعو مينفعش تفضلو
يخرج وائل و غاده ودموع غاده لا تفارقها ووائل يدعو الله
بعد ١٠د يخرج الطبيب وعلى وجهه ملامح حزن
وائل:ايه ي دكتور طمنا
الدكتور:البقاء لله ربنا يجعله شفيع ليكم
تصرخ غاده:لاااااااا ابني ممتش للاااااا لاااااا
وائل:يسقط على الارض ويردد:لا اله الا الله لا اله الا الله😭😭
غاده تدخل مسرعه الى الغرفه وتبعد الممرضات عن باسم وتحمله بيدها وتبكي وتقول:قوم ي حبيب ماما قوم يلا اصحى ي باسم اصحى اصحى متسبش ماما قوم قوم يلا يلا علشان ااكلك انت ممتش ي باسم اصحى اصصحى😭😭😭😭ي باااسم قووووووم انا مصدقت تيجي قوم ي باسم متعبش قلبي عليك قوم انا مش هعرف اعيش من غيرك ي باسم اصحى ي حبيب ماما اصحى😭😭😭
وبدهشه:باسم انت بتتنفس ي حبيبي انت عايش 😭😭ي دكتور ي دكتور باسم عايش ي دكتور
يدخل الدكتور بسرعه وخلفه وائل والدهشه على وجه الدكتور :ازاي كدا سبحان الله سبحان الله دا معجزه يحمل باسم من يد امه ويضعه على السرير ويقوم بالاجراءات اللازمه
الدكتور:ابنكم دا معجزه من عند ربنا انه رجع عايش تاني
غاده:الحمد لله ي رب الحمد لله
وائل:طيب ايه ي دكتور الاخبار دلوقتي
الدكتور:هنعمل تحاليل تاني ونشوف النتايج وصلت لفين
وائل:ان شاء الله خير ان شاء الله
..................
عند مي
مالها دي مش بترد ليه من انبارح اووف بس
اكلم لمى طيب!والا هقلقها على الفاضي ي ربي بس اعمل ايه🤔
صباح الخير ي ماما
هناء:صباح النور ي حبيبتي
مي:مفيش اخبار عن باسم
هناء:لا محدش كلمني وبرن عليهم مش بيردو
مي:مش المفروض كنا رحنالهم
هناء:اخوكي اصر اننا منجيش مش عارف ليه بصراحه
مي:هو انتي لازم يعني تسمعي كلام وائل يعني احنا المفروض نكون جنبهم وبذات غاده انتي عارفه انها مبتستحملش وعارفه فضلت قد ايه على ربنا رزهقها بيه
هناء:انتي عارفه اخوكي مبيحبش حد يعمل حاجه هو قال عليها لا
مي:طيب انا هخلص الجامعه وهعدي عليهم والا يحصل يحصل ماانا لازم اطمن على باسم
هناء:براحتك
مي:ماشي ي ماما انا همشي دلوقتي لما بابا يصحى ابقي سلمي عليه
هناء:ربنا معاكي ي حبيبتي
..................
عند يسر تستيقظ وتشعر بالم شديد في راسها
اه ي ربي ايه الصداع دا دماغي هتتفرتك اوف
ي سماااااح سمممااااح
سماح:ايوه ي هانم
يسر:اعمليلي كبايه قهوه معلش
سماح:حاضر حاضر ثواني وتبقى جاهزه هو انتي بس كويسه
يسر تمسك راسها:صداع هيفرتك دماغي هاتيلي القهوه بس وانا هفوق
سماح:الف سلامه عليكي حاضر
تنهض يسر وترتدي ملابسها وتشرب القهوه وتنزل الى الجامعه
وبعد ان تمسك الهاتف:اوف اوف كل دي اتصلات ي مي ي رب تكوني كويسه بس وتتصل ب مي
مي:ايوه ي يسر انتي كويسه
يسر:ايوه كويسه متقلقيش
مي:اووف الله يسامحك خضتيني عليكي
يسر:ليه بس
مي:انا حرقت تلفونك رن ومردتيش قلت قتلتي محمد ودخلتي السجن
يسر تتذكر ما حدثث مع محمد:لا مقتلتهوش لسه متنيل عايش انا بس كنت تعبانه شويه
مي:طيب انتي فين دلوقتي
يسر:ف الطريق للجامعه اهو انتي طلعتي والا لسه
مي:اه ي دوب لسه طالعه من الباب اهو
يسر طيب طيب خليكي واعدي عليكي اخدك معايا
مي:لا مش مستاهله انتي مشيتي خلاص
يسر:مش حاجه يعني ي دوب باقيلي ٥د ماشيه
مي:طيب ماشي هستناكي اهو
يسر:٥د وهتلاقيني عندك
تعود يسر الى مي وتاخذها معها
مي:لمى اخبارها ايه
يسر:اطمنت عليها من الدكتور وقالي كويسه
مي:انتي مقعتيش
يسر:لا بصراحه مامتها زعقت فيا وانا خفت لا اقول حاجه ف طمنت عليها من الدكتور ومشيت
مي:وعملتي ايه مع محمد
يسر:كان نفسي اولع فيه كدا ،اقطعه حتت،بصي يعني لو كنت اطول اعذبه كنت عذبته
مي:هدي نفسك ميستاهلش تفكري فيه اساسا
ثم تنتبه على المحفظه التي في السياره تنحني وتحملها
يسر:ايه دي بتاعت مين
تفتح مي المحفظه:فيها بطاقه واحد اسمه رامي مصطفى تعرفيه دا
يسر:ي بنتي دا رامي الا حكتلك عليه
مي:اها افتكرت افتكرت وهو نسي محفظته والا وقعت منه
يسر:اكيد وقعت منه يعني مش محتاجه
مي:طيب زمانه بيدور عليها كلميه
يسر:ماشي بعدين
مي باستغراب:بعدين ليه ي بنتي مترني عليه دلوقتي
يسر:خليها بعدين
مي:هو عملك حاجه ييسر
يسر:لا هو معملش
مي :امال ف ايه
يسر:خلاص ي مي هكلمه بطلي زن اوف
كي:زن ايه انتي غربيه مش عاوزه تكلميه ليه
يسر تتصل ب رامي ولا ترد على مي:الو صباح الخير
رامي:صباح النور ازيك ي ييسر
يسر:الحمد لله بقولك ي رامي انت باين نسيت محفظتك عندي او وقعت منك
رامي:ياااه لقتيها الحمد لله ي رب دا انا كنت متسوح عليها الحمد لله انها وقعت عندك
يسر:ايوه الحمد لله انا قلت اكلمك اقولك علشان متقعدش تدور بس
رامي:شكرا ي يسر والله مش عارفه اقولك ايه كتر خيرك
يسر:لا على ايه بس هبقى اخلص جامعه واعدي عليك ادهالك
رامي:لا قوليلي وانا ابقى اجيلك وخلاص
يسر:لا مش مشكله هخلص وابقى اكلمك
رامي:ماشي خدي بالك من نفسك
يسر:وانت كمان سلام
مي:اممممم وايه كمان😂😂
يسر بستغراب:هو ايه الا وايه كمان
مي:الله مش عارفه يعني😉
يسر:لا مش عارفه ي ختي واسكتي بقى لا انزلك هنا تكملي مشي للجامعه
مي:لا والله خفت انا كدا يعني ايه مكسوفه تقولي
يسر:مكسوفه اقول ايه
مي :اممم يعني في كدا وكدا يعني😉
يسر:رايقه ومش هرد عليكي اساسا
مي:ومالو وماالو هتيجي تحكيلي
.................
عند لمى
تستيقظ من النوم على صوت سيف
لمى:صباح الخير
سيف:صباح النور يفراشه
لمى:ايه جاي تصحيني ليه ومرحتش الشغل ليه
سيف:لا ماانا قلت اقضي اليوم معاكي بقالنا كتير مقعدناش مع بعض
لمى:طيب هقوم اغسل وشي ونقعد
سيف:ماشي هاتي ايدك
ويدخل لمى لتغسل وججهها
لمى:ايه بقى ي هندسه حصل ايه احكي
سيف:لا احكي انتي عاوز اسمع منك انتي
لمى بتوتر:ا احكي ايه مفيش حاجه تتحكي
سيف:كنتي فين امبارح مع يسر
لمى:لا مفيش كنا ف كافيه
سيف:وتعبتي ليه
لمى:م مش عارفه مره واحده حستيني تعبانه ودخت
سيف:من امتى وانتي بتخبي على سيف ي فراشتي مش اسرارنا واحده بردو والا ايه والا بقينا نخبي على بعض
لمى فضلت الصمت على الرد
سيف:طيب ممكن اقصر عليكي الطريق نقول مثلا يعني ان كان ف حد ف حياتك واتخانتو صح
لمى ترتسم على وجهها معالم الدهش
سيف:يبقى الا بقوله صح ومحكتليش ليه قبل كدا
لمى:ك كنت خايفه
سيف:ومن امتى وانتي بتخافي مني
لمى:مش منك كنت خايفه من الوضوع كله
سيف يمسك يد لمى :احكيلي الا حصل ومتخافيش
قصت لمى كل ما حدث مع محمد
سيف بعصبيه:ي ابن ال..
لمى:بس ي سيف بس متقولش كدا
سيف:يعني الحيوان دا لو كان جرالك حاجه ازاي سابك كدا الكلب الواطي
لمى:خلاص ي سيف انا كويسه اهو والحمد لله محصلش حاجه
سيف يضم لمى:متبقيش تخبي حاجه تاني على اخوكي
لمى:سيف هو ليه ربنا بيعمل فيا كدا اشمعنى انا😭
سيف:استغفر الله ي لمى ايه ايه الا بتقوليه دا حرام عليكي
لمى:ماهو انا كل شويه تحصلي حاجه وحشه كل شويه حاجه وحشه ليه يعني ليه
سيف:بصي احنا بشر ي لمى ولو هنبص للموضوع من وجه نظرنا هنتعب وهقول ليه ومش ليه واشمعنى انا
تخيلي كل واحد لما تحصله مصيبه يقولك اشمعنى انا
طيب شوفي كدا بصيلها من جانب ايجابي
لو مكنتيش اتعميتي كنتي هتفضلي تحبيه وهتفتكري ان هو دا الشخص الا هيسعدك
بس لما ربنا عمل كدا كشفه على حقيقته وواركي حقيقته قبل ما تدبسي زي مابيقولو
لمى:بس الحاجات دي بتوجع اوي ي سيف بتوجع
سيف:لو الحاجه موجعتناش يبقى مش هنتعلم منها وهنكررها تاني فاهمه
لمى:فهمت😔😔
سيف:متزعليش بقى اضحكي وكل الامور هتتحل بايده وفي غمضه عين
................
في الجامعه
ادم:لو سمحتي لو سمحتي
يسر تلتف للصوت:ادم!!
ادم:معلش هو انا مش فاكر بس اسمك كان ايه بس يعني كنت عاوز اطمن على لمى هي كويسه
يسر بابتسامه:اسمي يسر و ايوه الحمد لله لمى كويسه وروحتها بيتها امبارح
ادم:تمام ي يسر الحمد لله عن اذنك
يسر:اتفضل
مي تهمس ل يسر:مين دا ي يسر تعرفيه من فين
يسر:هو الا كان مع لمى انبارح
مي:اها بس الواد دا كئيب ومش بيضحك وكدا ساكت دايما لمى كانت بعتمل معاه ايه انبارح
يسر:كانت دايما مي بتقول عليه وراه حكايه كبيره بسبب الهدوء دا بس تخيلي بقى لما لمى تعرف ان هو دا الا كان معاها انبارح
مي:مش هتصدق خالص المهم هو كان عاوز ايه
يسر:بيطمن عليها فيه الخير
اما ادم الذي حمد لله كثيرا ان لمى لم يصبها مكروه
كان قلقلا كثيرا من الحلم الذي راوده
...............
عند سارة
الاء:ماتنزلي تغيري جو شويه
سارة:ماانا هنزل هروح فين ي ماما
الاء:خدي جود وانزلي روحي السوبر ماركت ف حاجات نقصانا اشتريها واتمشو شويه وتغيري جو
سارة:قولي بقى انك عوزاني اشتري الحاجات الا ناقصه
الاء:لا والله بس عارفه لو قلتلك انزلي هتقوليلي هنزل على الفاضي وملهاش لازمه
سارة:حفظاني يعني
الاء بابتسامه:اه طبعا ويلا قومي غيري هدوك وهخلي جود تلبس وتنزلو
سارة:ماما صحيح انا كنت عاوزه اقولك يعني نرجع انا وجود بيت ياسر
الاء باستغراب:ليه بس ي بنتي تسبينا وتروحي تقعدي لوحدك
سارة:ماهو البيت موجود وهبقى اجي اطل عليكم من فتره ل التانيه وبعدين بدال ماهو مقفول كدا
الاء:سارة انتي مش هتسيبي بيت ابوكي وتروحي تقعدي هناك لوحدك مع بنتك وبعدين سيبي البيت دا لجود لما تكبر ولما تعوزي حاجاتك ابقي روحي خديها من هناك
سارة:ايوه ي ماما بس البيت هيققى....
الاء تقاطع سارة:مفيش بس ي سارة قومي البسي يلا علشان تلحقو تنزلو
تخرج ساره مع جود ف السوبرماركت
وتشتري الاغراض التي تنقصهم
جود:انت ي عمو هاتلي علبه الجبنه دي
كمال يبتسم لجود ويناولها علبه الجبنه:اول مره اشوف حد مش بيتشعلق هنا
جود:يوسا قالتلي مطلعش فوق تاني علشان مش اقع
كمال:ومين يوسا دي ماما
جود:لا مش ماما في حد ميعرفش يوسا
كمال بضحك انا اسف والله معرفهاش للاسف
جود:مش مشكله هبقى اخلي رامي يكلمها علشان تعرفها
كمال:ماش ي ستي😂عاوزه حاجه تانيه اجبهالك
سارة:جوووود انتي بتعملي ايه هنا وانا قاعده ادور عليكي
جود تلتفت لامها:كنت بجيب الجبنه ي ماما
سارة تلتفت ل كمال فتتذكره ويتذكرها كمال
سارة:ازي حضرتك
كمال:الحمد لله حضرتك اخباركم ايه
سارة:الحمد لله كويسين كويس اني شفت حضرتك
كنت عاوزه اشكر حضرتك على الا عملته مع ياسر الله يرحمه واعتذرلك على الا عملته يومها
كمال بابتسامه:لا طبعا مفيش شكر ولا حاجه وانا مقدر ظرروفك مفيش داعي للاعتذار
تبتسم سارة:متشكرة على ذوق حضرتك
كمال:تحت امرك في اي حاجه
سارة:عن اذنك يلا ي جود قولي لعمو باي
جود:بااي ي عمو
كمال:باي ي حبيبة عمو
تذهب ساره وجود وينظر كمال عليهم وعلى وججه ابتسامه لم تفارقه
........