عشقته صدفه بقلم شروق محمود

الفصل الأول

الفصل الأول 🌻

فى صباح يوم جديد رفع أذان الفجر يعلن عن يوم جديد
نجد بطلتنا نائمه على السرير وتسمع رنين هاتفها
ترفع التليفون من غير ما تنظر للاسم

ليليان: الو مين !

...... : قومى صلى الفجر يا حيوانه

ليليان : مين معايا انتى متصله تشتمى وخلاص

..... : انا امانى ي كلب البحر

ليليان : اوبس !! معلش يا منمن بقا ما انتى عارفه لما بكون صاحيه من النوم ببقى مش مركزه وهو انتى كنتى بتتصلى ليه صحيح!!!

امانى : خلاص خلاص ايه ماسوره كلام وانفجرت....مش انتى كنتى قولتى ليا اصحيكى للفجر يا مجنونه ولا امى إللى كانت قالتلى!!

ليليان : ااه صح دا انا نسيت خالص وبعدين تعالى هنا ايه نازله شتيمه شتيمه ما تتلمى شويه دا انا حتى اكبر منك بشهرين يا معفنه

امانى: يا شيخه اتنيلى فى حته كدا واقفلى و روحى صلى يلا

ليليان: حاضر يا باشا ...سلام يا مان

امانى: سلام يا صاحبى

* قامت ليليان من على السرير واتجهت إلى السرير المقابل ليها عشان تصحى اختها( سيلا )

ليليان : سيلا يا سيلا قومى عشان تصلى

سيلا : بس بس انا صاحيه اساسا من ساعه ما بدأتى ترغى مع المجنونه صاحبتك

ليليان : طب يلا قومى يا ختى
وتوجهت ليليان الى الحمام وصلت هى وسيلا وقعدوا يقرأوا وردهم اليومى لحين شروق الشمس.
******************
فى الساعه الثامنه صباحا
مامته ليليان كانت لسه داخله عشان تصحيهم بس لقتهم صاحيين ولبسوا كمان

سيلا وليليان والاب ( محمود ) والام( آيات ) اتجمعوا على السفره

ليليان وهيا تجلس: مسا مسا على احلى ناس فى الكون

آيات : ي بنتى اتعاملى برقه شويه انتى ليه محسسانى انك سواقه توكتك فى حاجه اسمها صباح الخير مش مسا مسا

سيلا : سيبيها يا ماما دى عيله عجيبه اساسا

محمود : فى ايه انتى وهيا انتو الاتنين على توتا روح قلبى

ليليان : والله انت إللى فيهم ي حاج وانا اقول طالعه عسل وسكر لمين و...وقطع كلامها رنه تليفونها
📞📞📞📞📞
ليليان : الو يا منمن
امانى : انتى فين يا كلب البحر ورانا درس يا ختى
ليليان : ي نهار ابيض دا انا قاعده بفطر ونسيته انا نازله اهو
امانى: باى يا ختى
ليليان : باى .

محمود : راحه الدرس يا ليلو !!
شروق : اه يا بابا ادعيلى بقا
محمود وآيات: ربنا معاكى يا حببتى ويحميكى.
ليليان : يلا مع السلامه ي جماعه انا متاخره اوى وأمانى هتنفخنى.....