وهم كبير

الفصل السابع عشر

الحلقه التي طال انتظارها والمواجهة الحاسمه وكشف اللغز، استعدوا للحلقه الناريه

الفصل السابع عشر

ومر اليوم بدون احداث وأشرقت الشمس بنور ربها وأستيقظت منة عازمه على التوجه إلى عملها لمصارحة ياسين بقرارها النهائي، فنهضت وتوجهت إلى حمامها ثم أرتدت ملابسها وأدت فرضها ودعت الله أن يوفقها ويهدي سرها ويهدي حال كريم، ثم أخذت حقيبتها وهاتفها والقت الصباح على والدتها وتركتها لتدلف إلى عملها، وصلت بعد مضي بعض الوقت، فتقابلت مع صديقتها المقربه دعاء وعانقتها بشده مردده :

- الف حمدلله على السلامه حببتي نورتي المكتب والشركة كلها

منة بحب وسعادة قالت :

- منورة بيكي وبكل الزملاء يادودو، هو ياسين جه ولا لسه

دعاء بتعجب من سؤالها قالت :

- لا ياحببتي ده واخد أسبوع أجازة بيقول عايز يرتاح شوية من ضغط الشغل، بعد ما خلص كل المطلوب منه

منة بضيق قالت :

- وهو فاضل كتير على الأجازة ما تخلص؟

دعاء بنبره قلقه قالت :

- في أية يامنة أنتي أول مره تسألي ولا تهتمي بحد خصوصا ياسين، بس عدى يومين بس من الأسبوع

منة بتوتر قالت :

- بصراحة كده ياسين من فترة قبل ما أتعب طلب أيدي وأنا كنت هوافق خلاص، بس حسيت أن الموضوع مش مرتحاله فكنت عايزة أكنسل الخطوبة، وكويس إني مقولتش لحد عشان محدش يجيب سيرتي بحاجة

دعاء بزعل قالت :

- حتى عليا يامنة، ما أنا شايفه على طول نظراته ليكي وكنت متوقعه انه يفاتحك في الخطوبة ياما لاحظنا نظراته دي كانت باينة اووي، بس هو اللي متردد دايماً

منة تتأفف بضيق مردده :

- يتردد مايترددتش خلاص أنا الموضوع انتهى بالنسبه ليا على الأقل ، ولولا إني مش حابه أكلمه على الموبيل كنت إتصلت ، بس استني لما يرجع مش فاضل كتير يعني

وإذا بعامل البوفية يطلب من منة التوجه لمدير الشركة لأمر عاجل، اومأت له بالموافقه، ثم دلفت إليه طالبه السماح بالدخول، فأذن لها وجلست ثم نظر لها وقال :

- حمدلله على السلامه يابشمهندسه، يارب تكوني أحسن

منة بابتسامة قالت :

- الحمدلله يافندم أحسن  خير حضرتك طلبتني

المدير ناظرا للملف الذي أمامه ثم قدمه لها مردد :

- اتفضلي الملف ده فيه عقد شقه جديده هنصمم ديكورتها، كل حاجة موضحه في العقود، اقرايها واعملي مقايسة وتصميماتك عايز حاجة كويسه فيها إبداع ، خصوصا أن الشقه مساحتها كبيره هتقدري تستغلي كل مكان فيها