غرور 8
فجأة جهاز القلب وقف
أنا يادكتور يامنى
يزن مصدوم ويشوف
الدكتور جاء يجري وطلعني أنا ويزن
أنا نبكي ياربي نوضها بالسلامة ونشوف ليزن قربت منه وبديت نضرب فيه كله منك كله منك
الدكتور طلع للأسف ماتت
انا قعدت على الأرض وبديت نبكي
يزن قعد جنبي وحضني
أنا ليش كل الناس الى نحبهم يموتو ليش ااااااه ياربي خودني معاهم
يزن حاضني ويمسح ع راسي وساكت
عمي خالد جاء وعمتى ثريا
كنت مقعمزة ونبكي لين طلعو ماما من جنبي نضت نجري وحولت عنها الغطاء كان وجهها منور حضنتها وقعدت نبكي
يزن كان متأثر هلبة
ثريا حولتني من عن ماما ورفعوها
الضحى كانت الدفينة وشدينا العزاء ف حوش عمي خالد
فات شهر وانا زعلانة ع عزيزة
عمي خالد خلاص يابنتي الى صار صار والحي أبقى من الميت أرجعي لقرايتك وشغلك خلاص
ف الليل وانا راقدة حلمت بماما وبابا وعزيزة لابسين أبيض ويديرولي ف باي
بابا نحنا ف الجنة يابنتي معاش تبكي علينا ونضت ع صوت أذان الفجر توضيت وصليت وقررت نكمل حياتي
ثريا صباح الخير ليش متعبة روحك يابنتي ومدايرة الفطور
أنا تعبك راحة شن فيها فطور هوا
عمي خالد ياسلام ياسلام ع الصباح الحلو
انا يسعد صباحك فطرنا وغسلت الماعين ومشيت للجامعة
وانا ف الطريق ف سيارة كانت ضايق فيا وتصكر عليا
أنا بديت نتجواز فيه بس قعد يضايق فيا وقفت على جيهة ووقف حتى هوا
انا نزلت من السيارة وناوية ع عركة
وليد نزل من السيارة تسوقي مليح يابنت
أنا هوا أنت خيرك ع الصبح
وليد كنت نابش فيك شن أخبارك
أنا الحمد لله
وليد باهي الى شفناك
أنا ستاحشتني شكلك
وليد هلبة والله كنت نفكر ننتحر
أنا ههه ردبالك تغيرها فكرت الأنتحار وكان تبي الطريقة عندي هلبة
وليد معبية كفر شكلك
أنا هلبة نتلاقو
وليد اوكي تشاو
كملت طريقي للجامعة ورن التلفون
أنا الو
المتصل نبي طريقة تخليني نوقف تفكير فيك
أنا وليد من وين جاك الرقم
وليد جبت رقمك وعقبال مانجيبك أنتي
أنا أول مرة قلبي ينبض هكي مش متعودة الصراحة احم
وليد أكيدا خدودك راحو حمر يانا علي وخلاص
أنا لاحمر لاخضر مش فاضية توا
وليد لو تركزي شوي تلقيني وراك
انا شفت من المرايا ونشوف ف سيارته خلفي خيرك تلحق فيا
وليد معاش بنسيبك من اليوم
انا وصلت للجامعة وهوا صكر ومشى كنت ف المحاضرة وكل شوي توصلني رسالة من وليد عبارة عن أشعار وكلام حب بجد قلبي قعد يدق يدق يدق بيدق القلب يدق
رجعت للبيت وأنا كل ماندكر وليد نبتسم
ثريا مشاء الله وجهك منور وعيونك يلمعو شكلك تحبي
انا اما حب ياخالتي بالله عليك
ثريا ربي يرزقك بولد الحلال
انا أمين
تغدينا اتريحت شوي وبعدها مشيت للنادي
بديت ف التدريب مع الصغار لعند ماشفت وليد واقف ويشوفلي
أنا حطيت ٱيدي ع قلبي ونقول ف خاطىري اهدي مافيش داعي للأنفجرات الى قاعده تصير الداخل
وليد أشرلي بمعني تعالي
أنا انت شن جابك هنا
وليد جيت لسببين الأول إني نبي نشوفك والتاني جبتلك سبله باش نشوفك وأشر للبنت الى كانت ماسكه ايده
انا مني العسوله هدي
وليد هدي فرح بنت أختي
انا بوستها عاشت الأسامي يافرح
وليد مافيش بوسه لخال فرح
انا تبي نقضي عليك توا
وليد أكثر من هكي الا إذا كنتي ناويه تقتليني
الصراحه مانقدرش ع لسانه سكتت وخلاص
انا هيا فروحه تعالي غيري دبشك باش نلعبو
فرح مسكت ف يد وليد هيا خالي
وليد أنا بنمشي نجيب ماما ونجيك
فرح بدت تبكي لا ماتمشي تعالا العب معانا
انا ليش تبكي ياعمري انت كبيره الصغار بس يبكو
فرح نبي خالو يلعب معانا
وليد ياحليلي من خالو الى حاسه إني نبي نقعد وماخاطري ف المشي
انا شكلك مقريها كويس مديتله كرسي وجهزت فرح وبدينا من الصفر
الصراحه ماكنت واخده راحتي وليد يشوفلي وخلاص
يزن ستاحشتها نبي نشوفها بس كيف وانا السبب ف الى صار مع أمها كيف الحل كيف الحل اها لقيتها نرفع ماما وخواتي ع أساس بيعزو ولو خشيت لوحشهم أكيد حانلقى فرصه باش نشوفها ونكلمها حتي لو طلب مني الأمر إني نخطفها
انا تمام ياعسولات ادربو حتى ف البيت باهي
قعدو البنات يودعو فيا بالحضن والبوس
وليد سبعين بوسه وحضن غرت منهم هلبه الصراحه
أنا معناها مش ف صالحك الجيه هنا كل يوم
وليد مش ف صالحي يفوت يوم ومانشوفك
انا يلا ارفع فرح وروح الوقت تأخر
وليد أطلعي قدامي بنوصلك
فرح بتروح معانا
وليد قريب ياخالو مش مطوله
انا درت روحي عبيطه هيا أطلعو
وصلني وليد للحوش
انا خاشه فرحانه
خالد دوم هالأبتسامه
ثريا أمين يارب
انا العشاء انى بنطيبه ارتاحي انتي خالتي
ثريا تعب عليك يابنتي
انا لاتعب ولاشي
ثريا البنت هدي تحب شكلها
خالد هههه شكله وليد خلاها تتعلق بيه
ثريا وليد كيف صار
خالد وليد عجباته البنت من أول يوم شافها فيه ومن فتره كلمني عليها
ثريا وين بنلقو أحسن منه ولد كويس وعاقل
خالد بس أهم شي غرور تكون راضيه عليه
أم يزن أكيد ياولدي هدا الواجب لازم نمشولهم
يزن امتى بتمشي
ام يزن غدوه العشيه
يزن خلاص
يزن خلاص انا نوصلكم
انا فراشي قاعده نفكر كيف بننتقم من يزن لازم يدفع الثمن غالي وصلتني رساله من وليد لو مش راقده نبي نسمع صوتك ستاحشتك قلبي دق صح بس بالله ياوليد انا وين والحب وين
وليد هدي مايمشي معاها الإتيكيت والذوق وقعد يتصل ويعاود
انا قداش مزعج انت
وليد باهي الى رديتي
انا ليش الأزعاج باه
وليد ستاحشتك وخاطري نحكي معاك
وقعدنا نهدرزو
ف الصبح نضت ناشطه دوشت وصليت ودرت الفطور
ثريا الله أحد مشاء الله عليك عصيده مره وحده
اناا عارفتكم تحبوها زيني
خالد وسع عصيده ياسلام
انا صحتين نتلاقو بعدين
خالد ربي يحفظك
انا واك منك حتى اليوم وراي
وليد وكل يوم
ف العشيه
يزن هيا يام
ام يزن هيا طلعت
رن الجرس
خالد اهلين
يزن السلام عليكم كيف حالك
خالد الحمد لله
يزن جبت الوالده بتعزي
خالد تفضلو مرحبتين بيكم
ثريا رحبت بأم يزن وقعدو يهدرزو
اما يزن قعد يحكي مع خالد وتعرف عليه
يزن تي كيف بنشوفها سياراتها مش البرا
خالد صار انت قريب علينا لكن ماندكر اني شفتك ف المستشفى
يزن أمي كانت ف نفس الغرفه مع المرحومه على سيره المرحومه البنت الى كانت معاها وين خلي نعزيها
خالد مش قاعده ترجع المغرب
ام يزن رنت ع ولدها بمعنى هيا
يزن أطلعي هيا
ثريا عاوديها حبيبه
ام يزن ف الخير ان شاء الله
وليد هيا قدامي
انا مافيش داعي نعرف الحوش
وليد مش قصه تعرفي بس نحب نوصلك ونطمن عليك
خروج عن النص ااأاه ياقلبي مانحصلش واحد يحبني كيف هدا
انا باهي لأمتى بتقعد هكي
وليد لين تجمعنا سياراه وحده
انا قلبي بينقلع من مكانه
وصلت للبيت وقعدت واقفه لين فات وليد
يزن اها البنت قاعدة تتمعشق لاه يايزن من طول عمرك ذكي وتلقطها ع الطاير كيف فاتت عليك هدي
انأ رجعت
ثريا نورثي
انا شكله كان عندنا ضيوف
ثريا هدي سمية الى كانت مع عزيزه ف نفس الغرفه
انا شن جابها
ثريا جايه بتعزي
انا من جابها
ثريا ولدها يزن
انا عصبت ومشيت لداري هالحقير يقتل القتيل ويمشي بجنازاته سكتله واجد من اليوم لاشفقه لا رحمه حايندم
يزن غدوه نتأكد من أسمه ونجيبه ليك لازم من تجيبلي كل شي عليه
وليد خلاص انا بنعترفلها وبنخطبها
انا لازم نبعد وليد من طريقي ونعفس ع قلبي
وليد يتصل
أنا ألو
وليد ستاحشتك
أنا تفضل شن تبي
وليد من مزعلك
أنا مادخلكش معاش تتصل بيا وامسح رقمي
وليد ف أحلامك توا بنسكر وياريت لما نتصل بعدين نلقى مزاجك تعدل
انا بنحطك ف الحظر
وليد وعد بعدها حاتلقيني ف حوشكم وصكر
أنا ياربي هدا كيف بنخليه يكرهني
ف الصبح
أنا طالعه من الدوش ونجفف ف شعري رن تلفوني وكان رقم غريب
فتحت السبيكر
المتصل صباحو عسل
أنا صباح الخير تفضل ياخوي
المتصل أنا يزن يا يا غرور
أنا تعرف كنت بنكلمك حتى أنا
يزن يعني القلوب عند بعضها يامتع وليد الشريف
أنا نصدمت بس خليت روحي عاديه ياريتك جيت راجل كيفه
يزن عصب أحترمي نفسك وماتخليني ندمك ع عيشتك
أنا ههههاي الى بتندم
يزن تعرفي اناوين توا واقف جنب حوش حبيبك وف إيدي مسدس شن رأيك تسمعي صوت الرصاصه وهيا تخترق ف راسه
أنا صدقني بعدها حانخليك تتمنى الموت
يزن حياه وليد بين يديك يأما تفوتيه وتبعدي عليه وتكوني ليا ياأما يموت هوا
انا ف أحلامك نكون لواحد زيك
يزن عندك للعصر تطلبي من وليد أنك تشوفيه وكل شي بينكم يتم وطبعآ لازم تفتحي السبيكر والأ حاتحضري جنازاته
أنا سكرت عليه الحقير طلع أذكى مني وسبقني بخطوه كيف بندير ياربي نتصل بوليد تلفونه مقفل لبست وطلعت للكليه بس وليد مهناش زي كل يوم دموعي ينزلو لاشعوريآ من خوفي ع وليد ماسكه التلفون ونتصل ونعاود بس مقفل
رن تلفوني فرحت هدا وليد بس للأسف كان يزن
يزن خايفه ع حبيب القلب تلفونه مقفل
أنا وانت شن دخلك فيه
يزن من اليوم أنا دخلي ف كل شي بس ماتخافيش هوا حايتصل بيك
انا من اليوم حانخليك تندم لأنك لعبت معايا وصكرت
وصلت للكليه وانا حواسي كلها ع التلفون بس مافيش اي أخبار ع وليد
يزن انتي ليا أنا ومش لحد غيري
انا وينك ليش شغلتني عليك طمني عنك فيك شي مريض صاير معاك شي
وليد أهدي أهدي ع شن بنجاوبك بالزبط
أنا قولي أنك بخير ومانبي شي
وليد نشغلتي عليا
أنا ليش درت هكي
وليد والله مش بقصدي السياره عطلت والتلفون مافيش شحن وحاله صارت فيا والأهم من هذا كله مستاحشك موت وزعلان لأني ماتصبحت عليك قداش خاطري نكون جنبك توا ونحضنك ونمسحلك دموعك
أنا مانبكيش انا
وليد مستحيل تقدري تخبي عليا حاس بيك أنا هلبه
أنا باهي ممكن نتلاقو بعد شوي ضروري
وليد حاضر جايك جري
أنا مش انا الى نخاف ونضعف ويزن مستحيل يفوز عليا وخصوصآ بعد ماكتشفت أني نحب وليد هلبه
يزن كنت نراجي ف اتصالك
أنا بعد شوي
يتبع
