غرور 10 و الاخيرة
نمشو نغيرو جو ليش لا
جهزنا كل شي رن الجرس
انا فتحت وكانو زمزم وصفاء سلمنا ع بعض
زمزم جاهزين
انا ايه
صفاء معناها هيا بتمشي معانا
انا لابنمشي مع عمي خالد
زمزم نحنا جينا خصيصآ عشانك
ثريا معليش بري معاهم
انا تمام واول ماطلعت من الباب لقيت يزن ف السياره
صفاء اركبي ولامتحشمه
انا ركبت وسلمت ع يزن
زمزم يزن خود بينا دوره لين يجهزو الجماعه التانيه
يزن حاضر
صفاء وزمزم شافو لبعض غريبه من امتى عندك كلمه حاضر ولاتتفلح قدام غرور
يزن بدا يصطرب بالسيارة ويرقص فيها
صفاء وزمزم لايزن بتقتلنا ويعيطو معاش نعاود خلاص
أنا نحب الجو هدا قوي بالله عليك ونصفق منور يزن الصراحه نسيت روحي وحده تانيه هيااااااا
صفاء لا حرام عليكم
يزن يشوفلي خودي اهياااا ويصطرب
أنا هههههاي حلوه زيد وحده تانيه
زمزم بابا يتصل والله لما نحرشه فيك
يزن باش نقتلك
انا خوفات عشان خاطري ماتخبروه
زمزم نعم بابا تمام جاين توا
جمعنا بعضنا ونطلقنا
انا نفتح ف الروشن ونصكر وننفخ
صفاء خيرك
أنا خيركم ساكتين انا مانحبش هكي
زمزم ولع اغاني يزن
انا مافيهمش جو زمان لما نسافر مع بابا وخوتي يقعدو يغنو هما
صفاء جو والله بس نحنا نسمعو من التلفونات وهكي
انا التلفونات هيا الى بعدت الناس عن بعضها
يزن مره طلعنا ومشينا مشوار بسيارة لينا نحنا وماما وبابا فرحنا كثير وغنينا هي هي هي
نحنا نضحكو عليه انا مش حافظتها بس حاستها غلط
صفاء هبلت انت
يزن هيا صفقو وغنو معايا انا البندوره الحمراء مزروعه بين الخضراء
زمزم ياخسارة طولك تغني ف طيور الجنه
يزن بدينا ف الغلط وشافلي شنو نعطيهم
أنا ع طول
يزن بدا يصطرب بالسيارة
صفاء وزمزم يعيطوا
انا خلاص سامحهم
زمزم نزلني بنركب مع بابا
صفاء طلعتو تفهمو ع بعض
يزن احم حميدو الولد الشقي
زمزم يغير ف الموضوع
انا ماتشوفولي وقعدت نغني مع يزن
وصلنا للأستراحه وكانت بجد حلوه كبيره وفيها حوض سباحه وقولو من لقيت الكلب متع أيوب
ايوب بوبي تعالا
انا بتطلقه عليا
أيوب لا انتي صديقتي توا وقريبآ مراااا
يزن بوك يناديلك اقلب وجهك
صفاء وزمزم وانا نزلنا الدبش
خالد تبارك الرحمن مكان ولاأروع
ثريا وام يزن قعدو يتمشو
أيوب عندي دراجه ناريه تعالي نركبك
صفاء يكذب متع يزن حي عليك تقربه
يزن سمعت أسمي خيركم
أيوب بنركب زمزم ف الدراجه
يزن لا ممنوع
انا اصلآ مانبيش نركب
أيوب تعالي نركبك ع الحصان
صفاء خليها البنت وانت تجبد فيها
زمزم أمشي مع الولاد شن دخلك ف البنات
أيوب شن دخلكم انا نبي نصاحبها
صفاء يزززززن تعالا لخوك
يزن جاء خيره شن دار
صفاء يضايق ف غرور يبي يرفعها للحصان
يزن شاده من تشيرته أمشي شن جاي بين البنات تعالا نعلمك كيف تدبح
أنا ان شاء الله مايعرف
يزن ع أساس انتي تعرفي
انا حتى كان نعرف مابندبح لكن نسلخ مليح
أيوب حي ياحي
يزن تهدرز هدي وخلاص والله ماتعرف
انا نخشو ف عناد انت أدبح وانا نسلخ وكان سلخت المونطي هدا ليا
يزن تم
ايوب بوي تعالا تفرج ع ولدك خاش ف عناد مع بنت
خالد طيحتك شينه ياولد محمود
محمود ههههه بالك بنتك الى طيحتها شينه
خالد نوض خير مانخشو ف عناد
يزن بدا ف الدبح وكمل
أنا رفعت كمامي ونشوفله استعد
يزن علقلي الخروف وريني
أنا بديت ف السلخ
أيوب طلعت تعرف
خالد ههههه راحت عليك بعد نص ساعه كملت
يزن صحه ليك طلعتي قدها
أيوب انتي مافيش منك
ايوب ولع النار وبدو يشو
صفاء هيا نخشو نحنا ولما يطيب الخدامه تجيبلنا
أنا حرام ليش تقولو خدامه قولو أسمها
ثريا غرور شن دخلك بيهم
محمود خليها بينها عندها الحق احلا شي التواضع أصلآ
يزن يشوفلي خشينا الداخل
زمزم قعدت تخلط ف حاجه هيا تعالو
انا شني هدا
صفاء قناع القهوة مع بياض البيض
انا لشنو هدا
زمزم يصفي وينظف ويشد البشره
درت معاهم باش مايقولو مش محسوبه ع البنات
ام يزن ارفعو حصه البنات سلمه ياسلمه
أيوب تغسل ف الكرشه
ام يزن نوض انت باه
ايوب ماعنديش نيه نوض يزن
يزن ناض ماصدق توا نرفعلهم
طق الباب
صفاء معليش غرور افتحي للخدامه
انا فتحت
يزن عيط انت مني
أنا انت ف القبر
يزن بسم الله الرحمن الرحيم شن تبي باه
انا انت شن تبي
يزن ااه اي صح خودي الصحن وأطلعي نبي نشوفك قدام عيني
انا تمام شويه بس
طلعنا بعد ماكملنا حوستنا
يزن غرور تعالي نبيك
انا نعم
يزن عطاني المفتاح خودي المنطو ليك من اليوم
ايوب بس هدا هديه من صاحبك المرحوم
انا خديت المفتاح بس الحي أبقى من الميت
يزن مشى من علينا
ايوب هيا أركبي
انا لا مش توا فات النهار ونحنا هدرزه وضحك بس يزن كان زعلان ومضايق
رن تلفوني وتباعدت عنهم
انا حبيبي
وليد حبي ستاحشتك وكملت هدرزه
ايوب اسمعن يابنات يزن يحب غرور
صفاء كنت حاسه
ايوب نبو خطه باش نقربوهم من بعض
زمزم زي المسلسلات
ايوب هدا فيش فالحه شن خالك بايره الا المسلسلات
صفاء شن بنديرو
ايوب أقربو نخبركم
انا معقوله حبي بننحرم حتى من صوتك
وليد مش بأيدي
انا مالا بأيد من قولي كيف يصير فيا كيف بندير
وليد هدي طبيعه شغلي لكن وعد حبيبي كل مانحصل فرصه نكلمك
انا مانبيش نبي كل مانحتاجك نحصلك
وليد حبيبي ماتزيديها عليا مضايق أحرف منك
انا باهي عمري نحبك ونموت فيك
وليد حتى انا ياروحي تصبحي ع خير
انا وانت من أهل الخير
غرور
انا قلبي طاح ف مكانه لما سمعت أسمي نعم
أيوب شن ديري هنا تعالي يبوك البنات
أنا بعد مارتحت انه ماسمعني جايه هيا
صفاء تعالا يزن بنلعبو
يزن فوتي أمي من أمتى نلعب مع العويل
صفاء حتى غرور بتلعب
يزن هيا قالت
صفاء ايه وقاتلي نادي ع يزن
يزن هيا نوضي مانبيش نخرب عليكم اللعب
صفاء ف خاطرها ع أساس
أيوب موافقه غرور
انا تم عادي
يزن شن بتلعبو
أيوب غميضه نربطو عيون الى بيلعب وهوا يحاول يمسكنا
يزن هيا نديرو القرعه
أيوب يزن أنت الأول
يزن الغش مافينا والغدر والخيانه
انا هيا يامغدور هههه
بدينا نلودو عليه
أيوب غمز لصفاء ودفتني ع يزن
انا لاااااا
يزن حضني إنتي مني
أنا غيرت نبره صوتي اني صفاء
صفاء هدي غرور
يزن حضني بقوه فرصه ولقاها كدابه أنتي صفاء
انا أرخيني صفاء عينك
يزن لما كان حاضني حسيت أنه يخبر فيا حاجات واجده
أنا سيبني ياتور
كلهم هههههه
ايوب دور غرور
انا غشاشين خزي ربطولي عيوني وبدينا ف اللعب
أيوب أشر ليزن بمعنى بينسحب هوا والبنات
انا وينك خيركم سكتو هدي الخيانه الى نحكي عليها فجأه حسيت بحد وقف قدامي
أنا مسكت واحد وبديت نتلمس فيه من إيده ومسكلي يدي
انا حولت من عيوني وكان يزن بس وين الباقيين
يزن مافيش حد غيرنا وكان قريب عليا هلبه لدرجه حسيت بشعور غريب نحس ف روحي نبي نحضنه نبي نقرب منه أكثر نبي نمسك إيده
يزن شن درتي فيا يزن ماعمره كان هكي نحبك أنا يابنت أفهميني
أنا كنت نشوف لعيونه كان ف شي جدبني ليه
يزن معاش تسكتي تكلمي
أنا شن بنقول مثلاً
يزن أي شي
انا بديت نرعش مانعرفش ليش
يزن بدا يقرب كان يبي يبوسني
أنا قعدت نحس بالنفس متاعه بس انا دفيته ابعد عني شن دير
خشيت للدار ودكرت غرور ووليد وقعدت نبكي
ف الصبح نضنا فطرنا
ايوب بنعومو هيا
انا لامانبيش
صفاء هيا
انا مانعرفش نعوم
زمزم نعلموك
انا خلوني نتفرج عليكم
مشينا للمسبح وشفت يزن كان يعوم
ايوب والبنات ينقزو وانا نتفرج
أيوب جاء وراايا ودفني
انا عقدت نعيط لأني بجد مانعرفش نعوم
يزن طلعني غرور غرور
انا نرعش ونكح
يزن شد ايوب وعطاه طريحه
جابولي منشف وخشيت الداخل
يزن
يزن شن حالها توا
صفاء متخافش حالها باهي خليتها رقدت
انا نتصل بوليد بس مقفل يارب يكون بخير
فات اليوم عادي جدآ أصلا مليت الحق
وصلنا لليوم الأخير
انا يزن نبي نحكي معاك شويه
يزن تعالي نتمشو
انا خود هدي أمانتك
يزن شن هدا
انا مفتاح الدراجه متع صاحبك
يزن بس هيا ليك أنتي توا
أنا مانبيهاش هدي هديه من صاحبك خليها عندك
يزن لو نقعد نتأسف طول عمري مستحيل نقدر نوصل تأنيب الضمير الى حاس بيه توا
انا مش مشكله سامحتك من زمان والصراحه فيه شي جدبني ليك بدا تفكيري كله فيك انت وبس حسيتك فاهمني وقريب مني يعني مانعرفش هل هدا حب او أعجاب بس الى نبي نعرفه أني وصلت لمرحله مانبيش نخسرك او نفقدك من حياتي
يزن😍😍 هدا الى كنت مستني نسمعه منك من زمان تعرفي كنت خايف ترفضيني وماتتقبليني بس والله فرحتي قلبي نحبك ونموت فيك
انا 😊😊 خلاص نتحشم انا
يزن ياحليلي منك هبلتيني
ضمينا دبشنا وروحنا
بعد مرور شهر
انا حبيبي يزون ستاحشتك
يزن ياقلبي أنتي نورتي
أنا والله ثريا شكت فيا ماشيه جايه عليكم
يزن هانت حبي توا بنجي نخطبك ونتزوجو
انا 😍😍وأخيرآ بيجمعنا حوش واحد
صفاء هلا بالحب نورتي
انا اهلين بيك
صفاء تفضلي وخشينا
وليد غرور تغيرت حاسها حبت يزن أنا كان قلبي حاسسني من الأول منعتها لأني كنت خايفه اللعبه تتحول لحقيقه والى كنت خايف منه صار لازم نرجع بسرعه قبل مانخسرها
علاقتي مع يزن طورت حبيته تعودت عليه مش بأيدي بس العائق الى قعد ف حياتي هوا وليد
وليد غرور حبيبي وأخيرآ حصلت اجازه غدوه مروح انا
انا وليش ماصبرت لين كملت الشهر وجيت مره وحده
يزن معقوله هكي تقولي حسبتك بتفرحي
انا لاماتفهم غلط بس عشان المسافه وهكي
وليد انا جاي ع خاطرك ومش هامتني المسافه مستاحشك حبي
انا باهي توا نحكو غدوة بنرقد توا باي وسكرت
يزن في من كنتي تكلمي ف هالوقت
انا هدي صاحبتي
يزن صاحبه ف نص الليل
انا وشن فيها
يزن اول واخر مره تعاوديها
انا حاضر حبيبي
يزن نحبك موت وربي
انا نموت فيك
ف الصبح
انا صباحو
ثريا صباح النور
انا بنطلع عندي عمل
ثريا ربي يعاونك
يزن أهلين يابرو شن أخبارك
محمد تمام تي وين ياراجل ولاحبيبه القلب حاكمه فيك
يزن طاحت يابرو والله بكلمتين طيحتها قتلك انا بنجيبها ف أقل من شهر
محمد والله قدها عارفك باهي كيف بيصير فيها
يزن قتلها بنخطبك وهيا ماصدقت
محمد معناها الحكايه بتتعقد
يزن تي لا هدا وين بتحلو الحكايه بنخطبها وبعدها بيومين بنفسخ باش نكسرلها خشمها ونخليها تترجاني
محمد والله انت داهيا
يزن مازال ماجبتها أمها الى تهين يزن
محمد منور يازعيم
انا أهلين
المتصل انا قريب نوصل وين بنتلاقو
أنا تعالا للمكان .........
المتصل تم
بعد مرور ساعتين
أنا واقفه وسمعت صوت سياره وقفت ونزل منها شخص
انا قربت منه وقعدت نشوفله
وليد مافيش حضن ولابوسه
انا حضنته ستاحشك يانور عيوني
وليد زعلان منك معقوله تتغيري عليا حبيتي يزن صح
انا هههه المعامله هدي خلاتك تجي باش نشوفك معاش تخليني
وليد ياعمري مستاحشك هلبه اقرصيني بالك نحلم اني نشوف فيك
انا طالعه لحناي فالحه ف القرص وقرصته بقوووه
وليد 🤬🤬يافرخه مش هكي بدال ماتبوسيني
انا حسيتها حبي هات نبوسها باش تبرا
وليد بوسيها بوسه طويله
انا كملت عليه بعضه
وليد انا خلاص بنمشي للجنوب
انا لا خلاص وبوسته
وليد ااااااه منك وخلاص
انا ومنك
وليد شن صار ف يزن
انا كله ماشي حسب الخطه قريب يهبل عليا وقالي بيجي يخطبني
وليد حط ايده ف نصه والله والتيس الى واقف قدامك شن بيدير ولاندير فرقه زمزامات ونقعد نغنيلكم
انا ياريت تعرف كان هدا حبي نرقص لصبح
وليد عض ع سنونه والله نقتلك يافرخه
انا ههههه نبصر ياغيور ياحلو ياراجلي وبو صغاري
وليد نجيهالي وخلاص
انا خلاص حبي برا شوف عميمه ونحكو بعدين
وليد عميمه ع اساس ياخوفي بعدين تولي امك تتدخل وامك دارتلي وامك قالتلي
انا بعدين نولي الكنه الشريره ونهارها أحرف
وليد😡😡شن هوا
انا نبصر حبي نحطها ف عيوني ام غزالي هدي
وليد عارفك انا ياحبي ربي يدومك عليا
انا امين يارب ومايحرمك مني
وليد ضربني خلاص من النفخه الزايده
انا يحقلي ننفخ وانا عندي انت
وليد قرصني من شاربي اللوطي عسل انتي وربي اسكتي خلاص راهو نقز عليك
انا خلاص سكتت ندس الباقي لليله الدخله
وليد🤦♂️🤦♂️🤦♂️نقولها اسكتي هيا تزيد تهبل فيا
انا نتلاقو حبي باي
طبعآ تحسابوني حبيت يزن اكيد ومستحيل نحبه وانا عندي وليد بس هدي كانت الخطه وقربت نهايته بس أنتو ادعولي
يزن حبي وينك اليوم
انا كيف مروحه للحوش
يزن حبيبي اليوم بنفتح مع اهلي موضوع خطبتنا
أنا بجد حبي متحمسه هلبه لرده فعلهم تعرف
يزن اكيد حايفرحو لانهم يحبوك هلبه
انا وانا نحبهم ونحب ولدهم
يزن ياروووحي انا بنسكر ونحكو بعدين أوكي
انا تم حبي باي دراه وووك امتى بنفتك منه
رجعت للبيت
انا عمي خالد نبيك ف موضع
عمي خالد أحكي نسمع فيك
انا .......
وليد يام ستاحشتك هلبه
ام وليد حتى ياولدي والله مكانك فاضي
وليد ربي يطول ف عمرك ياغاليه
ام وليد ويطول ف عمرك ونشوف ولادك
وليد ع سيره الولاد تسلم عليك غرور
ابتسام جايبه العصير لخوها ديما نسمعو بيها هالغرور امتى بنشوفوها
وليد هيا يام باش تخطبيهالي
ام وليد كان تبي من اليوم
ابتسام ربي يتمملك على خير
ف الوقت الى وليد يتناقش مع أمه ع موضوع الخطبه
يزن يام نبي نكلمك ف موضوع
ام يزن ان شاء الله خير
يزن نبي تخطبيلي غرور
ام يزن غرور
يزن خيرها
ام يزن بس انا كنت نبيلك بنت خالك
يزن يام انا خترت غرور ونبيها
ام يزن حتى غرور بنت كويسه مشاء الله عليها
يزن كلمي بوي باش يكلم خالد ويتفاهمو
اما أنا قاعده ف داري ونخطط للخطوه الجايه
فاتو يومين بدون اي أحداث جديده
يزن اهلين حبي وين أنتي
أنا ف الحوش مكسده
يزن اليوم جاي بنخطبك رسمي
انا تحكي جد حي ليش ماقتلي من امس معاش نلحق ندير شي لبسي شعري العصير الحلويات بنحرر فلسطين
يزن ههههه ياهبله انتي حلوة كيف ماأنتي ومافيش داعي تعبي روحك
انا ياعمري ياقلبي نموت فيك يامجنني
تمت الخطبه وتحدد البيان يوم الخميس يعني بعد ثلاته أيام
اما وليد قعد مسكر تلفونه
فاتو الأيامات وأنا نجري ونوتي فى روحي
محمد مبروك ياعريس
يزن ههههه عقبالك ياخال
محمد خاطري نشوف كيف بيصير فيها البنت لما تفوتها وتسيبها
يزن حاتترجاني باش نرجعلها وبدال الدموع حاتبكي دم
جاء يوم البيان و لبست قفطان أحمر طويل مفتوح من الظهر ودرت تسريحه حلوة وكان البيان ف البيت كنت خايفه ونرعش
خالد نورتو تفضلو
ثريا تزغرط لبست الدبله وباسني ع رأسي وقالي ألف مبروك ياحلالي
انا الله يبارك فيك قعد جنبي ع الصالون ونحنا نضحكو وهوا ماسك إيدي خواته قعدو يصورو معايا وامه ناضت ترقص وتزغرط من فرحتها لولدها
خالد انتو خليكم واتيين
وصل محمود وعيلته كلهم خشو الداخل والمفجأه انى كنت قاعده مع وليد الى لبسني الدبله والى خترت انه يكون شريك حياتي لأخر العمر
ام وليد خشو يابنات الداخل وخشو
محمود هدا شن الى نشوفو فيه
يزن وااقف مصدوم ويشوفلي
خالد بيان بنتي ع وليد
محمود مش غرور خاطبها يزن واليوم بيانهم
خالد تبيني نعطي بنتي للشخص الى خطفها وقتل أمها
ام يزن ولدي مش قاتل حد انتو تتبلو عليه باش تغطو ع عملتكم السوده
خالد فتحله تسجيل صوت ليزن تدكرو لما قالي ماعمري قتلت نمله وخطفتك ومانعرف شن انا كنت نسجل فيه
يزن كذب كله كذب
وليد ناض من الصالون مافيش حد يكذب الا أنت ياسيد يزن خلاص نهايتك هنا
خالد تصل بجماعته ورفعوه
يزن حولو عني مادرت شي حرام عليكم
محمود خساره ماربيت وكبرت أقتلوه واشنقوه
ام يزن وخواته يبكو انا الحق حبيتهم ناس طيبين بس ولدهم الفاسد يستاهل أحرف من هكي
خالد يامحمود انت ماعندك علاقه وبتقعد صاحبي زي قبل زي توا
نفهمكم شن صار لما رجع وليد خطرتلي الفكره هدي وقررت نخبر عمي خالد وخش معانا ف الخطه وكل شي مشى تمام والحمد لله كملنا الحفله على خير
أنا أول ألو بالتلفون الى جبته ليا
وليد ههههه مجنونه مبروك حبيبي انتى لو تطلبي عيوني نحولهم ونعطيهملك
انا اول ربي يخليك ليا بالتلفون الى جبته ليا
وليد خلاص يافرخه نطلعلك من التلفون
أنا أول ياريت تطلعلي بالتلفون الى جبته ليا
وليد بتهبليني ردي ع رقمك الأول يافرخه
انا عنوني مبروك عليك انا
وليد ههههه مش هكي ياغبيه
أنا اول مره ننخطب مانعرفش شن يقولو
وليد انتي تعرفي الى يسوس الملح
أنا اليوم انا أسعد إنسانه وأخيرا فتكينا من يزن ونتقمت منه وبديت خطيبتك وقريبآ زوجتك
وليد ياروحي ربي يقدرني انى نسعدك ونخليك أسعد إنسانه ف الدنيا
محلاه الشعور هدا تلقى شخص يحبك يخاف عليك يكون سندك فى الدنيا مش نحنا ماطيحي الا ف المنكد وعديم الرومانسيه ههههه نبصر
حددنا موعد العرس بعد شهر لأن وليد مدد ف الإجازه لبعد العرس
انا ياريت خوتي زي زمان قاعدين يحبوني راهو توا فزعولي وفرحولي تعرف ياوليد ستاحشتهم صح هما جرحوني وااجد بس ف النهايه خوتي والظفر مايطلع من اللحم وتصدق لما مات وائل والله زعلت عليه هلبه ودموعي لتوا ماجفو عليه
وليد مسكلي إيدي ياعمري أنتي ان شاء الله كل شي مع الوقت يتصلح ماتزعلي روحك
إبتسام احم مش كان خليتكم بروحكم شويا تأخدو وجه هلبه وتشدو ايدين بعضكم
أنا ههههه انتي بروحك نضتي كان كملتي جميلك وعطلتي كنت ع الأقل حصلت حضن
وليد شوف الفرخه ماتتحشم اسكتي عيب انا نتكلم مش أنتي
انا تكلم من شادك
وليد انتي بروحك نضتي كان كملتي جميلك وعطلتي كنت ع الاقل حضنتها
انا نفس كلامي هذا ياببغاء
وليد ركزي كويس انتي قلتي حصلت حضن وانا قلتها حضنتها
ابتسام مجانين هيا نوضو كان شبعتو مازال بنمشو لمحل مواد المنزليه
انا اول حاجه غساله الماعين
وليد ياسلام انتي تغسلي وطيبي وضمي وكل شي ديريه
انا وانت شن بدير
وليد هلبه حاجات مثلآ ناكل نشرب نرقد نتفرج ع التلفزيون
انا وقفت معناها طلقني
ابتسام هههههه كيف يطلقك وانتي مخطوبه
انا مالا افسخني
وليد وابتسام هههههههه وكملنا مشوارنا
جاء موعد العرس صح كلنا نراجو ف اليوم هذا بس والله اليوم هذا يخوف تقعد ترعشي مع بعضك حياه جديده ومسؤوليه مانقدرش نوصفلكم اللحظه هدي ويارب كلكم تعيشوها مع الشخص الى تحبوه لبست الفيلو وتمكيجت ولبست الطرحه وجاء الوقت الى بنمشي فيه للصاله
أنا اول ماطلعت كان فيه صوت غناء ورصاص وعياط ولما ركزت كويس شفت خوتي ياناس منير عماد ايهم اكرم انس يونس مجدي أحمد وعلي مش مصدقه انا نحلم أكيد
دارو دائره عليا ومسكو ف ايدين بعضهم وقعدو يرقصو ويغنو
انا دموعي مش وقتهم مانبيش وليد ينخلع لما يشوفني وقربو مني وحضنوني ركبت السياره مع وليد ودارو موكب كبيررر
انا خوتي يا وليد شفتهم كان يرقصو ويغنو وحضنوني
وليد عجباتك المفجأه
انا شن قصدك
وليد مشيتلهم وحكيت معاهم كانو حتى هما ندامنين وجاء منير كم مره يبي يستسمح منك بس عمي خالد طرده
انا ياعمري أنت وين بنمشي بيك وين بنخببك باش مايحسدوني عليك ندخلك ف بطني عادي تتحمل المكان غادي
وليد هههههه ياعمري أنتي نتحمل كل شي انا الا فراقك
انا نعيط نحبكككككككك
وليد يافرخه اليوم دخلتك المفروض خايفه وتبكي ومخلوعه
انا ايه صح دكرتني وطبست راسي ع اساس متحشمه
وصلنا للصاله ودخلت انا وليد وكان يوم حلووووو
وليد هااااا هو شكلي أنا الى خايف مش أنتي
انا نشوفله تخاف من حبيبتك
وليد والله متوتر مانعرفش كيف بنبدأ
انا نحولك دبشك ولابتحول ف الدار التانيه
وليد رمى الجاكه توا نوريك من الى بيحول لتاني ياصايعه
انا هههههه اهو رجعت وليد الشجاع الى نعرفه
وليد قرب مني وباسني بوسه طويله وبعدها تهنيت
بعد مرور سنتين
منير تعالي ملاك نعلمك تلعبي بلاستيشن
ملاك بدت تضرب ف منير
وليد بنتك طالعتلك
انا عاد عندها ٩خوال شن تبيها تطلع سندريلا
منير أنا بنرفعها الفرخه هدي نردها ف الليل بعدين نبيها تعلم بناتي الضرب لانها تضرب مليح
وليد وائل خيره حتى هوا يضرب
منير فكيني منه عياطه هلبه
وائل ولدي ممنوع تتكلم عليه
منير اسفين هيا سلام
اما عن يزن مات السنه الى فاتت دار عركه لما كان محبوس وضربوه بموس
عايشه انا ووليد وصغاري حياه سعيده والحمد لله مافيش مشاكل بينا اما عمي خالد وثريا مشو للحج ربي يتقبل منهم
انا حبيبي
وليد يشرب ف العصير عيونه
أنا حاااامل
وليد شرق وقد يكح
انا ههههههه كنت نبيك تشرق اصلآ
وليد قرب مني تبيني نموت ولاشن
انا ايه نبيك تموت فيا
وليد ياقلبي منك وخلاص نحبك ونموت فيك 😍😍😍
انا حول خلينا نودعو الناس الى تابع فينا ربي يحفظكم ويسعدكم نحبكم هلبه
وليد حتى انا نحبكم هلبه خاصة المعجبات سجلن رقمي 091
غرور هما مش حايكلموك لأنهم عارفين انك حبيب غرور وبس
النهايه
