غرور9
انا بعد شوي بنتقابل مع وليد وبننهي علاقتي معاه لكن بشرط تخليه ف حاله
يزن حانكون زي ظلك وماتنسي الخط يكون مفتوح لأني بنسمع كل شي
أنا أوكي تم
بعد نص ساعه
وليد ألو غرور هيا أطلعي أنا جنب الجامعه
أنا أوكي تم ركبت سياراتي وفتحت الخط ع يزن ردبالك يتم رصيدك وتفوتك اللقطه الى تبيها
يزن معبي باقه عشان اللحظه هدي
أنا تسخف أنت ع فكره
وكان وليد طول الطريق حاش ع الأنتظار
وقفت جنب المطعم
وليد معصب فتحلي باب السياره خيرك أنتي إنتظار ف من كنتي تكلمي
أنا كنت نكلم ف صاحبتي من الرجبان
وليد أنزلي حسابك بعدين نزلنا وقعدنا ع الطاوله
أنا شن تحب تفطر
وليد ياسلام شن رايك نوض نوقف وتجي انتي دفيلي الكرسي وتدفعي الحساب
انا نوض هيا
وليد مايكتبها ع التاريخ
أنا نبصر وانت وقاطعني وليد
وليد أنا نحبك نحبك نحبك نحبك نحبك نحبك نحبك نحبك نحبك نحبك نحبك نحبك نحبك نحبك نحبك نحبك
انا والله وذاني سليمات ونسمع
وليد حكيت لأمي وخواتي عليك بنتقدملك نبيك مرتي
أنا بعد لحظه صمت دامت لخمس دقائق قعدت نتخيل فيها أني قتله وانا نموت فيك ونعشقك ونضنا حضنا بعض والناس قعدت تصفقلنا قطع عليا صوته وهوا ينادي بأسمي غرور
يزن معصب ويراجي فيا نتكلم
أنا سحبت تلفون وليد وأشرتله يفتحلي الرمز السري وكتبتله ماتتحركش من مكانك لين نكمل كلامي
وليد فهم انه ف شي
انا أسفه ياوليد قلبي مع غيرك ومستحيل نقدر نكمل معاك وياريت تنساني وتفيق من الوهم الى انت عايش فيه
وليد ليش عشمتيني حرام عليك انا شن دنبي غير أني حبيتك لو تقوليلي موت نموت عشانك ليش هكي ياغرور
أنا ف الوقت الى وليد يتكلم فيه كنت أنا نكتبله ف تلفونه كويس هكي خليك مكمل وبعدين نحكيلك كل شي بالتفصيل
أنا أسفه كنت معتبرتك صديق لأأكثر ولاأقل ياريت تعيش حياتك وتنساني
وليد مش مسامحك ياغرور وناض وسيبني
أنا ع ماأظن سمعت الي تبي تسمعه
يزن وأخيرآ بنرقد مرتاح
أنا أبعد عن وليد يايزن
يزن لعيونك ياغزالتي
أنا سكرت وركبت سيارتي وتصلت بوليد
وليد فهميني شني المهزله الى صارت قبل شوي
انا حكيتله كل شي
وليد وليش ماحكيتي من قبل ليش
انا الشي هدا يخصني أنا ياوليد نبي نحرق قلبه زي ماحرق قلبي
وليد توا نجيبه تحت رجليك وديري شن تبي
أنا وليد أفهم عليا أرجوك مانبيش حد يدخل ف الموضوع هدا نبي ننتقم منه بروحي
وليد مش لعب صغار هوا يابنت أفهمي خيرك
أنا لو كنت تحبني ياوليد خليني نكمل ف الي بديته
وليد أنا خايف عليك مانبيش نخسرك
انا متخافش عليا أنا قدها
وليد شن بديري
يزن تمام يام درتي شن قتلك
أم يزن ليه ياوليدي
صفاء خاطري نعرف شن جايك عليه عمك خالد
أيوب شكله مكبد ع جاكي شان
صفاء كيف
يزن فنص ف خوه نوض جيبلي مية
وليد مازال ماقتنعت خايف نخسرك
انا متخافش عليا حبيبي
وليد ياروح حبيبك أنتي عاوديها عااوديها
أنا نعاودها لما تكون واثق فيا
وليد ثقه عمياء
أنا نحبك ونموت فيك
وليد تنهد ياريتك جنبي توا
أنا للأسف انا توا وصلت للبيت نحكو بعدين
وليد باي حبيبي
انا السلام عليكم
ثريا وعليكم السلام
أنا اووو عصبانيتو
ثريا اليوم معزومين ف حوش محمود صقر
أنا عند يزن
ثريا انتي شن قصتك مع يزن
أنا لاقصه لاشي
ثريا المهم جاء محمود بروحه وعزم خالد وقال لازم تجو كلكم
أنا سرحت هدي فرصتي
ثريا خشي غيري دبشك وتعالي تغدي
يزن ايوب بنطلب منك طلب
ايوب لا
يزن مسكه من رقبته تبي نقتلك
ايوب قول باه
يزن اليوم بتجي غرور نبيك تجيبها ليا ف الدار
ايوب تبيها تقتلني اصلآ هديكا مش بنت مصارعه
يزن ياخواف لو ماضرباتك هيا أنا بنضربك
أيوب وانت ليش معشش فيها فوتها
يزن مانقدرش حبيتها هدي أول بنت تعاملني بالطريقه هدي والا أنت تعرف خوك كيف يطيح ف البنات
أيوب حبيتها معناها
يزن تي معاش كلمت ولابنت من لما بديت نفكر فيها
أيوب حالتك صعبه
يزن دير شن قتلك
أيوب تمام
وليد طلعتي للنادي
أنا كيف طالعه
وليد هيا بنطلع حتى انا
انا وين بتطلع نحنا شن تفاهمنا أرجوك ياوليد تحمل الفتره هدي بس
وليد مش قادر الزح نبي نشوفك
أنا أفتح فيديو وحكينا شوي
روحت المغرب
ثريا هيا يابنتي دوشي والبسي
أنا تمام ورن تلفوني بأسم يزن مش راده دراه
يزن اخ منك وخلاص
طلعت من الدوش لبست جامسوت اسود ومخطط بالأبيض درت شعري ديل حصان مع شويه لمسات
خالد شني جاهزين
انا وثريا ايه وطلعنا
خالد رن الجرس فتحلنا يزن
يزن اهلين تفضلو أنستونا ومد يده قعد يسلم
أنا بتسمت وسلمت عليه دخلنا ورحبو بينا
أم يزن باهي الى شفناك مره تانيه
أنا طلعتي جارتنا وقريبه علينا حولت الشال والعبايه
صفاء وزمزم خوات يزن يشوفولي وقربو جنبي
ثريا هدولا بنياتك
ام يزن أيه
صفاء كيف حالك ياغرور
انا تمام وانتي
صفاء بخير وتعرفنا ع بعض الصراحه ف الأول ماحبيتهم بس طلعو كويسات
تعشينا وكان عندهم خدامه غسلت الماعين مش كيفنا تغسلي وضمي وطيبي حتى الضي تصلحيه أنتي وهدا كله لامرتب لاكلمه
لاكلمه طيبه
أنا منسجمه ف الهدرزه مع البنات
زمزم تعالي معايا نوريك الحوش
أنا تمام ونضت معاها
يزن هيا نوض شوفلي الوضع
أيوب تي باهي
زمزم هدي داري
أنا حلوه تهبل
أيوب الو يزن لما نديرلك رنه أركب الفوق
يزن تمام
زمزم هدي دار وقطع عليها صوت أيوب وهيا ينادي عليها
انا خلاص توا ننزل بروحي
زمزم خشي خليك توا نرجع بنوريك حاجه
أنا تمام نراجيك هنا
يزن نستأذن شوي
خالد خود راحتك
كان باب دار يزن مردود وكان قاتلني الفضول نبي نشوفها وقعدت نتخيل اني دخلت ولابسه لبس المحققين وندور ع أدله وصور نفضح بيها المجرم يزن
يزن احم أحم كنت متوقع جيتك لكن ماتوقعت نشوفك واقفه ع باب داري
أنا لو زدت شوي كنت لقيتني فيها الداخل
يزن خشي حتى توا
أنا مره تانيه وكنت بنمشي سحبني من يدي ودخلني لدار
يزن لصقني ف الحيط وحط ايديه الزوز ع الحيط وانا كنت ف النص بس حأسكتلو أكيد لا
أنا ضربته بمرفقي ع وجهه ولحقتله راجلي ع بطنه كانت أول حركه نتعلمها من خوي وائل
يزن نسيت أنك مدربه كاراتيه
انا واكيدا مش حاتنسى من الليله
يزن يابنت الناس أنا نحبك من الأخر انتي الى قدرتي تمتلكي كل حواسي انا نبيك ليا أنى وبس كنت ندور على بنت تخليني نفكر فيها ف كل وقت مانفكر ف شي غيرها اعطيني فرصه نخليك تحبيني
انا نشوفله كانو عيونه يلمعو ودم عزيزه نسيته انت قتلتلي أمي
يزن لا أنا عمري ف حياتي قتلت حتي نمله كيف بنقتل بني أدم انا كنت نبي ننتقم منك كنت نبيك تترجيني باش نكسر خشمك والله ماكنت نبي اللامور توصل للموت
أنا تمام صدقتك بس نبي شويه وقت باش نفكر
يزن كل الوقت ليك فكري ع راحتك واني مستعد نراجيك
أنا تمام خليني نطلع توا
يزن فتح الباب تفضلي بس بنقولك سحرتيني بجمالك طالعه تهبلي
انا بتسمت وطلعت غبي
زمزم اسفه عطلت عليك بس أيوب شغلني شوي تعالي نكملو
انا خلاص خليها وقت تاني حبي
زمزم أوكي هيا ننزلو
خالد بالله نادي عليهم الداخل
محمود خيرك مازال بدري
خالد خلاص هو داك
روحنا ومسكت تلفوني وقعدت نحكي مع وليد
أنا خيرك زعلان
وليد حولولي شغلي للجنوب
أنا قصدك بتمشي غادي
وليد ضروري
أنا لااااااا ماتمشي
وليد ضروري نمشي حبيبي مش بأيدي
أنا كيف بيصير فيا وانت بعيد
وليد ماتزيديها عليا نبي نخطبك قبل مانمشي
أنا بتعطل أنت
وليد شهرين
أنا حبيبي نبي نقولك حاجه وافهمني انا اليوم لقيت روحي ف الطريق الصح لما يزن عترفلي بحبه نبي نكمل الى بديت فيه
وليد خايف يابنت نخسرك ليش انت تحبي العناد
أنا وعد لما ترجع حاتلقاني نراجي فيك ياعمري
وليد تمام حبي وقعدنا نحكو
يزن نتصل بيها لا خليها تفكر ردبالك تضغط عليها
ف الصبح كالعاده دوشت ولبست وطلعت لأني كنت متواعده مع وليد
أنا يسعدلي صباحك
وليد وصباحك ياأحلا وحده ف العالم مسموح اللمس لأنه خاطري ف حضن الوداع
أنا تعالا خود أحلا بوكس للوداع
وليد والله ع قلبي زي العسل
انا قربت منه وحضنته بنستاحشك هلبه ردبالك ع روحك
وليد عشان خاطرك ياقلبي كنت متمني نمشي من هنا وانا عاطي فيك الكلمه
أنا وعد حاتلقاني نراجي فيك ع احر من الجمر
وليد اااححح اي
انا خيرك
وليد حرقتني الجمره
أنا مبردك الزح
وليد خلاص أطلقي وانتي كرشتي فيا
انا مني الى مكرش
وليد خاطري نخطفك
أنا بعد شهرين تعالا أخطفني
وليد تم وضربلي تحيه متع العساكر والشرطه وركب سيارته ومشى
أنا ستودعته الله ومسحت دموعي قداش مانكره لحظات الوداع
رجعت للحوش وتصلت بيزن
يزن صباح الورد والياسمين
انا صباح النور
يزن ياريت كل صباحتي زي هالصبح
أنا لو بتقعد تجيني ف الأحلام حاتتصبح عليا
يزن ان شاء الله خير حلمتي بيا
أنا ايه وكنت ماسك يدي ومشينا بعيد
يزن مافيش إشارة احسن من هدي لعلاقتنا
أنا الصراحه حتى انا هكي فسرتها وقررت نعطيك فرصه
يزن ووليد
انا وليد سافر ومش راجع وماحاول يدافع عن حبنا
يزن حانسيك فيه وف العالم كله
أنا متحمسه نشوف شطارتك
يزن اليوم خميس صح
أنا إيه
يزن جهزي روحك حانقابلو بعض لمده ثلاته أيام
أنا كيف
يزن بعدين توا تعرفي
صكرت من دراه الكبد وفتحت تلفوني ع صور وليد ستاحشته ياناس حاولت نتصل بس كان خارج التغطيه قعدت نفكر فيه لعند رقدت
ثريا مش تحس كثرنا عليهم
خالد الراجل يحلف وانا نحلف تحشمت منه الحق
ثريا نمشو وخلاص منها نغير حتى جو نغميت ف الحوش
خالد غرور ين
ثريا جت نوضتني
انا الساعه كم
ثريا الظهر يأذن
أنا حي رقدت هلبه وتصلت بوليد بس مارد عليا نضت صليت الظهر ولقيت مسج من وليد حبي كيف وصلت حبيبي نظم أموري نكلمك
أنا الحمد لله طمنت عليه
ثريا شن تاني شن تاني
أنا خيرك حايسه وهدا شني ولاتعاركتي مع عمي خالد وبتطلقي
ثريا بعيد السو انا من عندي غير خالد
خالد ياخسارة قبل نبي نجيب الثانيه لكن كلامك أثر فيا
انا هههه غير أحكولي وين ماشين
خالد هدا عمك محمود قال عنده استراحه كبيره ويبينا نمشو غادي نغيرو جو يومين ثلاته
أنا تفكرت كلام يزن باهي
يتبع
