غرور 7
يزن حاتندمي ياغرور
وائل الو
المتصل مرحبا خوي وائل
وائل أهلين بيك منى ماعرفتك
المتصل معاك واحد يبي يساعدكم انت وخوتك
وائل ياريت توضح
المتصل قطعة الارض الى حقها نص مليون نقدر نخليها تكون من نصيبكم ف ظرف يومين
وائل انت من ومن وين تعرف المعلومات هدي
المتصل واحد يبي ينتقم من أختك الى هانتني وللصراحة خديت وقت باش جبت المعلومات هدي نبيك فى ظرف يومين تكون ف طرابلس
وائل بفرحة تم بس ممكن نعرف اسمك
المتصل يزن
وائل بجودة بيك خوي
رحاب مني هدا
وائل قصلها القصة كلها
رحاب لازم تصاحبه وتحطه ف جيبك بما أنه بيعطيك الفلوس معناها شبعان وعينه مليانة
وائل جمع خوته أسمعو حقنا بناخدوه وأمكم مع غرور وغدوة انى ماشي وبنجيب حقنا وبنرجع
ماما عزيزة انا مشيت
عزيزة تمام ربي يحفظك
ف الجامعة كملت محاضراتي وانى مروحة وكيف نفتح ف باب السياره رن تلفوني
الو مرحبا
المتصل أهلين ياغرور
انا تفضل وكان صوت حلو عارفه مش وقته
المتصل هههههه أكيدا حانتفضل وإنتى بتلبى
انا شكلك واحد تتسهوك وانى مش فاضية للعب
المتصل أسمعى توا بري لحوشكم ونوعدك انك حاتتصلي بيا تاني
أنا طرت بالسيارة للحوش ولقيت الباب مفتوح وماما عزيزة مهناش طلعت التلفون وتصلت
المتصل تفضلي هههه
انا وين عزيزة
المتصل ف الحفظ والصون
أنا لو تتجرأ وديرلها حاجة صدقني حاتندم
المتصل حلوة وشجاعة وجريئة نهنيك بس حاتندمي صدقيني
أنا ليش خطفتها شن تبي
المتصل توا تعرفي بعدين
انا الو عمي خالد عزيزة خطفوها تعالا بسرعة
وائل تلاقى مع يزن واتفقو ع كل شي
بينما انا نطلع ونخش ومتوترة رن الجرس كان عمي خالد ومعاه ثلاثة زوز كبار ف العمر وشاب طويل وعريض عيونه بارزات لحيه مرسومة خشم واقف وشخصية
عمي خالد الضابط ايمن والضابط مصطفى والشاب عسكري وليد
قعدنا على الصالون وبدا عمي خالد ف السؤال كيف صار يابنتي
انا ياعمي وقطع عليا صوت رنة التلفون ورديت من المرة الاولة وفتحت المايك
المتصل ستاحشتيني رديتي طول
انا إنقز شن تبي
المتصل أوكي الطلب الأول نبي قطعة الأرض الى كتبها بوك بأسمك
انا والتاني
المتصل مستعجلة هلبة انتي التاني نبيك إنتي
أنا انت من طرف خوتي صح
المتصل لا ياحلوة
انا أوكي الأرض تستلم وراقها توا وحالآ
المتصل ومعاهم إنتي
أنا أوكي تمام موافقة
المتصل شطورة تعرفي مصلحتك وين
انا عشان ماما عزيزة بس ياواطي وصكرت
ايمن أحسنتي عجبتيني لأنك مافقدتيش اعصابك وقعدتي طبيعية
عمي
عمي خالد إنتي مافيش مشي
انا ياعمي خالد متخافش عليا
وليد لازم نديرو خطة
أنا المتصل بيكون من طرف خوتي هما وراء القصة هدي
ايمن بس المتصل نكر الشي هدا
بعد تفكير مني خطر على بالي منير
منير الو
انا انت قاعد ف الحوش وخوتك خاطفين أمك دليل ع أنك مش محسوب مع الرجالة
منير اعرفي كيف تتكلمي وانتى تعرفي من هوا منير
انا ههههه تى انت حتى البلاستيشن ماتعرفش تلعبه
منير لعلمك عندي العلم إن وائل خاطف أمي هوا وصاحبه باش ماتقولي راقد ع وداني
انا صكرت وشفت لعمي خالد ورن التلفون
المتصل تعالي للمكان..........
انا تم
المتصل ف سيارة تراقب فيك وبتقعد وراك لين توصلي ردبالك تلعبيها عليا وتجيبي حد معاك
أنا أوكي
عمي خالد كيف الراي
ووليد أنا بنمشي معاها بندس روحي ف السيارة
عمي خالد كيف والسيارة البرا وهما يراقبو
انا ساهلة نكلم ولاد الجيران يديرو مشكلة قدام الحوش وهكي الناس تتجمع ووليد يركب
عمي خالد تعرفيهم الجيران إنتى
أنا ايه ونفدت الخطة بعد ماحكيت لجارتنا شن صار مع عزيزة مافاتو خمس دقايق وبدينا نسمعو ف العياط البرا وكان فيه ناس متجمعين ركب وليد وبعدها ركبت ومشينا
أيمن توا نحنا نلحقوهم بعد مايتصل بينا وليد
ونحنا ف الطريق
وليد ماتخافيش وخليك منتبهة
أنا مش خايفة انت الى متخافش
وليد عصب شن قصدك
انا زي قصدك
وليد عشان عمي خالد بس بنفوت الموضوع
انا وقفت السيارة إنزل توا مانحبش حد يتجمل عليا توا نمشيلهم بروحي ورن تلفوني
المتصل ليش واقفة ف نص الطريق
أنا وكان مانبيش نجي شن تبي دير
المتصل اسمعي شن بندير وسمعت صوت عزيزة تعيط
أنا حاتندم وحق ربي ولعت السيارة لعند وصلت للمكان نزلت وبديت نمشي بخطوات بطيئة كان حوش مهجور وبعيد ع الأحياء السكنية خشيت الداخل وكان المكان مظلم رن تلفوني
المتصل فى قدامك طاولة حطي عليها الورق
أنا نشوف عزيزة نحط الورق
المتصل دكية إنتي ع فكرة ونضربت ع راسي وفقدت الوعي
وليد بعد ماتأكد من عدم وجود حد يشوف فيه طلع من السيارة وتخبا فوق الشجرة وتصل بعمي خالد باش يجو لأن. نحنا كنا متفاهمين لوعطلت أكثر من نص ساعة يتصرفو هما
فقت وأنا مربوطة ونشوف لعزيزة وهيا تبكي
أنا عزيزة شن دارولك
عزيزة ليش جيتي يابنتي المفروض خليتيني
انا مستحيل نخليك ياأحلا ام ف الدنيا
وليد عمي خالد بنهجمو طول لأن المقر فيه 4نفار بس
أيمن ممتاز جدآ
يزن أهلين ياغرور أنستي
أنا مش جيتك خلي عزيزة فحالها
يزن
يزن وهوا متلتم مازال الأكشن اصبري يحلوة
وائل وكان متلتم تعالا شوية
يزن خير أمك أنت
وائل أعطيني الورق ومادخلني ف قصصك
يزن سكر فمك خير مانشركهم الورق
وائل تصل برحاب هدا يلعب عليا ماباش يعطيني الورق
رحاب أقتل غرور واقتل يزن وجيب الورق
وصل عمي خالد وحاصرو الحوش
يزن فك عزيزة وطلعها وائل وقرب مني وقعد يمسلي ف وجهي جميلة ومغرورة وشرسة
أنا تفلت على وجهه أطلقني كأنك راجل تشوف شن ندير فيك
عمي خالد والجماعة بدو يخشو بشويا
يزن فتحلي وكان يبي يغتصبني بس انا ضربته وقدرت نبعده
جماعة يزن حسو بعمي خالد وبدا صوت الرصاص
انا حولت القناع ع يزن هدا إنت ياحقير وربي لما تندم
وائل دف أمه وطاحت على رشادة كبيرة وراسها دم وحاول يأخد الورق لكن تصاوب وطاح ع الأرض
وليد قتل زوز من جماعة يزن
يزن يسمع فيهم يقولو انت محاصر أطلع احسلك غافلني ودفني وهرب من الشباك
وليد انتى بخير انا مش منتبهة معاه وندور ف عزيزة لين لقيتها طايحة وراسها دم
انا عزيزة ونعيط لا ماتخليني
عمي خالد تعالي ياغرور وكان محول القناع ع وائل وهو متصاوب ف بطنه سعفناهم للمستشفى وائل مات وعزيزة من قوة الضربة والنزيف خشت ف غيبوبة
وانا من وقتها ف المستسفى
الممرضة منى حرام قداش عانيتي يابنت
البنت باست راس أمها سامحيني ياتاج راسي
الممرضة فردوس ف مريضة تبي دم حالة مستعجلة فصيلة دمها،o-
انا نفس زمرت دمي
الممرضة تعالي معايا وسحبت مني دم والحمد لله سعفو المريضة واستقرت حالتها
الدكتور أمكم حالها باهي والفضل للمتبرعة الى نقدندتها ف أخر لحظة
مؤيد وين نلقوها البنت
فردوس تعالو معايا
انا كنت قاعدة ونشرب ف القهوة ونحكي مع الممرضات
فردوس ياغرور
انا نعم والصدمة كان يزن قدامي ومعاه أيوب ومؤيد
يزن بصدمة يشوفلي ويقول ان شاء الله ماتطلع هيا المتبرعة
مؤيد بارك الله فيك ياأختى بفضلك رجعتي أمي للحياة ونكتبلها عمر جديد
انا مادرت غير الواجب وربي ينوضها بالسلامة
أيوب ماكنت متوقع يجي يوم ونشكرك فيه
أنا مش شرط تشكرني
أيوب ضحك مايجيش عيب شكرآ ياجاكي شان
مؤيد تعرفها
أيوب هدى البنت الى ضربتني
أنا ان شاء الله معاش تنعاد
يزن أكتفى بالصمت وهوا مصدوم وقربت عليه أنت الى بسببك أمي اليوم بين الحياة والموت وانا الى رجعتلك أمك من الموت واعرة صح ومن اليوم دمي يجري ف عروق أمك خليك واتى لانى حانردها ليك
يزن ساكت وخلاص
فات اليوم عادي
فالصبح جتنا مريضة يتبعغرور11
أنا ان شاء الله لابأس ياخالة
المريضة تسلمي يابنتي
منى الغرفة اليوم مكسدة
أنا بكل طلعو كلهم وأنى شكلي مطولة
منى أحسن باش تغيريلينا جو
أنا مصحك والله
يزن السلام عليكم وانا تفجأت وهوا تفجأ
والمريضة طلعت أم يزن ياعليك صدفة
أنا مقابلة يزن لان سرير امه مقابل سرير ماما
يزن يشوفلي مرة مرة بس أنا حاقراته
منى تعالي حسين وياسين يسألو عليك
أنا توا نجيهم وطبعآ ديما ديما ماما نحكيلها ف كل شي گأنها مش ف غيبوبة
انا ماما توا نجيك باهي مش معطلة عليك
منى امك ف غيبوبة مش راقدة ياغرور
أنا لكن متأكدة إنها تسمع فيا
وطلعت وكان يزن يشوفلي وهوا حاسس بنوع من تأنيب الضمير
حسين تى وين ياقردة معاش بنتي
أنا ياعليك أسلوب وخلاص
منى ههههه خيرك ياحسين تكلم باهي
أنا جيعانة نبي شوارما
وليد يشوف فيا نضحك مع الشباب وعصب شويا
منى شوفو الطرف الى واقف غادي
انا تلفتت وأشرتله
وليد السلام عليكم
الكل وعليكم السلام
وليد شن حالك وحال أمك
انا أمى ع حالها قاعدة
وليد ممكن نشوفها وخشيت أنا وياه للغرفة وكان يزن قاعد مع أمه
وليد السلام عليكم
يزن وعليكم السلام
انا وهدى ماما ليها شهر راقدة
وليد ربي يشفيها
أنا الله لاتسامح الى كان السبب ونشوف ليزن
وليد نحنا مازال ندورو فيه الى دار فيها هكي
أنا مافيش داعى تعبو روحكم انى توا نلقاه بروحي
يزن يسمع وساكت وف خاطره البنت هدي مش ناوية خير ومن هوا الى معاها
وليد كان تبي شي اتصلي بيا
أنا شفتله شكرآ
وليد طلع وفى خاطره ان شاء الله ياعمتى ماتنوضي باش نتسبل ونشوفها الهبلة هدي
يزن ناض ووقف جنبي إنتى شن ناوية يابنت
أنا نشوفله خايف منى شكلك
يزن هههه هلبة والله
أنا كل شي ف وقته حلو وأمك معانا ف نفس الغرفة وهدا يساعدنى باش نفد الخطة متاعي
يزن بخوف أمى خط أحمر ردبالك تحاولي تقربيها
انا كان لازم تفكر قبل مادير عملتك السودة
يزن طلع وكلم مدير المستشفى واتفق معاه إنه بيقعد مع أمه24ساعة
وافق المدير
ف الليل وقت النوم
أم يزن تعالي غطيني يابنتي
انا قربت منها خش يزن أبعدي ع أمي
أم يزن انا ناديتها
يزن معاش تطلبي من حد شي من اليوم أنا معاك ف كل دقيقه وتانيه
أنا نضحك ونشوفله شديت مصفحي وقعدت نقرا
يزن ماسك تلفونه وشكله يراسل ف صاحبته ولامانعرف من
صليت الفجر وقعدت نحكي مع ماما
ماتبيش تنوضي هيا ستاحشتك عطلتي عليا
يزن ماتقولش هيا نفسها البنت المسمومة الى تكشخ وتشوفلي بنظرات حقد والله يتبع
