غرور6
عمي خالد جاني ورفعني لحوشه
عمتى ثريا حضنتني وقعدت تواسي فيا
عمى خالد حتى ناس بوك مافيهم خير وكأن التاريخ يكرر نفسه حتى هما دارو نفس الشي ع الفلوس وف النهاية حاربو بعضهم وكل حد مشى لجيهة
عمتى ثريا نحنا أهلك وناسك
انا بارك الله فيكم نبي عزيزة
عمي وينها هيا
انا رفعها وائل
عمي خالد هيا نمشو نشوفها
وائل من تبي
انا وين عزيزة نبي نشوفها
وائل صكر ف وجهي الباب ومشيت لخوتي كلهم وكلهم سمعوني كلام وطردوني
رحاب أمك علة فوق راسي أحدفها فدار العجزة معاش نبيها ف حوشي ولا أطلع حتى انت
وائل تمام حاضر
منير رجع من السفر وقنعوه بكلمتين وأنظم ليهم
عمى خالد غيرولي مكان شغلي لطرابلس عمي خالد يخدم ف الجيش
عمتى ثريا معناها بنحولو
عمي خالد مافيش حل تاني
انا لو مكثرة عليكم راهو نأجر بروحي
عمي خالد إنتي بنتنا وأعز
انا بارك الله فيكم بنمشي عند الجيران بنجيب دهب أمي واوراق مهمه
عمتي ثريا احسن مادرتي طلعتيهم من الحوش
انا درت إحتياطي من لما هددوني يحرقو الحوش
عمي ليش ماشكيتي فيهم
انا شكيت فيهم لربي
الصبح ودعنا الرجبان وانطلقنا لطرابلس وصلنا وبالتحديد لقرقارش نزلنا الدبش وارتحنا
بعد أيامات سجلت ف الجامعة بعد ماكنت موقفة وكنت متخصصة هندسة
فى ليلة الخميس كنت مع عمي وعمتى نتفرجو على عمي الهادي وكان يحكي ع الأم والامهات الى حدفوهم ولادهم ف دار العجزة دكرت ماما وعزيزة وكيف الناس دير هكي ف امهاتهم
انا عمي غدوة نبي نمشي لدار العجزة
عمتى عزيزة نمشو ليش لا
ف الصبح طلعنا شرينا هدايا ومشينا رحبو بينا وقعدت نسلم عليهم ونبوسلهم ع روسهم وكانت فى وحدة تشوف من الروشن
انا السلام عليكم
المراه شبحتلي
انا عزيزة
وحضنتها وقعدنا نبكو كلهم تأثرو هلبة
انا دورت عليك وماخلوني نشوفك
عزيزة قالولي نحرقتي ف الحوش
انا حسبي الله ونعم الوكيل فيهم
وطلعنا وكنا مبسوطين وقررنا نفتحو صفحة جديدة
ف الصبح كنت ماشية للجامعة كان ف ولد عمره18سنة شاد كلب ويجري ع البنات
انا مشيتله ووقفت قدامه ماتتحشمش انت على وجهك تخوف ف البنات
الولد بري من قدامي خير مانطلقه عليك
انا ههههه شكلك عيل لين بتطلق عليا كلب وانت خيرك ماتجيش تضرب
الولد تنرفز ربط كلبه وقرب مني طبعآ أني هاوية عركات وخوتي كانو مدخليني ف صالة كارتيه خديت الحزام الاسود ضربته وطيحته ف الارض طلعتله البوخوصة شن رايك نشوهلك وجهك
الولد معاش نعاودها وقعد يوخر وناض هرب كان حوشهم فى نفس
كان حوشهم مش بعيد هلبة فى الشارع التاني
يزن خيرك ياأيوب ليش خشمك ينزف ومنظرك هكي
أيوب متعارك مع واحد
يزن من ضربك قولي نعرفك أنا مش متع عراك
أيوب طبس رأسه بنت الى ضربتني
يزن شد أيوب من قميصه بنت تضرب كيف قولي راجل بطولك وبعرضك تضربك
أيوب ماهي بنت هيا تقول جاكي شان
يزن تعالا معايا ياغبي
أيوب وين بنمشو
يزن نمشو للبنت الى ضرباتك نشوف شكلهاوطلعو
أنا قعدت نحكي مع البنوتات انتي شن اسمك
أنا يسرى وهدي إسراء وهدي منيرة
انا عاشت الأسامي
يسرى وانتي
انا اسمي غرور
منيرة علميني حركات باش نضرب الولاد
انا ههههه حاضر توا نفضي روحي ونعلمكم
أيوب البنت واقفة مع البنات
يزن لو سمحتي
انا تلفتت وشفتله
يزن إنتي
انا تفضل ياخوي نعرفك
يزن انا الى قعدت جنبك ف الطيارة
انا اول مرة نشوفك
يزن ليش تضربي ف الولد
أنا ماعمريش نضرب حد الا لما نلقاه غالط
يزن وخويا غلط معاك
انا لا لكن غلط مع البنات كيف تخوفهم بالكلب تخيل لاسمح الله يجيهم السكر من الخوف
يزن وانتي شن عندك علاقة بيهم
انا اي حد ضعيف وبنلقاه محتاج مساعدة بنساعده
يزن المرة هدي نسامحك بس المرة الجاية مش حانرحمك
انا اتجهت لأيوب المرة هدي جاتك بسيطة المرة الجاية نشرب من دمك
يزن نصدم من ردت فعلي وقعد يشوفلي
أنا يابنات برو لحوشكم وسلمو على ماما ولو قرب منكم مرة تانية خبروني ومشيت
يزن بغضب ضرب خوه ع راسه أمشي قدامي كله منك تعرضت للإهانة
مشيت للجامعة ورجعت
انا عمي خالد أنا وعزيزة بنأجرو حوش بروحنا وبنستقرو فيه
عمتى ثريا زعلناكم ف حاجة خيركم
انا والله مش هكي بس خوتي مازال ناوين الشر وخصوصآ لما عرفو ان عزيزة معايا
عمي خالد وأنتو شن بديرو بروحكم
انا ياعمي متخافش عليا نقدر ندافع ع روحي وع عزيزة
عمي خالد براحتكم توا نشوفلكم حوش
انا شفت حوش ف والايجار كويس ومفرش
عمتي عزيزة انتي مقررة معناها ومن زمان
انا ماتزعلو حانزوركم
يزن تاني مرة ننهان فيها من وراء البنت هدي والله راح ندمها ع حياتها
وبدا يخطط كيف يصيدني
فى الصبح وصلنا عمي خالد لبيتنا الجديد وودعنا ومشى
عزيزة يابنتي انا خايفة عليك
انا متخافيش ياماما أخبارهم ولادك عندي أول بأول وماتنسيش إنى تربايتهم نعرف شن يفكرو
شريت سيارة بعت شوية من دهب أمي وفتحت صالة لتعليم الكراتيه للبنات والنساء ف البداية ماحد شجعني بس بعدها بدا عندي مجموعة كبيرة
يزن جبت كل المعلومات عنها إستعدي ياغرور حانخليك يتبع
