ﻣﺴﺎﺀ ﺍﻟﺨﻴﺮ ❤
ﺍﻟﺒﺎﺭﺕ ﺍﻟﺴﺎﺑﻊ
#ﺳﻼﺳﻞ_ﺍﻟﻌﺎﺷﻘﻴﻦ
ﺑﻘﻠﻢ ﺭﻓﻞ ﺍﻟﻜﻨﺎﻧﻲ ✍✍✍
ﺍﻣﺲ
ﺷﻔﺘﻚ ﺣﻨﻴﻦ ﻣـﻌﻠﮓ ﺍﻋﻠﻰ ﺍﻟﺒﻮﺏ
ﺷﻔﺘﻚ ﺗﺨﺘﻞ ﺑﻌﻤﺮﻱ ﺫﻧﺐ ، ﻣﺎﻳﺪﺭﻱ ﻭﻳﻦ ﻳﺘﻮﺏ
ﻫﻠﺒﺖ ﺑﺎﻟﺪﺭﺏ ﻭﺃﻟﮕﺔ ﺍﻟﻮﻃﻦ ﺻﺪﻓﺔ !
ﻭﻳﻠﻤﻨﻪ ﺍﻟﺘﻌﺐ
ﻭﺍﻟﺨﻮﻑ
ﻭﺍﻟﺮﺟﻔﺔ
ﻭﻧﺘﺸﺎﺑﮓ ﻭﺍﺑﻮﺱ ﺧﺸﻮﻧﺘﻪ ﺍﻟﺘﺮﻓﺔ
ﻭﻳﺪﻟﻴﻨﻲ ﻋﻠﻰ ﻋﻴﻮﻧﻲ ﺧﺬﺍﻫﻦ ﻳﺎﺣﺰﻥ ﻣﻨﻲ
ﻭﻳﻌﻴﺸﻨﻲ ﺍﻟﺴﻨﻴﻦ ﺍﻟﻀﺎﻣﻬﻦ ﻋﻨﻲ
ﻭﻧﻤﺸﻲ ﺛﻨﻴﻨﻪ ﺗﺎﻳﻪ ﻟﮕﺔ ﺗﺎﻳﻪ
ﻭﺍﺿﻞ ﺍﺑﭽﻴﻠﺔ ﻭﻳﻐﻨﻲ
ﻭﺍﮔﻠﺔ ﺍﻟﻐﺮﺑﺔ ﻣﺎﺗﻌﺮﻑ ﺗﻠﻢ ﻋﺎﺷﮓ
ﻭﻟﻮﻣﺎ ﺍﻧﺖ ﻣﺎ ﻧﻨﺠﺒﺮ ﻭﻧﻔﺎﺭﮒ
ﺍﻧﺖ ﺍﻭﻝ ﻭﻃﻦ ﻣﺒﻴﻮﮒ ﻓﺎﺗﺢ ﺣﻀﻨﻪ ﻟﻠﺒﺎﻳﮓ
ﻭﺍﮔﻠﻪ ﺍﻏﻔﺔ ﺍﻋﻠﻰ ﭼﻔﻲ ، ﻭﺧﻞ ﺍﻟﻮﻟﻴﻚ
ﺗﻄﻴﺢ ﺍﻧﺖ ﻭﻧﻌﺎﻭﻱ ﺍﻣﻲ ﺗﺠﻲ ﺗﺸﻴﻠﻚ
ﻣﻌﻠﻤﻨﻪ
ﺍﻟﻨﻬﺎﺭ ﻧﻤﻮﺗﻠﻚ ، ﺑﺎﻟﻠﻴﻞ ﻧﺒﭽﻴﻠﻚ
،،،،،،،،،،،،،
ﻓﺘﺮﻩ ﻭﺧﻄﺐ ﻳﻤﺎﻥ ﺍﻟﻤﻦ ﻭﺷﻠﻮﻥ ﻣﺎﺩﺭﻱ ﺩﺧﻠﺖ ﺑﺤﺎﻟﻪ ﻣﻦ ﺍﻟﻬﺪﻭﺀ ﻭﻳﻪ ﺭﻭﺣﻲ ﺍﻟﻜﻞ ﻋﺒﺎﻟﻬﻢ ﺑﻴﻪ ﺷﻲ ﻭﺣﺪﻩ ﻣﻨﻬﻢ ﺟﻨﺎﻥ
ﻋﺰﻩ ﻳﺴﺮ ﺷﺒﻴﺞ ﺑﺲ ﺳﺎﻛﺘﻪ
ﻟﻴﺶ
ﺷﻨﻮ ﻟﻴﺶ ﺷﺒﻴﺞ ﻳﺎﻟﻠﻪ
ﻗﺒﻀﺖ ﺍﻳﺪﻱ ﺣﻴﻞ ﻋﻴﻮﻧﻲ ﻏﺮﻏﺮﻥ ﺑﺮﻃﻤﺖ .. ﻟﻴﺶ ﺧﻄﺐ ﺷﻠﻮﻥ ﻧﻄﺎﻩ ﻛﻠﺒﻪ ﻳﻜﺴﺮ ﻛﻠﺒﻲ
ﻛﻌﺪﺕ ﺑﺼﻔﻲ ﻟﺰﻣﺖ ﺍﻳﺪﻱ ﻋﻴﻮﻧﻪ ﺩﻣﻌﻦ ... ﻳﺴﺮ ﻭﺍﻟﻠﻪ ﺍﻟﻌﻀﻴﻢ ﻓﻼ ﻫﻮﻩ ﺍﻣﻲ ﺍﻣﻲ ﻛﻠﻪ ﺗﺪﺍﺑﻴﺮ ﺍﻣﻲ
ﻭﻫﻮﻩ ﻭﻳﻨﻪ ﻣﻦ ﻛﻞ ﻫﺬﺍ
ﺩﻧﻜﺖ ﻣﺮﺗﺒﻜﻪ ... ﺗﻌﺮﻓﻲ ﻣﻴﻐﻀﺐ ﺍﻣﻲ ﺗﺪﺭﻳﻦ ﺑﻲ ﻣﻴﻜﺴﺮ ﻛﻠﻤﺘﻪ ﻳﺨﺎﻑ ﺍﻟﻠﻪ ﺑﺒﻬﺎ ﻭﺑﺎﺑﻮﻳﻪ
ﻭﺍﻧﻲ ﺍﻧﻲ ﻋﺎﺩﻱ ﻳﻜﺴﺮ ﻛﻠﺒﻲ
ﺳﻜﺘﺖ
ﺟﻨﺎﺍﺍﺍﺍﺍﺍﻥ ﺍﺣﺠﻲ ﺍﻧﻲ ﻋﺎﺩﻱ ﻳﻜﺴﺮ ﻛﻠﺒﻲ
ﻛﺎﻣﺖ ﺩﺗﻄﻠﻊ ﺻﺮﺧﺖ ﺟﻨﺎﺍﺍﻥ ﻟﺘﻔﺘﺖ ... ﺍﺭﻳﺪ ﺍﺷﻮﻓﻪ
ﻓﺘﺤﺖ ﻋﻴﻮﻧﻪ .. ﺷﻨﻮ
ﻻﺧﺮ ﻣﺮﻩ ﻏﺼﻪ ﺑﻜﻠﺒﻲ ﻭﻛﻼﻡ ﺍﺫﺍ ﺑﻘﻰ ﺑﺼﺪﺭﻱ ﻳﻜﺘﻠﻨﻲ
ﻳﺴﺮ ﻭ ﺍﻟﻠﻪ ﺍﻟﺤﺠﻲ ﻣﻴﻔﻴﺪ
ﺟﻨﺎﻥ ﻛﺘﻠﺞ ﻻﺧﺮ ﻣﺮﻩ
ﻫﺰﺕ ﺭﺃﺳﻪ ﻭﻃﻠﻌﺖ ﺩﻧﻜﺖ ﻧﺰﻟﺖ ﺩﻣﻌﺘﻲ ﺭﻓﻌﺖ ﺭﺍﺳﻲ ﺍﻟﻤﺮﺍﻳﻪ ﺑﻮﺟﻬﻲ ﺷﻌﺮﻱ ﻣﺨﺮﺑﻂ ﺟﻮﻩ ﻋﻴﻮﻧﻲ ﺍﺳﻮﺩ ﻧﻬﻀﺖ ﺻﺮﺕ ﻛﺪﺍﻣﻪ ﺗﺤﺪﻳﺖ ﻧﻔﺴﻲ ﺍﻧﻲ ﻳﺴﺮ ﻣﻦ ﻳﻮﻡ ﻳﻮﻣﻲ ﻳﻤﺎﻥ ﻳﺮﻛﺾ ﻭﺭﺍﻳﻪ ﻭﻳﺘﻤﻨﻰ ﺭﺍﺿﻲ ﻫﺴﻪ ﺑﺴﺒﺒﻪ ﺗﻨﺰﻝ ﺩﻣﻌﺘﻲ ﻭﺍﺻﻴﺮ ﺑﻬﺬﺍ ﺍﻟﻀﻌﻒ ﻣﺴﺘﺤﻴﻞ ﺍﺩﻓﻦ ﺭﻭﺣﻲ ﺑﻠﺤﻴﺎﻩ ﻭﻻ ﺍﺷﻮﻓﻪ ﻧﻀﺮﻩ ﺧﺬﻻﻥ ﻭﺣﺪﻩ ﻣﻨﻲ
ﺟﻨﺖ ﺍﺩﻭﺱ ﻋﻞ ﻧﻔﺴﻲ ﻭﺍﺟﺒﺮﻩ ﻋﻠﻰ ﺷﻐﻼﺕ ﺍﻧﻲ ﻧﻔﺴﻲ ﻣﺘﻌﺠﺒﻪ ﺷﻠﻮﻥ ﺩﺍﺳﻮﻳﻪ ﻭﺣﺪﻩ ﻣﻨﻬﻢ ﻣﻘﺮﺭﻩ ﺍﺭﻭﺣﻠﻪ ﻟﻠﺒﻴﺖ ﺍﺷﻮﻓﻪ ﻳﺴﺮ ﺷﻨﻮ ﻭﻓﻌﻼ ﻟﻠﻀﻬﺮ ﺍﺟﺘﻲ ﺟﻨﺎﻥ ﻛﺎﻟﺖ ﺍﻣﺸﻲ ﺗﻮﻩ ﺟﺎﻱ ﻣﻦ ﺍﻟﺪﻭﺍﻡ ﻛﺘﻠﻪ ﺭﻭﺣﻲ ﻭﺍﻧﻲ ﺟﺎﻳﻪ ﻭﺭﺍﺝ ﻃﻠﻌﺖ ﻭﻛﻔﺖ ﻛﺪﺍﻡ ﺍﻟﻤﺮﺍﻳﻪ ﺍﺭﺟﻒ ﺍﻏﻤﺾ ﻭﺍﻓﺘﺢ ﺍﻛﻮﻝ ﺍﻧﺘﻲ ﻗﻮﻳﻪ ﻳﺴﺮ ﺍﻧﺘﻲ ﻗﻮﻳﻪ ﻭﺩﺍﺧﻠﻲ ﻣﺘﺤﻄﻢ ﺧﻠﻴﺖ ﻛﺤﻠﻪ ﺑﻄﻦ ﻋﻴﻨﻲ ﺭﺷﻴﺖ ﻋﻄﺮ ﻭﺧﻠﻴﺖ ﻣﺮﻃﺐ ﺷﻔﻪ ﻭﺭﺩﻱ ﻟﻤﻴﺖ ﺷﻌﺮﻱ ﺑﺮﻫﺎﻭﻩ بيج قصص عراقيه حقيقيه من واقعنا.روعه الطائي
ﺧﻠﻴﺖ ﺍﻟﺸﺎﻝ ﻋﻞ ﺭﺍﺳﻲ ﻭﻧﺰﻟﺖ ﺻﻨﺘﻰ ﻓﺘﺖ ﺑﻴﺖ ﺧﺎﻟﺘﻲ ﻛﺬﺍﻟﻚ ﻣﺎﻛﻮ ﺻﻮﺕ ﻫﻤﺰﻳﻦ ﺿﻬﺮﻳﻪ ﻛﻠﻪ ﻧﺎﻳﻤﻪ ﻓﺘﺖ ﻣﻦ ﺑﺎﺏ ﺍﻟﻤﻄﺒﺦ ﻳﻤﺎﻥ ﻛﺎﻋﺪ ﻋﻞ ﻗﻨﻔﻪ ﻭﺻﻴﻨﻪ ﺍﻻﻛﻞ ﻛﺒﺎﻟﻪ ﺟﺎﻥ ﻣﺘﺮﺑﻊ ﺗﻚ ﺭﺟﻞ ﻭﻣﻨﺰﻝ ﺍﻟﺮﺟﻞ ﺍﻟﺜﺎﻧﻴﻪ ﻣﻦ ﺷﺎﻓﻨﻲ ﺫﺏ ﺍﻟﺨﺎﺷﻮﻛﻪ ﻭﻛﻌﺪ ﻣﻨﺰﻝ ﺭﺟﻠﻴﻪ ﺛﻨﻴﺘﻬﻢ ﻳﺒﻠﻊ ﺭﻳﻜﻪ ﺑﺘﺴﻤﺖ
ﻫﻼﻭ
ﺟﺮ ﻧﻔﺲ ﺗﻘﺮﺑﺖ ﻛﺒﺎﻟﻪ
ﺷﻜﻮ ﺑﻄﻠﺖ ﺍﻛﻞ ﺍﻛﻞ ﻛﻤﻞ
ﻳﺴﺮ ... ﻣﺨﻠﻴﺘﻪ ﻳﻜﻤﻞ ﺷﻤﺮﺕ ﺷﺎﻟﻲ ﺑﺼﻔﻪ ﻋﻞ ﺣﺎﻓﻪ ﺍﻟﻘﻨﻔﻪ ﻃﺎﺭﺕ ﻛﺬﻟﺘﻲ ﻛﺒﺎﻝ ﻭﺟﻬﻲ ﻣﺸﻴﺖ ﻭﺍﻧﻲ ... ﺍﺣﺠﻲ ﻭﻳﻨﻬﺎ ﺟﻨﺎﻥ ﺟﻴﺖ ﺩﺍﺷﻮﻓﻪ
ﻭﺻﻠﺖ ﺍﻟﺤﻮﻟﻲ ﻛﻮﺭﺕ ﺍﻳﺪﻱ ﺩﺍﺧﻠﻲ ﺭﻣﺎﺩ ﺗﻮﻩ ﻃﺎﻓﻲ ﻭﺧﻠﻮ ﻓﻮﻛﺎﻩ ﺣﻄﺐ ﺷﺘﻌﻞ ﻣﻦ ﺟﺪﻳﺪ ﻓﺘﺤﺖ ﻏﺮﻓﻪ ﺍﻟﺒﻨﺎﺕ ﻓﺘﺖ ﻓﺎﺭﻏﻪ ﺍﻛﻴﺪ ﺑﻠﻬﻮﻝ ﻧﺪﺭﺕ ﺻﺎﺭ ﺑﻀﻬﺮﻱ ﺗﺮﺍﺟﻌﺖ ﻃﺒﻚ ﺍﻟﺒﺎﺏ ﺻﺎﺭ ﻭﺭﺍﻫﻪ ﺧﻨﺰﺭﺕ ﻋﻠﻴﻪ ﺩﻧﻚ
ﻭﺧﺮ ﺩﺍﻃﻠﻊ
ﻳﺴﺮ ﺩﺍﻣﻮﺕ
ﻻ ﻭﺍﻟﻠﻪ ﺻﺪﻛﺘﻚ ﻭﺧﺮ ﺑﺎﺑﺎ ﻭﺧﺮ
ﻏﻤﺾ ﺣﻴﻞ ﻋﺼﺮ ﻋﻴﻮﻧﻪ ﺍﺷﺮﻟﻲ ﺑﺼﺒﻌﻪ ﺍﺷﺶ ﻧﺘﺮﺕ ﺗﻮﺧﺮ ﻟﻮ ﺷﻠﻮﻥ ﺗﻘﺪﻡ ﻭﺍﻧﻲ ﺃﺗﺮﺍﺟﻊ ﻟﺰﻡ ﺍﻳﺪﻱ ﻣﻦ ﺳﺎﻋﺪﻩ ﻫﺰﻧﻲ ﺻﺎﻳﺮ ﻧﺎﺭ
ﻛﺎﻓﻲ ﻟﺞ ﻛﺎﻓﻲ ﻫﺬﺍ ﺍﻟﺒﺮﻭﺩ ﺍﻟﺪﺗﻤﺜﻠﻲ ﻣﻴﻤﺸﻲ ﻋﻠﻴﻪ ﻟﺞ ﺍﻧﻲ ﻫﺬﺍ ﻣﺎﻟﺘﻲ ﻭﺍﻋﺮﻓﻪ ... ﺍﺷﺮ ﻋﻠﻰ ﻛﻠﺒﻲ ... ﻟﺞ ﻫﻠﻜﺪﺝ ﻣﺮﺑﻴﺞ ﻭﺟﺎﻳﻪ ﺗﻤﺜﻠﻴﻦ ﻋﻠﻴﻪ ﺍﻧﺘﻲ ﻣﻤﻬﺘﻤﻪ ﻭﺍﻧﺘﻲ ﻣﻮ ﺑﺤﺎﻟﻲ ﻳﺴﺮ ﺳﻤﻌﻲ ﻣﻨﻲ ﻛﺒﻞ ﻣﺘﺤﻜﻤﻴﻦ
ﻧﻔﻄﺮ ﺍﻟﺠﺒﻞ ﻟﺒﺪﺍﺧﻠﻲ ﺩﻓﻌﺘﻪ ﺍﻋﺪﻝ ﺑﺸﻌﺮﻱ ﻭﺭﻩ ﺃﺫﻧﻲ ﻭﺍﺭﺟﻒ ﻭﻛﻒ ﻣﺠﺘﻒ ﺍﻳﺪﻩ ﻧﺘﺮﺕ ... ﺷﺘﻔﻬﻤﻨﻲ ﻫﺎﺍﺍ ﺷﺘﻔﻬﻤﻨﻲ ﻛﻠﻲ ﻟﻮ ﺍﻛﻠﻚ ﻭﻳﻨﻪ ﺍﻟﻮﻋﺪ ﻟﻨﻄﺘﻨﻴﺎﻩ ﻭﻳﻦ ﺣﺒﻚ ﻭﻳﻦ ﻛﻼﻣﻚ ﻭﻭﻭﻭﻳﻨﻪ ﺍﺷﻮ ﻣﺸﻔﺖ ﻣﻨﻪ ﻛﻞ ﺷﻲ .. ﺻﻔﻜﺖ ﺑﻴﺪﻱ ﻫﺰ ﺭﺃﺳﻪ
ﻣﺎﻛﺪﺭ ﺗﻌﺮﻓﻴﻦ ﺷﻨﻮ ﻣﺎﻛﺪﺭ ﻛﻠﻪ ﺗﺼﻴﺢ ﺟﻮﺯ ﻣﻨﻬﺎ ﻫﺎﻱ ﻧﻬﻮﻩ ﻛﻞ ﺟﺎﺭﻩ ﻣﺎﻟﻪ ﺷﺴﻮﻱ ﻳﻌﻨﻲ ﺍﺧﺬﺝ ﻭﻟﻬﺰﻡ ﺍﺣﺠﻲ ﺗﺮﺣﻴﻦ ﻭﻳﺎﻱ
ﺳﻜﺘﺖ
ﻟﺞ ﺍﺣﺠﻲ ﺗﺮﺣﻴﻦ ﻫﺎﺍﺍ ﺗﺮﺣﻴﻦ ﻭﺍﺫﺍ ﻗﺒﻠﺘﻲ ﺍﻫﻠﻲ ﺍﻫﻠﺞ ﺍﻟﻨﺎﺱ ﺍﻟﺴﻤﻌﻪ ﺍﻟﻌﻴﺐ ﺍﻟﺤﺮﺍﻡ ﺫﻧﻲ ﻛﻠﻬﻦ ﻭﻳﻦ
ﺑﺠﻴﺖ ﻓﺘﺢ ﻋﻴﻮﻧﻪ ﻣﺨﻨﺰﺭ ... ﻟﻮ ﺍﻛﺘﻞ ﻣﺤﺴﻦ ﻭﺍﺫﺍ ﻛﺘﻠﺘﻪ ﺍﺧﺬﺝ ﻳﻌﻨﻲ ﻳﻌﻮﻓﻮﻧﻲ ... ﺩﻙ ﻋﻞ ﺻﺪﺭﻩ ﻋﻴﻮﻧﻪ ﺩﻡ
ﺍﻛﻮ ﻛﻠﺐ ﻳﺤﺐ ﺍﻱ ﺑﺲ ﺍﻛﻮ ﻋﻘﻞ ﻳﻔﻜﺮ ﻭﺍﻧﻲ ﻗﺒﻞ ﻣﺎﺍﺧﻄﻲ ﺍﻱ ﺧﻄﻮﻩ ﻓﻜﺮﺕ ﺑﻜﻞ ﺫﻧﻲ ﻭﺍﻟﻨﺘﻴﺠﻪ ﻃﻠﻌﺖ ﻓﻨﺸﺸﺸﺖ ﺗﻌﺮﻓﻴﻦ ﺷﺸﺸﺸﻨﻮ ﻓﻨﺸﺸﺖ ﻳﻌﻨﻲ ﻛﻠﺸﻲ ﻣﺎﻛﻮ
ﻣﺴﺤﺖ ﺩﻣﻮﻋﻲ ﺍﻫﺪﻱ ﻧﻔﺴﻲ ﺑﺎﻭﻋﺖ ﺑﻌﻴﻨﻪ ﺭﻛﺰﺕ ﺍﺣﺴﻪ ﺁﺧﺮ ﻧﻀﺮﻩ ﻫﺎﻱ ﻭﺣﻨﻪ ﺑﻬﺬﺍ ﺍﻟﻘﺮﺏ ﺑﺮﻃﻤﺖ ... ﺷﻠﻮﻥ ﺗﺨﻄﺐ ﺷﻠﻮﻥ ﻧﻄﺎﻙ ﻛﻠﺒﻚ
ﻣﺴﺢ ﻭﺟﻬﻪ ﻓﺘﺮ ﺑﻠﻐﺮﻓﻪ ﻭﺍﻳﺪﻩ ﻋﻞ ﺭﺃﺳﻪ ﻣﺜﻞ ﺍﻟﺴﺎﺩ ﺍﺫﺍﻧﻪ .. ﻣﻮ ﺍﻧﻲ ﻭﺍﻟﻠﻪ ﺍﻟﻌﻀﻴﻢ ﺍﻟﻜﺮﻳﻢ ﻣﻮ ﺍﻧﻲ ﻻ ﺍﺭﻳﺪ ﻏﻴﺮﺝ ﻭﻻ ﻗﺎﺑﻞ ﺑﺲ ﺍﻣﻲ ﺍﻣﻲ ﻣﻠﺖ ﻭﻋﺠﺰﺕ ﺷﻠﻮﻥ ﺗﺸﻴﻠﺞ ﻣﻦ ﺭﺍﺳﻲ ﺭﺍﺣﺖ ﺧﻄﺒﺖ ﻭﺍﻧﻲ ﻣﺎﺩﺭﻱ
ﺧﻠﺺ ﺍﺳﻤﻊ ﻛﻼﻡ ﺍﻣﻚ ﻣﻬﻨﺎﻱ ﻟﻴﻜﺪﺍﻡ ﺑﺲ ﻛﻠﻤﻪ ﺧﻠﻴﻬﻪ ﺑﺎﻟﻚ ﻃﻮﻝ ﺣﻴﺎﺗﻚ ﻣﺮﺍﺡ ﺗﺘﻬﻨﻪ ﻣﺪﺍﻣﻚ ﻣﺎﻟﺘﻲ ﻭﻣﺜﻞ ﻣﺒﻌﺘﻨﻲ ﺭﺍﺡ ﺍﺑﻴﻌﻚ ﻭﺍﻭﺍﻗﻒ ﻋﻞ ﻣﺤﺴﻦ ﺍﻟﻪ ﺍﺧﻠﻲ ﻳﻔﻚ ﺍﻟﻨﻬﻮﻩ ﻭﺍﻭﻓﻖ ﺑﺮﺿﺎﺗﻲ ﺗﻌﺮﻑ ﻟﻴﺶ
ﺳﻜﺖ
ﻻﻥ ﻣﺤﺴﻦ ﺭﺟﺎﻝ ﺧﻮﺍﻟﻲ ﻭﺍﻧﺖ ﻭﺍﻟﻜﻞ ﻣﻮﺑﺒﻌﻴﻨﻪ ﻓﺎﺕ ﺑﻌﻴﻮﻧﻜﻢ ﻭﺍﺧﺬﻧﻲ ﻣﻦ ﺑﻴﻦ ﺍﺩﻳﻚ ﻭﺍﻧﺖ ﺧﺎﻃﺒﻨﻲ ﺍﻟﺴﻮﻩ ﻫﺎﻱ ﺍﻟﺴﻮﺍﻳﺎﺕ ﻛﻠﺸﻲ ﻳﻜﺪﺭ ﻳﺴﻮﻱ ﻟﺠﻠﻲ ﻭﺍﻧﺖ ﺍﺧﻄﺐ ﻭﺗﺰﻭﺝ ﺑﺎﻟﻒ ﻋﺎﻓﻴﻪ ﻋﻠﻴﻚ ﻣﻬﻨﺎﻱ ﻣﻬﻨﺎﻱ ﺍﺑﻦ ﺧﺎﻟﺘﻲ
ﻋﻴﻮﻧﻪ ﻏﻮﺭﻛﻦ ﻧﻜﻠﺒﻦ ﺟﻤﺮ ﺟﻤﺮ ﻭﺟﻬﻪ ﻧﻌﻘﺞ ﻛﻞ ﻫﺬﺍ ﺍﻟﺤﺠﻲ ﻣﻦ ﻭﺭﻩ ﻛﻠﺒﻲ ﺩﺍﻗﻬﺮﻩ ﻓﺘﺖ ﺗﻌﺪﻳﺘﻪ ﻓﺘﺤﺖ ﺍﻟﺒﺎﺏ بيج قصص عراقيه حقيقيه من واقعنا.روعه الطائي
ﺻﺎﺭﺕ ﺧﺎﻟﺘﻲ ﺑﻮﺟﻬﻲ ﺳﺎﻣﻌﻪ ﻛﻠﺸﻲ ﺑﺘﺴﻤﺖ ﺍﻧﺼﻨﻊ ﺗﺮﺍﺟﻌﺖ ﻓﺸﻼﻧﻪ ﻣﺸﻴﺖ ﻭﻫﻴﻪ ﻭﺭﺍﻳﻪ ﺳﺤﺒﺖ ﺷﺎﻟﻲ ﺧﻠﻴﺘﻪ ﻋﻞ ﺭﺍﺳﻲ ﻟﺰﻣﺖ ﺟﺘﻔﻲ ﻧﺪﺭﺕ ﺑﺠﺖ ﻗﻮﻳﺖ ﺭﻭﺣﻲبيج قصص عراقيه حقيقيه من واقعنا.روعه الطائي
ﺷﺒﻴﺞ ﺧﺎﻟﻪ
ﺧﺎﻟﻪ ﻭﺟﻬﻲ ﺍﺳﻮﺩ ﻣﻨﺞ ﻭﺍﻟﻠﻪ ﻏﺼﺒﺎ ﻋﻠﻴﻨﻪ ﺍﺩﺭﻱ ﺗﺤﺒﻲ ﻭﻳﺤﺒﺞ ﺑﺲ ﺍﻟﻤﻮﺕ ﻣﺮ ﻳﻤﻪ ﺍﻟﻤﻮﺕ ﻣﺮ ﺍﻟﻨﻬﻮﻩ ﻣﻮﺕ
ﺍﺧﺬﺕ ﻧﻔﺲ ﻋﻤﻴﻖ ﻗﺮﺑﺘﻪ ﺑﺤﻀﻨﻲ ﻣﺴﺤﺖ ﻋﻞ ﺟﺘﻔﻪ .. ﺣﻘﺞ ﺧﺎﻟﻪ ﺣﻘﺞ ﻛﺘﻠﺞ ﻗﺒﻞ ﻭﺍﻋﻴﺪﻩ ﻫﺴﻪ ﺍﻟﺒﻴﻨﻲ ﻭﺑﻴﻦ ﺍﺑﻨﺞ ﺍﻧﺘﻬﻰ ﻧﻘﺎﺷﻨﻪ ﺍﻟﺴﻤﻌﺘﻲ ﻫﺬﺍ ﺟﺎﻥ ﺍﻻﺧﻴﺮ ﻭﺑﻌﺪﻩ ﻛﻠﻤﻦ ﻳﺮﻭﺡ ﺑﺪﺭﺑﻪ ﺍﻟﻠﻪ ﻳﻬﻨﻲ ﻭﺍﻧﺘﻲ ﺧﺎﻟﺘﻲ ﻣﺎﻟﻲ ﻏﻨﻪ ﻋﻨﺞ
ﻛﺎﻣﺖ ﺗﺸﻬﻚ ﺑﺴﺖ ﺭﺃﺳﻪ ﻭﻃﻠﻌﺖ ﻳﻤﺎﻥ ﺑﺎﺏ ﺍﻟﻤﻄﺒﺦ ﻭﺍﻛﻒ ﻣﻨﺼﻲ ﻣﺼﺪﻳﺖ ﻋﻠﻴﻪ ﺷﻔﺘﻪ ﺑﻄﺮﻑ ﻋﻴﻨﻲ ﻣﺸﻴﺖ ﺳﺮﻳﻊ ﻟﻠﺒﻴﺖ ﻓﺘﺖ ﻛﺒﻞ ﻟﻠﻐﺮﻓﻪ ﺗﻠﻔﻠﻔﺖ ﻏﻄﻴﺖ ﺭﺍﺳﻲ ﺍﺑﺠﻲ ﻭﺍﺷﻬﻚ ﺗﻔﻠﺶ ﻛﻠﺸﻲ ﺑﺪﺍﺧﻠﻲ ﺻﺮﺕ ﻟﻮﺣﻪ ﻣﺮﺳﻮﻣﻪ ﺷﻜﺪ ﻣﺎﺣﻠﻮﻩ ﻻﻛﻦ ﻣﻬﺸﻤﻪ ﻭﺿﺎﻳﻌﻪ ﻛﻞ ﻣﻼﻣﺤﻪ
ﻧﻤﺖ ﻭﻧﻤﺖ ﻭﻧﻤﺖ ﻟﺤﺪ ﻣﺎ ﻣﻮﺗﺖ ﻛﻠﺒﻲ ﻭﺻﺎﺭ ﺑﺎﺭﺩ ﺍﺑﺮﺩ ﻣﻦ ﺍﻟﺜﻠﺞ ﻭﺑﻌﺪﻩ ﺑﺪﻳﺖ ﺍﺭﺟﻊ ﻟﻠﺤﻴﺎﻩ ﺍﻧﺰﻝ ﺍﻛﻞ ﻭﺍﺷﺮﺏ ﺍﺷﺘﻐﻞ ﻭﻣﺎﺭﺱ ﻛﻞ ﺣﻴﺎﺗﻲ ﻭﺑﻨﻔﺲ ﺍﻟﻮﻗﺖ ﺍﺳﻤﻊ ﻛﻞ ﺳﻮﺍﻟﻔﻬﻢ
ﻳﻤﺎﻥ ﻋﻘﺪ
ﻳﻤﺎﻥ ﺟﺎﺏ ﺍﻟﻐﺮﻓﻪ
ﻳﻤﺎﻥ ﻟﺒﺲ ﺣﻠﻘﺎﺕ
ﻳﻤﺎﻥ ﺟﺎﺏ ﻧﻴﺸﺎﻥ
ﺍﺳﻤﻊ ﺍﺳﻤﻊ ﺍﺣﻤﺲ ﺑﺮﻭﺣﻲ ﻭﺍﺳﻜﺖ ﻭﺗﻀﺎﻫﺮ ﺑﻠﻘﻮﻩ ﻟﺸﻮﻛﺖ ﻣﺎﺩﺭﻱ ﻭﺑﻴﻮﻡ ﺍﻟﻌﺼﺮﻳﺎﺕ ﺍﺟﻮﻱ ﺑﻴﺖ ﻋﻤﻲ ﺍﻡ ﻣﺤﺴﻦ ﻭﺑﺴﻤﻪ ﺳﻠﻤﺖ ﻋﻞ ﻣﺮﺕ ﻋﻤﻲ ﺑﺮﻭﺩ ﻭﻛﻌﺪﺕ ﻳﻢ ﺑﺴﻤﻪ ﺟﺎﻧﺖ ﻣﺮﺗﺒﻜﻪ ﺗﻘﺮﺑﺖ ﻋﻠﻴﻬﻪ
ﺑﺴﻤﻪ ﺷﺒﻴﺞ
ﻳﺴﺮ ﻋﻤﺘﻲ ﺟﺎﻳﻪ ﺗﺤﺠﻲ ﺑﺨﻄﺒﺘﺞ ﻣﻦ ﻣﺤﺴﻦ ﻳﺴﺮ ﻻﺗﺘﻮﺭﻃﻴﻦ ﻭﺗﻮﺍﻓﻘﻴﻦ
ﺑﺎﻭﻋﺖ ﻟﻤﺮﺕ ﻋﻤﻲ ﺗﺴﻮﻟﻒ ﻭﻳﻪ ﻧﺴﻮﺍﻥ ﺧﻮﺍﻟﻲ ﻭﺍﻣﻲ ﺟﺮﻳﺖ ﺑﺴﻤﻪ ﻟﻠﻤﻄﺒﺦ ﺗﺮﺟﻒ
ﻭﻟﺞ ﺷﺒﻴﺞ
ﻳﺴﺮ ﻣﺎﺭﻳﺪﺝ ﺗﻮﺍﻓﻘﻴﻦ ﻻﺗﻌﻴﺪﻳﻦ ﺍﻟﻐﻠﻂ ﻟﻐﻄﻪ ﺍﻧﻲ ﺗﻔﻮﺗﻴﻦ ﺑﻠﻨﺎﺭ ﻻﻧﻲ ﺑﻴﻬﺎ ﻭﺍﻟﻠﻪ
ﻛﻞ ﻛﻘﻠﺞ ﺗﺤﺠﻴﻦ ﻣﻨﻮ ﻛﺎﻝ ﺍﻭﺍﻗﻒ ﻣﺴﺘﺤﻴﻞ ﻟﻮ ﻳﻀﻞ ﺑﺲ ﻫﻮﻩ
ﻣﺘﻜﺪﺭﻳﻦ ﻭﺍﻟﻠﻪ ﻣﺘﻜﺪﺭﻳﻦ ﻣﺤﺴﻦ ﺷﻴﻄﺎﻥ ﻟﺪﺍﻍ ﻳﻠﺪﻍ ﻭﻳﻀﻢ ﺭﺃﺳﻪ ﻭﺍﻧﺘﻲ ﻣﻮﻛﺪﻩ ﺩﺍﻛﻠﺞ ﻻﺗﻮﺍﻓﻘﻴﻦ ﺍﻗﻨﻌﺞ ﻣﺪﺭﻱ ﺩﺍﻗﻨﻊ ﺭﻭﺣﻲ ﺑﻬﺬﺍ ﺍﻟﻜﻼﻡ
ﻧﺘﺮﺳﺖ ﺧﻮﻑ ﻭﺗﻔﻜﻴﺮ ﺍﺭﺩﺩ ﺍﺑﺪ ﻣﺎﻗﺒﻞ ﺑﻲ ﻟﻮ ﻳﺒﻘﻰ ﺑﺲ ﻫﻮﻩ ﺑﺴﻤﻪ ﺗﺠﺎﻭﺑﻨﻲ ﺍﻱ ﻋﻔﻴﻪ ﺍﺧﻠﻲ ﺍﻟﺸﻜﺮ ﺑﻠﺴﺘﻜﺎﻳﻦ ﺑﺎﻟﻲ ﺷﺎﺭﺩ ﺍﻓﻜﺮ ﺷﻠﻮﻥ ﺍﺧﻠﺺ ﻣﻨﻪ ﻣﻦ ﺍﺗﺬﻛﺮ ﺗﺼﺮﻓﺎﺗﻪ ﺍﺍﺋﻴﺲ ﻣﺒﻴﻦ ﻣﺨﺒﻞ ﻣﻴﺘﻔﺎﻫﻢ
ﻛﻤﻠﺖ ﺍﻟﺠﺎﻱ ﻭﺍﺧﺬﺗﻪ ﺗﺒﺎﻭﻋﻠﻲ ﻣﺮﺕ ﻋﻤﻲ ﺗﺒﺘﺴﻢ ﻛﻌﺪﺕ ﺑﺪﺕ ﺗﺨﻄﻂ ﻣﻦ ﻛﻴﻔﻪ ﻫﻴﺞ ﻧﺴﻮﻱ ﻭﻫﻴﺞ ﻧﺠﻴﺐ ﺍﻣﻲ ﻓﺎﺭﺕ ﻛﺎﻟﺘﻪ
ﺍﻡ ﺣﺴﻦ ﻓﺪﻭﻩ ﻟﻌﻴﻨﺞ ﺗﺮﻩ ﻟﺤﺎﻟﺞ ﺗﺴﻮﻟﻔﻴﻦ ﻣﻨﻮ ﻛﺎﻝ ﺍﺣﻨﺎ ﻣﻮﺍﻓﻘﻴﻦ
ﺩﺍﺩﻩ ﺷﻨﻮ ﻣﻤﻮﺍﻓﻘﻴﻦ ﻗﺎﺑﻞ ﺑﻜﻴﻔﻴﺞ ﻟﻮ ﺑﻜﻴﻔﻲ ﻧﻬﻮﻩ ﻫﺎﻱ ﺑﻌﺪﻳﻦ ﻭﻳﻦ ﺗﻠﻜﻪ ﺍﺣﺴﻦ ﻣﻦ ﻣﺤﺴﻦ ﻏﺜﻴﺘﻮﻧﻲ ﻭﺍﻟﻠﻪ
ﻋﻴﻮﻧﻲ ﻋﻠﻰ ﺷﻨﻮ ﺍﻟﻤﻐﺜﻪ ﺍﻟﺰﻭﺍﺝ ﺑﻠﻐﺼﺐ ﺣﺮﺍﻡ ﻟﻌﺪ ﻟﻴﺶ ﻧﺼﻠﻲ ﺍﺩﺭﻱ ﻧﺠﺬﺏ ﻋﻞ ﺍﻟﻠﻪ ﺧﻮﻣﺎ ﻧﺠﺬﺏ ﻋﻞ ﺍﻟﻠﻪ
ﺫﺑﺖ ﺍﻟﺴﺘﻜﺎﻥ ﺑﻌﺼﺒﻴﻪ ﺗﺒﺎﻭﻉ ﻋﻞ ﻛﻞ ﻛﺎﻣﺖ ﻣﺨﻨﺰﺭﻩ ﻋﻠﻴﻨﻪ ﺧﻠﺖ ﺍﻟﻌﺒﺎﺑﻴﻪ ﻋﻞ ﺭﺃﺳﻪ .. ﺍﻧﻲ ﻏﻠﻄﺎﻧﻪ ﻭﺍﺟﻴﺖ ﺍﻧﺘﻮ ﺩﻭﺍﻛﻢ ﻣﺤﺴﻦ ﻭﺑﺲ ﻋﻞ ﺷﻨﻮ ﻣﺘﻌﺒﻪ ﺭﻭﺣﻲ ﺍﺣﺠﻴﻠﻪ ﺍﺑﺮﺩ ﺭﺍﺳﻲ ﻭﻧﺘﻬﺖ ﺍﻣﺸﻲ ﺑﺴﻤﻪ ﺍﻣﺸﻲ ﺷﺮﺑﻮﻧﻪ ﺳﺘﻜﺎﻥ ﺟﺎﻱ ﺫﻟﻮﻧﻪ ﻋﻮﺫﻩ ﺣﺘﻰ ﻋﻮﺫﻩ
ﺑﺴﻤﻪ ﻃﻠﻌﺖ ﺗﻜﺮﺽ ﺑﺪﻳﻬﻪ ﻃﻜﻄﻚ ﺑﺼﺎﺑﻌﻪ ﺍﻣﻲ ﺩﻛﻮﻝ ﻣﺜﻞ ﺍﺳﻠﻮﺏ ﺍﺑﻨﻪ ﺍﻛﻮﻝ ﻋﻠﻴﻤﻴﻦ ﻃﺎﻟﻊ ﺛﺎﺭﻱ ﻋﻠﻴﻬﻪ ﺻﺎﺭﻟﻪ ﺳﺎﻋﻪ ﺗﺘﺤﻴﻞ ﺑﺲ ﺑﺰﻳﻨﺎﻩ ﻛﺒﺖ ﻛﻌﺪﺕ ﺩﻭﻳﻬﻢ ﺳﻮﺍﻟﻔﻬﻢ ﺑﺮﺍﺳﻲ ﺷﺮﺍﺡ ﻳﺼﻴﺮ ﻣﺎﺩﺭﻱ ﻟﻬﻨﺎﻙ ﻭﺍﺟﻪ ﻣﺤﺴﻦ ﻳﻠﻌﻠﻊ
ﺗﻬﻴﻨﻮﻥ ﺍﻣﻲ ﻭﺍﻟﻠﻪ ﻋﻴﺐ ﻋﻠﻴﻜﻢ ﻣﺘﺴﺘﺤﻮﻥ ﺍﻧﻲ ﻣﺴﻮﻳﻠﻜﻢ ﻗﺪﺭ ﺩﺍﺯﻩ ﺗﺸﻮﻑ ﻃﻠﺒﺎﺗﻜﻢ ﺣﻀﺮﻱ ﻧﻔﺴﺞ ﻟﺞ ﻛﻠﻪ ﺟﻢ ﻳﻮﻡ ﺍﺟﻴﺐ ﺷﻴﺦ ﻭﺍﻋﻘﺪ ﻋﻠﻴﺞ
ﺍﺑﺎﻭﻋﻠﻪ ﻣﻦ ﺷﺒﺎﻙ ﺍﻟﻤﻄﺒﺦ ﻳﺼﻴﺢ ﺧﺎﻟﻲ ﻳﺪﻓﻊ ﺑﻲ ﻓﺎﺕ ﺻﺎﺩﻕ ﻃﻜﺖ ﺭﻭﺣﻪ ﻣﻨﻪ ﺭﻏﻢ ﺯﻏﺮ ﻋﻤﺮﻩ ﻣﻴﺠﻲ ﺷﻲ ﻳﻢ ﻣﺤﺴﻦ ﺿﻞ ﻳﻐﻠﻂ ﻋﻠﻴﻪ ﻭﻳﻄﺮﺩ ﺑﻲ ﻭﻣﺤﺴﻦ ﻳﺮﻳﺪ ﻳﻠﻮﺣﻪ ﻭﺧﺎﻟﻲ ﺑﻴﻨﻬﻢ ﻛﻮﻩ ﻃﻠﻌﻮ ﻭﻓﺎﺕ ﺻﺎﺩﻕ ﻛﻌﺪ ﻳﺮﺟﻒ ﻳﻜﻮﻝ ﺯﻭﺩﻩ ﺧﺰﺍﻧﻪ ﺷﺎﻳﻒ ﻧﻔﺴﻪ ﻭﺍﻣﻲ ﺗﺒﻮﺱ ﺑﻲ ﺍﺳﻜﺖ ﻳﻤﻪ ﺧﻞ ﻳﻮﻟﻲ ﻫﺬﺍ ﻣﺸﻴﻄﻦ ﻭﻳﻦ ﺗﻜﺪﺭﻟﻪ ﺻﺮﺥ ﺍﻛﺘﻠﻪ ﺍﻛﺘﻠﻪ
ﻭﺍﻧﻌﻞ ﺍﺑﻮ ﻟﻴﻄﻠﻌﻪ ﺑﺘﺴﻤﺖ ﺑﻔﺨﺮ ﻛﺒﺮ ﺍﺧﻮﻳﻪ ﻭﺻﺎﺭ ﺭﺟﺎﻝ ﻳﻌﺎﺭﻙ ﺳﺒﺤﺎﻥ ﻟﻐﻴﺮﻩ ﻗﺒﻞ ﺟﻢ ﻳﻮﻡ ﺟﺎﻥ ﻃﺎﺑﻚ ﻭﻳﺎﻩ ﺑﺲ ﺍﻟﻀﺎﻫﺮ ﺍﻟﺬﻛﻲ ﻭﺷﺎﻃﺮ ﻳﻌﺮﻑ ﻣﺤﺴﻦ ﺷﻨﻮ ﺑﻤﺮﻭﺭ ﻓﺘﺮﻩ ﻗﺼﻴﺮ ﻭﻳﺒﻴﻦ ﺻﺎﺩﻕ ﻋﺮﻓﻪ ﺣﻘﻴﺮ ﻭﺍﺳﺘﻐﻼﻟﻲ ﺍﻣﻲ ﺳﻤﻌﺖ ﻫﻴﺞ ﺗﺨﺒﻠﺖ ﺍﺑﻨﻲ ﻭﺷﻌﻨﺪﻱ ﻏﻴﺮﻛﻢ ﺗﻄﺎﻟﺒﻮﻥ ﻭﻳﻪ ﻋﻤﺎﻣﻜﻢ ﻣﻦ ﻳﻔﺰﻋﻠﻜﻢ ﻣﻨﻮ ﻳﻄﻠﻌﻠﻜﻢ ﺧﻮﺍﻟﻜﻢ ﻣﻠﻮ ﻭﻋﻤﻴﻨﻪ ﻋﻠﻴﻬﻢ ﺑﻤﺸﺎﻛﻠﻨﻪ
ﺳﻜﺘﻮ ﻋﻠﻲ ﻛﺎﻋﺪ ﺑﻄﺎﺭﻑ ﺍﻟﺒﺎﺏ ﻣﺨﻨﺰ ﻣﺪﻧﻚ ﻳﻔﺮ ﻃﺮﻑ ﺍﻟﻜﺎﺷﻲ ﺑﺼﺒﻌﻪ ﻣﺜﻞ ﺍﻟﻴﺮﺳﻢ ﺷﻲ ﻣﺮﻛﺰﺕ ﻋﻠﻲ ﺻﻐﻴﺮ ﻣﻴﺨﻮﻑ
ﻳﻮﻡ ﻳﻮﻣﻴﻦ ﻧﺠﻠﺐ ﻣﺤﺴﻦ ﻳﺮﻳﺪ ﻧﻌﻘﺪ ﻭﺍﻧﻲ ﺍﺭﻓﺾ ﺭﺍﻳﺢ ﻟﺨﺎﻟﻲ ﺍﻟﺰﻏﻴﺮ ﻟﻠﻤﺤﻞ ﻭﺍﺟﻪ ﻛﻠﻲ ﺭﻓﻀﺖ ﺩﺯ ﻋﻤﺎﺗﻲ ﺭﻓﻀﺖ ﺩﺯ ﻋﻤﻲ ﻣﺤﻤﺪ ﻭﻣﺮﺗﻪ ﺭﻓﻀﺖ ﺍﺭﻓﺾ ﺍﺭﻓﺾ ﻭﺧﺎﻟﺘﻲ ﺑﺸﺮﻯ ﺗﻌﺰﻡ ﻋﻞ ﻋﺮﺱ ﻳﻤﺎﻥ ﻣﻮ ﻛﻠﺐ ﺻﺎﺭ ﻋﻨﺪﻱ ﺻﺨﺮ ﻗﺴﻪ ﻋﻞ ﻛﻞ ﻭﺗﺤﺠﺮ
ﻟﺤﺪ ﻳﻮﻡ ﺣﻨﻪ ﻳﻤﺎﻥ ﻭﺻﻮﺕ ﺍﻟﺪﻳﺠﻲ ﺑﻴﺘﻨﻪ ﻋﺒﺎﻟﻚ ﻛﻠﻪ ﻳﻤﻬﻢ ﺣﺘﻰ ﺍﻣﻲ ﻭﺍﻧﻲ ﻭﺣﺪﻱ ﺍﻓﺘﺮ ﻣﺜﻞ ﺍﻟﻤﺨﺒﻠﻪ ﻫﺴﻪ ﻳﺤﻨﻴﻬﺎ ﻳﻠﺰﻡ ﺍﻳﺪﻩ ﻳﻠﻤﺴﻪ ﺍﺗﺨﻴﻞ ﻭﺍﻓﺘﺮ ﺑﻠﺒﻴﺖ ﺍﻃﻠﻊ ﻟﻠﻄﺮﻣﻪ ﻫﻮﺳﺘﻬﻢ ﺷﻌﻠﻮﻫﻪ ﻳﺼﻔﻄﻮﻥ ﺍﻟﻜﺮﺍﺳﻲ ﺑﻠﺸﺎﺭﻉ ﻭﺍﻧﻲ ﺍﺣﺘﺮﻙ ﻣﺮﺗﻴﻦ ﺻﻌﺪﺕ ﺍﻟﺪﺭﺝ ﻭﻧﺰﻟﺖ ﻣﺎﻋﺮﻑ ﻭﻳﻦ ﺍﺭﻳﺪ ﺍﺭﻭﺡ ﻭﻻ ﺍﻋﺮﻑ ﺷﺴﻮﻱ ﺁﺧﺮ ﺷﻲ ﻃﺒﻜﻦ ﻋﻨﺪﻱ ﺍﺑﺪﻝ ﻭﺍﺭﻭﺡ
ﺻﻌﺪﺕ ﻃﻴﺎﺭﻩ ﺷﻐﻠﺖ ﺍﻟﺴﺸﻮﺍﺭ ﻧﻬﺪ ﺷﻌﺮﻱ ﻛﺪﺍﻡ ﺍﻟﻤﺮﺍﻳﻪ ﺍﺳﺮﺡ ﺑﻲ ﻋﻴﻮﻧﻲ ﺗﺠﺮﻱ ﺍﺗﺬﻛﺮ ﻫﻤﺲ ﻳﻤﺎﻥ ﺑﻠﻔﻮﻥ ﻣﻦ ﻧﺘﺨﺎﺑﺮ
ﺷﻮﻛﺖ ﺗﺼﻴﺮﻳﻦ ﻳﻤﻲ ﺩﺍﺳﺮﺣﻪ ﻭﺍﻧﺎﻡ ﻋﻠﻴﻪ ﺍﻏﻤﺾ ﺍﻛﻮﻝ ﺟﺬﺍﺏ ﺟﺬﺍﺏ ﻭﺭﺏ ﺍﻟﻜﻌﺒﻪ ﺟﺬﺍﺏ ﻫﻮﺍﻱ ﺭﺍﺡ ﻣﻦ ﺍﻟﻮﻛﺖ ﻭﺍﻧﻲ ﻓﺎﺻﻠﻪ ﺗﺎﻟﻲ ﻧﺘﺒﻬﺖ ﻟﺮﻭﺣﻲ ﻣﺒﺪﻋﻪ ﺑﺴﺸﻮﺍﺭ ﺷﻠﺘﻪ ﺑﺮﻫﺎﻭﻩ ﻓﺘﺤﺖ ﺍﻟﻜﻨﺘﻮﺭ ﻃﻠﻌﺖ ﺍﺣﻠﻰ ﺷﻲ ﻋﻨﺪﻱ ﻓﺴﺎﻥ ﺍﺳﻮﺩ ﻟﻠﺮﻛﺒﻪ ﺃﻃﺮﺍﻓﻪ ﺫﻫﺒﻲ ﺭﺩﺍﻧﻪ ﺗﻮﻝ ﺭﺗﺒﺖ ﻭﺟﻬﻲ ﻣﻜﻴﺎﺝ ﺧﻔﻴﻒ ﻟﺒﺴﺖ ﺣﺬﺍﺀ ﺫﻫﺒﻲ ﻧﺎﺯﻙ ﺍﺧﺬﺕ ﺻﺎﻳﺘﻲ ﻭﻧﺰﻟﺖ ﻟﻨﻬﺎﻳﻪ ﺍﻟﺪﺭﺝ ﻓﺎﺗﺖ ﺍﻣﻲ ﺗﺎﻭﻋﻠﻲ ﻣﺘﻔﺠﺎﻩ
ﻫﺎﻱ ﻭﻳﻦ
ﻟﻠﻌﺮﺱ ﻳﻤﻪ
ﻳﺎﻋﺮﺱ ﻳﻤﺼﺨﻤﻪ
ﺷﺒﻴﺞ ﻳﻤﻪ ﺍﺑﻦ ﺧﺎﻟﺘﻲ ﺗﺮﻩ ﺷﻨﻮ ﻣﺎﺭﻭﺡ ﺑﻌﺮﺳﻪ
ﻳﺴﺮ ﺗﻀﺤﻜﻴﻦ ﻋﻞ ﺭﻭﺣﺞ ﺷﻮﻓﻲ ﻋﻴﻮﻧﺞ ﺷﻠﻮﻥ ﻣﻐﻮﺭﻛﻪ
ﺻﺪﻳﺖ ﺑﺠﻬﻪ ﺍﻫﻔﻲ ﻋﻞ ﻭﺟﻬﻲ ﻳﻤﻪ ﺷﺒﻴﺞ ﻛﺤﻠﻪ ﺗﺤﺮﻛﻨﻲ ﻋﻞ ﺷﻨﻮ ﺩﺗﻐﻮﺭﻙ ﻋﻴﻮﻧﻲ .. ﺧﻠﻴﺖ ﺍﻟﺸﺎﻝ ﺷﻤﺮ ﺍﻣﻲ ﻛﻌﺪﺕ ﻣﻘﻬﻮﺭﻩ ﺗﺒﺎﻭﻋﻠﻲ
ﻳﻤﻪ ﺷﺒﻴﺞ ﺗﺮﻩ ﻣﻌﻀﻤﺘﻪ ﺧﻄﺒﻨﻲ ﻭﻣﺼﺎﺭﺕ ﻳﺒﻘﻰ ﺍﺑﻦ ﺧﺎﻟﺘﻲ ﻭﺍﻧﺘﻬﺖ .. ﻟﺴﺎﻧﻲ ﻳﺤﺠﻲ ﻭﻛﻠﺒﻲ ﻳﻨﺰﻑ ﻣﺠﺎﻭﺑﺘﻨﻲ ﻋﻔﺘﻪ ﻭﻃﻠﻌﺖ ﻟﺒﻴﺘﻬﻢ ﻓﺘﺖ ﻣﻨﺪﻛﻪ ﻫﻮﺍﻱ ﺯﻟﻢ ﺑﻠﻄﺮﻣﻪ ﺩﺧﻠﺖ ﺍﻟﻤﻄﺒﺦ ﺗﻠﻜﻮﻧﻲ ﺍﻟﺒﻨﺎﺕ ﺳﻼﻡ ﻭﺿﺤﻚ ﺍﻟﻪ ﺟﻨﺎﻥ ﻣﺘﻴﺒﺴﻪ ﻋﻴﻮﻧﻪ ﻣﺘﺸﺨﺼﻪ ﻋﻠﻴﻪ ﺗﺒﺎﻭﻉ ﻟﺒﺴﻲ ﻭﺷﻌﺮﻱ ﺗﻔﺮﻙ ﺑﺪﻳﻪ ﺍﻋﺮﻓﻪ ﻣﻘﻬﻮﺭﻩ ﻋﻠﻴﻪ ﺷﻤﺮﺕ ﺍﻟﺼﺎﻳﻪ ﻋﻠﻴﻬﺎ ﺿﺤﻜﺘﻠﻪ ﺑﺘﺴﻤﺖ ﺑﺜﻜﻞ ﻓﺘﺖ ﻟﻠﻬﻮﻝ ﺧﺎﻟﺘﻲ ﻭﺑﻨﺎﺗﻪ ﻣﺴﻮﻳﺎﺕ ﺩﺍﺋﺮﻩ ﺍﻟﺪﻱ ﺟﻲ ﻣﺸﺘﻐﻞ ﻭﺧﺎﻟﺘﻲ ﺗﺼﻔﻚ ﻟﻤﺤﺘﻨﻲ ﻏﺎﺑﺖ ﺿﺤﻜﺘﻪ ﻧﺰﻟﺖ ﺍﺩﻳﻪ ﻗﻮﻳﺖ ﺭﻭﺣﻲ ﺗﻘﺮﺑﺖ ﺑﺼﻔﻬﻢ ﺍﺻﻔﻚ ﻛﻮﻩ ﻭﺍﺗﺨﻴﻞ ﻧﻔﺴﻲ ﺍﻧﻲ ﺍﻟﻌﺮﻭﺱ ﻭﻫﺎﻱ ﺍﻟﺤﻔﻠﻪ ﺍﻟﻴﻪ
ﻧﻀﺮﺍﺕ ﺍﻟﻨﺎﺱ ﺍﻟﺘﺪﺭﻱ ﻳﻤﺎﻥ ﺭﺍﻳﺪﻧﻲ ﻭﺧﻄﺒﻨﻲ ﺍﻛﻠﺘﻨﻲ ﻭﺧﻠﺘﻨﻲ ﺍﺧﺬﻟﻲ ﺯﺍﻭﻳﻪ ﻭﺍﻛﻌﺪ ﺭﺍﺳﻲ ﻧﺴﻄﺮ ﺷﻮﻳﻪ ﻭﺻﺎﺭﺕ ﻫﻮﺳﻪ ﺩﻳﺮﺣﻮﻥ ﻳﺤﻨﻮﻫﻪ ﻃﻠﻌﺖ ﻭﻳﺎﻩ ﺍﻟﻨﺎﺱ ﺍﻟﻄﻠﻌﻮ ﺍﺧﺬﺕ ﺻﺎﻳﺘﻲ ﺩﺍﻟﺒﺴﻪ ﻳﻢ ﺍﻟﺪﺭﺝ ﻭﺍﺳﻤﻌﻪ ﺍﻟﻌﺮﻛﻪ
ﻣﺎﺭﻭﺡ ﻟﻮ ﺗﻨﻜﻠﺐ ﺍﻟﺪﻧﻴﻪ
ﻟﻚ ﺍﻧﺖ ﺗﺨﺒﻠﺖ ﺷﺠﺎﻙ ﺍﺑﻨﻲ ﺍﻟﻌﺎﻟﻢ ﻣﻨﺘﻀﺮﺗﻨﻪ
ﻳﻤﻪ ﻟﻴﺶ ﺗﺨﻠﻴﻨﻲ ﺍﻫﺞ ﻭﺍﻟﻠﻪ ﺍﻫﺞ ﺩﺍﻛﻠﺞ ﻣﺎﺭﻭﺡ
ﻳﺒﻮﻭﻭ ﺧﺰﺍﻧﻲ ﺭﺍﺡ ﻳﺠﻠﻄﻨﻲ ﻭﻟﺠﻦ ﺻﻴﺤﻦ ﺍﺑﻮﺟﻦ ﺧﻞ ﻳﺸﻮﻓﻠﻪ ﺟﺎﺭﻩ
ﻃﻠﻌﺖ ﻓﺎﻃﻤﻪ ﻭﺧﺎﻟﺘﻲ ﻭﺭﺍﻩ ﺩﻧﻜﺖ ﺍﺳﺤﺐ ﺍﻟﺼﺎﻳﻪ ﺭﻓﻌﺖ ﺭﺍﺳﻲ ﻳﻤﺎﻥ ﻭﺍﻛﻒ ﺑﻠﺒﺎﺏ ﺑﺘﺴﻤﺖ ﺑﻤﻜﺮ ﺧﻠﻴﺖ ﻭﻣﺸﻴﺖ ﺻﻌﺪﺕ ﺍﻟﺴﻴﺎﺭﻩ ﺑﺼﻒ ﺍﻣﻲ ﻧﺺ ﺳﺎﻋﻪ ﻣﺤﺪ ﻣﻨﻬﻢ ﻃﻠﻊ ﺍﻟﻨﺎﺱ ﻣﻨﺘﻀﺮﻩ ﻭﻫﻮﺳﺘﻬﻢ ﺟﻮﻩ ﺗﺎﻟﻲ ﻃﻠﻊ ﻳﻤﺎﻥ ﺳﺎﺣﺒﻪ ﻛﻤﺎﻝ ﻳﻌﺘﻌﺖ ﺑﺮﺑﻄﺎﻁ ﻣﺜﻞ ﺍﻟﺨﺎﻧﻜﻪ ﻣﻦ ﻳﻤﻲ ﺧﺘﻨﻜﺖ ﻭﺟﺒﺮﺕ ﺭﻭﺣﻲ ﺣﺘﻰ ﺍﺑﻘﻰ ﻣﺴﻴﻄﺮﻩ ﺍﻻﺧﺮ ﻟﺤﻀﻪ
ﺷﻠﻮﻥ ﻭﺻﻠﻨﻪ ﺷﻠﻮﻥ ﺍﻧﻲ ﻫﺴﻪ ﻛﺎﻋﺪﻩ ﻛﺒﺎﻟﻬﻢ ﻣﻨﻴﻦ ﺍﺟﺘﻲ ﻫﺎﻱ ﺍﻟﻘﻮﻩ ﻣﺎﺩﺭﻱ ﺍﻟﻌﺮﻭﺱ ﺣﻠﻮﻩ ﻧﺎﻋﻤﻪ ﻣﻌﺎﻧﻴﻬﻪ ﻣﻘﺒﻮﻟﻪ ﺑﺲ ﻫﻴﻪ ﻣﻤﺮﺗﺒﻪ ﻣﻼﺑﺴﻪ ﺑﺪﻟﻪ ﻭﻻ ﺗﺴﺮﻳﺤﻪ ﻓﺴﺘﺎﻥ ﻭﻃﻦ ﻣﻜﻴﺎﺝ ﻣﺨﻠﻴﻪ ﺷﻲ ﺑﺪﺍﺧﻠﻲ ﺭﺗﺎﺡ ﺟﻨﺖ ﺧﺎﻳﻔﻪ ﺗﻄﻠﻊ ﺣﻠﻮﻩ ﻟﻴﺶ ﻫﻴﺞ ﺃﻓﻜﺮ ﻣﺎﺩﺭﻱ ﺗﻌﻤﺪﺕ ﺍﻛﻌﺪ ﻛﺒﺎﻟﻬﻢ ﻭﻳﻤﺎﻥ ﺗﻴﻬﻪ ﺩﺭﺑﻪ ﺭﺃﺳﻪ ﻣﺮﻓﻌﻪ ﻣﺪﻧﻚ ﻳﻤﺴﺢ ﺑﻜﺼﺘﻪ
ﺍﻟﺒﻨﺎﺕ ﺭﻛﺼﻮ ﺣﺒﻴﺖ ﺿﻌﻔﻪ ﺑﻬﺎﻱ ﺍﻟﻠﺤﻀﻪ ﻛﻤﺖ ﻛﺒﺎﻟﻪ ﺍﺭﻛﺺ ﻭﻋﻴﻨﻲ ﻋﻠﻴﻪ ﻳﺒﺎﻭﻉ ﻻﻃﺮﺍﻑ ﺭﺟﻠﻲ ﻭﺟﻬﻪ ﻧﻄﻌﻦ ﺛﻮﺍﻧﻲ ﻣﻮ ﺍﻛﺜﺮ ﻭﻛﺎﻡ ﻣﻔﺰﻭﻉ ﻃﻠﻊ ﻭﺧﺎﻟﺘﻲ ﻭﺭﺍﻩ ﺳﺤﺒﺘﻲ ﺟﻨﺎﻥ ﺻﺎﻛﻪ ﻋﻞ ﺳﻨﻮﻧﻪ
ﻟﺨﺎﻃﺮ ﺍﻟﻠﻪ ﺭﺣﻤﻪ ﻟﻠﻨﺒﻲ ﺍﺩﺭﻱ ﺷﺠﺎﺝ ﺗﺨﺒﻠﺘﻲ
ﻛﻌﺪﺕ ﺭﺟﻞ ﻋﻞ ﺭﺟﻞ ﺭﺩﻳﺖ ﺑﺮﻭﺩ .... ﺷﺒﻴﻪ
ﺍﻟﻠﻄﻢ ﺍﻣﻠﺦ ﺭﻭﺣﻲ ﻟﻮ ﺍﺳﻜﺖ ﻟﺞ ﺭﺍﺡ ﻳﻤﻮﺕ ﻭﻫﻮﻩ ﻣﻴﺖ ﺑﺪﻭﻥ ﻛﻠﺸﻲ ﺗﺼﻴﺮﻳﻦ ﻛﺒﺎﻟﻪ ﻟﻴﺶ ﺗﺠﻴﻦ ﺑﻌﺮﺳﻪ ﻟﻴﺶ
ﺩﻧﻜﺖ ﺍﺭﺟﻒ ﻣﺮﻩ ﺍﻛﻮﻝ ﺍﻟﺴﻮﻳﺘﻪ ﻏﻠﻂ ﻣﺮﻩ ﺍﻛﻮﻝ ﺻﺢ ﺗﺎﻟﻲ ﺻﺎﺣﺖ ﺧﺎﻟﺘﻲ ﻳﻠﻪ ﻧﺮﻭﺡ ﺍﻭﻝ ﻭﺣﺪﻩ ﻃﻠﻌﺖ ﻟﻜﻴﺘﻪ ﻭﺍﻛﻒ ﻋﻞ ﺻﻔﺤﻪ ﻣﺨﺘﻨﻚ ﻳﻜﺢ ﻛﻞ ﻗﻮﺗﻪ ﻛﻤﺎﻝ ﻳﻔﺘﺢ ﺑﺪﻛﻢ ﺍﻟﻘﻤﻴﺺ ﺭﻓﻊ ﺭﺃﺳﻪ ﻟﻠﺴﻤﺎ ﻳﺘﻨﻔﺲ ﻣﺮﻳﺖ ﻣﻦ ﻳﻤﻪ ﺻﻌﺪﺕ ﺍﻟﺴﻴﺎﺭﻩ ﺍﺑﺎﻭﻋﻠﻪ ﻣﻦ ﺍﻟﺠﺎﻣﻪ ﻧﺰﻉ ﺣﺘﻰ ﺍﻟﺴﺘﺮﻩ ﺫﺑﻬﺎ ﻣﺸﺖ ﺳﻴﺎﺭﺗﻨﻪ ﺍﻭﻝ ﺷﻲ ﻭﺑﻌﺪ ﻣﺪﺭﻳﺖ ﺷﺼﺎﺭ ﻭﺻﻠﻨﻪ ﺍﻟﺒﻴﺖ ﻧﺰﻟﺖ ﻛﺒﻞ ﺍﻟﺒﻴﺘﻨﻪ
ﻛﺮﻫﺖ ﺭﻭﺣﻲ ﻭﻛﺮﻫﺖ ﻛﻞ ﺍﻟﺪﺍﺳﻮﻱ ﺷﻜﻮ ﻗﻮﻩ ﺑﻴﻪ ﻧﻬﺎﺭﺕ ﺷﻜﻮ ﺍﻋﺼﺎﺏ ﻃﻠﻌﺖ ﺑﺠﻴﺖ ﻭﻧﺤﺒﺖ ﺗﺎﻟﻲ ﺗﻌﺒﺖ ﺗﻐﻄﻴﺖ ﻭﻧﻤﺖ ﺑﻤﻼﺑﺴﻲ ﺑﺪﻭﻥ ﻣﺎﺑﺪﻝ
ﻟﻠﻴﻞ ﻛﻌﺪﺕ ﺍﻳﺪ ﺗﻤﺴﺪ ﻋﻞ ﺭﺍﺳﻲ ﻧﺪﺭﺕ ﺍﻣﻲ ﻏﻄﻴﺖ ﺑﺤﻀﻨﻪ ﺑﺠﻴﺖ ﻛﻞ ﻗﻮﺗﻲ ﻭﻫﻴﻪ ﺗﻬﺪﻱ ﺑﻴﻪ
ﻟﻴﺶ ﻫﻴﺞ ﺗﺴﻮﻳﻦ ﺑﺮﻭﺣﺞ ﺣﺘﻰ ﺍﻟﻠﻪ ﻳﻜﻮﻝبيج قصص عراقيه حقيقيه من واقعنا.روعه الطائي
( ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ )
ﻻﻳﻜﻠﻒ ﺍﻟﻠﻪ ﻧﻔﺴﺎ ﺍﻻ ﻭﺳﻌﻬﺎ ﻟﻴﺶ ﺗﻀﻐﻄﻴﻦ ﻋﻞ ﺭﻭﺣﺞ ﺷﻮﺩﺍﺝ ﻳﺎ ﺍﻣﻲ ﺷﻮﺩﺍﺝ ﻣﻮ ﻛﻠﻨﻪ ﺍﻟﻠﻪ ﻣﻘﺎﺳﻤﻪ ﺍﻟﺞ ﺍﺭﺿﻲ ﺑﻘﺴﻤﻪ ﺭﺑﺞ ﻳﺠﻮﺯ ﻣﻮ ﺻﺎﻟﺢ ﺍﻟﺞ ﺍﻧﺘﻲ ﻣﻮﺋﻤﻨﻪ ﻭﺗﺼﻠﻴﻦ ﻣﺎﻋﻨﺪﺝ ﺛﻘﻪ ﺑﺎﻥ ﺭﺏ ﺍﻟﻌﺎﻟﻤﻴﻦ ﺍﻋﺮﻑ ﺑﺘﺪﺍﺑﻴﺮ ﺣﻴﺎﺗﺞ
ﺃﻋﺼﺎﺑﻲ ﺭﺧﺖ ﻭﺻﻮﺕ ﻫﻤﺴﻪ ﺗﺪﻋﻴﻠﻲ ﻭﺗﻘﺮﺍﺀ ﻋﻠﻰ ﺭﺍﺳﻲ ﻗﻮﺍﻧﻲ ﻛﻤﺖ ﺑﺴﺘﻪ ﺍﺧﺬﺕ ﻣﻼﺑﺴﻲ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﻛﻌﺪﺕ ﺍﺻﻠﻲ ﻟﺤﺪ ﻣﻄﻠﻊ ﺍﻟﻔﺠﺮ ﻟﻤﻴﺖ ﺍﻟﺴﺠﺎﺩﻩ ﻭﻛﻔﺖ ﻛﺪﺍﻡ ﺍﻟﺸﺒﺎﻙ ﻓﺘﺤﺖ ﺍﻟﺒﺮﺩﻩ ﺷﻮﻳﻪ ﺣﺪﻳﻘﺘﻬﻢ ﻛﺒﺎﻟﻲ ﺳﻴﺎﺟﻬﻢ ﻧﺎﺻﻲ ﻏﻤﻀﺖ ﺍﺗﺬﻛﺮ ﻣﻦ ﺍﺣﺠﻲ ﻭﻳﺎﻩ ﻭﻳﻜﻠﻲ ﻛﺎﻓﻲ ﺭﺟﻠﺞ ﺗﻌﺒﺖ ﻛﻌﺪﻱ ﻋﺎﺩ
ﻣﻨﻮ ﻛﻠﻚ ﺍﻧﻲ ﻭﺍﻛﻔﻪ
ﺗﺮﻩ ﺍﻧﻲ ﻛﺒﺎﻟﺞ ﺑﻠﺤﺪﻳﻘﻪ ﻭﺍﻧﺘﻲ ﻭﺭﻩ ﺍﻟﺒﺮﺩﻩ ﺩﺍﺷﻮﻓﺞ
ﻫﻬﻬﻬﻬﻬﻪ ﻻ ﻫﻞ ﻣﺮﻩ ﺻﺪﺗﻨﻲ
ﺷﻌﺒﺎﻟﺞ ﻟﻌﺪ ﺍﻧﻲ ﺷﻮﻳﻪ ﻓﺘﺤﻲ ﺍﻟﺒﺮﺩﻩ ﺷﻮﻳﻪ
ﺷﻜﻮ
ﺩﻓﺘﺤﻴﻪ ﺷﻮﻳﻪ ﺑﺪﺍﻋﺘﻲ
ﻳﻠﻪ
ﺷﻤﺮﻟﻲ ﺑﻮﺳﻪ ﺑﻠﻬﻮﻩ ﺗﻠﻤﺴﺖ ﻭﺟﻬﻲ
ﻫﺎﻱ ﺍﻟﺒﻮﺳﻪ ﺣﻄﻴﻪ ﻋﻞ ﺷﺎﻣﻪ ﻟﻔﻮﻙ ﺷﻔﺘﺞ
ﺍﻳﺪﻱ ﺻﺎﺭﺕ ﻋﻠﻴﻬﺎ ﺗﻠﻤﺴﺖ ﺩﻣﻮﻋﻲ ﻓﺘﺤﺖ ﻋﻴﻨﻲ ﺑﻌﺪﻩ ﻋﻞ ﺣﺪﻳﻘﻪ ﻳﻤﺎﻥ ﻣﺎﻛﻮ ﻫﺎﻱ ﺍﻟﻜﺮﺍﺳﻲ ﻣﺼﻔﻄﻪ ﺍﻟﺠﺪﻭﺭ ﺍﻟﺪﻱ ﺟﻲ ﺍﻟﺒﻼﺟﻜﺘﻮﺍﺭﺕ ( ﺍﻻﺿﻮﻳﻪ ) ﻛﻞ ﻣﺴﺘﻠﺰﻣﺎﺕ ﺍﻟﻌﺮﺱ ﻋﺒﺎﻟﻚ ﺭﺳﺎﻟﻪ ﺍﻟﻲ ﺩﻛﻠﻲ ﺍﻧﺴﻲ ﺍﻟﻴﻮﻡ ﻋﺮﺳﻪ
ﻣﺠﺮﺩ ﻓﻜﺮﻩ ﺗﺸﻌﻠﻨﻲ ﻭﺗﻄﻔﻴﻨﻲ ﺗﻤﺪﺕ ﺑﻔﺮﺍﺷﻲ ﻋﻴﻨﻲ ﻋﻞ ﺳﺎﻋﻪ ﺑﻌﺪ ﺷﻜﺪ ﻭﻳﺠﻴﺒﻬﺎ ﺷﻜﺪ ﻭﺗﺼﻴﺮ ﺑﻴﻦ ﺍﺩﻳﻪ ﺍﻏﻄﻲ ﺭﺍﺳﻲ ﻭﺃﺑﻌﺪ ﺍﻟﻐﻄﻪ ﻣﻦ ﺃﻓﻜﺮ ﺑﻴﻬﻢ
ﺗﻌﺒﺖ ﻧﻔﺴﻴﺘﻲ ﺩﻣﺮﺕ ﻏﻔﻴﺖ ﻣﻦ ﺍﻻﺭﻫﺎﻕ ﺗﻤﻨﻴﺖ ﻣﺎﻛﻌﺪ ﺍﻟﻪ ﻭﻛﻠﺸﻲ ﻣﻨﺘﻬﻲ ﺑﺲ ﻭﻳﻦ ﺍﻟﻤﻌﻠﻌﻞ ﺷﻴﻨﻴﻤﻪ ﻋﻞ ﺻﻮﺕ ﺍﻟﻤﻮﺳﻴﻘﻪ ﻭﺍﻟﻄﻠﻖ ﻓﺰﻳﺖ ﻣﺮﻋﻮﺑﻪ ﺭﻛﻀﺖ ﻟﻠﺸﺒﺎﻙ ﺻﺮﺕ ﻭﺭﻩ ﺍﻟﺒﺮﺩﻩ ﺍﺑﺎﻭﻉ ﻓﺎﺗﻮ ﺍﻟﺒﻴﺖ ﺟﺎﻳﺒﻬﻪ ﻋﺼﺮﺕ ﺍﻳﺪﻱ ﺣﻴﻞ ﺍﺟﻤﻊ ﻗﻬﺮﻱ ﻧﺘﻠﺖ ﺍﻟﺒﺮﺩﻩ ﻭﻛﻌﺖ ﻓﻮﻙ ﺭﺍﺳﻲ ﻭﻛﻌﺘﻨﻲ ﻟﻤﻴﺖ ﺭﺟﻠﻴﻪ ﺍﻟﻨﻔﺴﻲ ﻭﺍﻟﺒﺮﺩﻩ ﻣﻐﺸﻴﺘﻨﻲ ﺑﺠﻴﺖ ﺑﺪﻭﻥ ﺻﻮﺕ ﺇﻟﻰ ﺃﻥ ﺗﻌﺒﺖ
ﻧﺰﻟﺖ ﻋﻠﻰ ﺻﻮﺗﻬﻢ ﺟﻮﻩ ﻳﺤﺠﻮﻥ ﺑﻠﻌﺮﺱ ﻭﺍﻟﺰﻓﻪ ﻭﺍﻟﺼﺎﺭ ﻧﺴﻮﺍﻥ ﺧﻮﺍﻟﻲ ﻣﻦ ﻓﺘﺖ ﺳﻜﺘﻮ ﻭﻛﻔﺖ ﺍﻏﺴﻞ ﻛﻤﻠﺖ ﻭﻛﻌﺪﺕ ﻋﻞ ﻣﻴﺰ ﺗﻠﻤﺴﺖ ﺑﻄﻨﻲ ﻣﺼﻔﻮﻛﻪ ﻣﻦ ﺍﻟﺠﻮﻉ ﻛﺬﺍ ﻳﻮﻡ ﻣﻀﺎﻳﻜﻪ ﺍﻻﻛﻞ ﻛﻤﺖ ﺣﻤﻴﺖ ﺍﻟﺠﺎﻱ ﺳﻮﻳﺖ ﻟﻔﻪ ﺟﺒﻦ ﻻﻥ ﻣﻄﺎﺑﺨﻴﻦ ﺍﻟﻜﻞ ﻣﺎﻛﻞ ﺑﻠﻌﺮﺱ ﻛﻌﺪﺕ ﺍﻟﺠﺎﻱ ﻛﺒﺎﻟﻲ ﺍﻟﺼﻤﻮﻧﻪ ﺑﻴﺪﻱ ﻋﻀﻴﺖ ﺍﻭﻝ ﻟﻜﻤﻪ ﻭﺫﺍﻧﻲ ﺻﺎﺭﺕ ﻳﻢ ﻧﺴﻮﺍﻥ ﺧﺎﻟﻲ
ﻋﺰﻩ ﺧﺰﺍﻧﻪ ﺷﻔﺘﻲ ﺑﺸﺮﻯ ﻛﺎﻣﺖ ﺗﺪﻙ ﻭﺗﻠﻄﻢ
ﻳﻤﻌﻮﺩﻩ ﺣﻘﻪ ﺑﺬﻧﻲ ﺳﻤﻌﺘﻪ ﻳﻜﻠﻬﻢ ﻣﺎﺭﻳﺪﻩ ﻣﺎﻛﺪﺭ ﺍﺧﺬﻩ ﻭﺍﺑﻮﻩ ﻳﻜﻠﻪ ﺗﺎﺧﺬﻩ ﻭﺗﻄﻠﻊ ﻏﺼﺒﺎ ﻣﺎﻋﻠﻴﻚ ﺍﺩﺭﻱ ﻫﺎﻱ ﺍﻟﺸﻐﻠﻪ ﺑﻴﻪ ﺟﺒﺮ
ﺑﺲ ﺧﻄﻴﻪ ﻟﺒﻨﻴﻪ ﺗﺒﺠﻲ ﻟﻤﺤﺘﻪ ﻣﻦ ﻓﺘﺢ ﺍﻟﺒﺎﺏ
ﺣﻘﻬﻪ ﻫﻮﻩ ﻣﺨﺎﻑ ﻭﻻ ﺳﺘﺤﻪ ﺍﻧﻲ ﺟﻨﺖ ﺍﺗﺼﻨﺖ ﻋﻠﻴﻬﻢ ﻛﻠﻮﻟﻪ ﺧﺰﻳﺘﻨﻪ ﻛﻠﻬﻢ ﺗﺮﻩ ﺍﺭﺟﻌﻪ ﻭﻓﻀﺤﻜﻢ ﻛﺎﻓﻲ ﻋﺎﺩ ﺣﺘﻰ ﻫﺎﻱ ﺍﻟﺴﺎﻟﻔﻪ ﺣﻄﻴﺘﻮ ﺭﻭﺣﻜﻢ ﺑﻴﻬﺎ ﻣﺎﺭﻳﺪﻩ ﻛﻮﻩ ﻫﻴﻪ ﻭﻛﺘﻠﻪ ﻣﺎﺭﻳﺪﺝ ﻣﺎﺭﻳﺪﺝبيج قصص عراقيه حقيقيه من واقعنا.روعه الطائي
ﺷﻔﺘﻲ ﺑﺸﺮﻯ ﺩﻛﻮﻝ ﺍﻻﻫﻠﻪ ﺷﻐﻠﻪ ﻋﺎﺩﻳﻪ ﺧﻠﻮﻫﻢ ﻫﻤﻪ ﺑﻴﻨﻬﻢ ﻭﻫﻤﻪ ﻳﺴﻤﻮﻋﻮ ﻣﻦ ﻳﺼﻴﺢ ﻣﺎﺭﻳﺪﻩ
ﺑﺘﺴﻤﺖ ﻳﻌﻨﻲ ﻟﺒﺎﻟﻲ ﻣﺼﺎﺭ ﺑﺪﻭﻥ ﻭﻋﻲ ﺷﺮﺑﺖ ﺍﻟﺠﺎﻱ ﺣﺘﺮﻙ ﻟﺴﺎﻧﻲ ﻭﻋﻴﺖ ﻋﻞ ﻧﻔﺴﻲ ﺷﺒﻴﺞ ﻳﺴﺮ ﺧﺒﻠﻪ ﺷﻜﻮ ﻓﺮﺣﺎﻧﻪ ﻣﺼﺎﺭ ﺷﻲ ﺑﻴﻨﻬﻢ ﺍﻟﻴﻮﻡ ﻣﺼﺎﺭ ﻳﺼﻴﺮ ﺑﺎﺟﺮ ﻋﻜﺒﻪ ﺧﻠﺺ ﺷﻴﻠﻲ ﻣﻦ ﺭﺍﺳﺞ ﺍﺻﺤﻲ ﻋﻠﻰ ﻧﻔﺴﺞ ﻳﻤﺎﻥ ﺻﺎﺭ ﻣﺎﺿﻲ ﺭﺟﺎﻝ ﻣﺘﺰﻭﺝ ﺍﻃﻮﻱ ﺻﻔﺤﺘﻪ ﻭﺿﺮﺑﻲ ﻛﻠﺒﺞ ﺑﻠﻘﻨﺪﺭﻩ ﻛﺎﻓﻲ ﻋﺎﺩ
ﻏﺼﻴﺖ ﺧﺘﻨﻜﺖ ﺫﺑﻴﺖ ﻛﻞ ﺷﻲ ﻭﻛﻤﺖ ﻧﻤﺖ ﻣﻦ ﻳﻮﻣﻬﺎ ﺷﻲ ﺍﺳﻤﻪ ﻳﻤﺎﻥ ﺷﻠﺘﻪ ﻣﻦ ﻗﺎﻣﻮﺱ ﺣﻴﺎﺗﻲ ﺍﻟﺒﺎﺏ ﻣﻜﻤﺖ ﺍﻃﻠﻌﻪ ﺧﺎﻑ ﺍﺗﻮﺍﺟﻪ ﻭﻳﺎﻩ ﻭﻻﻫﻮﻩ ﻳﻮﺻﻞ ﺧﻮﺍﻟﻲ ﺭﺟﻌﺖ ﺍﺧﻴﻂ ﻭﺍﻟﻬﻲ ﻧﻔﺴﻲ ﻟﺤﺪ ﻣﺎ ﻣﺤﺴﻦ ﺩﺯ ﺍﻣﻪ ﺗﺒﻠﻐﻨﻲ ﺍﻟﻌﺮﺱ ﺍﻟﺴﺒﻮﻉ
ﺍﻟﺠﺎﻱ
.
.
.
.
.
.
.
ﻳﺘﺒﺒﺒﻊ
ﻻﺗﻨﺴﻮ ﺍﻟﺘﺼﻮﻳﺖ ﻭﺍﻟﺘﻌﻠﻴﻖ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤
أنت تقرأ
سلاسل العاشقين
Mystery / Thrillerقصة جديدة للكاتبة رفل الكناني 😍 افترقنا، و انتهت علاقتنا،، لكن لم تختفي ذكرياتنا، ذكريات اصبحت تُرهقنا و تُدمي قلوبنا بعد ان كانت ترسم البسمه على مُحيّانا، و لم ينقطع الحنين و الشوق لليالٍ طِوال قضيناها سِوياً ، الحنين للحظات اختطفناها من الزمن نت...
