#باااارت١٩
ﻣﺴﺎﺀ ﺍﻟﺨﻴﺮ ❤
ﺳﻼﺳﻞ ﺍﻟﻌﺎﺷﻘﻴﻦ
ﺑﻘﻠﻢ ﺭﻓﻞ ﺍﻟﻜﻨﺎﻧﻲ ✍✍✍
# ﺍﻟﻠﻴـﻞ ...
# ﻭﺍﻟﺤﻴـﻞ ...
ﻭﺳـﮪـﺮ # ﻋﻴﻨﯥ ﺍﻟﺜﮕﻴﻞ ...
ﻛﻠـﮪـﻦ ﺍﻟﺘﻤﻦ # ﻳﺨﺎﻳﺐ ﻣﻦ ﻭﺭﺍﻙ .
،،،،،،،،،،،،،،،،،،،
ﺗﻤﺖ ﺧﻄﺒﻪ ﺻﺎﺩﻕ ﻋﻞ ﺍﻛﻤﻞ ﻭﺟﻬﻪ ﺭﻏﻢ ﻣﻌﺎﺭﺿﻪ ﺍﻣﻲ ﺑﺲ ﻫﻮﻩ ﻣﻬﺘﻢ ﻣﺠﻠﺐ ﺑﺬﻳﺎﻝ ﻋﻤﻲ ﻭﻋﻤﻲ ﻳﺤﺸﻲ ﺑﺮﺍﺳﻪ ﻛﻞ ﻓﻠﺲ ﺟﺎﻣﻌﻪ ﻭﻛﻞ ﺩﻳﻨﺎﺭ ﻋﻨﺪ ﺍﻣﻲ ﺑﺪﺍ ﺗﺠﻬﺰ ﺑﻴﻬﻢ ﻛﻤﻠﻨﺎ ﻛﻠﺸﻲ ﺑﻀﺮﻑ ﺷﻬﺮ ﻭﺣﺪﺩ ﻣﻮﻋﺪ ﺍﻟﻌﺮﺱ ﻫﻨﺎ ﺍﻣﻲ ﺳﺘﺴﻠﻤﺖ ﻟﻼﻣﺮ ﺍﻟﻮﺍﻗﻊ ﺑﻌﺪ ﻣﺸﺎﻓﺖ ﻛﻠﺸﻲ ﺗﻢ ﺗﻐﺎﺿﺖ ﻋﻦ ﻛﻠﺸﻲ ﻭﻋﺎﺷﺖ ﺍﻟﻠﺤﻀﻪ ﻣﺜﻞ ﺍﻱ ﺍﻡ ﺗﻔﺮﺡ ﺑﻌﺮﺱ ﺍﺑﻨﻪ
ﺧﻮﺍﻟﻲ ﻭﻳﺎﻧﻪ ﺣﻀﺮﻧﻪ ﺍﻟﺒﻴﺖ ﺍﻧﻲ ﻭﺣﻨﻴﻦ ﻭﺣﻀﺮﻧﻪ ﻧﻔﺴﻨﻪ ﻣﻦ ﻟﺒﺲ ﻭﻛﻠﺸﻲ ﺑﻴﻮﻡ ﺍﻟﺤﻨﻪ ﺻﺒﺢ ﺭﺣﺖ ﻭﻳﻪ ﻋﻼ ﻟﻠﺼﺎﻟﻮﻥ ﺍﺧﺬﺗﻪ ﻣﻦ ﺍﻟﺒﻴﺖ ﻭﺑﻄﺮﻳﻖ ﻧﺰﻟﺖ ﺟﺒﺖ ﺍﻟﺒﺪﻟﻪ ﻭﺭﺣﻨﺎ ﻟﻠﺼﺎﻟﻮﻥ ﺑﻠﺸﺖ ﺑﻴﻬﺎ ﻭﺍﻧﻲ ﺍﺗﻜﺮﺿﻢ ﻫﻴﻪ ﻣﻮ ﺣﻠﻮﻩ ﻭﺗﺠﻴﺐ ﻭﺗﺨﻠﻴﻠﻴﻪ ﺑﻬﻞ ﺍﻟﻮﺍﻥ ﺗﻘﺮﺑﺖ ﻛﺘﻠﻪ ﻋﻔﻴﻪ ﺧﻠﻲ ﺍﻟﻤﻜﻴﺎﺝ ﻫﺪﺍﺀ ﺭﻓﻌﺖ ﻋﻴﻨﻪ ﻋﻼ
ﺍﻧﻲ ﺍﺭﻳﺪﻩ ﻫﻴﺞ
ﺳﻜﺘﺖ ﻭﻟﺰﻣﺖ ﺭﻭﺣﻲ ﺍﻧﻲ ﻣﺎﻋﻠﻴﻪ ﻛﻤﻠﺖ ﻭﻧﺪﺍﺭﺕ ﺍﻟﻌﺎﻣﻠﻪ ﻋﻠﻴﻪ
ﺗﺴﻮﻳﻦ ﺷﻲ
ﺻﻔﻨﺖ ﺑﺎﻭﻋﺖ ﻟﺮﻭﺣﻲ ﻟﻴﺶ ﻻ ﻛﻌﺪﺕ ﻛﺘﻠﻪ ﺷﻲ ﺑﺴﻴﻂ ﺑﺘﺴﻤﺖ ﻫﻮﻩ ﺍﻧﺘﻲ ﺣﻠﻮﻩ ﺑﺪﻭﻥ ﻛﻠﺸﻲ
ﺣﺠﺘﻪ ﻭﻧﺜﺮﺕ ﺷﻌﺮﻱ ﺑﺪﺍ ﺗﺴﺸﻮﺭ ﻭﺗﺴﺤﺐ ﺑﻲ ﻟﺤﺪ ﻣﻮﺻﻞ ﻻﺳﻔﻞ ﺿﻬﺮﻱ
ﻛﻤﻠﺖ ﻭﻧﺪﺍﺭﺕ ﻛﺒﺎﻟﻲ
ﺷﺤﺘﻠﺒﺴﻴﻦ
ﻓﺴﺘﺎﻥ ﺳﻤﺎﻛﻲ
ﺗﻤﺎﻣﺎ
ﺑﻠﺸﺖ ﺑﻌﻴﻮﻧﻲ ﺳﺤﺒﺘﻬﻢ ﺑﻠﻮﻥ ﺍﻟﻔﻀﻲ ﻭﻧﻬﺘﻪ ﺑﻠﺤﻤﺮﻩ ﺍﻟﺴﻤﺎﻛﻲ ﻓﺎﺗﺢ ﺣﻴﻞ ﻃﻠﻌﺖ ﻏﻴﺮ ﺷﻜﻞ ﻋﻼ ﺗﺒﺎﻭﻋﻠﻲ ﺻﻔﺢ ﻣﻬﺘﻤﻴﺖ ﻟﻔﻴﺖ ﺷﺎﻟﻲ ﺧﺎﺑﺮﺕ ﻋﻠﻲ ﺷﻮﻳﻪ ﻭﺳﻤﻌﺖ ﺍﻟﻬﻮﺭﻥ ﺑﺎﻭﻋﺖ ﻣﻦ ﺍﻟﺸﺒﺎﻙ ﺳﻴﺎﺭﻩ ﺣﺪﻳﺜﻪ ﻭﻋﻠﻲ ﻭﺍﻛﻒ ﻳﻤﻬﺎ ﻟﻔﻠﻔﺖ ﻋﻼ ﻭﻃﻠﻌﺖ ﻏﺮﺍﺿﻨﻪ ﺷﺎﻟﻬﻢ ﻟﺰﻣﺖ ﺍﻳﺪﻩ ﻭﻃﻠﻌﻨﻪ ﺟﻨﺖ ﻣﺨﺒﻮﺻﻪ ﺑﻴﻬﺎ ﻭﻣﻤﻨﺘﺒﻪ ﺻﻌﺪﺗﻪ ﻭﻧﺪﺭﺕ ﺍﺻﻌﺪ ﺑﺼﻔﻪ ﺿﺒﻄﺖ ﻛﻌﺪﺗﻲ ﺭﻓﻌﺖ ﺭﺍﺳﻲ ﻭﺍﺷﻮﻑ ﻳﻤﺎﻥ ﻳﺒﺎﻭﻋﻠﻲ ﺑﻠﻤﺮﺍﻳﻪ
ﺑﻠﻌﺖ ﺭﻳﻜﻲ ﻫﺬﺍ ﺷﺠﺎﺑﻪ ﺳﻴﺎﺭﻩ ﻣﻨﻮ ﻫﺎﻱ ﻧﺼﻴﺖ ﺭﺍﺳﻲ ﺷﻮﻳﻪ ﻭﺻﺪﻳﺖ ﻋﻞ ﺟﺎﻣﻪ ﺑﻌﺪ ﻣﺒﺎﻭﻋﺖ ﻟﺤﺪ ﻣﻮﺻﻠﻨﻪ ﺑﻴﺖ ﻋﻤﻮ ﻣﺤﻤﺪ ﻧﺰﻟﺖ ﻓﻮﺗﺖ ﻋﻼ ﻭﺭﺟﻌﺖ ﺻﻌﺪﺕ ﻃﻠﻊ ﻛﺒﻞ ﺍﻟﺒﻴﺘﻨﻪ ﻭﺻﻠﻨﻪ ﻭﻧﺰﻟﺖ ﻣﺪﻧﻜﻪ ﻓﺘﺖ ﻟﻠﺒﻴﺖ ﻫﻮﺳﻪ ﻭﺍﻟﻤﻌﺎﺯﻳﻢ ﻣﻠﺘﻤﻪ ﺭﺣﺖ ﻟﻐﺮﻓﺘﻲ ﻗﻔﻠﺖ ﺍﻟﺒﺎﺏ ﻭﻛﻔﺖ ﻭﺭﺍﻩ ﺍﺗﻨﻔﺲ ﺳﺮﻳﻊ ﻛﻠﺒﻲ ﻳﺪﻙ ﺣﻴﻞ ﺍﻟﻤﺮﺍﻳﻪ ﻛﺒﺎﻟﻲ ﻓﻠﻴﺖ ﺷﺎﻟﻲ ﺧﺘﻨﻜﺖ ﻧﻬﺪ ﺷﻌﺮﻱ ﻧﺼﻴﺖ ﺭﺍﺳﻲ ﻭﻧﻀﺮﺍﺗﻪ ﺑﺎﻟﻲ ﺷﻮﻥ ﻳﺒﺎﻭﻋﻠﻲ
ﺗﻤﺎﺳﻜﺖ ﻧﻔﺴﻲ ﻓﺘﺤﺖ ﺍﻟﻜﻨﺘﻮﺭ ﻃﻠﻌﺖ ﻓﺴﺘﺎﻧﻲ ﻟﺒﺴﺘﻪ ﻛﻌﺪ ﻭﻳﻪ ﻛﻌﺪﻩ ﺍﻟﻤﻜﻴﺎﺝ ﻋﻞ ﻭﺟﻬﻲ ﺷﻠﺖ ﻗﺴﻢ ﻣﻦ ﺷﻌﺮﻱ ﺑﻜﻤﺎﺷﻪ ﻧﺎﻋﻤﻪ ﻭﺧﻠﻴﺖ ﻛﺬﻟﺘﻲ ﺑﺮﻫﺎﻭﻩ ﻟﺒﺴﺖ ﺣﺬﺍﺋﻲ ﺍﻟﻔﻀﻲ ﻭﻃﻠﻌﺖ ﺍﻣﻲ ﺗﺒﺎﻭﻋﻠﻲ ﻣﺪﻣﻌﻪ ﺣﻀﻨﺘﻪ
ﺷﻜﻮ ﻣﺪﻣﻌﻪ ﺍﻡ ﺩﻣﻴﻌﻪ
ﺭﻓﻌﺖ ﺭﺃﺳﻪ
ﻣﻤﺼﺪﻛﻪ ﺭﺩﺕ ﺑﻴﺞ ﺍﻟﺮﻭﺡ
ﺑﺘﺴﻤﺖ ﻭﻫﺪﻳﺘﻪ ﻓﺮﻳﺖ ﺍﻟﻤﻌﺎﺯﻳﻢ ﺳﻠﻤﺖ ﻋﻞ ﻛﻞ ﺭﻫﻤﺖ ﺍﻟﺪﻳﺠﻲ ﺷﻌﻠﺘﻠﻬﻢ ﺍﻟﺠﻮ ﻓﺎﺗﺖ ﺟﻨﺎﻥ ﺗﻬﺰ ﺷﺎﻓﺘﻨﻲ ﻓﺘﺤﺖ ﻋﻴﻨﻪ
ﻣﻨﻌﻮﻟﻪ ﻭﻳﻦ ﺟﻨﺘﻲ ﻃﻚ ﻛﻠﺒﻲ ﻋﻠﻴﺞ
ﺗﺤﺎﺿﻨﻪ ﺗﺒﻮﺱ ﺑﻴﻪ ﻭﺗﺒﺘﻌﺪ ﺩﻛﻠﻲ ﻟﺞ ﺭﺟﻠﻲ ﻣﺎﺣﻀﻨﺘﻪ ﻫﻴﺞ ﻭﺍﻟﻠﻪ
ﻫﻬﻬﻬﻬﻪ ﻧﺰﻭﻝ ﻋﻠﻴﺞ ﺷﻌﻨﺪﺝ ﺳﻮﺍﻟﻒ
ﺍﺧﺬﺗﻪ ﻭﻛﻌﺪﻧﻪ ﻋﻞ ﺻﻔﺤﻪ ﺩﻙ ﺳﻮﺍﻟﻒ ﻭﺗﺤﺠﻴﻠﻲ ﺷﻮﻥ ﻣﺮﺗﺎﺣﻪ ﻛﻴﻔﺖ ﺍﻟﻬﻪ ﺣﻴﻞ ﻭﻛﻞ ﺷﻮﻳﻪ ﺗﺘﻨﻬﺪ ﺗﺪﻋﻠﻲ ﻳﺎﺭﺑﻲ ﻫﺬﺍ ﺍﻟﺤﺴﻦ ﻭﺍﻟﺠﻤﺎﻝ ﻛﻮﻥ ﻟﻠﺒﺎﻟﻲ
ﺧﺰﺭﺗﻪ ﺳﻜﺘﺖ ﺗﻀﺤﻚ ﻋﻔﺘﻪ ﻭﺭﺣﺖ ﻳﻢ ﺍﻣﻲ ﻓﺘﺖ ﻟﻠﻤﻄﺒﺦ ﻭﺗﺮﺍﺟﻌﺖ ﻟﻜﻴﺖ ﻭﻟﺪﻧﻪ ﺩﻳﺸﺘﻐﻠﻮﻥ ﻓﺎﻳﺘﻴﻦ ﻃﺎﻟﻌﻴﻦ ﻟﻠﻤﻄﺒﺦ ﺩﻳﻀﺒﻄﻮﻥ ﻛﻌﺪﺕ ﺍﻟﺤﻨﻪ ﺑﺸﺎﺭﻉ ﻭﻫﺎﻱ ﺍﻟﺴﻮﺍﻟﻒ
ﺭﺣﺖ ﻟﻠﻐﺮﻓﻪ ﺟﺮﻳﺖ ﺷﺎﻝ ﺧﻠﻴﺘﻪ ﻋﻞ ﺭﺍﺳﻲ ﻭﺭﺟﻌﺖ ﻟﻠﻤﻄﺒﺦ ﺟﺎﺑﻮ ﺻﻨﺎﺩﻳﻚ ﺍﻟﺒﺒﺴﻲ ﺍﻣﻲ ﻛﺎﻟﺖ ﻳﻤﻪ ﻃﻠﻌﻲ ﺳﻄﻞ ﺍﻟﻜﺒﻴﺮ ﻫﺴﻪ ﻋﻠﻲ ﻳﻜﺴﺮﻟﺞ ﺛﻠﺞ ﻭﺧﻠﻲ ﺍﻟﻘﻮﺍﻃﻲ ﺑﻲ
ﺑﺪﻳﺖ ﺍﻓﺘﺢ ﻭﺍﺧﻠﻲ ﻋﻠﻲ ﺍﺟﻪ ﻳﻜﺴﺮ ﻭﻳﺬﺏ ﻳﺮﻭﺡ ﻭﻳﺠﻲ ﻳﺠﻴﺐ ﻭﺍﻧﻲ ﻣﻨﺪﻣﺠﻪ ﺣﺴﻴﺖ ﺣﺮﻛﻪ ﻭﺭﺍﻳﻪ ﻟﺘﻔﺖ ﻳﻤﺎﻥ ﻭﺍﻛﻒ ﻣﻨﺼﻲ ﻳﺒﺎﻭﻋﻠﻲ ﺭﻓﻌﺖ ﺭﻭﺣﻲ ﻣﺮﺗﺒﻜﻪ ﻧﺪﺭﺕ ﺟﺮ ﺍﻳﺪﻱ ﺿﻠﻴﻨﻪ ﺛﻮﺍﻧﻲ ﻋﻴﻦ ﺑﻌﻴﻦ ﺍﻳﺪﻱ ﺛﻠﺞ ﻣﻦ ﺍﻟﻘﻮﺍﻃﻲ ﻭﺍﻟﺜﻠﺞ ﻭﺍﻳﺪﻩ ﻧﺎﺭ ﻏﻤﻀﺖ ﻫﺪﻩ ﺗﺮﺍﺟﻊ ﺧﻄﻮﻩ ﻟﻴﻮﺭﻩ ﻓﺘﺮﻳﺖ ﺍﻃﻠﻊ ﻫﻤﺲ
ﺍﺭﻭﺡ ﻓﺪﻭﻩ ﻟﻠﺴﻤﺎﻛﻲ
ﻓﺘﺖ ﺍﺭﺟﻒ ﻻﺯﻣﻪ ﺍﻳﺪﻱ ﺍﺑﺎﻭﻉ ﻋﻠﻴﻪ ﺍﺗﺨﻴﻞ ﺍﻳﺪﻩ ﺷﻮﻥ ﻟﺰﻣﺘﻪ ﻛﻌﺪﺕ ﺭﺍﺳﻲ ﺣﻴﻄﻚ ﺍﺫﺍﻧﻲ ﻳﻄﻠﻊ ﻣﻨﻬﺎ ﻧﺎﺭ ﻭﺣﻠﻜﻲ ﻳﺎﺑﺲ ﺍﻧﻲ ﺷﺒﻴﻪ ﺷﺠﺎﻧﻲ ﺷﻮﻥ ﻭﻛﻔﺖ ﻭﻳﺎﻩ ﻟﻴﺶ ﻣﻌﻔﺘﻪ ﻟﻮ ﺷﺎﻓﻨﻪ ﺍﺣﺪ ﻣﻨﻴﻦ ﺍﺟﺘﻪ ﺍﻟﺠﺮﻯ ﻳﻠﻤﺲ ﺍﻳﺪﻱ ﺻﻔﻨﺖ ﺍﻻﻳﺪﻱ ﻣﺪﻧﻜﻪ ﺍﺑﺎﻭﻉ ﻟﺨﻄﻮﻃﻪ ﻛﻠﻲ ﻛﻠﻲ ﺍﺭﺟﻒ ﺣﺘﻰ ﺧﻄﻮﻁ ﺍﻳﺪﻱ ﺗﺮﺟﻒ
ﺻﺎﺣﻮ ﻳﻠﻪ ﻧﺮﻭﺡ ﻧﺤﻨﻲ ﺍﻟﻌﺮﻭﺱ ﻣﻜﺪﺭﺕ ﺍﻛﻮﻡ ﻭﻻ ﺍﺗﺤﺮﻙ ﺍﺧﺎﻑ ﺍﻣﺸﻲ ﺍﻭﻛﻊ ﻟﻮ ﺍﺳﻮﻱ ﺷﻲ ﻏﻠﻂ ﺳﺌﻠﻮﻧﻲ ﻛﺘﻠﻬﻢ ﺭﻭﺣﻮ ﺍﺿﻞ ﺑﻠﺒﻴﺖ ﺍﻧﻲ ﻣﺤﺪ ﺑﻲ ﻃﻠﻌﻮ ﻭﺑﺪﻳﺖ ﺍﻟﻤﻠﻢ ﺑﻠﺒﻴﺖ ﺧﺎﻟﻲ ﺑﻠﺒﺎﺏ ﻳﻮﺟﻪ ﺑﻠﻮﻟﺪ ﻭﺍﻧﻲ ﺳﺘﻠﻤﺖ ﺍﻟﺒﻴﺖ ﺭﺗﺒﺘﻪ ﺑﻴﻦ ﻣﻴﺠﻮﻥ
ﺟﻨﻪ ﻣﻮﺻﻴﻦ ﻋﻞ ﻛﺒﺎﺏ ﻟﻠﻌﺸﻪ ﻭﺻﻞ ﻭﺟﻬﺰﺗﻪ ﺍﺳﻮﻱ ﻭﺍﺧﻠﻲ ﺑﻠﺼﻴﺎﻧﻲ ﻭﺍﻏﻄﻲ ﺑﺲ ﺍﻳﺪﻱ ﺗﺸﺘﻐﻞ ﻋﻘﻠﻲ ﻭﻓﻜﺮﻱ ﻣﺤﺼﻮﺭ ﻛﻠﻪ ﻳﻢ ﻳﻤﺎﻥ ﻭﺍﻟﻤﻮﻗﻒ ﺍﻟﺼﺎﺭ ﻟﺤﺪ ﻣﺠﻮﻱ ﻓﺎﺗﺖ ﺍﻣﻲ ﺿﺎﻳﺠﻪ ﻟﻤﻠﻤﺖ ﻛﻠﺸﻲ ﻏﻄﻴﺘﻪ ﺍﺧﺬﺗﻪ ﻣﻦ ﺍﻳﺪﻩ
ﻳﻤﻪ ﺷﺒﻴﺞ
ﻳﻤﻪ ﻣﻮﺣﻠﻮﻩ ﺗﻠﻌﺐ ﺍﻟﻨﻔﺲ ﺗﺨﺰﻳﺖ ﺑﻴﻪ ﺗﺨﺰﻳﺖ ﻭﺻﺎﺩﻕ ﻛﺎﻋﺪ ﺑﺼﻔﻪ ﺟﻨﻪ ﻛﻤﺮ ﻭﺍﻟﻘﺎﻁ ﺍﻷﺳﻮﺩ ﻃﺎﻟﻊ ﻋﻠﻴﻪ ﻳﻌﺠﺐ
ﻧﺼﻴﺖ ﺩﺍﺧﻠﻲ ﻳﻔﻮﺭ ﺭﻓﻌﺖ ﺭﺍﺳﻲ ... ﻳﻤﻪ ﻻﺗﻘﻬﺮﻳﻦ ﺭﻭﺡ ﺍﻟﻠﻪ ﻳﺴﻌﺪﻩ ﺟﻮﺯ ﻳﺤﺒﻪ ﺍﻟﺠﻤﺎﻝ ﻣﻮ ﻛﻠﺸﻲبيج قصص عراقيه حقيقيه من واقعنا.روعه الطائي
ﺳﻜﺘﺖ ﺟﺮﻳﺘﻪ ﻣﻦ ﺍﻳﺪﻩ ﺗﻌﺎﻱ ﺷﻮﻓﻲ ﺷﺴﻮﻳﺖ ﻣﻦ ﺭﺣﺘﻲ ﺧﻠﺼﺘﺞ ﻣﻦ ﻫﻮﺳﻪ ﻟﻠﻔﺎﺕ ﻭﺍﻟﻌﺸﻪ ﺑﺲ ﻧﻮﺯﻋﻪ ﺑﺘﺴﻤﺖ ﺗﺪﻋﻴﻠﻲ ﺍﻟﻠﻪ ﻳﻮﻓﻘﺞ ﻣﻦ ﻳﻮﻣﺞ ﺧﻔﻴﻔﻪ ﻧﺴﻤﻪ ﻭﺗﻤﺸﻴﻦ ﺑﻠﺒﻴﺖ ﺑﻠﺴﻢ ﻭﻳﻨﺤﻂ ﻋﻞ ﺟﺮﺡ ﻳﺒﺮﻩ ﻳﺎﺭﺑﻲ ﻳﺠﻴﺒﻠﺞ ﺍﻟﻲ ﻳﺮﻳﺢ ﻛﻠﺒﺞ ﻣﺜﻞ ﻣﻤﺮﻳﺤﺘﻨﻲ
ﺑﺴﺘﻪ ﻭﺍﺧﺬﺗﻪ ﻟﻠﻬﻮﻝ ﻓﻮﺗﺘﻪ ﺑﻨﺺ ﻧﺴﻮﺍﻥ ﺧﺎﻟﻲ ﺭﻛﺼﺘﻪ ﺍﻳﺪﻱ ﺑﻴﺪﻩ ﺗﻬﻮﺱ ﻭﺣﺎﺑﺴﻪ ﺍﻟﺪﻣﻌﻪ
ﻋﺸﻴﻨﻪ ﺍﻟﻨﺎﺱ ﻭﺑﺪﺃ ﺣﻔﻠﻪ ﺍﻟﻮﻟﺪ ﻛﻠﻪ ﻃﻠﻌﺖ ﻟﻠﻄﺮﻣﻪ ﺗﺒﺎﻭﻉ ﻭﻧﺎﺱ ﻋﻞ ﺳﻄﺢ ﺗﻌﺒﺖ ﻭﺭﺣﺖ ﺑﺪﻟﺖ ﻭﻟﻤﻴﺖ ﺷﻌﺮﻱ ﺍﺧﺬﺕ ﻛﺮﺳﻲ ﻭﻛﻌﺪﺕ ﺑﺎﺏ ﺍﻟﻤﻄﺒﺦ ﻣﺠﺮﺩ ﻳﻤﺎﻥ ﻟﻤﺤﻨﻲ ﻣﺮﻩ ﻭﺣﺪﻩ ﺻﺎﺭﺕ ﺭﻭﺣﻪ ﺑﻠﻄﺮﻣﻪ ﻛﻞ ﺷﻮﻳﻪ ﻳﻔﻮﺕ ﻭﻳﻄﻠﻊ
ﻣﺤﺮﻛﺖ ﺳﺎﻛﻦ ﻭﻻ ﻋﺒﺮﺗﻪ ﻟﺤﺪ ﻣﻨﺘﻬﺖ ﺍﻟﺤﻔﻠﻪ ﻟﻤﻮ ﺍﻟﻜﺮﺍﺳﻲ ﻓﺘﺖ ﻓﺮﺷﺖ ﻭﻫﻴﺞ ﺧﻠﺺ ﺍﻟﻴﻮﻡ ﻟﺤﺪ ﺛﺎﻧﻲ ﻳﻮﻡ ﻭﻫﻮﺳﻪ ﺍﻟﺰﻓﻪ ﻣﺮﺣﺖ ﻭﻳﻪ ﻋﻼ ﺍﻟﻴﻮﻡ ﺻﻌﺐ ﻭﻋﺪﻧﻪ ﻃﺒﺦ ﺣﺮﺕ ﺑﻲ
ﺍﺷﺘﻐﻞ ﻭﺳﺎﻋﺪ ﺧﺎﻟﻲ ﻟﺰﻡ ﺍﻟﻄﺒﺦ ﻭﻟﺪﻩ ﻭﻛﻢ ﻭﺍﺣﺪ ﻣﻦ ﻛﺮﺍﻳﺒﻨﻪ ﻭﻳﺎﻩ ﻭﺍﻧﻲ ﻋﻞ ﺍﻳﺪﻫﻢ
ﺧﺎﻟﻲ ﺟﻴﺒﻲ ﻣﻲ
ﺧﺎﻟﻲ ﻫﻴﺞ ﺟﻴﺒﻲ
ﻭﻳﻤﺎﻥ ﻣﻄﻴﺮ ﻋﻴﻮﻧﻪ ﻟﺤﺪ ﻣﺠﺮﺗﻨﻲ ﺟﻨﺎﻥ
ﻳﺴﺮ ﺑﺲ ﻋﺎﺩ ﺩﺷﻮﻓﻲ ﺷﺘﻌﻞ ﺷﻌﻞ
ﺭﻓﻌﺖ ﺣﺎﺟﺒﻲ ... ﻣﻨﻮ
ﻣﻨﻮ ﻳﻌﻨﻲ ﺍﺑﻮﻳﻪ ﻗﺎﺑﻞ ﻏﻴﺮ ﻳﻤﺎﻥ
ﺩﺭﺕ ﻭﺟﻬﻲ ﺟﺮﻳﺖ ﻋﻴﻨﻲ ... ﻣﺎﻟﻲ ﺷﻐﻠﻪ ﺑﻲ
ﻋﻔﺘﻪ ﻭﻛﻤﻠﺖ ﺷﻐﻠﻲ ﻟﺤﺪ ﻭﻗﺖ ﺍﻟﺰﻓﻪ ﺑﺪﻝ ﺻﺎﺩﻕ ﻳﺎﺭﺑﻲ ﻭﺍﻟﻠﻪ ﺍﻟﻌﻀﻴﻢ ﺑﻌﺪﻩ ﺑﻠﻌﺸﺮﻳﻦ ﻣﺪﺍﺧﻞ ﻭﻳﻨﻪ ﻭﻳﻦ ﺍﻟﺰﻭﺍﺝ ﺷﻮﻥ ﺣﻴﺪﺑﺮﻩ ﻭﻋﻼ ﻣﺒﻴﻨﻪ ﺍﻟﻠﻪ ﻣﻴﺠﺮﻋﻪ ﺟﺎﻥ ﻣﺒﺘﺴﻢ ﻓﺮﺣﺎﻥ ﻭﺧﺎﻟﻪ ﺑﺸﺮﻯ ﺗﻬﻮﺱ ﺑﻠﻌﺒﺎﻩ ﻛﺒﺎﻟﻪ ﻭﺍﺣﻨﺎ ﻋﻞ ﻭﺍﻫﺴﻬﺎ ﻣﻨﻜﺴﺮ ﺑﺨﺎﻃﺮﻩ ﻋﻴﻮﻧﻪ ﺗﺘﻨﻘﻞ ﺑﻴﻨﻪ ﻳﻀﺤﻚ ﺳﺎﻋﻪ ﻳﻬﺰ ﻣﻜﻴﻒ ﻛﻞ ﺷﻮﻳﻪ ﻭﺻﺎﺡ
ﻳﻤﺎﻥ ﻛﻤﻞ ﺍﻟﺴﻴﺎﺭﻩ ﺟﻬﺰﻩ
ﻓﻴﻤﺎ ﺑﻌﺪ ﻋﺮﻓﺖ ﻳﻤﺎﻥ ﻣﺸﺘﺮﻱ ﻫﺎﻱ ﺍﻟﺴﻴﺎﺭﻩ ﺍﻟﺤﺪﻳﺜﻪ ﻭﺍﻟﻴﻮﻡ ﻳﺰﻑ ﺻﺎﺩﻕ ﺑﻴﻪ
ﺑﺪﻟﻨﻪ ﻟﻞ٤ﻭﻃﻠﻌﻨﻪ ﺟﻨﺖ ﻻﺑﺴﻪ ﻓﺴﺘﺎﻥ ﻣﺤﺠﺒﺎﺏ ﻣﺮﺗﺐ ﻃﻠﻌﻨﻪ ﻟﺒﻴﺘﻬﻢ ﺍﺧﺬﻧﻪ ﻋﻼ ﻭﺩﻧﻄﻠﻊ ﻭﻓﺠﺎﻩ ﻛﻠﺸﻲ ﻳﻮﻛﻒ ﺑﻴﻪ ﻭﺍﻃﺮﺍﻓﻲ ﻧﺸﻠﺖ ﻣﻦ ﺷﻔﺖ ﻣﺤﺴﻦ ﻭﺍﻛﻒ ﺑﺼﻒ ﻋﻤﻲ ﻭﺣﻴﺪﺭ ﻭﻳﺎﻫﻢ ﻭﻟﺪ ﻋﻤﻲ ﺍﻟﺒﺎﻗﻴﻦ ﺟﻠﺒﺖ ﺑﺤﻨﻴﻦ ﺣﻴﻞ ﺭﺟﻠﻲ ﻧﻤﻠﺖ ﺻﻜﺖ ﻋﻞ ﺳﻨﻮﻧﻪ ﺩﻛﻠﻲ
ﺗﺨﺒﻠﺘﻲ ﺷﻔﺘﻲ ﻋﺰﺍﺋﻴﻞ ﻗﺎﺑﻞ ﺍﻣﺸﻲ ﻭﻻﺗﺒﺎﻋﻴﻦ ﻋﻠﻴﻪ
ﻣﺎﻛﺪﺭ ... ﻛﻠﺘﻪ ﻛﻮﻩ
ﺟﺮﺗﻨﻲ ﺗﺨﺮﻁ ... ﺧﺮﺏ ﺣﻀﻲ ﺷﺒﻴﺞ ﺑﺎﺑﺎ ﺗﺮﻩ ﻣﻴﺎﻛﻠﺞ ﻗﻮﻱ ﺭﻭﺣﺞ ﺧﻞ ﻳﻮﻟﻲ ﻋﻞ ﺣﻮﺭﻩ ﺷﻮﻓﻲ ﻭﺟﻬﻪ ﺷﻮﻥ ﻳﻨﻜﻂ ﺳﻢ
ﻋﻞ ﻛﻼﻣﻬﺎ ﺑﺒﻮ ﻋﻴﻨﻲ ﻧﺪﺍﺭ ﻋﻠﻴﻪ ﻟﻜﻴﺘﻪ ﻳﺒﺎﻭﻋﻠﻲ ﺑﻠﻬﻔﻪ ﺻﺪﻳﺖ ﻳﻤﺎﻥ ﻛﺒﺎﻟﻲ ﺷﺎﻓﻨﻲ ﻧﺼﻪ ﺭﺃﺳﻪ ﻧﺪﺍﺭ ﺻﻌﺪ ﺍﻟﺴﻴﺎﺭﻩ ﺍﻣﻲ ﺗﺼﻴﺢ
ﻳﺴﺮ ﺗﻌﺎﻱ ﺳﺎﻋﺪﻱ ﻋﻼ ﺗﺼﻌﺪ
ﺍﺫﺍﻧﻲ ﻭﺷﻪ ﻣﺎﺳﻤﻊ
ﻋﻔﺘﻬﻢ ﻭﺻﻌﺪﺕ ﻗﺒﻞ ﺍﻟﻜﻞ ﺍﻟﻔﻮﻥ ﺑﻴﺪﻱ ﺍﻟﺮﺳﺎﻳﻞ ﺗﺮﻛﻊ
ﺑﺎﻋﻲ ﺑﺎﻋﻲ ﺯﻳﻦ ﻟﻴﺶ ﺻﻌﺪﺗﻲ ﺟﺎﻥ ﺣﻀﻨﺘﻲ ﻓﺪﻧﻮﺏ
ﺭﻓﻌﺖ ﺭﺍﺳﻲ ﻳﻤﺎﻥ ﻣﺪﻧﻚ ﺍﻟﻔﻮﻥ ﺑﻴﺪﻩ ﺭﻛﺰﺕ ﻋﻞ ﺭﻗﻢ ﻧﻔﺴﻪ ﺟﺎﻥ ﻳﺘﺼﻞ ﻋﻠﻴﻪ ﻃﻔﻴﺘﻪ ﻭﻛﻌﺪﺕ ﺻﻌﺪﺕ ﺍﻟﻌﺎﻟﻢ ﻭﺍﻟﻬﻮﺳﻪ ﺑﻔﻠﺲ ﺍﻟﺼﻔﻚ ﻭﺍﻟﻬﻼﻫﻞ ﻭﺍﻧﻲ ﺑﻐﻴﺮ ﻋﺎﻟﻢ ﻣﻌﻮﺩﺕ ﻭﺻﻠﻨﻪ ﺑﺴﻤﻪ ﺟﺘﻲ ﻭﻳﻪ ﻋﻼ ﺷﺒﺒﺞ ﻣﺎﺷﺒﺒﺞ ﻛﺘﻠﻪ ﺗﻌﺒﺎﻧﻪ ﻣﻦ ﺍﻟﻬﻮﺳﻪ ﺳﻜﺘﺖ
ﻟﺘﻬﻴﻨﻪ ﻧﺼﺐ ﻭﺍﻧﻲ ﻣﻔﺘﺖ ﻟﻠﻤﻄﺒﺦ ﺍﺑﺪ ﺿﻠﻴﺖ ﺑﻠﻬﻮﻝ ﺗﻌﺸﻮ ﻭﺳﺘﻠﻤﺖ ﺍﻟﻤﻮﺍﻋﻴﻦ ﺍﻧﻬﺰﻡ ﺍﺗﻬﺮﺏ ﻣﻦ ﻛﻠﺸﻲ ﺩﺍﻳﺮ ﻣﺪﺍﻳﺮﻱ ﺣﺘﻰ ﺯﻓﻮ ﺻﺎﺩﻕ ﻣﻜﻤﺖ ﺣﻨﻴﻦ ﻭﻳﺎﻱ ﻭﻛﻔﻴﻨﻪ ﻛﻠﺸﻲ ﺍﻣﻲ ﺗﺤﻮﻡ ﻭﺗﻜﺮﺽ ﺑﻴﺪﻩ
ﺍﺧﻮﺝ ﺗﺎﺧﺮ
ﻳﻤﻪ ﺷﺒﻴﺞ ﻋﻮﻓﻲ ﻣﻮﺷﺮﻁ ﻳﻄﻠﻊ ﺟﻮﺯ ﻟﻠﺼﺒﺢ
ﻧﺘﺮﺕ .... ﺧﺎﻳﻔﻪ ﺧﺎﻳﻔﻪ ﻳﻔﺸﻠﻨﻲ ﺯﻋﻄﻮﻁ ﻳﺎﺭﺑﻲ
ﻧﻔﺘﺤﺖ ﺍﻟﺒﺎﺏ ﻃﻠﻊ ﺻﺎﺩﻕ ﻣﻜﺸﺮ ﺩﺷﺪﺍﺷﻪ ﺗﻠﻤﻊ ﻭﺟﻬﻪ ﻛﻠﻪ ﻟﻤﻊ ﺭﻛﻀﺘﻠﻪ ﺍﻣﻲ ﺑﺎﻭﺳﻪ ﻳﺸﺎﻭﺭﻩ ﺿﺤﻜﺖ ﻭﻫﻠﻬﻠﺖ ﻧﺪﺭﺕ ﻳﻤﺎﻥ ﺑﺎﺏ ﺍﻟﻤﻄﺒﺦ ﺗﻨﻬﺪ ﻳﺎﺷﺮ ﻋﻞ ﺑﻼﺟﻜﺘﺮﺍﺕ
ﺿﻤﻮﻫﻦ ﺩﻧﻮﺩﻳﻬﻢ ﺻﺒﺢ
ﻃﻠﻊ ﺩﻗﺘﻨﻲ ﺍﻣﻲ
ﻳﺴﺮ ﺳﻮﻱ ﻋﺸﻪ ﻟﺨﻮﺝ ﻳﻤﻪ
ﻫﺰﻳﺖ ﺭﺍﺳﻲ ﺍﻱ ﻭﻛﻔﺖ ﻋﻞ ﻃﺒﺎﺥ ﺟﻬﺰﺕ ﺍﻟﻌﺸﻪ ﺭﺗﺒﺖ ﺍﻟﺼﻴﻨﻴﻪ ﺷﻠﺘﻪ ﻭﻓﺘﺖ ﻟﻐﺮﻓﺘﻬﻢ ﺑﺲ ﻫﻴﻪ ﻭﺑﺴﻤﻪ ﺟﺎﻧﺖ ﺧﻠﻴﺖ ﺍﻻﻛﻞ ﺑﺎﺭﻛﺘﻠﻪ ﺭﺩﺕ ﻛﻮﻩ ﺗﺤﺠﻲ ﺗﻨﺮﻓﺰﺕ
ﺭﻓﻌﺖ ﺣﺎﺟﺒﻲ ﻟﺒﺴﻤﻪ
ﺷﺒﻴﻬﺎ
ﻣﺒﻴﻪ ﺑﻄﻨﻪ ﺷﻮﻳﻪ ﺗﻮﺟﻌﻪ
ﻋﻔﺘﻬﻢ ﻭﻃﻠﻌﺖ ﻭﺻﻴﺖ ﺍﻣﻲ ﺭﺍﺡ ﺍﻧﺎﻡ ﻛﺎﻟﺖ ﻧﺎﻣﻲ ﻳﻤﻪ ﺗﻌﺒﺘﻲ ﺧﻠﻴﺖ ﺭﺍﺳﻲ ﻋﻞ ﻣﺨﺪﻩ ﺫﺑﻴﺖ ﺭﻭﺣﻲ ﺑﻌﺪ ﻣﺎﺩﺭﻳﺖ ﺑﺪﻧﻴﻪ ﻭﻳﻦ
ﻣﺮﺕ ﺍﻻﻳﺎﻡ ﻫﺪﻭﺍﺀ ﻋﺠﻴﺐ ﺍﻟﺼﻨﺘﻪ ﺗﺨﻠﻲ ﺍﻟﻮﺍﺣﺪ ﺃﺷﻜﺎﻝ ﻳﻔﻜﺮ ﻭﻳﺨﻄﻂ ﻓﻜﺮﺕ ﺍﺭﺟﻊ ﻟﺪﺭﺍﺳﻪ ﺷﻮﻳﻪ ﺍﻟﻬﻲ ﺭﻭﺣﻲ ﻣﺤﺪ ﺷﺠﻌﻨﻲ ﺳﻮﻭﻩ ﻣﻌﻀﻠﻪ ﺟﻴﺐ ﺍﻟﻜﺘﺎﺏ ﻭﻭﺩﻱ ﺍﻟﻜﺘﺎﺏ ﻭﺍﻟﻮﺛﻴﻘﻪ ﻭﺷﻮﻥ ﺻﺎﺭﺕ ﺿﻠﻤﻪ ﻋﻠﻴﻪ ﺷﻠﺖ ﺍﻟﻔﻜﺮﻩ ﻣﻦ ﺭﺍﺳﻲ ﻓﺪﻧﻮﺏ ﻟﺤﺪ ﻳﻮﻡ ﺍﻟﺴﺒﻌﻪ ﻣﺎﻝ ﻋﻼ ﺍﺟﻮﻱ ﺍﻫﻠﻬﺎ ﺳﻮﻳﻨﻪ ﻏﺪﺍ ﻭﺧﻮﺍﻟﻲ ﻟﺘﻤﻮ ﻭﻓﺘﺢ ﻋﻤﻮ ﻣﺤﻤﺪ ﻣﻮﺿﻮﻉ ﻣﺤﺴﻦ ﻳﺮﻳﺪ ﻳﺮﺟﻌﻨﻲ
ﺍﻟﻜﻞ ﺻﻔﻦ ﻭﺍﻧﻲ ﺿﻠﻴﺖ ﺍﺧﺘﺾ ﻣﺪﺍﺳﺘﻮﻋﺐ ﺷﺪﻳﻜﻮﻝ ﻭﻋﺘﻨﻲ ﺣﻨﻴﻦ ﺭﻣﺸﺖ ﻣﺮﺗﻴﻦ ﺍﺭﻳﺪ ﺍﺻﺪﻙ ﺫﻭﻟﻪ ﻛﻞ ﻋﻘﻠﻬﻢ ﻳﺤﺠﻮﻥ ﻭﻋﻤﻮ ﻛﺎﻋﺪ ﻳﺤﺠﻲ ﺑﻠﺴﺎﻧﻪ
ﻣﺤﺴﻦ ﻣﺘﻨﺪﻡ ﻭﻫﺴﻪ ﺗﻐﻴﺮ ﺻﺎﺭ ﻋﻨﺪﻩ ﺷﻐﻞ ﻭﺭﺍﺗﺐ ﻭﻋﻔﻰ ﺍﻟﻠﻪ ﻋﻤﺎ ﺳﻠﻒ ﻭﻫﻮﻩ ﻳﺮﻳﺪﺝ ﺩﺯﻧﻲ ﻋﻠﻴﻜﻢ
ﺗﺨﻴﻂ ﻟﺴﺎﻧﻲ ﻭﺍﻣﻲ ﺗﺨﺒﻠﺖ ﻟﻮ ﻳﻤﻮﺕ ﻟﻮ ﻳﻀﻞ ﺁﺧﺮ ﻳﻮﻡ ﺑﻌﻤﺮﻩ ﺍﻧﻲ ﻣﺼﺪﻛﺖ ﺑﻨﺘﻲ ﺭﺩﺕ ﺭﻭﺣﻪ ﺍﺭﺟﻌﻪ ﺍﻟﻪ ﺧﻞ ﻳﻮﻟﻲ ﻫﺬﺍ ﺍﻟﺨﻴﺨﻴﻪ ﺑﻌﺪﻳﻦ ﺷﻴﺴﻮﻱ ﺑﻨﺘﻲ ﺑﻨﺘﻲ ﺗﺴﻮﻱ ﺳﺤﻮﺭﻩ ﻭﺗﻐﺮﻱ ﺍﺧﻮﺗﻪ ﻫﺴﻪ ﺻﺎﺭﺕ ﻋﺰﻳﺰﻩ
ﺍﻡ ﺻﺎﺩﻕ ﻛﻮﻟﻲ ﻳﺎﻟﻠﻪ ﺍﻟﺮﺟﺎﻝ ﻣﻨﻪ ﻭﺑﻴﻨﻪ ﻏﻠﻂ ﻭﺳﺒﺤﺎﻥ ﺍﻟﻤﻴﻐﻠﻂ ﻭﻫﺴﻪ ﻋﺘﺮﻑ ﻭﺍﺣﻨﺎ ﻋﻤﺎﻡ ﻭﺍﻫﻞ ﻭﻳﺴﻮﺭﻩ ﻣﺘﻠﻮﻛﻠﻪ ﻣﻄﻠﻜﻪ ﻭﻛﺎﻋﺪﻩ ﺑﻴﺖ ﺭﺟﻠﻪ ﺍﻭﻟﻪ ﺑﻴﻪ ﻭﺍﻧﻲ ﺟﺒﻴﺮﻛﻢ ﻫﺴﻪ ﻭﺑﻤﻘﺎﻡ ﺍﺑﻮﻩ.بيج قصص عراقيه حقيقيه من واقعنا.روعه الطائي...ﺍﺑﻮ ﺣﻴﺪﺭ ﺍﻧﺖ ﺷﺘﺤﺠﻲ ﺟﺒﺒﺮﻧﻪ ﻋﻞ ﻋﻴﻨﻲ ﻭﻋﻞ ﺭﺍﺳﻲ ﻭﺷﺒﺒﻬﺎ ﻟﻤﻄﻠﻜﻪ ﻣﻄﻠﻜﻪ ﻭﻻ ﻣﻜﻔﺨﻪ ﺗﻀﻞ ﻋﺪ ﻣﺤﺴﻦ ﺑﺮﺑﻚ ﺑﺎﻟﻠﻪ ﻋﻠﻴﻚ ﻟﻮ ﻭﺣﺪﻩ ﻣﻦ ﺑﻨﺎﺗﻚ ﻣﺴﻮﻱ ﻫﻴﺞ ﻣﺤﺴﻦ ﺑﻴﻬﻪ ﺗﺴﻜﺖ ﺗﺮﺟﻌﻪ ﺑﻌﺪﻳﻦ ﻋﻮﻓﻚ ﻣﻦ ﻫﺬﺍ ﻛﻠﻪ ﻣﻮ ﺩﻛﻮﻝ ﻣﺤﺴﻦ ﺗﻐﻴﺮ ﻭﻣﻨﻪ ﻭﺑﻴﻨﻪ ﻭﺍﺣﻨﺎ ﻋﻤﺎﻡ ﻧﻄﻲ ﻭﺣﺪﻩ ﻣﻦ ﺑﻨﺎﺗﻚ ﺍﺫﺍ ﻫﻴﺞ ﺗﺤﺒﻪ ﻭﻣﺘﺮﻳﺪ ﺗﺨﺴﺮﻩ
ﺳﻜﺖ ﻋﻤﻲ ﻣﻨﻄﻖ ﺣﺮﻑ ﺿﻠﻮ ﺑﺲ ﺧﻮﺍﻟﻲ ﻭﺍﻟﻮﻟﺪ ﻳﺘﻨﺎﻗﺸﻮﻥ ﻛﻤﺖ ﺟﺴﻤﻲ ﻳﺮﻋﺶ ﺣﻠﻜﻲ ﻳﺎﺑﺲ ﺍﻟﺒﻨﺎﺕ ﻛﺎﻣﻮ ﻭﺭﺍﻱ ﺣﻨﻴﻦ ﺩﻛﻠﻲ ﺷﺒﻴﺞ ﺻﻔﺮﺗﻲ ﻟﻮ ﻳﻤﻮﺕ ﻣﺘﺮﺟﻌﻴﻦ ﺑﺴﻤﻪ ﺩﻛﻠﻲ ﻫﻮﻩ ﺗﺨﺒﻞ ﻣﻦ ﺷﺎﻓﺞ ﺑﻠﻌﺮﺱ ﻣﻦ ﺳﺎﻋﺘﻪ ﻭﻫﻮﻩ ﻳﻠﻮﺏ ﺭﺍﻳﺢ ﺟﺎﻱ ﻟﺒﻮﻳﻪ ﻳﺮﻳﺪ ﺑﺲ ﻳﺮﺟﻌﺞ ﻟﻄﻤﺖ ﻭﺍﻟﻌﺒﺮﻩ ﺧﻨﻜﺘﻨﻲ ﺳﺎﻋﻪ ﺍﻟﺴﻮﺩﻩ ﻟﺮﺣﺖ ﻟﻠﻌﺮﺱ ﻭﺷﺎﻓﻨﻲ ﻟﻮ ﺍﺩﺭﻱ ﻫﻨﺎﻙ ﻓﻼ ﺍﻭﺻﻞ
ﻛﻞ ﻫﺬﺍ ﻭﺻﻮﺗﻬﻢ ﺑﻠﻬﻮﻝ ﺍﺳﻤﻌﻪ ﻋﻼ ﺭﺍﻓﻌﻪ ﺣﺎﺟﺒﻪ ﺑﻐﺮﻭﺭ ﺩﻛﻠﻲ ﺭﺟﻌﻲ ﺷﻜﻮ ﺑﻴﻬﺎ ﺟﻮﺯ ﺗﻐﻴﺮ ﺟﻮﺯ ﻧﺼﻠﺢ ﻳﻌﻨﻲ ﺍﺣﺴﻦ ﻫﻴﺞ ﻣﻄﻠﻜﻪ
ﻋﻴﻮﻧﻲ ﻧﻄﻦ ﺷﻲ ﺑﺪﺍﺧﻠﻲ ﻭﻧﻔﺠﺮ ﺣﻨﻴﻦ ﺻﺎﻣﻪ ﺣﻠﻜﻲ ﺑﺴﻤﻪ ﺻﺎﻓﻨﻪ ﻳﻤﻜﻦ ﻻﻭﻝ ﻣﺮﻩ ﻫﻴﺞ ﺍﺛﻮﺭ
ﻭﺍﻧﺘﻲ ﺷﻌﻠﻴﺞ ﺍﻧﻲ ﻳﺎﻫﻮﻩ ﻣﺎﻟﺘﺞ
ﺍﻧﺘﻲ ﻧﻜﺘﻠﺘﻲ
ﻧﻀﺮﺑﺘﻲ
ﻧﺴﺒﻴﺘﻲ
ﺗﻌﺬﺑﺘﻲ
ﻧﺤﺒﺴﺘﻲ
ﻣﺘﻲ ﺟﻮﻉ
ﺑﺮﺩﺗﻲ ﻧﺺ ﺍﻟﻴﻞ ﺷﺎﻣﺮﺝ ﺑﻠﻄﺮﻣﻪ
ﻛﻌﺪﺗﻲ ﻋﻞ ﺩﻓﺮﺍﺗﻪ ﺩﻕ ﺑﺨﺎﺻﺮﺗﺞ
ﻧﺴﺤﻠﺘﻲ ﻣﻦ ﺷﻌﺮﺝ
ﻧﺘﻬﻤﺘﻲ ﺑﺸﺮﻓﺞ
ﻧﺤﺮﻣﺘﻲ ﻣﻦ ﺍﻫﻠﺞ
ﺗﻌﺮﺿﺘﻲ ﻟﻠﺘﺤﺮﺵ
ﺗﻜﻬﺮﺑﺘﻲ
ﻟﺞ ﻟﻴﺶ ﺗﺪﺍﻓﻌﻴﻦ ﻋﻨﻪ ﺳﻤﻌﺘﻲ ﻓﺪﻳﻮﻡ ﺫﻳﻞ ﺟﻠﺐ ﻧﻌﺪﻝ ﻣﺤﺴﻦ ﻣﺜﻞ ﺫﻳﻞ ﺍﻟﺠﻠﺐ ﻣﻴﻨﻌﺪﻝ ﺍﺑﺪ ﺍﺑﺪ ﻓﻬﻤﺘﻲ ﻟﻮ ﻻ
ﺧﻨﺴﺖ ﻭﺟﻬﻪ ﺻﺎﺭ ﻟﻴﻤﻮﻧﻪ ﻛﻌﺪﺕ ﺑﻠﻜﺎﻉ ﻣﻨﻬﺎﺭﻩ ﻭﺷﻪ ﺑﺬﻧﻲ ﺣﺴﻴﺖ ﺭﺟﻌﺘﻠﻲ ﺍﻟﺤﺎﻟﻪ ﻭﺭﺍﺡ ﺍﺗﺨﺮﺑﻂ ﺁﺧﺮ ﺷﻲ ﺳﻤﻌﺘﻪ ﻣﻦ ﻋﻤﻮ ﻣﺤﻤﺪ ﺍﺟﻪ ﺻﻮﺗﻪ ﺗﺮﺱ ﺃﺫﻧﻲ ﻣﺤﺴﻦ ﻳﻜﻮﻝ ﻟﻮ ﺗﺮﺟﻊ ﺑﺮﺿﺎﺗﻪ ﻟﻮ ﺍﻧﻬﻪ ﻋﻠﻴﻪ ﻣﺜﻞ ﻗﺒﻞ ﻭﺳﺎﻋﺘﻪ ﺗﺮﺟﻊ ﻏﺼﺒﺎ
ﻋﻨﻪ
.
.
.
.
.
.
ﻳﺘﺒﺒﺒﻊ
ﺻﻌﺪﻭ ﺍﻟﺒﺎﺭﺕ
ﺷﻮﻳﻪ ﻭﻳﻨﺰﻝ ﺑﺎﺭﺕ ﺛﺎﻧﻲ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤
أنت تقرأ
سلاسل العاشقين
Mystery / Thrillerقصة جديدة للكاتبة رفل الكناني 😍 افترقنا، و انتهت علاقتنا،، لكن لم تختفي ذكرياتنا، ذكريات اصبحت تُرهقنا و تُدمي قلوبنا بعد ان كانت ترسم البسمه على مُحيّانا، و لم ينقطع الحنين و الشوق لليالٍ طِوال قضيناها سِوياً ، الحنين للحظات اختطفناها من الزمن نت...
