#بارت١٥
ﻣﺴﺎﺀ ﺍﻟﺨﻴﺮ ❤
ﺳﻼﺳﻞ ﺍﻟﻌﺎﺷﻘﻴﻦ
ﺑﻘﻠﻢ ﺭﻓﻞ ﺍﻟﻜﻨﺎﻧﻲ ✍✍✍
،،،،،،،،،،،،
ﻭﺍﺫﺍ ﻧَﺸﺪﻭُﻙ
ﺑﻌﺪﺓ ﻳﻤُﻮﺕ ﺑﻴﻚ ﻓﻼﻥ ؟
ﻫﺰ ﺭﺍﺳَﻚ ﻭﮔُﻠﻬﻢ ﭼﺎﻥ
،،،،،،،،،،،،،،
ﺃﻳﺎﻡ ﻭﺍﻳﺎﻡ ﻣﺮﺕ ﻣﺤﺴﻦ ﻣﺎﺷﻲ ﻣﺜﻞ ﺍﻟﻤﻴﻞ ﻣﻌﻠﻲ ﺑﻴﻪ ﻭﺍﻧﻲ ﻣﺒﺘﻌﺪﻩ ﻫﺎﺷﻢ ﺧﻄﺐ ﻣﺤﻄﻴﺖ ﻧﻔﺴﻲ ﻭﻻ ﻛﻨﻲ ﻣﻮﺟﻮﺩﻩ ﺑﺪ ﻳﺘﺼﺮﻑ ﺗﺼﺮﻓﺎﺕ ﺑﻮﻗﺎﺕ ﺍﺿﻞ ﺻﺎﻓﻨﻪ ﺻﺮﺍﺣﻪ ﻣﻦ ﻣﻌﺎﻣﻠﺘﻪ ﺻﺮﺕ ﻋﺪﻳﻤﻪ ﺍﻟﺸﺨﺼﻴﻪ ﻳﻮﻛﻒ ﻛﺒﺎﻟﻲ ﻳﺴﺌﻠﻨﻲ ﺍﺿﻞ ﺳﺎﻛﺘﻪ ﺍﻣﺘﻤﺖ
ﺷﺒﻴﺞ ﺑﺎﺑﺎ ﺷﻨﻮ ﺧﺮﺳﻴﺘﻲ .. ﻧﺘﺮ
ﻧﺼﻴﺖ ﺗﻘﺮﺏ ﻭﺍﻧﻲ ﻛﺎﻋﺪﻩ ﻋﻞ ﺟﺮﺑﺎﻳﻪ ﻛﺢ ﺣﻚ ﻃﺮﻑ ﺷﻌﺮﻩ ﻧﺼﻪ ﻫﻤﺲ
ﻟﻴﺶ ﻣﺪﻳﺼﻴﺮ
ﻣﺎﺩﺭﻱ
ﻧﺘﺮ ... ﺍﺭﻳﺪ ﺍﻧﻲ ﺍﺭﻳﺪ ﺳﻮﻱ ﺟﺎﺭﻩ ﺷﻮﻓﻲ ﺍﻣﺞ ﺭﻭﺣﻲ ﺩﻛﺘﻮﺭﻩ
ﺭﻓﻌﺖ ﺭﺍﺳﻲ ﻧﺪﺍﺭ ﻟﻠﺼﻔﺤﻪ ﺍﻟﺜﺎﻧﻴﻪ ﻣﺪﺩ ﻣﻴﺒﺎﻭﻋﻠﻲ ﺍﺭﻳﺪ ﺍﺣﺠﻲ ﺍﻟﻜﻠﻤﻪ ﻣﺘﻄﻠﻊ ﻏﻤﻀﺖ ﺣﻴﻞ ﺑﻬﺪﻭﺍﺀ ﻛﻠﺖ
ﻣﺤﺴﻦ ﺻﺪﻙ ﺗﺮﻳﺪ ﻃﻔﻞ ﻟﻮ ﺷﻨﻮﻭ
ﻛﻌﺪ ﻣﻤﺪﺩ ﺭﺟﻠﻴﻪ ﻣﻨﺼﻲ ﻋﻠﻴﻬﺎ ... ﺍﻱ ﺍﺭﻳﺪ ﻟﻴﺶ ﻣﺎﺭﻳﺪ ﺣﻴﺼﻴﺮﺭ ﻓﻮﻙ ﺍﻟﺴﻨﻪ ﺗﺮﻩ ﻣﻦ ﺣﻘﻲ
ﺻﺪﻳﺖ ﻭﻛﻤﺖ ﻃﻠﻌﺖ ﻣﻦ ﺍﻟﻐﺮﻓﻪ ﺑﺎﻟﻲ ﺷﺎﺭﺩ ﻫﺎﻱ ﺳﺎﻟﻔﻪ ﺟﺪﻳﺪﻩ ﺍﻧﻮﺏ ﻭﺍﻟﻠﻪ ﻋﺠﻴﺐ ﻣﺤﺴﻦ ﻭﻳﺮﻳﺪ ﻃﻔﻞ ﺑﺴﻤﻪ ﺑﺼﻔﻲ ﺑﻬﺎﻱ ﺍﻟﻔﺘﺮﻩ ﺭﺟﻌﻨﻪ ﻧﺤﺠﻲ ﻭﻫﻤﻪ ﻧﺴﻮ ﺍﻟﺴﺎﻟﻔﻪ ﺣﺘﻰ ﻣﺤﺴﻦ ﻣﻦ ﻳﺸﻮﻓﻨﻲ ﺍﺣﺠﻲ ﻭﻳﺎﻩ ﻳﻐﻠﺲ ﺗﻘﺮﺑﺖ ﻣﺪﻧﻜﻪ ﺗﺜﺮﻡ ﺯﻻﻃﻪ ﺗﻠﻔﺘﺖ ﺍﺧﺎﻑ ﺍﺣﺪ ﻣﻮﺟﻮﺩ ﻟﻮ ﻳﺴﻤﻌﻨﻪ ﺭﻓﻌﺖ ﺭﺃﺳﻪ
ﻳﺴﺮ ﺷﺒﻴﺞبيج قصص عراقيه حقيقيه من واقعنا.روعه الطائي
ﺑﻠﻌﺖ ﺭﻳﻚ ... ﺑﺴﻤﻪ ﻟﻴﺶ ﻣﺼﺎﺭﻟﻲ ﻃﻔﻞ ﻟﻴﻬﺴﻪ
ﻓﺘﺤﺖ ﻋﻴﻨﻪ ﺫﺑﺖ ﺍﻟﺴﺠﻴﻨﻪ ﻭﻛﻔﺖ ﻣﺪﺕ ﺭﺃﺳﻪ ﺑﺘﺠﺎﻩ ﺍﻟﺒﺎﺏ ﻭﺭﺟﻌﺖ ﻛﻌﺪﺕ ﻛﺎﻟﺖ ﻫﻤﺲ ... ﻳﺴﺮ ﺗﺮﺩﻳﻦ ﻃﻔﻞ ﻣﻦ ﻣﺤﺴﻦ
ﻧﺼﻴﺖ ﻣﺮﺗﺒﻜﻪ .... ﻫﻮﻩ ﻳﺮﻳﺪ
ﻛﻠﺞ
ﻫﺰﻳﺖ ﺭﺍﺳﻲ .. ﺍﻱ
ﻣﺎﺻﺪﻙ ﺍﺍﺍﺍ ﻳﻌﻨﻲ ﻣﺎﻋﺮﻑ ﺷﻮﻥ ﺍﻛﻠﺞ ﻋﺒﺎﻟﻲ ﺍﻧﺘﻮ ﻣﺴﻮﻥ
ﺭﻓﻌﺖ ﺭﺍﺳﻲ ﺑﺴﺮﻋﻪ ..... ﺷﻮﻥ ﺷﻮﻥ ﻣﻨﺴﻮﻱ ﻳﻌﻨﻲ ﻣﻔﻬﻤﺖ
ﻳﻌﻨﻲ ﻋﺒﺎﻟﻲ ﻣﺘﺮﺩﻭﻥ ﺍﻃﻔﺎﻝ ﻣﺸﻮﻓﻴﻦ ﻣﺎﺳﺌﻠﺞ
ﺍﻧﻲ ﻣﻮ ﺑﺎﻟﻲ ﺑﺲ ﻫﻮﻩ ﺍﻟﻴﻮﻡ ﻓﻄﻨﻲ
ﺍﻱ ﻭﺷﺤﺘﺴﻮﻳﻦ
ﻣﺎﺩﺭﻱ ﻛﻠﻲ ﺭﻭﺣﻲ ﺩﻛﺘﻮﺭﻩ ﺷﻮﻓﻲ ﺍﻣﺞ
ﻧﺼﺖ ﺗﺜﺮﻡ .. ﻣﺎﺩﺭﻱ ﻛﻴﻔﺞ
ﺑﻘﻰ ﺍﻟﻤﻮﺿﻮﻉ ﺷﺎﻏﻞ ﺑﺎﻟﻲ ﻛﻢ ﻳﻮﻡ ﻭﻣﺤﺴﻦ ﻫﺪﻭﺍﺀ ﻳﺮﻋﺒﻨﻲ ﻣﺪﺭﻱ ﻣﻤﺘﻌﻮﺩﻩ ﻋﻠﻴﻪ ﺻﺎﺭ ﻳﺘﻘﺮﺏ ﺑﻠﻬﻔﻪ ﺃﻛﺜﺮ ﻣﻦ ﻗﺒﻞ ﻭﺍﻧﻲ ﻣﺎﺻﺪﻩ ﺑﺪﻳﺖ ﺍﺣﺲ ﺭﻭﺣﻲ ﻣﺘﺰﻭﺟﻪ ﻭﻣﺤﺴﻦ ﺻﺪﻙ ﺭﺟﺎﻝ ﺍﻟﻲ ﻛﻢ ﻣﺮﻩ ﺍﻟﻜﺎﻩ ﻧﺎﻳﻢ ﺑﺼﻔﻲ ﺑﻠﻜﺎﻉ ﻭﻫﻮﻩ ﻣﻴﺴﻮﻳﻪ ﻋﺪﺕ ﻣﺮﺍﺕ ﺍﺻﻔﻦ ﺑﻲ ﺩﺍﺭﻳﺪ ﺍﻋﺮﻑ ﺷﺒﻲ ﻳﻠﻬﻴﻨﻲ
ﻳﺴﺮ ﺍﺍﺍﺍ ﺗﻨﺤﻨﺢ ﻓﺮﻙ ﺧﺸﻤﻪ ﻧﺼﻪ ﻭﺭﻓﻊ ﺭﺃﺳﻪ ... ﺍﺑﻘﻲ ﺍﺑﻘﻲ ﻻﺗﻨﺎﻣﻴﻦ ﺟﻮﻩ ﻋﺎﺩﻱ ﻧﺎﻣﻲ ﺑﺼﻔﻲ
ﻓﺘﺤﺖ ﻋﻴﻨﻲ ﺍﺭﻣﺶ ﺑﺘﺴﻢ .. ﺍﻓﻮﺕ ﻟﻠﺤﻤﺎﻡ ﻋﻮﺩ ﺣﻀﺮﻱ ﻋﺸﻪ
ﻣﺠﺎﻭﺑﺖ ﻟﺴﺎﻧﻲ ﻣﺮﺑﻂ ﻓﺎﺗﺖ ﻭﻃﻠﻌﺖ ﻟﻠﻤﻄﺒﺦ ﺍﺣﻀﺮ ﺭﻭﺣﻲ ﻃﺎﻳﺮﻩ ﺭﺗﺒﺘﻠﻪ ﺻﻴﻨﻴﻪ ﻭﺭﺟﻌﺖ ﻟﻜﻴﺘﻪ ﻳﻤﺸﻂ ﻋﻞ ﻣﺮﺍﻳﻪ ﺑﻠﺒﺠﺎﻣﻪ ﻭﺍﻟﺘﻌﻼﻛﻪ ﺧﻠﻴﺖ ﺍﻻﻛﻞ ﻛﻌﺪ ﻳﺎﻛﻞ ﻭﻳﺒﺎﻭﻉ ﺗﻠﻔﺰﻳﻮﻥ ﺿﻠﻴﺖ ﺣﺎﻳﺮﻩ ﺍﻓﺮﺵ ﻭﻧﺎﻡ ﺟﻮﻩ ﻟﻮ ﺍﻧﺎﻡ ﻫﻨﺎ ﻣﺜﻞ ﻣﻜﺎﻝ ﻭ ﺍﻟﻠﻪ ﺣﺮﺕ ﻧﺼﻪ ﻳﻜﺴﻢ ﺑﻠﺨﺒﺰﻩ ﻫﻤﺲ
ﻧﺎﻣﻲ ﻧﺎﻣﻲ ﺍﻧﻲ ﺍﻃﻠﻊ ﻟﺼﻴﻨﻴﻪ ﻣﻦ ﺍﻃﻠﻊ ﺍﻏﺴﻞ
ﺗﻠﻔﻠﻔﺖ ﺻﺎﻓﻨﻪ ﺩﺍﺳﺘﻮﻋﺐ ﻗﻨﻌﺖ ﺭﻭﺣﻲ ﺧﻠﺺ ﻣﺤﺴﻦ ﺍﻳﻘﻦ ﺍﻧﻲ ﺯﻳﻨﻪ ﻭﻣﺎﻋﻨﺪﻱ ﺷﻲ ﺍﻟﻮﺳﺎﻭﺱ ﻟﺒﺮﺍﺳﻪ ﻧﺸﺎﻟﺖ ﺍﻟﺤﻤﺪ ﺍﻟﻠﻪ ﺭﺑﻲ ﻏﻤﻀﺖ ﺍﺗﺤﻤﺪ ﺍﻟﻠﻪ ﻃﻠﻊ ﻭﺭﺩ ﺭﺟﻊ ﻃﻔﻰ ﺍﻟﺘﻠﻔﺰﻳﻮﻥ ﻭﺍﻟﻀﻮﻩ ﻛﻌﺪ ﻋﻞ ﺟﺮﺑﺎﻳﻪ ﺗﻨﺪﻳﺖ ﻣﻤﺘﻌﻮﺩﻩ ﻗﺮﺑﻪ ﻫﻞ ﻛﺜﺮ ﻭﺭﺙ ﺟﻜﺎﺭﻩ ﺷﺮﺑﻪ ﻭﺍﺳﻤﻊ ﻧﻔﺴﻪ ﻭﻣﺮﺍﺕ ﻛﺤﺘﻪ ﻣﻦ ﻛﺪ ﻣﻤﺮﻛﺰﻩ ﺣﺘﻰ ﻛﺸﺖ ﺍﻟﺠﻜﺎﺭﻩ ﺑﻠﻤﻨﻔﻀﻪ ﻭﺟﻌﻌﺼﺘﻪ ﺑﻘﻮﻩ ﻳﻄﻔﻴﻬﺎ ﺳﻤﻌﺘﻪ
ﺗﻘﺮﺏ ﺭﻓﻊ ﺍﻟﻐﻄﻪ ﺻﺎﺭ ﺑﺼﻔﻲ ﺧﻠﻪ ﺍﻳﺪﻩ ﺟﻮﻩ ﺭﺃﺳﻪ ﺻﺎﺭ ﺷﺒﻬﻪ ﻓﻮﻙ ﺟﺴﻤﻲ ﺩﺍﺭﻧﻲ ﻋﻠﻴﻪ ﻓﺘﺤﺖ
ﻣﻨﺎﻳﻤﻪ
ﻻ
ﺑﺘﺴﻢ ﺧﻔﻴﻒ ﻭﻋﺘﻼﻧﻲ ﺑﻮﺳﻨﻲ ﺑﻠﻬﻔﻪ ﻳﺮﺟﻒ ﻳﺘﻠﻤﺲ ﺑﺸﺎﻣﻪ ﻳﻔﺮﻙ ﺑﻮﺟﻬﻲ ﺗﻘﺮﺏ ﻭﺍﻧﻲ ﻣﺴﺘﺴﻠﻤﻪ ﻗﺮﺏ ﺷﻔﺘﻪ ﺑﻬﺪﺍﺀ ﻟﻤﻜﺎﻥ ﺍﻟﺸﺎﻣﻪ ﻏﻤﺾ ﺛﻮﺍﻧﻲ ﻭﺑﺘﻌﺪ ﺗﺤﺮﻛﺖ ﺧﻠﻪ ﺍﻳﺪﻩ ﻳﻤﻌﻨﻲ
ﺩﺍﺭﻭﺡ ﻟﻠﺤﻤﺎﻡ
ﺍﻧﺘﻀﺮﻱ ﺷﻮﻳﻪ
ﺳﻜﺘﺖ ﻭﻧﺎﻡ ﻧﻔﺴﻪ ﻫﺪﺍﺀ ﻭﺍﻧﻲ ﺍﺑﺎﻭﻋﻠﻪ ﻳﺮﺑﻲ ﺷﺪﻳﺼﻴﺮ ﺗﻨﻔﺴﺖ ﺍﺭﺟﻒ ﺍﺣﺎﺟﻲ ﺭﻭﺣﻲ ﻫﺎﻱ ﺩﻋﺎﺋﻲ ﻭﺻﻼﺗﻲ ﺗﺴﺒﻴﺤﻲ ﻭﺳﺘﻐﻔﺎﺭﻱ ﺳﻮﺭﻩ ﺍﻟﺒﻘﺮﻩ ﻛﻞ ﻳﻮﻡ ﻭﺳﻮﺭﻩ ﺍﻟﻜﺮﺳﻲ ﺍﻟﻤﻌﻮﺫﺍﺕ ﺍﻟﻜﺎﻟﺖ ﺍﻣﻲ ﻋﻠﻴﻬﻢ ﻳﻮﻣﻴﻪ ﺳﻮﻳﻬﻢ ﺑﻤﻲ ﻭﺭﺷﻲ ﺍﻟﻐﺮﻓﻪ
ﻧﻤﺖ ﺑﺮﺍﺣﻪ ﻳﻤﻜﻦ ﻣﺤﺎﺳﻪ ﺑﻴﻬﻪ ﺑﻬﺎﻱ ﺍﻟﻐﺮﻓﻪ ﻛﺒﻞ ﻛﻢ ﻳﻮﻡ ﻭﺍﺟﺘﻲ ﺍﻟﺸﻬﺮﻳﻪ ﻛﺘﻠﻪ ﻋﺒﺲ ﻧﺘﺮ
ﻟﻴﺶ ﻣﺼﺎﺭ
ﻣﺎﺩﺭﻱ
ﻟﻌﺪ ﺷﺘﺪﺭﻳﻦ ﻣﻮﻛﺘﻠﺞ ﺭﻭﺣﻲ ﺩﻛﺘﻮﺭﻩ
ﺳﻜﺘﺖ
ﺍﻧﺘﻲ ﺷﺒﻴﺞ ﺗﺤﺠﻴﻦ ﺑﻠﻘﻄﺎﺭﻩ
ﻣﺤﺴﻦ ﻣﺎﺩﺭﻱ ﻫﻴﺞ ﺣﻴﺼﻴﺮ ﻧﺘﻀﺮﺗﻪ ﻭﻛﻠﺖ ﻭﺭﺍﻩ ﺍﺭﻭﺡ
ﺧﻨﺰﺭ ﺿﺎﻳﺞ ﻛﻌﺪ ﻳﻔﺮﻙ ﺑﻜﺼﺘﻪ ﺧﻔﺖ ﻋﺒﺎﻟﻚ ﺷﻜﻠﻪ ﻣﺎﻝ ﻗﺒﻞ ﻃﻠﻌﺖ ﻣﻦ ﺍﻟﻐﺮﻓﻪ ﺷﻮﻳﻪ ﻭﻃﻠﻊ ﻣﻦ ﺍﻟﺒﻴﺖ ﺳﻮﺍﻟﻔﺖ ﺍﻟﺒﺴﻤﻪ ﺻﻔﻨﺖ ﺗﺮﺩﺩ ﺳﺒﺤﺎﻥ ﺍﻟﻠﻪ ﻫﺬﺍ ﻣﺤﺴﻦ ﻻ ﻭﺍﻧﻮﺏبيج قصص عراقيه حقيقيه من واقعنا.روعه الطائي
ﻳﺪﻭﺭ ﺍﻃﻔﺎﻝ ﻭﺿﺎﻳﺞ ﺑﺘﺴﻤﺖ ﻳﺠﻮﺯ ﺍﻟﻠﻪ ﻫﺪﺍﻩ ﻋﻞ ﺍﻳﺪﻱ
ﻳﺠﻮﺯ ﻛﻠﺸﻲ ﻳﺼﻴﺮﺭ
ﻟﻠﻤﻐﺮﺏ ﻭﺍﺟﻪ ﺻﺒﻴﻨﻪ ﺍﻟﻌﺸﻪ ﻭﻫﻞ ﻓﺘﺮﻩ ﺗﻌﻠﻤﺖ ﺍﻛﻌﺪ ﻭﻳﺎﻫﻢ ﺑﻌﺪ ﻣﺎ ﻛﻢ ﻣﺮﻩ ﻫﻮﻩ ﻳﺼﻴﺤﻠﻲ ﻛﻌﺪﺕ ﺑﺼﻒ ﻋﻤﺘﻲ ﻣﻘﺎﺑﻴﻠﻪ ﻭﻫﻮﻩ ﺍﻟﻮﻟﺪ ﺑﺼﻔﻪ ﺍﻛﻞ ﻣﻨﻴﺼﻪ ﻭﻫﻮﻩ ﻣﺰﻧﺒﺮ ﺍﻟﻜﻤﻪ ﻭﻛﻔﺖ ﺑﻠﻌﻮﻣﻲ ﻭﺍﻟﺜﺎﻧﻴﻪ ﺑﻴﺪﻱ ﺫﺑﻴﺘﻪ ﺑﻠﻤﺎﻋﻮﻥ ﻛﻤﺖ ﺍﺭﺩﺩ ﻳﺎﺭﺑﻲ ﺳﺘﺮﻙ ﻳﺎﺭﺑﻲ ﺷﺒﻲ ﻟﺤﻀﺎﺕ ﺩﺍﻏﺴﻞ ﻋﻞ ﻣﻐﺴﻠﻪ ﻭﻧﺠﺮﻳﺖ ﻣﻦ ﺣﺠﺎﺑﻲ ﻟﻠﻐﺮﻓﻪ ﻳﺴﺤﻞ ﺑﻴﻪ ﻗﻔﻞ ﺍﻟﺒﺎﺏ ﻭﺍﻧﻲ ﻣﻄﻴﺮﻩ ﻋﻴﻮﻧﻲ ﻣﺘﻔﺎﺟﺎﻩ ﺩﻓﻌﻨﻲ ﻭﺑﻀﺮﺑﻨﻲ ﺭﺍﺷﺪﻱ ﺍﺫﺍﻧﻲ ﻭﻧﺖ ﻟﺰﻣﺖ ﺧﺪﻱ
ﻣﺤﺴﻦ ﺷﺒﻴﻚ
ﻛﺢ ....... ﺳﺎﻗﻄﻪ .... ﻣﺪﻟﻌﻪ ﻭﺻﺪﺭﺝ ﻃﺎﻟﻊ ﺗﻐﺮﻳﻦ ﺍﺧﻮﺍﻧﻲ ﺑﻨﺖ ﺍﺍﺍﺍﺍﺍﺍﺍﺍﺍﻟﻜﻠﺐ ﺑﻨﺖ ﺍﻟﻜﺢ ................. ﺍﻟﻴﻮﻡ ﺍﺷﻌﻞ ********
ﺿﺮﺑﻨﻲ ﺳﺪﻳﺖ ﺃﺫﻧﻲ ﺍﺻﻴﺢ ﻻﺗﻀﺮﺏ ﻟﺘﺴﺐ ﻻﺗﻜﻔﺮ ﻭﺧﺮ ﻣﻨﻲ ﺟﺎﻥ ﻓﺎﺻﻞ ﻋﺒﺎﻟﻚ ﻣﻮ ﺑﻮﻋﻴﻪ ﻛﺴﺮﻧﻲ ﺗﻜﺴﺮ ﻭﻛﻌﺖ ﺟﺜﻪ ﻫﺎﻣﺪﻩ ﻭﻧﻴﻦ ﻭﺑﺠﻴﺖ ﻣﺤﺪ ﺳﻤﻊ ﺻﻮﺗﻲ ﺑﺴﻤﻪ ﻫﻴﺞ ﻭﻛﺖ ﺑﻌﺪ ﺍﻟﻌﺸﻪ ﻣﺘﻄﻠﻊ ﻣﻦ ﻏﺮﻓﺘﻪ ﻭﻋﻤﺘﻲ ﻟﻮ ﺍﻣﻮﺕ ﻣﺘﺴﺌﻞ ﻭﺗﻜﻮﻝ ﺷﺒﻴﻜﻢ ﺭﻏﻢ ﻫﻮﻩ ﺻﻮﺗﻪ ﻋﺎﻟﻲ ﻣﻦ ﻳﻐﻠﻂ ﻭﻳﻜﻔﺮ
ﻧﻤﺖ ﺑﻤﻜﺎﻧﻲ ﻣﺎﻛﺪﺭ ﺍﺗﺤﺮﻙ ﻛﻌﺪﺕ ﻋﻞ ﺩﻓﺮﺍﺗﻪ ﻋﻞ ﺧﺎﺻﺮﺗﻲ ﻓﺘﺤﺖ ﻣﺨﻨﺰﺭ
ﻛﻮﻣﻲ ﻻ ﺗﻤﻮﺗﻴﻦ ﻧﻔﺴﺞ ﺑﺰﻭﻧﻪ ﺑﺴﻊ ﺃﺭﻭﺍﺡ ﻣﺘﻤﻮﺗﻴﻦ
ﺧﻔﺖ ﻟﻤﻴﺖ ﻧﻔﺴﻲ ﺯﺣﻔﺖ ﺃﺗﺮﺍﺟﻊ ﻟﻴﻮﺭﻩ ﺷﻌﺮﻱ ﻣﻜﻔﻮﺵ ﻟﺒﺪﺕ ﻭﻳﻪ ﺍﻟﺤﺎﻳﻂ ﺑﻴﻦ ﺍﻟﻤﻴﺰ ﻭﺍﻟﻜﻨﺘﻮﺭ ﺣﺼﺮﻧﻲ ﻋﻴﻮﻧﻲ ﺗﺮﻣﺶ ﺛﻨﻰ ﻛﺒﺎﻟﻲ
ﺷﻜﻮ ﻣﻄﻠﻌﻪ ﺻﺪﺭﺝ ﻭﺍﻟﻮﻟﺪ ﻛﺎﻋﺪﻳﻦ ﻋﻞ ﻋﺸﻪ
ﺑﺮﻃﻤﺖ ... ﻭﺍﻟﻘﺮﺁﻥ ﻣﺎﺩﺭﻱ ﻭﺭﻭﺡ ﺍﺑﻮﻳﻪ ﻣﻤﻨﺘﺒﻪ
ﻓﺮﻙ ﻭﺟﻬﻪ ﻧﻔﺦ ﺯﻓﻴﺮ ... ﺷﻮﻥ ﺍﺻﺪﻛﺞ ﺷﻮﻥ
ﺑﺠﻴﺖ .... ﻣﺤﺴﻦ ﻟﻴﺶ ﺗﺸﻚ ﻭﻣﺎ ﻋﻨﺪﻙ ﺛﻘﻪ ﺑﻴﻪ
ﺩﻧﻚ ﻭﺭﻓﻊ ﺭﺃﺳﻪ ﺑﺴﺮﻋﻪ ﻟﺰﻣﻨﻲ ﻣﻦ ﺷﻌﺮﻱ ﻫﺰﻧﻲ ... ﻳﻌﻨﻲ ﻣﻤﺘﻌﺪﻩ
ﺍﺍﺍﺥ ﻫﺪ ﺷﻌﺮﻱ ﻻ ﻭﺍﻟﻘﺮﺁﻥ ﺣﻠﻔﺘﻠﻚ ﺑﺮﻭﺡ ﺍﺑﻮﻳﻪ ﻣﻤﺘﻌﻤﺪﻩ ﺷﻮﻥ ﺍﺗﻌﻤﺪ ﺷﻮﻥ ﺣﺘﻰ ﺣﺮﺍﻡ
ﺳﻜﺖ ﺑﺘﻌﺪ ﻳﺮﻭﺡ ﻭﻳﺠﻲ ﻧﺘﺮ ... ﻭﻟﻲ ﻣﻦ ﻛﺪﺍﻣﻲ ﻭﻭﻭﻟﻲ
ﺑﺴﺮﻋﻪ ﺗﻮﺟﻴﺖ ﻋﻞ ﻛﺎﻉ ﻭﻛﻤﺖ ﺳﺤﺒﺖ ﺷﺎﻟﻲ ﻃﻠﻌﺖ ﺑﺮﻩ ﺑﻠﻄﺮﻣﻪ ﺍﺭﺟﻒ ﺍﻟﻒ ﺑﺮﻭﺣﻲ ﺑﺪﺍﻳﻪ ﺷﻬﺮ ﺍﻟﻮﺍﺣﺪ ﻭﺍﻟﻬﻮﺍ ﻳﻜﺺ ﻛﺺ ﻋﻴﻮﻧﻲ ﺗﺘﻠﻔﺖ ﻋﻞ ﺣﻴﺎﻃﻴﻦ ﻋﻞ ﺑﺎﺏ ﺧﺎﻳﻔﻪ ﻧﻔﺘﺤﺖ ﺍﻟﺒﺎﺏ ﺗﻄﺸﺮﺕ ﻣﻼﺑﺴﻲ ﻛﻠﻪ ﻓﺘﺤﺖ ﻋﻴﻨﻲ ﻻ ﻫﺬﺍ ﺗﺨﺒﻞ ﺭﺳﻤﻲ ﻛﻤﺖ ﺩﺍﺣﺠﻲ ﻣﺨﻨﺰﺭ ﻗﻔﻞ ﺍﻟﺒﺎﺏ ﻋﻠﻴﻪ
ﻓﺘﺖ ﺑﺼﺪﻣﻪ ﻣﻦ ﻫﻮﻝ ﺍﻟﻤﻮﻗﻒ ﺍﺑﺎﻭﻉ ﻟﻬﺪﻭﻣﻲ ﻭﺑﺎﻭﻉ ﻟﺮﻭﺣﻲ ﻛﻌﺪﺕ ﺗﻠﻤﺴﺖ ﻭﺟﻬﻲ ﺍﻟﺪﻣﻌﻪ ﺟﻤﺪﺕ ﻣﻌﺎﻧﺪﻩ ﺗﻨﺰﻝ ﻭﺍﻟﻌﺒﺮﻩ ﺑﺼﺪﺭﻱ ﺗﺨﻨﻚ ﺭﻓﻌﺖ ﺭﺍﺳﻲ ﻟﻠﺴﻤﺎ ﺍﻟﻨﺠﻮﻡ ﺗﻼﻟﻲ ﺗﻔﺴﺖ ﺑﻌﻤﻖ ﻓﺎﺕ ﻫﻮﺍ ﺑﺎﺭﺩ ﺑﺮﻳﺘﻲ ﺩﻋﻴﺖ ﻣﻦ ﻛﻠﺒﻲ
ﺭﺑﻲ ﺍﺧﺬﻧﻲ ﻭﻻ ﻫﺬﺍ ﺍﻟﺪﻳﺼﻴﺮ
ﺑﺮﺩﺕ ﺳﺤﺒﺖ ﻗﻄﻌﻪ ﻣﻦ ﻣﻼﺑﺴﻲ ﻟﻤﻄﺸﺮﻩ ﻟﻔﻴﺖ ﺭﻭﺣﻲ ﺭﺗﺠﻴﺖ ﻋﻞ ﺑﺎﺏ ﺍﻟﻤﻄﺒﺦ ﻏﻤﻀﺖ ﺭﻭﺣﻲ ﺗﺮﺟﻒ ﻣﻠﻴﺎﻧﻪ ﻗﻬﺮ ﻓﺰﻳﺖ ﻣﻬﺒﻮﻃﻪ ﻣﻦ ﺻﻮﺕ ﻗﺮﻳﺐ ﻟﻴﻐﺎﺩ ﻣﻨﻲ ﻟﺒﺪﺕ ﻭﻳﺎﻩ ﺍﻟﺒﺎﺏ ﺍﺗﻨﻔﺲ ﺳﺮﻳﻊ ﺷﻔﺖ ﺑﺰﻭﻧﻪ ﻛﺎﻟﺒﻪ ﺍﻟﺤﺎﻭﻳﻪ ﻭﺗﺎﻛﻞ ﺿﻠﻴﺖ ﺍﺑﺎﻭﻉ ﺧﺎﻳﻔﻪ ﺗﻜﻤﺰ ﻋﻠﻴﻪ ﻣﻤﺒﻴﻨﻪ ﺑﺲ ﻋﻴﻮﻧﻪ ﺗﻼﻟﻲ ﺧﻔﺖ ﺧﻔﺖ ﺑﺮﻃﻤﺖ ﺍﺭﻳﺪ ﺍﺻﺮﺥ ﻟﺤﻜﻮﻟﻲ ﻭﻳﻨﻚ ﻳﺎﺑﻪ ﻳﻤﻪ ﻭﻳﻨﺞ ﺻﺪﻳﺖ ﻋﻞ ﺑﺎﺏ ﺟﺎﻥ ﺟﺎﻡ ﻣﻀﻠﻞ ﺻﺎﺭ ﻣﺤﺴﻦ ﺑﻮﺟﻬﻲ ﻛﺎﻋﺪ ﻣﺨﻨﺰ ﺑﺠﻴﺖ ﻣﻦ ﻛﻞ ﻛﻠﺒﻲ ﺣﺘﻰ ﺻﻮﺗﻲ ﻃﻠﻊ
ﻓﺘﺢ ﺍﻟﺴﺮﻛﻲ ﺑﺘﻌﺪﺕ ﻛﻌﺪ ﻛﺒﺎﻟﻲ ﺗﻮﺳﻠﺘﻪ ﻣﺤﺴﻦ ﻋﻔﻴﻪ ﺧﻞ ﺍﻓﻮﺕ ﻭ ﺍﻟﻠﻪ ﻛﺘﻠﻨﻲ ﺍﻟﺮﻋﺐ ﻧﺘﺮ
ﻣﺎﺭﻳﺪﺝ
ﺑﺠﻴﺖ ﺃﻛﺜﺮ .... ﺷﻨﻮ ﺳﻮﻳﺖ
ﺳﻜﺖبيج قصص عراقيه حقيقيه من واقعنا.روعه الطائي
ﻣﺤﺴﻦ ﺷﻨﻮ ﺳﻮﻳﺖ
ﻟﻴﺶ ﻣﺪﻟﻌﻪ ﻭﺍﺧﻮﺍﻧﻲ ﻛﺒﺎﻟﺞ
ﺗﻘﺮﺑﺖ ﻟﺰﻣﺖ ﺍﻳﺪﻩ ﺍﺗﻮﺳﻞ ... ﺣﻠﻔﺘﻠﻚ ﻣﺼﺪﻛﺖ ﺷﺴﻮﻱ ﻭﺗﺼﺪﻙ ﺍﻧﻲ ﻣﺠﻨﺖ ﻣﻨﺘﺒﻬﻪ
ﺟﺬﺍﺍﺍﺍﺍﺍﺑﻪ
ﺳﺪﻳﺖ ﺃﺫﻧﻲ ﻣﻦ ﺻﻜﺖ ﺳﻨﻮﻧﻪ ﻭﺻﻮﺗﻪ ... ﻭﺍﻟﻘﺮﺁﻥ ﻭﺍﻻﻧﺰﻟﻪ ﻭﻛﻞ ﺣﺮﻑ ﺑﻲ ﻣﻤﺘﻌﻤﺪﻩ ﻭﻻ ﺃﺩﺭﻱ
ﻭﻛﻒ ﻗﺎﺑﺾ ﺍﻳﺪﻩ ﺻﺎﺡ ﻭﻓﺰﻳﺖ ... ﺷﻴﻠﻲ ﺳﻼﺑﺎﺗﺞ ﻭﻓﻮﺗﻲ
ﻣﺸﻰ ﻭﺍﻧﻲ ﺟﻨﻲ ﻣﺨﺒﻠﻪ ﺍﻟﻢ ﻣﻦ ﺍﻟﻜﺎﻉ ﻭﺍﺣﺾ ﺑﻬﺪﻭﻣﻲ ﻓﺘﺖ ﻭﺭﺍﻩ ﺗﻤﺪﺩ ﻭﺍﻧﻲ ﺳﺤﺒﺖ ﺑﻄﺎﻧﻴﻪ ﺗﻠﻔﻠﻔﺖ ﺍﺑﺎﻭﻉ ﻋﻠﻴﻪ ﻧﺎﻡ ﻭﺍﻧﻲ ﺍﺑﺠﻲ ﺑﺨﻨﻴﻚ ﻛﺮﻫﺖ ﻧﻔﺴﻲ ﻭﻛﺮﻫﺖ ﻭﺗﻮﺳﻠﻲ ﻭﺿﻌﻔﻲ ﻭﺍﻟﺬﻝ ﺍﻟﺸﻔﺘﻪ ﻏﻔﻴﺖ ﻭﺍﻧﻲ ﻛﺎﻋﺪﻩ ﻭﺭﺟﻌﺖ ﺭﻳﻤﻪ ﻟﻌﺎﺩﺗﻪ ﺍﻟﻘﺪﻳﻤﻪ ﺭﺟﻊ ﻟﻨﻔﺲ ﺗﺼﺮﻓﺎﺗﻪ ﻳﻐﻠﻂ ﻭﻳﺸﻚ ﻭﻳﻨﺘﺮ ﻭﻛﺖ ﺣﺎﺟﺘﻪ ﻻﺯﻡ ﺍﻛﻮﻥ ﻣﻄﻴﻌﻴﻪ ﻭﻣﺎﺍﺣﺠﻲ ﺭﺟﻊ ﻣﻨﻌﻨﻲ ﻣﻦ ﺍﻫﻠﻲ ﻭﻛﻢ ﻣﺮﻩ ﺍﻣﻲ ﺟﺘﻲ ﺷﺎﻓﺖ ﺍﻟﻮﺟﻪ ﻣﻜﻠﺒﻪ ﺑﻌﺪ ﻣﺠﺘﻲ
ﻣﻤﻠﻴﺖ ﻭﻻ ﺍﻳﺴﺖ ﺍﺗﻌﻤﺪ ﺍﺻﻠﻲ ﻛﺒﺎﻟﻪ ﺍﺷﻮﻑ ﻣﻼﻣﺤﻪ ﺗﻬﺪﺍ ﻭﺗﺘﻐﻴﺮ ﻣﻦ ﺍﻗﺮﻩ ﻗﺮﺍﻥ ﻳﻀﻞ ﻳﺒﺎﻭﻋﻠﻲ ﻣﻦ ﺍﺷﻮﻓﻪ ﻫﻴﺞ ﺍﺯﻳﺪ ﺧﺼﻮﺻﺎ ﻣﻦ ﻳﻬﺪﺍ ﺍﻛﻮﻝ ﻫﺬﺍ ﻫﻮﻩ ﺩﻭﺍﺀ ﻣﺮﺗﻴﻦ ﺭﺟﻊ ﺳﺌﻠﻨﻲ ﻋﻞ ﺣﻤﻞ ﻭﺍﻻﻃﻔﺎﻝ ﻭﻛﻠﻤﻪ ﺍﺭﻳﺪ ﺗﺘﺮﺱ ﺭﻭﺣﻲ ﺍﻣﻞ ﻭﺍﻓﻜﺮ ﻣﺤﺴﻦ ﺍﺣﺘﻤﺎﻝ ﻳﺼﻴﺮ ﻟﻼﺣﺴﻦ
ﺣﺘﻰ ﺑﺼﻼ ﻛﻤﺖ ﺍﺩﻋﻲ ﻭﻛﻤﻠﺘﻪ ﻋﻤﺘﻲ
ﺍﻛﻮﻝ ﺭﺍﺡ ﻳﺼﻴﺮ ﺳﻨﻪ ﻭﻛﺴﻮﺭ ﻟﻴﺶ ﻣﺼﺎﺭ ﻋﻨﺪﺝ
ﻣﺎﺩﺭﻱ ﻋﻤﻪ ﺍﻟﺮﺯﻕ ﺑﻴﺪ ﺍﻟﻠﻪ
ﻭﻧﻌﻢ ﺑﺎﻟﻠﻪ ﻗﺎﺑﻞ ﺷﻜﻠﻨﻪ ﺳﻤﻌﻲ ﺍﻛﻠﺞ ﺍﺳﻌﻲ ﺍﻣﺸﻲ ﺑﺮﻭﺡ ﺗﺮﻩ ﺍﺑﻨﻲ ﻣﺒﻲ ﺷﻲ ﺷﻮﻓﻲ ﺭﻭﺣﺞ ﺷﺒﻴﺞ
ﺳﻜﺘﺖ ﻭﻣﺤﺴﻦ ﻳﺴﻤﻊ ﻓﺘﻨﻪ ﻟﻐﺮﻓﻪ ﻛﻠﻤﻦ ﻧﺎﻡ ﺑﻤﻜﺎﻧﻪ ﺷﻮﻳﻪ ﻭﻫﻤﺲ
ﻛﺎﻋﺪﻩ
ﺍﻱ
ﺍﺣﻢ ﺍﺍﺍ ﻋﻮﺩ ﺑﺎﺟﺮ ﺍﻭﺩﻳﺞ ﻟﻬﻠﺞ ﺿﻠﻲ ﻛﻢ ﻳﻮﻡ
ﻓﺰﻳﺖ ﺍﻟﻮﺿﺤﻜﻪ ﺷﺎﺭﻛﻪ ﺍﻟﺤﻠﻚ ... ﺻﺪﻙ
ﺳﻜﺖ
ﻣﺤﺴﻦ ﺻﺪﻙ
ﺍﻱ ﺍﻱ ﺩﻧﺎﻣﻲ ﻣﻮ ﻋﻤﻮﺩ ﺷﻲ ﺑﺲ ﺣﺘﻰ ﺗﺮﺣﻴﻦ ﺩﻛﺘﻮﺭﻩ
ﺑﺘﺴﻤﺖ ﺭﻭﺣﻲ ﻃﺎﺭﺕ ﻳﺎﻣﻦ ﻳﺠﻴﺐ ﺍﻟﺼﺒﺢ ﻟﻠﻔﺠﺮ ﺍﻟﻪ ﻏﻔﻴﺖ ﻭﻳﻪ ﻣﻀﺮﺑﺖ ﺍﻟﺸﻤﺲ ﺍﻟﻐﺮﻓﻪ ﻛﻌﺪﺕ ﺍﻓﺘﺢ ﻭﺍﺳﺪ ﺑﻠﻜﻨﺘﻮﺭ ﺍﺣﻴﺮ ﺷﻠﺒﺶ ﺣﻀﺮﺕ ﻛﻠﺸﻲ ﻭﻛﻌﺪ ﻣﺤﺴﻦ ﺣﻀﺮﺕ ﻣﻼﺑﺴﻪ ﺳﻮﻳﺖ ﺭﻳﻮﻙ ﻭﺟﺒﺘﻪ ﺍﻛﻞ ﻭﺑﺪﻝ ﻭﺍﻧﻲ ﻣﻜﻤﻠﻪ ﻣﻨﺘﻀﺮﺗﻪ ﺩﻧﻄﻠﻊ ﻣﺴﺪ ﻋﻞ ﺷﺎﺭﺑﻪ ﺗﺨﻮﺻﺮ ﻣﻨﺪﻙ ﻛﺎﻝ
ﺍﺣﻢ ﺍﺍﺍ ﺻﺪﻙ ﺷﻮﻥ ﺗﺮﺣﻴﻦ
ﺷﻨﻮ
ﺩﻛﺘﻮﺭﻩ ﺩﻛﺘﻮﺭﻩ ﺷﻮﻥ ﺗﺮﺣﻴﻦ ﺍﻧﻲ ﻣﺎﻋﻨﺪﻱ ﻓﻠﺲ
ﺭﺧﺖ ﺍﻟﺠﻨﻄﻪ ﻣﻦ ﺍﻳﺪﻱ ﺑﻬﺖ ﺷﻜﻠﻲ ﻋﻜﺾ
ﺷﺒﻴﺞ ﺍﻣﺸﻲ ﺍﻣﺸﻲ ﻫﺴﻪ ﺍﺧﺬ ﻣﻦ ﺍﻟﻮﻟﺪ
ﻣﺸﻰ ﻭﺍﻧﻲ ﻭﻛﻔﺖ ﻟﺘﻔﺖ ﻫﻤﺴﺖ ﻣﺪﻧﻜﻪ
ﻣﺤﺴﻦ ﺍﻧﺖ ﻟﻴﺶ ﻣﺘﺸﺘﻐﻞ ﻳﻌﻨﻲ ﺣﻠﻮﻩ ﻫﺎﻱ ﻋﺎﺯﺗﻨﻪ
ﺭﻓﻊ ﺣﺎﺟﺒﻪ ﻣﺨﻨﺰﺭ ... ﺍﻫﻮﻭﻭﻭ ﻣﺼﺪﻛﺖ ﻣﻦ ﺍﻟﻠﻪ ﺍﻧﺘﻲ ﻳﺎﻫﻮﻩ ﻣﺎﻟﺘﺞ ﺍﻣﺸﻲ ﻭﺍﺳﻜﺘﻲ
ﻃﻠﻊ ﻭﺍﻧﻲ ﻭﺭﺍﻩ ﻓﺎﺕ ﻳﻢ ﻋﻤﺘﻲ ﻭﺍﻧﻲ ﺑﻠﻤﻄﺒﺦ ﺑﺴﻤﻪ ﻳﻤﻲ ﺗﻀﺤﻚ ﻭﺗﻐﻤﺰﻟﻲ ... ﻫﺎﻱ ﺷﻨﻮ ﻳﺎﺑﻪ ﻫﺎﻱ ﺷﻄﺎﻟﻌﻪ ﻫﻼ ﻫﻼ ﺍﻧﻮﺏ ﻃﺎﻟﻌﻴﻦ ﺳﻮﻩ ﻟﺞ ﺑﺘﺎﺭﻳﺦ ﺣﻴﺎﺗﻪ ﻣﻤﺴﻮﻳﻪ
ﺩﺗﻜﻤﻞ ﻃﻠﻊ ﻣﺤﺴﻦ ﻣﺪﻧﻚ ﻳﺤﺴﺐ ﺑﻔﻠﻮﺱ ﺑﻴﺪﻩ ﺷﺎﻓﺘﻪ ﺳﻜﺘﺖ ﺳﻮﺕ ﻧﻔﺴﻪ ﺗﺸﺘﻐﻞ ﺭﻓﻊ ﺗﻚ ﺣﺎﺟﺐ ﻣﻦ ﺷﺎﻓﻬﻪ ﻳﻤﻲ ﺩﻧﺪﻛﺖ ﻭﻃﻠﻌﻨﻪ ﻭﺻﻠﻨﻲ ﻟﻠﻬﻠﻲ ﻣﻔﺎﺕ ﻣﻦ ﺍﻟﺒﺎﺏ ﻃﺎﻧﻲ ﻓﻠﻮﺱ ﻭﺭﺍﺡ ﺗﻠﻜﺘﻨﻲ ﺍﻣﻲ ﺗﺒﻮﺱ ﻭﺗﺤﻀﻦ ﻭﺍﻧﻲ ﺍﺿﺤﻚ ﺍﺳﻮﻟﻔﻪ ﺑﻠﻬﻔﻪ ﺷﺪﺍﺳﻮﻱ ﻭﺷﻮﻥ ﻣﺤﺴﻦ ﺩﻳﺴﺘﺠﻴﺐ ﻛﺘﻠﻪ ﻋﻞ ﺩﻛﺘﻮﺭﻩ ﻧﺼﺖ ﺭﺃﺳﻪ ﻣﺤﺠﺖ ﻏﻴﺮ ﻛﻴﻔﺞ ﻳﻤﻪبيج قصص عراقيه حقيقيه من واقعنا.روعه الطائي
ﻟﻠﻌﺼﺮ ﺍﺧﺬﺗﻨﻲ ﺟﻴﻜﺘﻨﻲ ﺍﻟﺪﻛﺘﻮﺭﻩ ﻛﺎﻟﺖ ﻧﻀﻴﻔﻪ ﻻﺗﻠﻌﻴﻴﻦ ﺑﺮﻭﺣﺞ ﻧﻄﺘﻨﻲ ﻣﻘﻮﻱ ﻭﻣﻨﺸﻄﺎﺕ ﺭﺟﻌﻨﻪ ﻭﺍﻣﻲ ﺟﺎﺑﺖ ﻋﺸﻪ ﻭﻳﺎﻧﻪ ﻟﺘﻤﻴﻨﻪ ﻭﺭﺍﻫﻪ ﺭﺣﻨﻪ ﺗﻌﻠﻠﻨﻪ ﺑﻴﺖ ﺧﺎﻟﻲ ﺣﺴﻴﺖ ﺭﻭﺣﻲ ﺭﻳﺸﻪ ﻓﺎﺭﻏﻪ ﻣﻦ ﻛﻠﺸﻲ ﻭﺍﻣﻲ ﺗﺠﻴﺐ ﻭﺗﺨﻠﻲ ﻛﺒﺎﻟﻲ ﺩﻟﻞ ﺑﻴﻪ ﻭﺍﻧﻲ ﺍﺩﻟﻞ ﺃﻛﺜﺮ
ﻳﻤﻪ ﺳﻮﻱ ﺩﻭﻟﻤﻪ
ﻳﻤﻪ ﺳﻮﻱ ﻛﻠﻴﺠﻪ
ﻳﻤﻪ ﺳﻮﻱ ﺑﺮﻳﺎﻧﻲ
ﻳﻤﻪ ﺳﻮﻱ ﻛﺒﻪ
ﻳﻤﻪ ﺳﻮﻱ ﻃﺮﺷﻲ
ﺗﺼﺤﻚ ... ﻳﺴﺮ ﻧﺰﻭﻝ ﻋﻠﻴﺞ ﺗﺮﻩ ﺗﻮﻧﻪ ﺭﺣﻨﻪ ﺩﻛﺘﻮﺭﻩ ﺑﻌﺪ ﻣﺼﺎﺭ ﺳﺒﻮﻉ ﻭﻻ ﺷﻔﺘﻲ ﺭﺟﻠﺞ ﺣﺘﻰ ﻧﻜﻮﻝ ﺣﺎﻣﻞ ﻭﺗﺘﻨﺴﻰ
ﻫﻬﻬﻬﻪ ﻳﻤﻪ ﺷﺒﻴﺞ ﻛﺎﻋﺪ ﺍﺩﻟﻞ
ﺍﺩﻟﻠﻲ ﻳﻤﻪ ﺍﺩﻟﻠﻲ ﺷﻌﻨﺪﻱ ﻏﻴﺮﺝ
١٥ﻳﻮﻡ ﺫﺑﻨﻲ ﻣﺤﺴﻦ ﻻ ﺍﺟﻪ ﻭﻻ ﺳﺌﻞ ﺍﺣﻴﺎﻧﺎ ﺃﻓﻜﺮ ﺍﻛﻮﻝ ﻟﻴﺶ ﺷﻌﺠﺐ ﻭﻳﻨﻪ ﻭﺍﺭﺩ ﺍﻛﻮﻝ ﺧﻠﻴﻨﻲ ﻣﺮﺗﺎﺣﻪ ﺟﻨﺎﻥ ﻣﻔﺎﺭﻛﺘﻨﻲ ﺗﻄﺒﺦ ﻭﺗﺠﻴﺐ ﻟﻴﻠﺘﻴﻦ ﺑﺎﺗﺖ ﻳﻤﻲ ﻧﺘﻌﻠﻞ ﻟﻠﻔﺠﺮ ﻧﺴﻮﻟﻒ ﻧﻀﺤﻚ ﻭﻧﻔﺮﻓﺶ ﻫﻨﺎﻙ ﻭﻛﺎﻟﺖ ﺗﺮﻩ ﻳﻤﺎﻥ ﻣﻜﺎﻡ ﻳﺒﺎﺕ ﺑﻠﺒﻴﺖ ﺻﺎﺭ ﻛﻢ ﺷﻬﺮ ﺣﺘﻰ ﺍﺑﻨﻪ ﻣﺎﻟﻪ ﺷﻐﻠﻪ ﺑﻲ ﺍﺳﻜﺖ ﻭﺍﻟﻒ ﺭﺍﺳﻲ ﻭﻧﺎﻡ ﺍﻧﻲ ﻣﺮﻩ ﻣﺘﺰﻭﺟﻪ ﻭﻳﻤﺎﻥ ﻣﻌﺎﺩ ﺷﺨﺺ ﻳﻬﻤﻨﻲ ﺗﺴﻜﺖ ﻭﺗﺮﺩ ﺩﻛﻮﻝ ﻣﺮﺗﻪ ﻣﺮﺗﻴﻦ ﺯﻋﻠﺖ ﻭﺍﻫﻠﻬﺎ ﻛﺎﻟﻮ ﻳﺎﺑﻪ ﻃﻠﻜﻮ ﻭﺍﻣﻲ ﺗﻄﻤﻄﻤﻪ ﻭﺣﺘﻰ ﻟﻴﻤﺎﻥ ﻣﺘﻜﻮﻝ
ﺍﻏﻠﺲ ﻭﺍﺳﻮﻱ ﺭﻭﺣﻲ ﻧﻤﺖ ﻭﻫﻴﺞ ﻣﺮﺕ ﺍﻻﻳﺎﻡ ﺇﻟﻰ ﺃﻥ ﺍﺟﺎﻧﻲ ﻣﺤﺴﻦ ﻭﺭﺟﻌﺖ ﺍﻭﻝ ﻳﻮﻡ ﺟﻨﻪ ﻋﺮﺳﺎﻥ ﻣﻄﻠﻊ ﻣﻦ ﺍﻟﻐﺮﻓﻪ ﺭﺍﻭﻳﺘﻪ ﺍﻟﻌﻼﺝ ﻳﺒﺘﺴﻢ ﻭﻳﺘﻠﻬﻒ ﺃﻛﺜﺮ ﻳﺴﻜﺖ ﻭﻳﻜﻮﻝ ﻫﺬﺍ ﺍﻟﺸﻬﺮ ﻣﻮ ﺍﻛﻠﻪ ﺍﻥ ﺷﺎﻟﻠﻪ ﻭﺑﺪﺍﺧﻠﻲ ﻃﺎﻳﺮﻩ ﺍﻟﻌﻼﺝ ﺧﻠﺺ ﻣﺮﺗﻴﻦ ﻭﻋﺪﺗﻪ ﻣﺎﻋﻨﺪﻱ ﺍﺭﻭﺡ ﺩﻛﺘﻮﺭﻩ ﻭﻣﺘﺮﻳﻦ ﺍﺟﺘﻲ ﺍﻟﺸﻬﺮﻳﻪ ﻳﻨﻜﻠﺐ ﻣﺤﺴﻦ ﻭﻳﺮﺟﻊ ﻳﻔﻚ
ﻋﻤﺘﻲ ﺑﺪﺕ ﺗﺪﺧﻞ ﻻﻥ ﻳﺎﺧﺬ ﻓﻠﻮﺱ ﺍﻟﻌﻼﺝ ﻣﻨﻬﺎ ﻭﺍﺫﺍ ﻛﺘﻠﻪ ﺍﺷﺘﻐﻞ ﻳﻜﻠﺐ ﺍﻟﺒﻴﺖ ﺍﺳﻜﺖ ﻭﻻﺍﺭﻳﺪﻩ ﻳﻬﻴﺞ ﺍﺣﺎﻭﻝ ﺑﻜﻞ ﺍﻟﻮﺳﺎﺋﻞ ﺍﺣﺘﻮﻱ ﻭﺍﺩﺭﻱ ﻣﺎﻛﻮ ﻓﺎﻳﺪﻩ ﻣﻦ ﺍﻟﻌﻼﺝ ﻣﺪﺍﻣﻪ ﺗﻨﻄﻴﻨﻪ ﻓﻠﻮﺱ ﻭﺗﺪﻋﻲ ﻋﻠﻴﻨﻪ ﻭﺑﺬﺍﺕ ﻋﻠﻴﻪ ﻣﺤﺎﺟﻴﻪبيج قصص عراقيه حقيقيه من واقعنا.روعه الطائي
ﺷﻮﻳﻪ ﺷﻮﻳﻪ ﻣﺤﺴﻦ ﻛﺎﻡ ﻳﺘﺮﺍﺟﻊ ﻟﻴﻮﺭﻩ ﻛﻞ ﻣﺎﻛﻮﻝ ﺩﻳﻤﺸﻲ ﺧﻄﻮﻩ ﻟﻴﻜﺪﻟﻢ ﻣﻦ ﻳﻜﻌﺪ ﻳﻤﻬﺎ ﺗﺮﺟﻌﻪ ﻋﺸﺮ ﺧﻄﻮﺍﺕ ﻟﻴﻮﺭﻩ ﻭﻳﻔﻮﺕ ﻋﻠﻴﻪ ﻣﺰﻧﺒﺮ ﻣﺎﻫﺘﻢ ﻭﺍﺑﻘﻰ ﺍﻛﻤﻞ ﺑﺪﻭﻥ ﻣﻠﻞ ﻭﻣﺼﺮﻩ ﺍﻋﺪﻟﻪ ﻛﻤﺖ ﺍﺳﻮﻱ ﺩﻭﻟﻜﻪ ﻣﻲ ﻛﻞ ٣ﺍﻳﺎﻡ ﺍﻗﺮﻩ ﺑﻴﻪ ﺳﻮﺭﻩ ﺍﻟﺒﻘﺮﻩ ﻛﺎﻣﻠﻪ ﻭﺍﻟﻤﻌﻮﺫﺍﺕ ﻭﺍﺣﻮﻟﻪ ﺑﺮﺷﺎﺵ ﻣﺎﻝ ﻣﻌﻄﺮ ﻭﺍﺑﺪﻱ ﺍﻟﻤﻐﺮﺏ ﺍﺭﺵ ﺑﻜﻞ ﺍﻟﻐﺮﻓﻪ ﻟﺠﺮﺑﺎﻳﻪ ﻟﻤﻼﺑﺲ ﻟﻔﺮﺍﺵ ﺍﻟﺰﺍﻭﻳﻪ ﺍﻟﺒﺮﺩﺍﺕ ﺍﺭﺵ ﻭﺍﻧﻔﺦ ﻭﺍﺻﻠﻲ ﻋﻞ ﻧﺒﻲ ﻓﺎﺕ ﻣﺤﺲ ﺻﻔﻦ ﻭﺍﻧﻲ ﺗﻮﻗﻔﺖ ﺭﻓﻊ ﺣﺎﺟﺒﻪ
ﻫﺎﻱ ﺷﻨﻮ
ﺭﺗﺒﻜﺖ
ﺷﺒﻴﺞ ﺷﻜﻮ ﺻﻔﺮﻳﺘﻲ ﻫﺎﺍﺍﺍﻱ ﺷﻨﻮ
ﻋﻴﻨﻲ ﻟﻴﺶ ﺗﺼﻴﺢ ﻣﻲ ﻣﻘﺮﻱ ﻭﺍﻟﺪﻧﻴﻪ ﻣﻐﺮﺏ ﺣﺘﻰ ﺍﻟﺸﻴﻄﺎﻥ ﻳﺒﺘﻌﺪ ﻭﻣﻴﻔﻮﺗﻨﻪ ﻏﻴﺮ ﺍﻟﺮﺣﻤﻦ
ﺗﻘﺮﺏ ﺍﺧﺬﻩ ﻣﻦ ﺍﻳﺪﻱ ﻓﺘﺤﻪ ﺷﻤﻪ ﻋﻜﺾ ﺭﻓﻊ ﺭﺃﺳﻪ ﻣﺪﻟﻐﻢ
ﺷﺒﻴﻚ ﻣﻲ ﻋﺎﺩﻱ
ﺍﺧﺬﻩ ﻭﻃﻠﻊ ﺍﻧﻲ ﻭﺭﺍﻩ ﺩﺍﺭﻩ ﺑﻠﻤﻐﺴﻠﻪ ﻭﻃﻠﻊ ﻟﻠﻄﺮﻣﻪ ﺷﻤﺮ ﺍﻟﺒﻄﻞ ﻣﻦ ﻓﻮﻙ ﺍﻟﺴﻴﺎﺝ ﺳﻜﺘﺖ ﻭﻫﻮﻩ ﻓﺎﺕ ﻳﻢ ﻋﻤﺘﻲ ﺭﺟﻌﺖ ﻟﻠﻐﺮﻓﻪ ﻛﻌﺪﺕ ﻭﺃﻳﺪﻱ ﻋﻞ ﺭﺍﺳﻲ ﻣﻴﺨﺎﻟﻒ ﻳﺴﺮ ﺗﺤﻤﻠﻲ ﺗﺤﻤﻠﻲ ﺍﻟﻠﻪ ﻳﻬﺪﻱ
ﻣﻦ ﻳﻮﻣﻬﺎ ﻣﻦ ﻳﻮﻡ ﻣﺸﺎﻓﻨﻲ ﻣﺤﺴﻦ ﻣﺪﺭﻱ ﺷﺠﺎﻩ ﺍﺣﺴﻪ ﻳﺨﺎﻑ ﻣﻨﻲ ﻣﻴﺎﻛﻞ ﻣﻦ ﺍﻳﺪﻱ ﻣﻴﺘﻘﺮﺏ ﻣﻨﻲ ﺷﻜﺪ ﻳﺤﺐ ﻧﻔﺴﻪ ﻭﺷﻐﻠﺘﻪ ﺑﺘﻌﺪ ﻣﻨﻬﺎ ﻣﻨﻌﻨﻲ ﺍﻏﺴﻞ ﻣﻼﺑﺴﻪ ﻭﻛﻄﻊ ﺣﺘﻰ ﺍﻟﻜﻼﻡ ﻭﻳﺎﻱ ﻋﺮﻓﺖ ﻋﺒﺎﻟﻪ ﺍﺳﻮﻳﻠﻪ ﺳﺤﺮ ﻭﻃﺒﻌﺎ ﻫﺎﻱ ﻣﻮﻓﻜﺮﺗﻪ ﻫﺎﻱ ﻓﻜﺮﻩ ﻋﻤﺘﻲ ﻫﻴﻪ ﺧﻠﺘﻪ ﺑﺮﺍﺳﻪ ﻛﻠﺖ ﻫﻮﻩ ﻳﺘﺎﺍﻛﺪ ﺑﻨﻔﺴﻪ ﻭﺳﺎﻋﺘﻪ ﺍﻋﺎﺗﺒﻪ ﺑﺲ ﻃﻠﻊ ﻣﻴﺴﻮﻩ ﻟﻌﺘﺎﺏ
ﺳﻮﻩ ﺍﻟﻤﻴﺨﻄﺮ ﻋﻞ ﺑﺎﻝ ﻛﺎﻡ ﻳﺨﻮﻧﻲ ﻧﺺ ﺍﻟﻴﻞ ﺍﺳﻤﻌﻪ ﻳﻬﻤﺲ
ﺍﻟﻮ
ﻫﺎ ﺍﺟﻲ
ﺍﻛﻠﺞ
ﻟﺒﺴﻲ ﻻﺣﻤﺮ
ﺍﻛﻠﺞ ﻓﺘﺤﻲ ﺍﻟﺒﺎﺏ
ﺍﻛﻠﺞ ﺣﻀﺮﻱ ﻧﻔﺴﺞ
ﺍﻛﻠﺞ ﻋﻮﺩ ﺍﻟﻮﺻﻴﺘﺞ ﻋﻠﻴﻪ ﺳﻮﻱ
ﺍﺳﻤﻊ ﺍﺳﻤﻊ ﻭﺍﺧﺘﻨﻚ ﻫﺎﻱ ﻋﻮﺩ ﺩﺍﻋﺪﻟﻪ ﺍﻧﻮﺏ ﺻﺎﺭ ﻟﻼﺳﻮﺍﺀ ﻳﻄﻠﻊ ﺑﺪﺍﻳﻪ ﺍﻟﻴﻞ ﻳﺠﻲ ﻭﺟﻬﻪ ﺍﻟﻔﺠﺮ ﻳﺴﺒﺢ ﻭﻳﻨﺎﻡ ﻣﺤﺪ ﻳﺤﺎﺟﻲ ﺭﻏﻢ ﺍﻟﻜﻞ ﺗﺪﺭﻱ ﻭﻟﻮﻟﺪ ﻳﻔﺘﺮﻭﻥ ﺍﻟﻴﻞ ﻛﻠﻪ ﺑﻠﺒﻴﺖ ﻳﺸﻮﻓﻮ ﻣﻦ ﻳﻔﻮﺕ ﻭﻣﻦ ﻳﻄﻠﻊ ﻋﻴﺸﻨﻲ ﺑﻌﺬﺍﺏ ﺣﺘﻰ ﻋﻞ ﺭﻭﺣﻲ ﺍﺧﺎﻑ ﺍﺧﺎﻑ ﻣﻦ ﻣﺎ ﻣﻮﺟﻮﺩ ﺍﺧﻮﺍﻧﻪ ﻳﺠﻔﺘﻮﻥ ﻋﻠﻴﻪ
ﺁﺧﺮ ﺷﻲ ﺑﺴﻤﻪ ﺍﻟﻮﺣﻴﺪﺓ ﻣﻜﺪﺭﺕ ﺗﺴﻜﺖ ﻓﺎﺗﺘﻠﻲ ﻟﻠﻐﺮﻓﻪ ﺻﺎﻳﺮﻩ ﻧﺎﺭ ﺧﺮﻃﺖ ﺧﺮﻃﺖ ﻭﺍﻧﻲ ﺳﺎﻛﺘﻪ ﺗﺎﻟﻲ ﻧﺘﺮﺕ
ﻃﺒﺞ ﻃﺐ ﺍﻧﺘﻲ ﻣﻜﻴﻔﻪ
ﺷﻌﻠﺘﻨﻲ ﺷﻌﻞ ﺭﺩﻳﺖ ﺑﻌﺼﺒﻴﻪ ﻛﻮﻩ ﻣﻨﺼﻴﻪ ﺻﻮﺗﻲ .. ﻟﺞ ﺷﺴﻮﻱ ﺷﺴﻮﻱ ﻟﻌﺪ
ﺷﻨﻮ ﺷﺴﻮﻳﻦ ﺧﺒﻠﻪ ﺍﻧﺘﻲ ﺧﺒﻠﻪ ﻛﺮﺍﻣﻪ ﻣﻌﻨﺪﺝ ﻟﺞ ﺩﻳﺮﻭﺡ ﻳﻢ ﻭﺣﺪﻩ ﻣﻮﺯﻳﻨﻪ ﺍﺩﺭﻱ ﺍﻧﺘﻲ ﻣﺘﺤﺴﻴﻦ ﻣﺘﺨﺎﻓﻴﻦ ﻫﺴﻪ ﻣﻴﺠﻲ ﻳﻤﺞ ﻗﺎﺑﻞ ﺣﻴﻀﻞ ﺍﻟﻌﻤﺮ ﻛﻠﻪ ﻳﻮﻡ ﻳﻮﻣﻴﻦ ﻭﻳﺮﺟﻊ ﻣﻮ ﺣﺘﻰ ﺍﻧﻲ ﻋﺮﻓﺖ ﻃﺒﻌﻪ ﻭﺳﺎﻋﻪ ﻣﻴﺮﺟﻊ ﻳﺮﻳﺪﺝ ﺗﻨﻄﻲ ﻧﻔﺴﺞ ﺍﺩﺭﻱ ﻣﺘﺨﺎﻓﻴﻦ ﻣﺮﺽ ﺻﺨﺎﻡ ﻋﺰﻩ ﻳﻌﻴﻨﺞ ﻳﺼﻴﺮ ﺑﻴﺞ
ﻳﻄﺒﻪ ﻣﺮﺽ ﺷﺮﻳﺪ ﺍﺳﻮﻳﻠﻪ
ﻟﺞ ﺍﻧﻌﻞ ﺣﻀﺞ ﻭﺝ ﺳﻮﻱ ﻗﻴﻤﻪ ﻟﺮﻭﺣﺞ ﻋﺎﺭﻛﻲ ﻟﻄﻤﻲ ﺍﺑﺠﻲ ﺭﻭﺣﻲ ﻟﻬﻠﺞ ﺗﺮﻩ ﻫﺬﺍ ﻳﺘﻌﻠﻢ
ﺳﻜﺘﺖ ﺍﺭﺟﻒ ﺍﺑﺠﻲ ﻧﺘﺮﺳﺖ ﺧﻮﻑ ﻭﻏﻀﺐ ﺑﺴﻤﻪ ﻣﺜﻞ ﺍﻟﺸﺤﻨﺘﻨﻲ ﺻﺮﺍﺣﻪ ﺍﻧﻲ ﺍﻱ ﻏﻴﺮﻩ ﻋﻠﻴﻪ ﻣﺎﻋﻨﺪﻱ ﻣﻦ ﺍﻟﻠﻪ ﻣﺪﺭﻱ ﻟﻴﺶ ﺑﺲ ﻛﺴﺘﺴﻐﺎﺭ ﻭﺍﺣﺴﺎﺱ ﺑﻨﻘﺺ ﺑﻨﻔﺴﻲ ﻣﻦ ﻳﺴﻮﻱ ﻫﻴﺞ ﺍﻱ ﻫﺎﻱ ﻣﺎﻧﻜﺮﻩبيج قصص عراقيه حقيقيه من واقعنا.روعه الطائي
ﻛﻞ ﻣﺮﻩ ﺍﺗﻬﺪﺩ ﺍﻛﻮﻝ ﻳﺠﻲ ﺍﻋﺎﺭﻛﻪ ﻭﺍﺣﺠﻲ ﻭﺍﺣﺠﻲ ﺗﺎﻟﻲ ﻛﻠﺸﻲ ﻳﺘﺒﺨﺮ ﻣﻦ ﺍﺷﻮﻓﻪ ﺍﻟﺨﻮﻑ ﻳﺴﻴﻄﺮ ﻋﻠﻴﻪ ﺍﻛﻮﻝ ﻃﺒﻪ ﻃﺐ ﻣﺎﻟﻲ ﺷﻐﻠﻪ ﺑﻲ ﺩﺍﻣﻪ ﻣﺒﺘﻌﺪ ﻫﻮﻩ ﺍﻧﻲ ﻫﻢ ﻣﺎﻟﻲ ﺷﻐﻠﻪ ﺍﻥ ﺷﺎﻟﻠﻪ ﻟﻼﺑﺪ ﻫﻴﺞ ﻳﻀﻞ ﺷﻴﻌﺪﻟﻪ ﻫﺬﺍ ﺷﻴﻌﺪﻟﻪ ﺍﻭﻝ ﺷﻲ ﺳﻮﻳﺘﻪ ﻓﺘﺤﺖ ﺍﻟﺜﻼﺟﻪ ﺟﺒﺖ ﻋﻼﻛﻪ ﺍﻟﺪﻭﺍﺀ ﻓﺮﻏﺘﻪ ﺑﺴﻠﻪ ﺷﺴﻮﻱ ﺑﺠﻬﺎﻝ ﻭﻫﻮﻩ ﻛﻞ ﺧﻴﺮ ﻣﺎﺑﻲ ﺍﻧﻲ ﺑﺮﻭﺣﻲ ﻣﻤﺘﺤﻤﻠﺘﻪ ﺍﻧﻮﺏ ﺍﺧﻠﻒ ﻣﻨﻪ ﺷﻴﺘﺤﻤﻠﻮﻥ ﺟﻬﺎﻟﻲ ﻫﻮﻩ ﻳﻮﻣﻴﻪ ﻭﺟﻬﻪ ﺷﻜﻞ
ﺗﺮﻛﺘﻪ بيج قصص عراقيه حقيقيه من واقعنا.روعه الطائي
ﻭﻏﺴﻠﺖ ﺍﻳﺪﻱ ﻣﻨﻪ ﻓﺪﻧﻮﺏ ﺑﻘﻴﺖ ﻋﺎﻳﺸﻪ ﺷﻮﻥ ﻣﺠﺎﻥ ﺍﺍﻟﻰ ﺍﻥ ﻓﺪ ﻳﻮﻡ ﻧﺪﻛﺖ ﺍﻟﺒﺎﺏ ﺑﺴﻤﻪ ﻋﺪ ﺍﻫﻠﻬﺎ ﻭﻋﻤﺘﻲ ﻃﺎﻟﻌﻪ ﻣﺪﺭﻱ ﻭﻳﻦ ﺍﻟﻮﻟﺪ ﺑﺸﻐﻞ ﻭﻫﻮﻩ ﻧﺎﻳﻢ ﻧﺪﻛﺖ ﺍﻟﺒﺎﺏ ﻭﻛﻠﺖ ﻣﻨﻮ
ﺍﻧﻲ ﺍﺑﻮ ﻓﻴﺼﻞ ﺍﺣﺪ ﻣﻦ ﺍﻟﻮﻟﺪ ﻣﻮﺟﻮﺩ
ﻻ ﻭﺍﻟﻠﻪ ﻃﺎﻟﻌﻴﻦ
ﺧﻮﺵ ﻟﻌﺪ ﺯﻳﻦ ﻓﺘﺤﻲ ﺍﻟﺒﺎﺏ ﻫﺎﻱ ﺍﻣﺎﻧﻪ ﺍﻧﻄﻴﻪ ﻟﻌﺒﺪﺍﻟﻠﻪ
ﺍﻱ ﻫﺴﻪ ﻟﺤﻀﻪ
ﺿﺒﻄﺖ ﺍﻟﺸﺎﻝ ﺯﻳﻦ ﻭﺧﻠﻴﺖ ﺟﺴﻤﻲ ﻭﺭﻩ ﺍﻟﺒﺎﺏ ﻭﺃﻳﺪﻱ ﻋﻞ ﺳﺮﻛﻲ ﺑﻌﺪﻧﻲ ﻣﻔﺎﺗﺤﺘﻪ ﻭﻧﺠﺮﻳﺖ ﻣﻦ ﺷﻌﺮﻱ ﻟﺘﻔﺘﺖ ﻣﺤﺴﻦ ﺩﺍﺣﺠﻲ ﺻﻢ ﺣﻠﻜﻲ ﻭﺳﺤﻠﻨﻲ ﻟﻠﻐﺮﻓﻪ
ﻣﺤﺴﻦ ﺷﺒﻴﻚ ﺧﻞ ﺍﺣﺠﻲ ﻣﺤﺴﻦ ﺩﺍﻓﻬﻤﻚ ﻣﺤﺴﻦ ﻣﺤﺴﻦ ﻣﺎﻛﻮ ﻟﺰﻣﻨﻲ ﻣﻮﺗﻨﻲ ﻭﻳﻌﻴﻂ ﺍﻧﻮﺏ ﻭﻳﻪ ﺍﻟﺠﻮﺍﺭﻳﻦ ﻭﻳﻪ ﺻﺪﻳﻖ ﺍﻟﻮﻟﺪ ﺍﻋﺘﺮﻓﻲ ﺍﺣﺠﻲ ﺷﻜﺪ ﺻﺎﺭﻟﻬﺎ ﺍﻟﻌﻼﻗﻪ ﺷﻜﺪ ﻭﺍﻧﻲ ﻧﺎﻳﻢ ﻭﺭﺟﻠﻴﻪ ﺑﺸﻤﺲ ﻭﺍﻧﺘﻲ ﺗﻜﻮﺩﻳﻦ ﻣﻦ ﻭﺭﺍﻳﻪ ﺍﻧﺘﻲ ﻫﻴﺞ ﺍﻧﺘﻲ ﻫﻴﺞ ﺍﻧﺘﻲ ﻫﻴﺞ
ﺻﺮﺕ ﺍﺗﺒﺮﻏﺞ ﻭﺣﻠﻜﻲ ﻳﺨﺮ ﺩﻡ ﻭﺍﻟﻀﺮﺑﻪ ﻣﻨﻴﻦ ﻣﺎﺻﺪ ﺗﺠﻲ ﺻﻤﻴﺖ ﺣﻠﻜﻲ ﺍﻛﻄﻊ ﺍﻟﺪﻡ ﻟﻜﻴﺖ ﺛﺮﻣﻪ ﻣﻦ ﺳﻨﻲ ﺑﻴﺪﻱ ﻳﺎﻫﻮ ﻣﻨﻬﻢ ﺷﻮﻥ ﻭﻛﻊ ﻣﺎﺩﺭﻱ ﺑﺘﻌﺪ ﻋﺒﺎﻟﻲ ﺩﻳﻌﻮﻓﻨﻲ ﺯﺣﻔﺖ ﺗﻮﺟﻬﻪ ﻟﻠﻤﺠﺮ ﻃﻠﻊ ﺍﻟﺴﻠﻚ ﻣﺎﻝ ﻭﺍﻳﺮ ﺍﻻﻳﺖ ﺿﺮﺑﻨﻲ ﺑﻲ ﺿﺮﺏ ﺗﺸﻄﺐ ﺟﺴﻤﻲ ﻭﺟﻬﻲ ﺿﻠﻴﺖ ﺍﻏﻤﺾ ﻭﺍﻓﺘﺢ ﺑﻠﻌﺎﺩﻩ ﻳﻐﻤﻰ ﻋﻠﻴﻪ ﺑﺲ ﻣﻦ ﺷﻔﺖ ﻋﻤﻠﺘﻪ ﻓﺘﺤﺖ ﻋﻴﻮﻧﻲ ﺷﻜﺪ ﻣﺎﻛﺪﺭ ﻛﻄﻢ ﺍﻟﺴﻠﻚ ﻣﻦ ﺍﻟﺠﻬﺘﻴﻦ ﺑﺤﻠﻜﻪ ﻭﺑﻴﺪﻩ ﻭﺷﻜﻞ ﻭﺍﺣﺪ ﺑﺪﻛﻤﻪ ﻭﺍﺣﺪ ﺧﻼﻩ ﻋﻞ ﺭﺟﻠﻲ ﺻﻌﺪﺕ ﺭﻭﺣﻲ ﻟﻠﺴﻤﺎ ﻭﺭﺟﻌﺖ ﺑﻌﺪ ﻣﺪﺭﻳﺖ ﺑﺸﻲ
ﻛﻌﺪﺕ ﻭﺣﺪﻱ ﺑﻠﻐﺮﻓﻪ ﺣﻠﻜﻲ ﺩﻡ ﺳﺎﻳﻞ ﻋﻞ ﺧﺪﻱ ﻣﺒﺠﻴﺖ ﻭﻻ ﺳﻮﻳﺖ ﺍﻱ ﺷﻲ ﻏﻴﺮ ﺗﻔﻘﺪﺕ ﺭﻭﺣﻲ ﺍﻧﻲ ﻋﺎﻳﺸﻪ ﻭﺭﺍﻩ ﻛﻤﺖ ﻛﻮﻩ ﺍﻣﺸﻲ ﻭﺍﺗﻮﺟﻪ ﻭﺟﺴﻤﻲ ﻣﻜﺰﺑﺮ ﺍﺣﺲ ﺍﻟﻜﻬﺮﺑﺎﺀ ﺑﻌﺪﻫﻪ ﺑﻲ ﺟﺮﻳﺖ ﻋﺒﺎﻳﻪ ﻭﻃﻠﻌﺖ ﺑﻨﻌﺎﻝ ﺍﻟﺒﻴﺖ ﻓﺘﺤﺖ ﺑﺎﺏ ﺍﻟﺸﺎﺭﻉ ﺇﺫﻥ ﺍﻟﻀﻬﺮ ﺍﻟﻠﻪ ﺍﻛﺒﺮ ﻏﻤﻀﺖ ﺩﺧﻴﻠﻚ ﻳﺎ ﺣﺒﻴﺐ ﺍﻟﻠﻪ ﺧﻠﺼﻨﻲ ﻣﻨﻬﻢ
ﻃﺎﻗﻪ ﻭﺳﺮﺕ ﺑﺠﺴﻤﻲ ﺍﻗﺼﻰ ﺣﺪ ﻛﺪﺭﺕ ﺍﻭﺻﻠﻪ ﺑﻴﺖ ﻋﻤﻮ ﻣﺤﻤﺪ ﺑﻠﻔﺮﻉ ﻟﻮﺭﺍﻧﻪ ﺣﺘﻰ ﺍﻟﺒﺎﺏ ﻣﻜﺪﺭﺕ ﺍﺩﻛﻪ ﻫﻴﻪ ﻣﻔﺘﻮﺣﻪ ﺑﺲ ﺩﻓﻌﺘﻪ ﻭﻛﻌﺖ ﺑﻠﺤﻮﺵ ﻭﺻﺎﺭ ﺑﺲ ﺻﻮﺗﻬﻢ ﺑﺬﻧﻲ ﺑﺴﻤﻪ ﺗﺼﻴﺢ ﻫﻴﻪ ﻭﻣﺮﺕ ﻋﻤﻲ
ﻭﻟﺞ ﻳﺴﺮ ﻳﺴﺴﺴﺮ ﺷﺒﻴﺞ
ﺣﻴﺪﺭ ﺗﻌﺎﻝ ﺣﻴﺪﺭ ﺍﻟﺤﻚ ﻳﺎﺑﻪ ﺗﻌﺎﻝ ﻳﺴﺮ ﻣﺪﻣﺎﻳﻪ ﻭﻓﺎﻗﺪﻩ
ﻫﺬﺍ ﺍﺧﺮ ﺷﻲ ﺳﻤﻌﺘﻪ ﻭﺑﻌﺪﻩ ﻛﻌﺪﺕ ﺍﻣﻲ ﻳﻢ ﺭﺍﺳﻲ ﺗﺒﺠﻲ ﺣﻴﺪﺭ ﻻﺯﻡ ﺻﺎﺩﻕ ﺑﻠﺒﺎﺏ ﻳﻬﺪﻱ ﺑﻲ ﻋﻤﻮ ﻣﺤﻤﺪ ﻣﺪﻧﻚ ﻛﻤﺎﻝ ﻓﺎﺕ ﻫﻮﻩ ﻭﺍﻟﺪﻛﺘﻮﺭ ﻭﻳﻤﺎﻥ ﻣﺰﻧﺒﺮ ﻭﻳﻪ ﻓﻮﺗﺖ ﺍﻟﺪﻛﺘﻮﺭ ﺍﺟﻪ ﺑﺼﻔﻪ
ﺍﻟﺪﻛﺘﻮﺭ ... ﺷﻨﻮ ﺍﺳﻤﺞ
ﺍﺭﻳﺪ ﺍﺣﺠﻲ ﺑﻠﻌﻮﻣﻲ ﻣﺠﺮﺡ ﺻﺪ ﻋﻠﻴﻬﻢ
ﺗﺤﺠﻲ
ﺍﻣﻲ .. ﻣﺎﺩﺭﻱ ﺑﺲ ﺗﻮﻥ
ﺑﻨﺘﻲ ﺗﺴﻤﻌﻴﻨﻲ
ﻫﺰﻳﺖ ﺭﺍﺳﻲ ﺍﻱ
ﺟﻴﺪ ﺍﺳﻤﺞ ﻳﺴﺮ ﻣﻮ ﺻﺤﻴﺢ
ﻫﺰﻳﺖ ﺭﺍﺳﻲ
ﺷﻨﻮ ﺷﺒﻴﻬﺎ
ﺣﺠﻮﻟﻪ ﺍﻧﻮ ﻣﻴﻌﺮﻓﻮﻥ ﻭﺍﻧﻲ ﺟﻴﺘﻬﻢ ﻣﻦ ﺑﻴﺖ ﺯﻭﺟﻲ ﺑﻬﺎﻱ ﺍﻟﺤﺎﻟﻪ ﻳﻤﺎﻥ ﺳﺤﺐ ﺍﻟﺪﻛﺘﻮﺭ ﻋﻞ ﺻﻔﺤﻪ ﻳﺸﺎﻭﺭﻩ ﻭﻛﻤﺎﻝ ﻳﻬﺰ ﺭﺃﺳﻪ ﺏ ﻻ ﺗﻘﺮﺏ ﺑﺼﻔﻲ ﺛﻨﻰ ﻛﺪﺍﻡ ﻭﺟﻬﻲ ﻋﻴﻮﻧﻪ ﺩﻡ ﻭﺧﻄﻮﺕ ﻛﺼﺘﻪ ﻣﺤﺪﺩﻩ ﺩﻣﺎﺭﺍﺕ ﻭﺷﺮﺍﻳﻦ ﺩﻣﺎﻏﻪ ﺑﺎﺭﺯﻩ ﻣﻦ ﻛﺪ ﻣﻀﺎﻏﻂ ﻋﻞ ﻧﻔﺴﻪ ﻛﺎﻝبيج قصص عراقيه حقيقيه من واقعنا.روعه الطائي
ﻳﺴﺮ ﺣﺴﻮﻱ ﺗﻘﺮﻳﺮ ﻃﺒﻲ ﻳﺜﺒﺖ ﺗﻬﺠﻢ ﻫﺬﺍ ﺍﻟﻌﺎﺭ ﺍﺑﻦ ﺍﻟﻌﺎﺭ ﻋﻠﻴﺞ
ﻓﺰﻳﺖ ﺧﺎﻳﻔﻪ ﻻﻻ
ﺗﻠﻔﺖ ﻏﺎﺩﻱ ﻧﺎﺭ .... ﻣﻮﺑﻜﻴﻔﺞ ﻭﻟﺨﻠﻖ ﺍﻟﻜﻮﻥ ﺑﺲ ﺧﻞ ﺍﻃﻠﻌﺞ ﻟﻠﺒﻴﺖ ﺍﺫﺍ ﻣﺎ ﺍﻧﺴﻲ ﺣﺘﻰ ﺣﻠﻴﺐ ﺍﻣﻪ ﺍﻟﺸﺮﺑﻪ ﺑﺰﻏﺮﻩ
ﺑﺮﻃﻤﺖ .... ﻳﻤﺎﻥ
ﻳﺴﺮﺭﺭ ﻛﺎﻓﻲ ﺗﺮﻩ ﺷﻌﻠﺘﻲ ﺳﺎﺑﻊ ﺟﺪ ﺍﻟﻴﻤﺎﻥ ﺧﻠﻴﻨﻲ ﺍﺗﺼﺮﻑ
ﻋﺎﺩ
.
.
.
.
.
.
.
.
ﻳﺘﺒﺒﺒﻊ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤
أنت تقرأ
سلاسل العاشقين
Mystery / Thrillerقصة جديدة للكاتبة رفل الكناني 😍 افترقنا، و انتهت علاقتنا،، لكن لم تختفي ذكرياتنا، ذكريات اصبحت تُرهقنا و تُدمي قلوبنا بعد ان كانت ترسم البسمه على مُحيّانا، و لم ينقطع الحنين و الشوق لليالٍ طِوال قضيناها سِوياً ، الحنين للحظات اختطفناها من الزمن نت...
