سلاسل العاشقين

بارت23

#بارت٢٣

ﻣﺴﺎﺀ ﺍﻟﺨﻴﺮ ❤
ﺳﻼﺳﻞ ﺍﻟﻌﺎﺷﻘﻴﻦ
ﺑﻘﻠﻢ ﺭﻓﻞ ﺍﻟﻜﻨﺎﻧﻲ ✍✍✍
ﻳﻤﺎﻥ ﻳﻜﻮﻝ
ﺑﺎﻟﻲ ﻳﻤﻜﻢ
ﺭﻭﺣﻲ ﻳﻤﻜﻢ
ﻛﻠﺒﻲ ﻳﻤﻜﻢ
ﻭﻓﻜﺮﻱ ﻳﻢ ﺫﻳﺞ ﺍﻟﺴﻨﻴﻦ ﺍﻟﺘﻌﺒﺘﻨﻲ ﻭﺗﻌﺒﺘﻜﻢ
ﻭﺩﺍﻋﺖ ﺍﻟﻔﻘﺮﻩ ﺍﻟﻴﺘﺎﻣﻪ
ﺍﻟﻤﺎ ﺍﺣﺐ ﻭﺍﺣﺪ ﻳﻔﻬﻢ ﻋﻴﻨﻲ
ﻣﺘﻔﺎﺭﻙ ﺻﻮﺭﻛﻢ
ﻭﺩﺍﻋﺖ ﺍﻟﺪﻣﻌﻪ ﺍﻟﺒﺮﻳﺌﻪ ﺍﻟﺠﻠﺒﺖ ﺑﺮﻣﻮﺵ ﻋﻴﻨﻲ
ﺍﺍﻟﺒﺎﻝ ﻣﺸﻐﻮﻝ ﺑﻔﻜﺮﻛﻢ
ﻫﺎ ﺍﻛﻠﺘﻮ
ﻫﺎ ﺷﺮﺑﺘﻮ
ﻫﺎ ﺿﺤﻜﺘﻮ
ﻫﺎ ﺍﺧﺎﻑ ﺍﻟﺪﻣﻌﻪ ﻣﺘﻌﻠﻘﻪ ﺍﻋﻠﻪ ﺧﺪﻛﻢ
ﻃﺒﻊ ﺑﻨﺎﺱ ﺍﻟﺼﺒﺢ ﻓﻴﺮﻭﺯ ﺗﺴﻤﻊ
ﺍﻧﻲ ﺍﺳﻤﻊ
ﺑﺲ ﺗﻌﺎﻟﻮﺍ
ﺑﺲ ﺗﻌﺎﻟﻮﺍ
ﻭﻓﺮﺣﻮ ﺭﻭﺣﻲ ﺍﻟﻌﺬﺑﺘﻲ ﻭﻋﺬﺑﺘﻜﻢ
ﺑﺎﻟﻲ ﻳﻤﻜﻢ
ﺭﻭﺣﻲ ﻳﻤﻜﻢ
ﻭﺭﻭﺡ ﻛﻞ ﺷﺎﻋﺮ ﻓﻘﻴﺮ ﺍﻟﻤﺎﺕ
ﻣﺎﻣﺮﺗﺎﺡ ﺍﺣﺒﻜﻢ
ﻭﺩﺍﻋﺖ ﺍﻟﻠﻴﻞ ﺍﻟﺴﻬﺮﺗﻪ
ﻭﺩﺍﻋﺖ ﺍﻟﺼﻔﻨﻪ ﺍﻟﻄﻮﻳﻠﻪ ﺍﻟﺒﻴﻬﻪ
ﺭﺍﺣﻪ ﺑﺎﻝ ﺷﺎﻋﺮ
ﻭﺩﺍﻋﺖ ﺍﺑﻴﺎﺕ ﺍﻟﻘﺼﻴﺪﻩ ﺍﻟﻐﺎﻓﻴﻪ
ﺑﺤﻀﻦ ﺍﻟﻤﺸﺎﻋﺮ
ﺍﻟﺒﺎﻝ ﻣﺸﻐﻮﻝ ﺑﻔﻜﺮﻛﻢ
،،،،،،،،،،،،،،،
ﻳﻤﺎﻥ ﻭﻣﺤﺴﻦ ﻭﺍﺣﺪ ﻣﻮﺕ ﺍﻟﺜﺎﻧﻲ ﻛﻠﻪ ﺗﻔﺎﻛﻚ ﺑﻴﻬﻢ ﻣﺤﺪ ﻛﺪﺭﻟﻬﻢ ﻭﺍﻻﻛﺜﺮ ﻳﻤﺎﻥ ﻓﻘﺪ ﻭﻫﻮﻩ ﻳﻀﺮﺏ ﺑﻤﺤﺴﻦ ﻭﻛﻤﻠﻪ ﻋﻠﻲ ﻣﻦ ﺻﺎﺭ ﻭﻳﺎﻩ ﺟﻨﺖ ﺍﺭﺟﻒ ﻭﺍﻣﻲ ﻻﺯﻣﺘﻨﻲ ﻭﺍﻧﻲ ﺍﺧﺘﺾ ﻣﺜﻞ ﺍﻟﺴﻌﻔﻪ ﻣﻦ ﺍﺑﺎﻭﻉ ﻭﺍﺷﻮﻑ ﻛﻞ ﻫﺬﺍ ﺑﺴﺒﺒﻲ ﻟﺘﻤﺖ ﺍﻟﻌﺎﻟﻢ ﺍﻟﻄﺮﻣﻪ ﻧﻤﻠﺖ ﺍﻟﻨﺴﻮﺍﻥ ﺗﺘﻔﺮﺝ ﻭﺗﺒﺴﺒﺲ ﻛﻮﻩ ﺳﺤﺒﻮ ﻳﻤﺎﻥ ﻭﻣﺤﺴﻦ ﻛﺎﻡ ﻣﺪﻣﻪ ﺍﺧﻮﺗﻪ ﻳﻬﺪﻭﻥ ﻳﺮﺩﻭﻥ ﻳﻮﺻﻠﻮﻥ ﻳﻤﺎﻥ ﻭﺍﻟﺰﻟﻢ ﺑﻴﻨﻬﻢ ﻟﻴﻢ ﺍﻟﺒﺎﺏ ﻳﺪﻓﻌﻮﻥ ﺑﻲ ﻳﻄﻠﻊ ﻭﻫﻮﻩ ﻳﺪﻭﺭﻧﻲ ﺑﻠﻮﺟﻮﻩ ﻳﻨﺘﺮ ﺑﻴﺪﻫﻢ
ﺑﺲ ﺍﺧﺬ ﻣﺮﺗﻲ
ﻟﻤﺤﻨﻲ ﺍﺷﺮﻟﻲ ﺑﻴﺪﻩ ﺍﻣﺸﻲ ﺍﻣﻲ ﺩﻓﻌﺘﻲ ﺭﻭﺣﻲ ﻣﺸﻴﺖ ﻭﺭﺟﻠﻲ ﻣﺸﻠﻮﻟﻪ ﻣﺪﻧﻜﻪ ﻭﻛﻞ ﺍﻻﻧﻀﺎﺭ ﻋﻠﻴﻪ ﻣﺤﺴﻦ ﻳﻌﻴﻂ ﻣﺘﻄﻠﻊ ﻭﺍﺫﺍ ﻃﻠﻌﺖ ﺍﺳﻮﻱ ﻋﺰﻩبيج قصص عراقيه حقيقيه من واقعنا.روعه الطائي
ﺣﻴﻠﻲ ﺑﺎﺩ ﻟﺤﺪ ﻣﻮﺻﻠﺖ ﻋﺒﺎﻟﻚ ﻣﻮ ﺧﻄﻮﺗﻴﻦ ﺩﻫﺮ ﺳﺤﺒﺘﻨﻲ ﺍﻳﺪ ﻳﻤﺎﻥ ﻭﺍﻧﻲ ﻣﻨﺼﻴﻪ ﻟﺤﺪ ﺍﻟﺴﻴﺎﺭﻩ ﺻﻌﺪﺕ ﻭﻫﻮﻩ ﻧﺪﺍﺭ ﺻﻌﺪ ﻣﺎﻛﻮ ﻭﺻﻒ ﻳﻌﺒﺮ ﻋﻦ ﺣﺎﻟﺘﻪ ﻭﺟﻬﻪ ﻧﺎﺭ ﻭﻋﻴﻮﻧﻪ ﺩﻡ ﻳﺴﻮﻕ ﺑﺨﺒﺎﻝ ﻭﻳﺴﺐ ﺑﻤﺤﺴﻦ ﻭﻛﻞ ﺷﻮﻳﻪ ﻳﻨﺪﺍﺭ ﻣﺨﻨﺰ ﻳﻌﻴﻂ
ﻛﺘﻠﺞ ﻻﺗﺠﻴﻦ ﻻﺗﺼﺨﻤﻴﻦ ﻫﻴﺞ ﺍﺣﺴﻦ ﻫﺴﻪ ﺭﺗﺤﺘﻲ
ﺳﻜﺘﺖ ﻭﺣﻠﻜﻲ ﺗﺨﻴﻂ ﻣﺠﺎﻭﺑﺘﻪ ﻟﺒﺪﺕ ﺑﺼﻒ ﺍﻟﺒﺎﺏ ﺣﻴﻞ ﻛﻞ ﺷﻮﻳﻪ ﻳﺪﻙ ﻋﻞ ﺳﺘﻴﺮﻥ ﺍﺟﻔﻞ ﻭﻧﺮﻋﺐ ﻟﺤﺪ ﻣﻮﺻﻠﻨﻪ ﺣﻠﻜﻲ ﻳﺎﺑﺲ
ﻓﺘﺖ ﺩﻣﻮﻋﻲ ﻋﺸﺮﻩ ﻋﺸﺮﻩ ﻛﻌﺪﺕ ﺭﺍﺳﻲ ﺑﻴﻦ ﺭﺟﻠﻴﻪ ﻭﺷﺨﻄﺖ ﺍﻟﺴﻴﺎﺭﻩ ﻣﻦ ﻓﺮﻩ ﻭﻃﻠﻊ ﺑﺬﻧﻲ ﺷﻮﺩﺍﻧﻲ ﻣﻦ ﺳﺎﻋﻪ ﺍﻟﺴﻮﺩﻩ ﻟﻴﺶ ﻫﻴﺞ ﺩﻳﺼﻴﺮ ﺑﻴﻪ ﻟﻴﺶ ﺍﻧﻲ ﻣﺎﻋﻨﺪﻱ ﺣﺾ ﺇﻟﻰ ﻣﺘﻰ ﺍﺑﻘﻰ ﻫﻴﺞ ﻣﺤﺴﻦ ﻟﻴﺶ ﻣﺪﻳﻌﻮﻓﻨﻲ ﻟﻮ ﺷﺒﺢ ﻭﻣﻼﺣﻜﻨﻲ ﻫﻢ ﻣﻮﻫﻴﺞ
ﺭﻓﻌﺖ ﺭﺍﺳﻲ ﺍﺗﻨﻔﺲ ﺳﺮﻳﻊ ﻭﻛﻠﺒﻲ ﻳﻜﻠﻒ ﻳﻤﺎﻥ ﻭﻋﺼﺎﺑﻪ ﺻﻴﺎﺣﻪ ﻭﺷﺘﺎﻳﻤﻪ ﺩﻙ ﺑﺮﺍﺳﻲ ﻣﻨﻀﺮ ﺍﻟﻌﺮﻛﻪ ﻭﺍﻟﻨﺎﺱ ﺍﻟﺘﺘﻔﺮﺝ ﻣﺪﻳﺮﻭﺡ ﻣﻦ ﺑﺎﻟﻲ
ﺳﺎﻋﻪ ﺍﻗﻞ ﻭﻓﺎﺗﺖ ﺍﻣﻲ ﻭﺭﺍﻩ ﻋﻠﻲ ﻳﺴﺐ ﺑﻴﻬﻢ ﻭﺍﻣﻲ ﺍﻟﻮﺟﻪ ﻧﻮﻣﻴﻪ ﻛﻌﺪﺕ ﺗﺘﺤﺴﺐ ﻭﺗﺪﻋﻲ ﻋﻠﻴﻬﻢ ﺭﻓﻌﺖ ﺭﺍﺳﻲ ﻣﺒﺮﻃﻤﻪ
ﻳﻤﻪ ﺷﻜﻮ
ﺳﻜﺘﻲ ﻭﻻﺗﺴﺌﻠﻴﻦ ﺳﻮﺩﻩ ﻭﻣﺼﺨﻤﻪ ﺍﻟﻠﻪ ﻻﻳﻮﻓﻖ ﻣﺤﺴﻦ ﻭﻟﺞ ﻛﻠﻪ ﺗﺼﻴﺢ ﻭﺗﻘﻨﻊ ﺑﻲ ﺩﻛﻠﻪ ﻓﻚ ﻳﺎﺧﻪ ﻣﻨﻪ ﻭﻟﻚ ﻋﺎﻗﺪﻩ ﻭﻳﻤﺎﻥ ﺷﺮﻋﺎ ﻭﻗﺎﻧﻮﻧﺎ ﺭﺟﻠﻪ ﻭﻫﻮﻩ ﻣﺜﻞ ﺳﻠﻴﻤﻪ ﻳﻌﻴﻂ ﻭﻳﺼﻴﺢ ﺍﻧﻮﺏ ﺭﺍﺡ ﻳﻤﺎﻥ ﻭﻧﺪﺍﺭﺕ ﺍﻟﻤﺸﻜﻠﻪ ﻫﻮﻩ ﻭﻫﺬﺍ
ﺍﺷﺮﺕ ﻋﻞ ﻋﻠﻲ
ﻭﻛﻮﻩ ﻓﻜﻮﻫﻢ
ﻭﺗﺎﻟﻲ ﻳﻮﻡ ﺍﻣﻲ ﻣﺎﺧﻠﺺ ﻣﻦ ﻣﺤﺴﻦ
ﺭﻓﻌﺖ ﺭﺃﺳﻪ ﺍﺷﺮﺕ ﺑﻴﺪﻩ .. ﺑﺲ ﺍﻟﻠﻪ ﻳﺨﻠﺼﺞ ﻣﻨﻪ ﻧﺼﻴﺖ ﻭﺭﺍﺳﻲ ﺑﻴﻦ ﺭﺟﻠﻴﻪ ﺳﺌﻠﺘﻨﻲ ﻋﻞ ﻳﻤﺎﻥ ﻛﺘﻠﻪ ﻣﺎﺩﺭﻱ ﺫﺑﻨﻲ ﻭﺭﺍﺡ ﺻﺎﻳﺮ ﻧﺎﺭ ﺳﻜﺘﺖ ﺗﻠﻮﺏ ﻛﻠﻪ ﻣﻨﻲ ﻫﻮﻩ ﻣﺎﺭﺿﻪ ﺗﺮﺣﻴﻦ ﺑﺲ ﺍﻧﻲ ﺍﻟﻌﻴﺐ ﻭﺣﺠﻲ ﺍﻟﻨﺎﺱ ﺗﺮﺱ ﺭﺍﺳﻲ
ﻓﺎﺗﺖ ﺧﺎﻟﻪ ﺑﺸﺮﻯ ﻭﻧﻌﺎﺩ ﻧﻔﺲ ﺍﻟﻤﻮﺍﻝ ﻭﻧﻔﺲ ﺍﻟﺤﺠﻲ ﻛﻞ ﻫﺬﺍ ﻭﺑﺎﻟﻲ ﻳﻢ ﻳﻤﺎﻥ ﻭﻳﻦ ﺭﺍﺡ ﻭﺧﺎﻟﻪ ﺩﻛﻮﻝ ﻭﻳﻨﻪ ﻧﺴﺤﺒﺖ ﺍﺗﺼﻞ ﻋﻠﻴﻪ ﻛﻮﻣﻪ ﺩﻙ ﻭﻣﺠﺎﻭﺏ ﺣﻨﻴﻦ ﻛﻌﺪﺕ ﻛﺒﺎﻟﻲ ﺗﻬﺪﻱ ﺑﻴﻪ
ﻋﻮﻓﻲ ﺍﻋﺼﺎﺑﻪ ﺗﻌﺒﺖ ﻣﻦ ﺍﻟﺼﺎﺭ ﻳﻬﺪﻩ ﻭﺍﺣﺠﻮ
ﺍﺩﺭﻱ ﻭﻳﻦ ﺭﺍﺡ
ﺍﺻﺒﺮﻱ ﻭﻳﻦ ﻳﺮﻭﺡ ﻗﺎﺑﻞ ﻫﻮﻩ ﻳﺠﻲ
ﻟﻠﻤﻐﺮﺏ ﻭﻳﻤﺎﻥ ﻣﺎﻛﻮ ﺧﺎﻟﻪ ﻃﺎﺑﻪ ﻃﺎﻟﻌﻪ
ﻳﺴﺮ ﻣﺎﺍﺟﻪ
ﻳﺴﺮ ﻣﺨﺎﺑﺮﺗﻲ
ﻳﺴﺮ ﻣﺤﺎﺟﺎﺝ
ﺍﺳﻜﺖ ﻭﻣﺎﻋﻨﺪﻱ ﺟﻮﺍﺏ ﺍﻟﻪ
ﺗﻌﺐ ﻭﺍﻟﻔﻮﻥ ﻣﻨﺰﻝ ﻣﻦ ﺍﻳﺪﻱ ﺇﺫﻥ ﺫﺑﻴﺖ ﻛﻠﺸﻲ ﻭﻛﻤﺖ ﺻﻠﻴﺖ ﺗﻮﺟﻬﺖ ﻟﺮﺑﻲ ﻫﻮﻩ ﺍﺣﺴﻦ ﻣﻦ ﺍﻟﻜﻞ
ﻛﻤﻠﺖ ﻭﻧﻤﺖ ﻣﺎﺭﻳﺪ ﺍﻱ ﺷﻲ ﺍﺭﻳﺪ ﺑﺎﻟﻲ ﻳﺼﻔﻪ ﺍﺭﻳﺪ ﺍﺭﺗﺎﺡ ﺍﺭﻳﺪ ﺍﻧﺴﻰ ﺍﻟﺼﺎﺭ ﺍﻟﻴﻮﻡ ﻛﻠﻪ ﻛﻌﺪﻭﻧﻲ ﻋﻞ ﻋﺸﻪ ﻣﺎﺭﺩﺕ ﻫﻴﻪ ﻧﻔﺴﻲ ﻣﻤﺮﻭﺩﻩ ﻳﺎﻋﺸﻪ
ﺭﻓﻌﺖ ﺭﺍﺳﻲ ﺳﺎﻋﻪ ٩ﻭﻧﺺ ﻛﻠﺒﺖ ﻓﻮﻧﻲ ﻣﺎﻛﻮ ﻻﺗﺼﺎﻝ ﻻ ﺭﺳﺎﻟﻪ ﻣﻦ ﻳﻤﺎﻥ ﻃﻠﻌﺖ ﻏﺴﻠﺖ ﺳﺌﻠﺘﻬﻢ ﻣﺤﻤﺪ ﻳﻌﺮﻑ ﺩﻛﻴﺖ ﻟﺨﺎﻟﻪ ﺑﺸﺮﻯ ﻫﻴﻪ ﺗﺴﺌﻠﻨﻲ ﻋﻨﻪ
ﺭﺟﻌﺖ ﻟﻠﻐﺮﻓﻪ ﺭﺍﺳﻲ ﻫﻞ ﻛﺒﺮﻩ ﺧﺎﺑﺮﺕ ﺟﻨﺎﻥ ﺳﻮﻟﻔﺘﻪ ﻭﻫﻢ ﺩﺍﺷﻮﻑ ﺍﺫﺍ ﻳﻤﻪ ﻛﺎﻟﺖ ﻣﺎﺟﻪ ﻭﻻﺷﻔﺘﻪ ﺁﺧﺮ ﺷﻲ ﺩﺯﻳﺘﻠﻪ ﺭﺳﺎﻟﻪ
ﻳﻤﺎﻥ ﺍﺫﺍ ﺗﺤﺒﻨﻲ ﺟﺎﻭﺏ
ﺭﺍﺳﻦ ﺍﺗﺼﻞ ﺟﺎﻭﺑﺖ ﺑﻠﻬﻔﻪ
ﻳﻤﺎﻥ ﻭﻳﻨﻚ
ﺳﻜﺖ
ﺟﺮﻳﺖ ﻧﻔﺲ ﻋﺒﺎﻟﻚ ﻫﺴﻪ ﺗﻨﻔﺴﺖ ﺑﺮﻃﻤﺖ ﺍﻟﻌﺒﺮﻩ ﺧﻨﻜﺘﻨﻲ
ﺷﻮﻥ ﺗﺴﻮﻱ ﺑﻴﻪ ﻫﻴﺞ
ﺗﻨﻬﺪ
ﺿﺎﻳﺞ ﻭﺭﻭﺣﻲ ﻃﺎﻟﻌﻪ
ﻭﺍﻧﻲ ﺷﺬﻧﺒﻲ
ﻛﺘﻠﺞ ﻟﺘﺮﻭﺣﻴﻦ
ﻟﻮ ﺍﺩﺭﻱ ﻫﻴﺞ ﻳﺼﻴﺮ ﻓﻼ ﺍﺭﻭﺡ
ﻃﺒﻌﺎ ﻳﺼﻴﺮ ﻫﻴﺞ ﻭﺃﻛﺜﺮ ﺍﻟﻌﺎﺭ ﻫﻨﺎﻙ ﺷﻮﻥ ﻣﻴﺼﻴﺮ ﻫﻴﺞ
ﺳﻜﺘﺖ ﻛﻠﺸﻲ ﻳﻜﻮﻝ ﺣﻘﻪ ﻫﻤﺲ
ﺷﻮﻧﺞ
ﻣﻮﺯﻳﻨﻪ ﺷﺴﻮﻳﺖ ﺑﻴﻪ ﺍﻟﻴﻮﻡ
ﻣﺮﺩﺕ ﺍﺷﻮﻑ ﺍﺣﺪ ﺣﺘﻰ ﻻﺗﻜﺒﺮ ﻭﻻﺍﺯﻋﻠﺞ
ﺣﺮﻛﺖ ﻛﻠﺒﻲ
ﺍﺳﻢ ﺍﻟﻠﻪ ﻋﻠﻴﺞ
ﻭﻳﻦ ﺍﻧﺖ
ﻣﻮﺟﻮﺩ
ﺑﻠﺒﻴﺖ
ﻻﻳﻢ ﺻﺪﻳﻖ
ﻣﻤﻤﻢ ﻛﻞ ﻫﺎﻱ ﺣﺘﻰ ﻣﺘﺰﻋﻠﻨﻲ
ﻟﻴﺶ ﺗﻐﺸﻤﻴﻦ ﻧﻔﺴﺞ ﺗﺪﺭﻳﻦ ﺣﺒﻲ ﺍﻟﺞ ﺷﻨﻮ ﻭﺩﻣﻮﻋﺞ ﻧﻘﻄﻪ ﺿﻌﻔﻲ ﺃﻋﻮﻑ ﺍﻟﺪﻧﻴﻪ ﻛﻠﻪ ﻭﻻ ﺍﺯﻋﻠﺞ ﻟﻮ ﺗﻨﺰﻝ ﺩﻣﻮﻋﺞ ﺑﺴﺒﺒﻲ ﺑﺘﻌﺪﺕ ﺣﺘﻰ ﺍﻫﺪﻯ
ﺷﻮﻛﺖ ﺗﺠﻲ
ﻫﺴﻪ ﺟﺎﻱ
ﺍﻭﻙ ﺍﻧﺘﻀﺮﻙ
ﺍﺣﺒﺞ
ﻭﺃﻧﻲ ﻫﻢ
ﺍﻧﺘﻲ ﺷﻨﻮ
ﺗﺠﻲ ﻭﺍﻛﻠﻚ
ﻣﺘﺎﺍﻛﺪﻩ
ﻣﻢ
ﻧﺸﻮﻑ
ﺳﺪﻳﺘﻪ ﺭﻛﻀﺖ ﻟﻠﻤﺮﺍﻳﻪ ﺑﺎﻭﻋﺖ ﻟﺮﻭﺣﻲ ﺷﻌﺮﻱ ﻣﻨﺜﻮﺭ ﻋﻴﻮﻧﻲ ﻣﻨﻔﻮﺧﻪ ﺗﻠﻤﺴﺘﻪ ﺑﺘﺴﻤﺖ ﻣﻦ ﺣﺎﺟﻴﺘﻪ ﻣﺸﻰ ﺍﻟﺪﻡ ﺑﻌﺮﻭﻛﻲ ﻣﻴﺘﻪ ﻣﻴﺘﻪ ﺍﻧﻲ ﺑﺪﻭﻧﻪ ﺍﺧﺬﺕ ﻣﻼﺑﺴﻲ ﻓﺘﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﻣﺸﻄﺖ ﺷﻌﺮﻱ ﺭﺗﺒﺖ ﻭﺟﻬﻲ ﺩﺍﺳﺸﻮﺭ ﻣﻠﺤﻜﺖ ﺣﻨﻴﻦ ﻛﺎﻟﺖ ﻳﻤﺎﻥ ﺍﺟﻪ ﻟﻔﻴﺘﻪ ﻭﻃﻠﻌﺖ ﺍﻣﺸﻲ ﻭﻋﺪﻝ ﺑﺮﻭﺣﻲ ﺣﻨﻴﻦ ﺗﻔﺮ ﺑﺪﻳﻪ
ﻣﺨﺒﻠﻪ ﺗﻮﺝ ﺗﺒﺠﻴﻦ
ﺍﺷﺮﺗﻠﻪ ﺍﺷﺶ ﻭﻓﺘﺖ ﺟﺎﻥ ﻣﻨﺼﻲ ﺑﻴﺪﻩ ﻛﻼﺹ ﺍﻟﻤﻲ ﺻﺎﺩﻕ ﻭﻋﻠﻲ ﻓﺘﺤﻮ ﻣﻮﺿﻮﻉ ﺍﻟﻌﺮﻛﻪ ﺍﻟﻜﻼﺹ ﺑﻴﺪﻩ ﺍﺣﺴﻪ ﺣﻴﻨﺠﻌﺺ ﺣﺘﻰ ﻣﻦ ﺳﻠﻤﺖ ﻣﻨﺘﺒﻪ ﺍﻣﻲ ﻳﻤﻬﻢ ﺗﻬﺪﻱ ﻭﺗﺼﻠﻲ ﻋﻞ ﻧﺒﻲ ﺳﻜﺘﺘﻮ ﺭﻓﻊ ﺭﺃﺳﻪ ﻋﻴﻮﻧﻪ ﺩﻡ ﺑﺘﺴﻤﺖ ﺩﺍﺧﻠﻲ ﻣﺘﻮﺗﺮ ﻣﻦ ﺷﻜﻠﻪ ﻫﺪﺕ ﻣﻼﻣﺤﻪ
ﺗﻌﻠﻠﻮ ﻟﻮﻛﺖ ﻣﺘﺎﺧﺮ ﻭﻣﻦ ﺩﻳﻄﻠﻊ ﺍﻟﻮﻟﺪ ﺧﻠﻮﻧﻪ ﻭﺣﺪﻧﻪ ﺭﻏﻢ ﺟﺎﻥ ﻳﺴﻮﻟﻒ ﻳﺮﻳﺪ ﻳﺒﻴﻦ ﻛﻠﺸﻲ ﻋﺎﺩﻱ ﺑﺲ ﺩﺍﺧﻠﻪ ﺍﻋﺮﻓﻪ ﺑﺮﻛﺎﻥ ﻭﻛﺎﻋﺪ ﺗﻘﺮﺑﺖ ﻣﻨﻪ
ﻳﻤﺎﻥ ﻛﺎﻓﻲ ﻓﻜﻪ ﻋﺎﺩ ﺷﻲ ﺻﺎﺭ ﻭﺭﺍﺡ ﻭﺍﻧﺖ ﻣﻘﺼﺮﺕ ﺩﻣﻴﺘﻪ ﺷﺘﺮﻳﺪ ﺃﻛﺜﺮ ﻣﻦ ﻫﺬﺍ
ﺭﻓﻊ ﺣﺎﺟﺒﻪ ﻣﺨﻨﺰ .. ﺩﻣﻴﺘﻪ ﺷﻨﻮ ﻟﻮ ﺑﻴﺪﻱ ﺍﺷﺮﺑﻪ ﻟﺪﻣﻪ ﻛﻠﺐ ﺍﺑﻦ ﺍﻟﻜﻠﺐ ﺍﻛﻠﻪ ﻣﺮﺗﻲ ﻳﻜﻠﻲ ﺍﻧﻬﻪ ﻋﻠﻴﻪ
ﺧﻞ ﻳﻮﻟﻲ ﻟﺘﻀﻞ ﺗﻔﻜﺮ ﺑﻲ
ﻏﻄﻪ ﻭﺟﻪ ﺑﻴﺪﻩ ﻋﺼﺮ ﻋﻴﻮﻧﻪ ﺑﻄﺮﺍﻑ ﺃﺻﺎﺑﻌﻪ ﺭﺟﻠﻪ ﺗﻬﺰ ﺍﻋﺼﺎﺏ ﺧﻠﻴﺖ ﺍﻳﺪﻱ ﻟﺘﻔﺖ ﻭﻧﺼﻪ ﺭﺩ ﺭﻓﻊ ﺭﺃﺳﻪ ﻋﻴﻨﻲ ﺑﻌﻴﻨﻪ ﺗﺘﻮﺳﻠﻪ ﻳﻨﺴﻰ ﺳﺤﺐ ﺭﺍﺳﻲ ﻟﺤﻀﻨﻪ ﺟﻠﺒﺖ ﺑﻴﺪﻩ ﺍﺗﻨﻔﺲ ﺳﺮﻳﻊ ﻭﻫﻮﻩ ﻳﺒﻮﺱ ﺑﺮﺍﺳﻲ
ﺗﺪﺭﻳﻦ ﻣﻦ ﺟﺎﺏ ﻃﺎﺭﻱ ﺍﺳﻤﺞ ﻋﻞ ﻟﺴﺎﻧﻪ
ﺿﺮﺑﻨﻲ ﺑﻨﺺ ﻛﻠﺒﻲ
ﻓﻠﺸﻬﻪ ﻟﺮﻭﺣﻲ
ﺩﻣﺮ ﺃﻋﺼﺎﺑﻲ
ﻳﻨﻜﺴﻪ ﻟﺴﻤﺞ ﻭﺍﻟﻠﻪ ﻳﻨﻜﺴﻪ
ﻟﻮ ﺑﺲ ﻣﻨﻄﻴﻨﻲ ﻣﺠﺎﻝ ﺣﺘﻰ ﻋﺎﻫﻪ ﺍﺳﻮﻳﻠﻪ ﺣﺘﻰ ﻳﺠﻮﺯ ﻣﻨﺞ
ﺭﻓﻌﺖ ﺭﺍﺳﻲ ﺻﺮﻧﻪ ﻭﺟﻬﻪ ﺑﻮﺟﻪ ﻛﺼﺘﻲ ﻋﻞ ﻛﺼﺘﻪ ﻏﻤﻀﻨﻪ ﻧﺘﻨﻔﺴﺎ ﺍﻧﻔﺎﺱ ﺑﻌﺾ ﺷﺎﺭﺑﻪ ﻻﻣﺲ ﺷﻔﺘﻲ ﺟﺴﻤﻲ ﻗﺸﻌﺮ ﺭﺟﻔﺖ ﺑﻠﻊ ﺭﻳﻚ ﺑﺎﺳﻨﻲ ﺑﻬﺪﻭﺀ ﺭﻭﺣﻲ ﺳﺎﺣﺖ ﻗﺮﺏ ﺭﺍﺳﻲ ﻟﻮﺟﻪ ﻳﺜﺒﺘﻪ ﺃﺻﺎﺑﻌﻪ ﻓﺎﺗﺖ ﺑﺸﻌﺮﻱ ﺑﺘﻌﺪ ﻭﺷﻔﺘﻪ ﻋﻞ ﺷﻔﺘﻲ ﺑﺼﻮﺕ ﻣﺒﺤﻮﺡ ﻛﺎﻝ
ﺳﺎﺑﺤﻪ
ﻣﻤﻢ
ﺫﺏ ﺍﻟﻘﺮﺍﺻﻪ ﻧﺰﻝ ﺷﻌﺮﻱ ﻏﻤﺮ ﺃﺻﺎﺑﻌﻪ ﺑﺪﺍﺧﻠﻪ ﺧﻼﻧﻲ ﻋﻞ ﺻﺪﺭﻩ ﻳﺸﺘﻢ ﺑﻲ ﻭﻳﺘﻔﺲ ﺳﺮﻳﻊ
ﺗﺪﺭﻳﻦ ﺷﻜﺪ ﺣﻠﻤﺖ ﺑﻬﺎﻱ ﻟﺤﻀﻪ
ﺗﺪﺭﻳﻦ ﺷﻜﺪ ﺗﻤﻨﻴﺖ ﻫﺎﻱ ﻟﺰﻣﻪ
ﺗﺪﺭﻳﻦ ﺷﺪﻳﺼﻴﺮﺭﺑﻴﻪ
ﺩﺍﻣﻮﺕ ﻳﺴﺮ ﺩﺍﻣﻮﺕ
ﺷﻜﺪ ﻗﺮﻳﺒﻪ ﻫﺴﻪ
ﺍﺣﺴﺞ ﺍﺭﻳﺪ ﺍﺧﻠﻴﺞ ﺑﻀﻠﻮﻋﻲ
ﺟﻠﺒﺖ ﺑﺘﺸﻴﺮﺗﻪ ﺣﻴﻞ ﺣﻀﻨﻲ ﺣﺘﻰ ﻋﻀﺎﻣﻲ ﻃﻜﺖ ﺗﻐﻴﺮ ﺣﺎﻟﻪ ﺭﺗﺒﻚ ﻭﻋﻴﻮﻧﻪ ﺫﺑﻠﺖ ﺑﻌﺪﻧﻲ ﺑﻬﺪﺍﺀ
ﻣﺴﺢ ﻭﺟﻬﻪ ﻣﺘﻮﺗﺮ ﺭﺟﻊ ﺷﻌﺮﻩ ﺑﺜﻨﻴﻦ ﺍﺩﻳﻪ ﻟﻴﻮﺭﻩ ﺑﺤﺮﻛﻪ ﺳﺮﻳﻌﻪ ﻭﻛﻒ ﻭﺍﻧﻲ ﻋﺪﻟﺖ ﺭﻭﺣﻲ ﻧﺼﻪ ﻋﻞ ﻗﺮﺍﺻﻪ
ﺣﺒﻴﺒﺘﻲ ﻟﻔﻲ ﺷﻌﺮﺝ ﻭﻧﺸﻔﻲ ﻟﺘﺘﻤﺮﺿﻴﻦ
ﻳﺤﺠﻲ ﻣﻴﺒﺎﻭﻉ ﺑﻌﻴﻨﻲ
ﻳﻠﻪ ﺣﺮﻭﺡ
ﺍﻟﻠﻪ ﻭﻳﺎﻙ
ﻧﺼﻴﺖ ﺍﻟﻒ ﺑﺸﻌﺮﻱ ﻣﺸﻰ ﻟﻴﻢ ﺍﻟﺒﺎﺏ ﻭﺭﺟﻊ ﺳﺮﻳﻊ ﺣﻀﻨﻲ ﺭﻓﻌﺖ ﺭﺍﺳﻲ
ﺷﺒﻴﻚ ﻳﻤﺎﻥ
ﺗﺮﻩ ﺩﺍﻟﻬﺰﻡ ﻣﻨﺞ ﺗﺪﺭﻳﻦ ﻟﻮ ﻻ
ﺿﺤﻜﺖ
ﺗﻨﻬﺪ
ﺗﺤﺴﻴﻦ ﺑﻴﻪ ﻣﻮ
ﻫﺰﻳﺖ ﺭﺍﺳﻲ ﺍﺿﺤﻚ ﺑﺘﻌﺪ ﻣﺘﺨﻮﺻﺮ ﺟﺮ ﻧﻔﺲ ﺭﺗﻔﻊ ﺻﺪﺭﻩ ﻭﺗﺨﻔﺾ ﺍﺟﻴﺖ ﺑﺼﻔﻪ ﻧﺰﻝ ﺍﻳﺪﻩ ﺧﻼﻧﻲ ﺟﻮﻩ ﺟﺘﻔﻪ ﻣﺸﻴﻨﻪ ﻛﺎﻝ
ﺑﺎﺟﺮ ﻃﻠﻊ ﺑﺸﻐﻠﻪ ﻣﻜﺎﻥ ﺑﻌﻴﺪ ﻻﻳﻀﻞ ﺑﺎﻟﺞ ﺧﺎﻑ ﺍﻧﺸﻐﻞ ﻳﺠﻮﺯ ﺣﺘﻰ ﺍﺑﺎﺕ
ﻭﻳﻦ
ﻋﻨﺪﻱ ﻣﻌﺎﻣﻠﻪ ﻣﺎﻝ ﺳﻴﺎﺭﻩ ﺩﺍﻛﻤﻠﻪ
ﺗﻤﺎﻡ ﺑﺲ ﻣﻮ ﺗﻨﺴﻰ ﻧﻔﺴﻚ ﻫﻢ ﺧﺎﺑﺮﻧﻲ
ﺍﻥ ﺷﺎﻟﻠﻪ
ﻓﺘﺢ ﺍﻟﺒﺎﺏ ﻭﺳﺪﻩ
ﻫﺎﺍ
ﺗﺮﻩ ﻣﺎﻋﻨﺪﺝ ﻛﻠﻤﻪ
ﺷﻨﻮ
ﻧﺴﻴﺘﻲ ﺷﻜﺘﻴﻠﻲ ﺑﻠﻔﻮﻥ
ﻋﻘﺪﺕ ﺣﻮﺍﺟﺒﻲ .. ﺷﻜﻠﺖ
ﻧﺴﻴﺘﻲ
ﺩﺫﻛﺮﻧﻲ
ﻛﺘﻠﺞ ﺍﺣﺒﺞ ﻛﺘﻴﻠﻲ ﻭﺍﻧﻲ ﻫﻢ ﻛﺘﻠﺞ ﺷﻨﻮ ﻛﻠﺘﻲ ﺗﺠﻲ ﻭﺍﻛﻠﻚ ﺍﺷﻮ ﻛﻠﺸﻲ ﻣﺴﻤﻌﺖ
ﻧﺼﻴﺖ ﺍﺑﺘﺴﻢ
ﻛﻮﻟﻴﻪ ﺑﺪﺍﻋﺘﻲ
ﻳﻤﺎﺍﺍﺍﺍﺍﻥ
ﺑﺪﺍﻋﺘﻪ ﻟﻴﻤﺎﻥ
ﺭﻓﻌﺖ ﻋﻴﻨﻲ ﺑﻠﻊ ﺭﻳﻜﻪ ﻳﺒﺎﻭﻉ ﻟﺸﻔﺘﻲ
ﺍﺣﺒﻚ
ﺗﻠﻔﺖ ﺻﺎﺭ ﻭﺭﻩ ﺍﻟﺒﺎﺏ ﻟﺰﻡ ﻭﺟﻬﻲ ﺑﺪﻳﻪ ﺛﻨﻴﻦ ﺑﺎﺳﻨﻲ ﻟﺤﺪ ﻣﻨﻜﻄﻊ ﺍﻟﻨﻔﺲ
ﺑﺘﻌﺪ ﺃﺣﻮﺍﻟﻪ ﻣﺨﺮﺑﻂ ﻛﻮﻩ ﻛﺎﻝ
ﺗﺼﺒﺤﻴﻦ ﻋﻞ ﺧﻴﺮ
ﻗﺒﻞ ﻣﺠﺎﻭﺏ ﻃﻠﻊ ﺿﺤﻜﺖ ﺍﻋﺮﻓﻪ ﺗﺨﺮﺩﻝ ﻓﺘﺖ ﺍﺑﺘﺴﻢ ﻭﻳﻪ ﺭﻭﺣﻲ ﻃﺎﻳﺮﻩ ﻭﻛﻨﻲ ﻧﺴﻴﺖ ﻛﻞ ﺍﻟﺼﺎﺭ ﺍﻟﻴﻮﻡ ﻧﻤﺖ ﻧﻮﻣﻪ ﻋﻤﻴﻘﻪ ﺧﺎﻟﻴﻪ ﻣﻦ ﻛﻠﺸﻲ ﻳﺠﻮﺯ ﻭﺣﺪﻩ ﻏﻴﺮﻱ ﻣﺘﻨﺴﻪ ﺍﻟﺼﺎﺭ ﺍﻟﻴﻮﻡ ﺑﺲ ﻳﻤﺎﻥ ﻭﺣﺒﻪ ﺷﻮﻓﺘﻪ ﻭﻟﻬﻔﺘﻪ ﺣﻨﺎﻧﻪ ﻭﻋﻴﻮﻧﻪ ﺍﺫﺍﺑﻠﻪ ﻛﺒﺎﻟﻲ ﻣﻮ ﺑﺲ ﻧﺴﺘﻨﻲ ﻃﻴﺮﺕ ﺣﺘﻰ ﻋﻘﻠﻲ
ﺛﺎﻧﻲ ﻳﻮﻡ ﺧﻠﺼﺖ ﺍﻟﻨﻬﺎﺭ ﻛﻠﻪ ﻛﻞ ﺷﻮﻳﻪ ﺍﺧﺎﺑﺮﻩ ﻳﻜﻠﻲ ﺑﻌﺪ ﻣﻜﻤﻠﺖ ﻟﻠﻤﻐﺮﺏ ﻻﺑﺴﻪ ﺍﻻﺯﺍﺭ ﺩﺍﺻﻠﻲ ﻧﺪﻛﺖ ﺍﻟﺒﺎﺏ ﻣﻮ ﺩﻛﻪ ﻧﻬﺠﻤﺖ ﺣﻨﻴﻦ ﺟﺎﻧﺖ ﺑﻠﻐﺮﻓﻪ ﺟﺘﻲ ﺗﺮﻛﺾ
ﻣﻨﻮ ﻫﻴﺞ ﻳﺪﻙ ﺍﻟﺒﺎﺏ
ﻣﺎﺩﺭﻱ
ﺍﻣﻲ ﻫﻢ ﻣﺘﻮﺟﻬﻪ ﻋﻞ ﻗﺒﻠﻪ ﺧﻠﺖ ﻭﺭﺍﺣﺖ ﺗﻔﺘﺢ ﺍﻟﺒﺎﺏ ﻭﻣﺎﺳﻤﻊ ﺑﺲ ﺻﻴﺎﺡ ﻣﺤﺴﻦ ﻭﻋﻴﺎﻃﻪ
ﻭﻳﻨﻪ ﺍﻟﻴﻮﻡ ﺍﻣﻮﺗﻪ
ﺗﻨﺨﻄﺐ ﻭﺗﺰﻭﺝ ﻣﻦ ﻭﺭﺍﻧﻪ
ﺍﺣﻨﻪ ﻛﻮﺍﻭﻳﺪ ﻣﺎﻋﺪﻧﻪ ﺍﺣﺪ
ﻣﻜﻄﻤﻴﻦ
ﻣﻨﻴﻦ ﺧﻄﺒﻮﺝ
ﻣﻨﻮ ﻧﻄﺎﺝ
ﻟﺞ ﺗﻄﻠﻜﺘﻲ ﻣﻨﻪ ﺣﺘﻰ ﺗﺮﺟﻌﻴﻠﻪ
ﻣﻌﺸﻮﻛﻪ ﻳﻤﺎﻥ
ﺍﺳﻤﻊ ﺍﺳﻤﻊ ﻭﺩﻣﻲ ﻳﺒﺲ ﺍﻃﺮﺍﻓﻲ ﺛﻠﺠﺖ ﺍﻣﻲ ﺗﺴﻜﺖ ﺑﻲ ﻋﻴﺐ ﻭﻣﻨﺎ ﺍﻟﻨﺎﺱ ﻭﻣﻦ ﻫﺬﺍ ﺍﻟﺤﺠﻲ ﻣﻴﺴﻤﻊ ﻭﻻﻳﺤﺘﺮﻡ ﺧﻮﺍﻟﻲ ﺳﻤﻌﻮ ﻭﺍﻟﻮﻟﺪ ﺍﻟﺘﻤﻮ ﺻﺎﺩﻕ ﻭﻋﻠﻲ ﺍﺟﻮﻱ ﻋﻞ ﻟﻤﺖ ﺍﻟﻨﺎﺱ ﺷﺎﻓﻮ ﻣﺤﺴﻦ ﻭﻋﻴﺎﻃﻪ ﻭﻓﺸﺎﺭﻩ ﻋﻠﻴﻪ ﻟﺰﻣﻮ ﻭﺻﺎﺭﻭ ﻧﺎﺱ ﺗﻜﺘﻞ ﻧﺎﺱ ﻛﻤﺎﻝ ﻭﺃﺑﻮ ﺩﺧﻠﻮ ﺧﺎﻟﻪ ﺑﺸﺮﻯ ﺗﻠﻄﻢ ﻭﺍﻣﻲ ﺗﺒﺠﻲ ﻭﻣﻨﻴﻦ ﻣﺘﻠﺰﻣﻬﻢ ﺗﺠﻴﻪ ﺩﻓﻌﻪ ﺩﻗﺎﻳﻖ ﻭﻃﺒﻜﺖ ﺳﻴﺎﺭﺍﺕ ﻧﺰﻟﻮ ﺍﺧﻮﺍﻥ ﻣﺤﺴﻦ ﺷﺎﻓﻮ ﺷﻮﻥ ﻣﺤﺴﻦ ﺟﻮﻩ ﺻﺎﺩﻕ ﻭﻋﻠﻲ ﻧﺠﻨﻮ ﻃﺒﻜﻮ ﻭﻳﺎﻩ ﻭﺍﻟﻨﺎﺱ ﺗﺘﻔﺮﺝ ﻣﺤﺪ ﻳﻔﺰﻉ ﻛﻠﻪ ﺗﺨﺎﻑ ﻭﺩﻛﻮﻝ ﻋﻤﺎﻡ ﺑﻴﻨﻬﻢ
ﻓﺼﻠﺖ ﺭﻭﺣﻲ ﺭﺧﺖ ﻭﺩﻣﻮﻋﻲ ﺑﻌﻴﻨﻲ ﺟﻤﺪﺕ ﻣﻦ ﻫﺎﺷﻢ ﺷﻤﺮ ﺳﻼﺡ ﻟﻤﺤﺴﻦ ﻭﻛﻒ ﻣﺤﺴﻦ ﺑﻜﻞ ﺣﻴﻞ ﺻﺪﺭ
ﻟﻮ ﺗﻄﻠﻊ ﻳﺴﺮ ﻟﻮ ﺍﻣﺤﻴﻜﻢ
ﺗﻮﻗﻒ ﺍﻟﺰﻣﻦ
ﻭﺍﻟﺮﻭﺡ ﺻﻌﺪﺕ ﻳﻢ ﺑﺎﺭﻳﻪ
ﻳﺴﺮ ﻧﺘﻬﺖ
ﻳﺴﺮ ﻣﺘﺨﻠﺺ ﻣﻦ ﻣﺤﺴﻦ
ﺩﺍﺧﻠﻲ ﻳﺼﺮﺥ ﻳﻤﺎﻥ ﻭﻳﻨﻚ ﻭﻛﻠﺒﻲ ﻳﻜﻮﻝ ﻻﻟﻴﺠﻲ ﻳﻤﻮﺕ ﻳﻜﺘﻠﻪ ﻣﺤﺴﻦ ﻣﺎﺑﻴﻪ ﻛﻞ ﻣﺠﺎﻝ
ﺍﻣﻲ ﺗﻠﻄﻢ ﻳﻤﻪ ﻭﻟﺪﻱ ﻭﻋﻠﻲ ﻣﺰﻧﺒﺮ ﻛﺒﺎﻝ ﻣﺤﺴﻦ ﻭﻟﺴﻼﺡ ﺑﺼﺪﺭﻩ
ﺻﻤﻴﺖ ﺃﺫﻧﻲ ﻭﺿﻠﻴﺖ ﺍﺻﺮﺥ ﻋﻼﻭﻱ ﻭﺧﺮ
ﻋﻼﻭﻱ ﻓﺪﻭﻩ ﻋﻮﻓﻪ
ﻋﻼﻭﻱ ﻫﺬﺍ ﻣﺎﻋﻨﺪﻩ ﺭﺣﻤﻪ
ﻫﻮﻩ ﻣﻄﻴﺮ ﻋﻴﻮﻧﻪ ﻳﺒﺎﻭﻋﻠﻲ ﻳﺼﻴﺢ
ﺍﺍﺍﺍﺍﺍﺍﺍﻣﺸﻲ ﻭﻳﺎﻱ ﻟﻌﺪ
ﻋﻤﻲ ﺍﺑﻮ ﻛﻤﺎﻝ ﺿﻐﻄﻪ ﻋﻠﻚ ﺭﺟﺎﻝ ﺟﺒﻴﺮ ﻣﺤﺪ ﻳﺴﻤﻌﻠﻪ ﻭﻫﻮﻩ ﻳﺼﻴﺢ ﻭﻳﻦ ﺗﺮﻭﺡ ﻭﻳﺎﻙ ﻟﺒﻨﻴﻪ ﺟﻨﺘﻨﻪ ﻭﻋﺎﻗﺪﻩ ﺳﻴﺪ ﻭﻣﺤﻜﻤﻪ ﻣﻮ ﻣﻦ ﺣﻘﻜﻢ
ﺧﻮﺍﻟﻲ ﻛﻞ ﻛﻠﻤﻪ ﻳﺤﺠﻮﻩ ﻣﺤﺴﻦ ﻳﻮﺟﻪ ﺍﻟﺴﻼﺡ ﺑﻮﺟﻬﻢ
ﻻﺗﺪﺧﻠﻮﻥ ﺍﺣﻨﺎ ﻋﻤﺎﻡ ﻭﺍﻟﺒﻨﻴﻪ ﺑﻨﺘﻨﻪ
ﻟﺤﻀﻪ ﺣﺴﻴﺖ ﻧﺘﻬﻴﺖ ﻭﺟﺒﺮﻭﺕ ﻣﺤﺴﻦ ﻣﺤﺪ ﻳﻮﻛﻒ ﻛﺒﺎﻟﻪ ﺟﺎﻥ ﺗﻄﺒﻚ ﺳﻴﺎﺭﻩ ﺣﻴﺪﺭ ﺑﻠﺒﺎﺏ ﻭﻧﺰﻝ ﻃﺎﻳﺮ ﻋﻞ ﻣﺤﺴﻦ ﻳﺠﺮﺟﺮ ﺑﻲ ﻭﻣﺤﺴﻦ ﻣﺨﺒﻞ ﻓﺎﻗﺪ ﻭﺧﻮﺗﻪ ﻣﺴﺎﻧﺪﻱ ﻭﻧﺎﺱ ﺗﺠﺮ ﺑﻨﺎﺱ ﻋﻠﻲ ﻭﺻﺎﺩﻕ ﻳﺸﺒﻮﻥ ﻭﻳﻄﻔﻮﻥ ﻭﻣﺤﺴﻦ ﺑﻜﻞ ﻋﻴﻦ ﺻﻠﻔﻪ ﻳﺴﺤﺐ ﺃﻗﺴﺎﻡ ﻳﺮﻳﺪ ﻳﻀﺮﺑﻬﻢ ﺗﺨﺒﻞ ﺣﻴﺪﺭ ﻭﺳﺤﻠﻬﻢ ﻟﻠﻄﺮﻣﻪ ﻳﺪﻓﻊ ﺑﻴﻬﻢ ﻳﻜﻠﻬﻢ ﻳﻀﺮﺑﻜﻢ ﻫﺬﺍ ﻣﺨﺒﻞ
ﺍﺻﻔﻦ ﺍﺻﻔﻦبيج قصص عراقيه حقيقيه من واقعنا.روعه الطائي
ﻋﻞ ﻫﻮﺳﻪ ﻭﺍﺍﻭﻋﻪ ﻭﻛﻞ ﻫﺬﺍ ﺑﺴﺒﺒﻲ ﻧﺘﻬﻴﺖ ﻭﻓﻘﺪﺕ ﺑﻴﺪ ﺣﻨﻴﻦ ﻭﻫﻴﻪ ﺗﺒﺠﻲ ﻭﺗﻮﻋﻲ ﺑﻴﻪ ﻣﻘﺎﻭﻣﻪ ﻣﺎﺭﻳﺪ ﺃﻧﻬﺎﺭ ﻣﺎﺭﻳﺪ ﺍﻓﻘﺪ ﺍﺭﻳﺪ ﺍﻗﻮﻱ ﺭﻭﺣﻲ ﺣﺘﻰ ﺍﺩﺍﻓﻊ ﻋﻞ ﻧﻔﺴﻲ ﺑﺲ ﻣﻮ ﺑﻴﺪﻱ ﺟﺴﻤﻲ ﻋﺒﺎﻟﻚ ﻧﺸﻞ ﺛﺎﺭﺕ ﻃﻠﻘﻪ ﻟﻮ ﺭﻭﺣﻲ ﺛﺎﺭﺕ ﻛﻠﺸﻲ ﺑﻴﻪ ﻓﺰ
ﻭﻳﻦ ﻫﺎﻱ ﺍﻟﻄﻠﻘﻪ
ﺍﻣﻲ
ﻋﻠﻲ
ﺻﺎﺩﻕ
ﺧﻮﺍﻟﻲ
ﺑﻤﻨﻮ ﺟﺘﻲ
ﺍﻟﻤﻦ ﻻﺣﺖ
ﺗﺒﺴﻤﺮﺕ ﻭﻋﻴﻮﻧﻲ ﻭﻛﻔﻦ ﻧﻬﺰﻳﺖ ﺣﻴﺪﺭ ﻛﺒﺎﻟﻲ
ﻳﺴﺮ ﺍﻣﺸﻲ
ﺣﻴﺪﺭ ﻭﻳﻦ
ﺑﺲ ﺍﻣﺸﻲ ﻭﻳﺎﻱ ﻭﻳﺎﻱ ﻣﻮ ﻭﻳﻪ ﻣﺤﺴﻦ
ﻋﻔﻴﻪ ﻭﻳﻦ
ﺻﺮﺥ
ﻳﺴﺮ ﺗﺮﺩﻳﻦ ﺍﺧﻮﺗﺞ
ﺗﺨﺎﻓﻴﻦ ﻋﻞ ﺻﺎﺩﻕ
ﺗﺨﺎﻓﻴﻦ ﻋﻞ ﻋﻠﻲ
ﺑﺠﻴﺖ ﻛﻞ ﻗﻮﺗﻲ
ﺟﺮ ﺍﻳﺪﻱ
ﺍﻣﺸﻲ ﺍﻟﺒﺠﻲ ﻣﻮﻛﺘﻪ ﺿﺮﺏ ﻃﻠﻘﻪ ﺑﻠﻬﻮﻩ ﻣﺮﻩ ﺍﻟﺦ ﻳﺤﻄﻪ ﺑﻜﻠﺐ ﻭﺍﺣﺪ ﻣﻦ ﺍﻫﻠﺞ
ﻓﺘﺮﺕ ﻋﻴﻨﻲ ﻋﻠﻴﻬﻢ ﺻﺎﺩﻕ ﻭﻋﻠﻲ ﺭﻭﺣﻬﻢ ﻃﺎﻳﺮﻩ ﻭﺍﻣﻲ ﺑﻨﺼﻬﻢ ﺗﺮﻭﺡ ﻭﺗﺠﻲ ﺭﻭﺟﻪ ﻃﻚ ﺑﺮﻭﺟﻪ ﻟﺘﻔﺘﺘﻠﻲ ﺣﻴﺪﺭ ﻫﺰﻟﻪ ﺭﺃﺳﻪ ﺍﺟﺘﻲ ﻟﺰﻣﺖ ﺍﻳﺪﻱ
ﻳﻤﻪ ﺭﻭﺣﻲ ﻭﻳﻪ ﺍﺑﻦ ﻋﻤﺞ
ﺑﺠﻴﺖ .. ﻳﻤﻪ ﺷﺪﺗﺤﺠﻴﻦ
ﻳﺴﺮ ﺭﻭﺣﻲ ﺍﺧﻮﺗﺞ ﻣﻴﻨﻄﻮﺝ ﻭﻻﻣﺤﺴﻦ ﻳﻌﻮﻓﺞ ﻗﺒﻞ ﻟﺘﺼﻴﺮ ﺩﻡ ﺭﻭﺣﻲ ﻭﻳﻪ ﺣﻴﺪﺭ ﻭﺍﺣﻨﺎ ﻧﺤﻠﻪ
ﻳﻤﻪ ﻳﻤﺎﻥ
ﺭﻭﺣﻲ ﻫﺴﻪ ﺍﺣﻨﺎ ﻧﺘﺼﺮﻑ
ﺣﻴﺪﺭ ﺟﺮ ﺍﻳﺪﻱ ﺗﻮﺟﻪ ﻟﻠﺴﻴﺎﺭﻩ ﻣﺤﺴﻦ ﺻﺮﺥ ﻭﻭﻭﻭﻭﻭﻭﻭﻳﻦ ﺍﻟﻮﻟﺪ ﻟﺤﻜﻮﻧﻲ ﺧﻼﻧﻲ ﻭﺭﻩ ﺿﻬﺮﻩ ﻭﻓﺘﺢ ﺍﻳﺪﻩ ﻳﻬﺰ ﺑﺼﺒﻌﻪ ﻛﺪﺍﻡ ﻭﺟﻪ ﻣﺘﻮﻋﺪ
ﺍﺳﻤﻊ ﻣﺤﺴﻦ ﺍﻟﺒﻨﻴﻪ ﻣﺨﻄﻮﺑﻪ ﻻ ﻣﻮ ﻣﺨﻄﻮﺑﻪ ﻣﺘﺰﻭﺟﻪ ﻭﺍﻟﺴﻮﻳﺘﻪ ﻻ ﺍﻟﻠﻪ ﻭﻻ ﻣﻼﺋﻜﺘﻪ ﺗﻘﺒﻞ ﺑﻲ ﻓﻀﺤﺘﻨﻪ ﻭﺧﺰﻳﺘﻪ ﻭﺍﺣﻨﺎ ﺗﻮﻧﻪ ﻛﺎﻓﻴﻦ ﺍﻟﻔﺎﺗﺤﻪ ﻭﻻﺯﻡ ﺍﻟﺒﻨﻴﻪ ﻣﻦ ﺍﻳﺪﻩ ﺍﻟﺘﻮﺟﻌﻪ ﻟﻮ ﺗﻄﻠﻌﻴﻦ ﻟﻮ ﺗﻜﺘﻞ ﺇﺧﻮﺍﻧﻪ ﻭﺩﺍﻣﻚ ﻣﻮ ﺍﺩﻣﻲ ﺍﻧﻲ ﻣﺎﻧﻄﻴﻚ ﻣﺮﻩ ﻣﺘﺰﻭﺟﻪ ﻟﻮ ﺗﻤﻮﺕ ﻣﺜﻞ ﻣﺎ ﺍﻧﺖ ﺍﺑﻦ ﺍﻋﻤﻪ ﺍﻧﻲ ﻫﻢ ﺍﺑﻦ ﻋﻤﻪ ﻣﻦ ﺭﺧﺼﺔ ﺧﻮﺍﻟﻪ ﻭﺇﺧﻮﺗﻪ ﺍﻟﻤﺮﻩ ﺭﺍﺡ ﺍﺧﺬﻩ ﻳﻤﻲ ﻭﻫﻴﻪ ﺑﺮﻛﺒﻪ ﺭﺟﺎﻝ ﻳﺠﻲ ﻭﻫﻮﻩ ﻳﻌﺮﻑ ﻳﺘﺼﺮﻑ ﻭﺧﻞ ﻳﻜﻮﻥ ﺑﻌﻠﻤﻚ ﻣﺤﺴﻦ ﻣﻮ ﻋﺒﺎﻟﻚ ﺍﺑﻮﻳﻪ ﻣﺎﺕ ﻫﺎﻫﻴﻪ ﺑﻌﺪ ﻣﺎﻛﻮ ﺟﺒﻴﺮ ﻻ ﺍﻧﻲ ﺍﻟﺠﺒﻴﺮ ﻭﻟﻴﺼﻴﺮ ﻋﻞ ﻋﻤﺎﻣﻲ ﻳﺼﻴﺮ ﻋﻠﻴﻪ
ﺧﺎﻟﻲ ﻛﻠﻪ ﻭﻧﻌﻢ ﻣﻨﻚ ﺻﺎﺩﻕ ﻭﻋﻠﻲ ﻣﺜﻞ ﺍﻟﺒﺮﺩﻭ ﻭﺍﻣﻨﻮ ﻭﺍﻧﻲ ﻣﺠﻠﺒﻪ ﺑﻄﺮﻑ ﺩﺷﺪﺍﺷﺘﻪ ﻣﻦ ﺭﺩﺍﻧﻪ ﻣﺤﺴﻦ ﺧﻨﺲ ﻳﺘﻮﻋﺪ ﺑﻌﻴﻮﻧﻪ ﻭﺳﻼﺣﻪ ﺑﻴﺪﻩ ﺍﺧﻮﺗﻪ ﻻﺯﻣﻲ ﻋﻴﻨﻲ ﻋﻞ ﺍﻣﻲ ﺗﺘﻮﺳﻠﻲ ﺭﻭﺣﻲ ﻣﺎﻋﻮﻓﺞ ﻓﺘﺢ ﺑﺎﺏ ﺍﻟﺴﻴﺎﺭﻩ ﺣﻴﺪﺭ ﺻﻌﺪﺕ ﻛﻠﺸﻲ ﺑﻴﻪ ﻳﺨﺘﺾ ﻛﻠﺸﻲ ﺑﻴﻪ ﻳﺼﺮﺥ ﻳﻤﺎﻥ ﻛﻠﺸﻲ ﺑﻴﻪ ﺧﺎﻳﻒ ﻣﺘﺮﻭﺱ ﺭﻋﺐ ﻛﻤﺎﻝ ﺭﺍﻓﻊ ﺍﻟﻔﻮﻥ ﻳﺨﺎﺑﺮ ﻭﺩﻣﻮﻋﻲ ﺗﺠﺮﻱ ﺣﺮﻙ ﺣﻴﺪﺭ ﻣﺸﺖ ﺍﻟﺴﻴﺎﺭﻩ ﻭﻋﻴﻨﻲ ﻭﺭﺍﻫﻢ ﻣﺤﺴﻦ ﻣﻮﺍﺍﻣﺎﻥ ﻭﻻ ﻋﻠﻲ ﻳﺴﻜﺖ ﻭﺧﺎﻑ ﻫﺬﺍ ﺍﻟﻨﺬﻝ ﻳﺌﺬﻱ
ﻃﻮﻝ ﺍﻟﻄﺮﻳﻖ ﻣﺒﻄﻠﺖ ﺑﺠﻲ ﻭﺣﻴﺪﺭ ﻳﻬﺪﻱ ﺑﻴﻪ
ﺧﻮﻳﻪ ﺍﻧﻲ ﻳﻤﺞ
ﻻﺗﺨﺎﻓﻴﻦ ﺍﻧﻲ ﺍﺧﻮﺝ
ﺍﻧﻲ ﺻﺎﺩﻕ ﻭﺍﻧﻲ ﻋﻠﻲ
ﻣﻴﻠﻤﺲ ﺷﻌﺮﻩ ﻣﻨﺞ
ﻭﺻﻠﻨﻪ ﻟﺒﻴﺘﻪ ﻧﺰﻟﻨﻲ ﻓﺘﺢ ﺍﻟﺒﻴﺖ ﺟﺎﻥ ﻓﺎﺭﻍ ﻛﺎﻝ ﻛﻌﺪﻱ ﺍﺟﻴﺐ ﻣﺮﺗﻲ ﻣﻦ ﺑﻴﺖ ﺍﻫﻠﻲ ﻭﺍﺟﻲ ﺧﻔﺖ ﺃﻛﺜﺮ ﻛﻠﻲ ﻣﺎﻃﻮﻝ ﺩﻗﺎﻳﻖ
ﻫﺰﻳﺖ ﺭﺍﺳﻲ ﺍﻱ
ﻃﻠﻊ ﻭﺍﻧﻲ ﻻﻣﻪ ﺭﺟﻠﻴﻪ ﻟﻨﻔﺴﻲ ﺍﺑﺎﻭﻉ ﻟﺮﻭﺣﻲ ﺑﻄﺮﻙ ﺍﻻﺯﺍﺭ ﻫﻤﺰﻳﻦ ﻻﺑﺴﺘﻪ ﺟﺎﻥ ﺟﺎﺑﻮﻧﻲ ﺑﻄﺮﻙ ﺍﻟﺪﺷﺪﺍﺷﻪبيج قصص عراقيه حقيقيه من واقعنا.روعه الطائي
ﺭﺍﺳﻲ ﺻﺎﺭ ﻃﺒﻞ ﻭﺍﻷﻓﻜﺎﺭ ﺃﺷﻜﺎﻝ ﻣﺘﺼﺎﺭﻋﻪ ﺑﻲ
ﻛﻞ ﻫﺬﺍ ﻭﻛﻞ ﺷﻮﻳﻪ ﺍﺳﺌﻞ ﺭﻭﺣﻲ ﻳﻤﺎﻥ ﺍﺫﺍ ﻋﺮﻑ ﺷﻮﻥ
ﺷﻮﻳﻪ ﻭﻓﺎﺕ ﻣﺮﺕ ﺣﻴﺪﺭ ﻭﺟﻬﺎﻟﻪ ﺷﺎﻓﺘﻨﻲ ﻛﺎﺑﻠﺘﻨﻲ ﺗﻬﺪﻱ ﺑﻴﻪ ﻭﺍﻧﻲ ﻛﻮﻩ ﻻﺯﻣﻪ ﻧﻔﺴﻲ ﺣﻴﺪﺭ ﻳﻔﻮﺕ ﻭﻳﻄﻠﻊ ﻭﺍﻟﺠﻬﺎﻝ ﺟﺘﻲ ﺗﺼﻴﺢ ﺍﺟﻮﻱ ﺍﺟﻮﻱ ﺭﻛﺾ ﺣﻴﺪﺭ ﻭﻫﻢ ﻃﻠﻊ ﻣﺤﺴﻦ ﻟﺰﻣﺖ ﺭﺍﺳﻲ ﺭﺑﻲ ﺷﺴﻮﻱ ﺃﻗﺘﻠﻪ ﻟﺮﻭﺣﻲ ﺷﻮﻥ ﺍﺩﺭﻱ ﺷﺎﻳﻠﻪ ﺧﺮﺯﻩ ﻭﻟﻄﺶ ﺑﻴﻪ ﻫﻴﺞ ﺧﻮﻣﺎ ﺷﺎﻳﻠﻪ ﺧﺮﺯﻩ
ﺣﻴﺪﺭ ﻣﻨﻄﺎﻩ ﻣﺠﺎﻝ ﻣﻦ ﺑﺎﺏ ﺍﻟﺸﺎﺭﻉ ﻃﺮﺩﻩ ﻭﺳﺪ ﺍﻟﺒﻮﺏ ﺳﺎﻋﻪ ﺃﻛﺜﺮ ﻭﺍﺟﺘﻲ ﺍﻣﻲ ﺗﺒﺠﻲ ﺗﻤﻠﺦ ﺑﺮﻭﺣﻪ
ﻫﺎﺍ ﻳﻤﻪ
ﻛﺎﻟﺖ
ﻛﺎﻋﺪ ﺑﻠﺒﺎﺏ ﻭﺳﻼﺣﻪ ﺑﻴﺪﻩ ﻟﻮ ﻳﻄﻠﻚ ﻳﻤﺎﻥ ﻭﺍﺧﺬﻩ ﻟﻮ ﻳﺪﻓﻊ ﻓﺼﻞ
ﻟﻄﻤﺖ ﻓﺼﻞ ﺷﻨﻮ ﻣﺎﻟﻴﺶ ﺍﻧﻮﺏ
ﻳﻜﻮﻝ ﺿﺮﺑﻨﻲ ﻭﺗﻌﺪﻩ ﻋﻠﻴﻪ ﻭﺍﻧﻲ ﺣﺎﺟﻲ ﺑﻴﻪ ﻭﺍﺧﺬﻩ ﺍﺳﻮﻳﻪ ﺷﻐﻠﺖ ﺷﺮﻑ ﻭﺍﻛﻠﻬﻢ ﺗﻄﻠﻜﺖ ﻣﻨﻲ ﺩﺗﺮﺟﻌﻠﻪ
ﻟﻮ ﻳﺪﻓﻌﻠﻲ ﻟﺮﻳﺪﻩ
ﻭﺷﻜﺪ ﻳﺮﻳﺪ
ﻣﺎﺩﺭﻱ ﻳﻜﻮﻝ ﻛﻌﺪﻩ ﺗﺼﻴﺮ ﻭﺍﺣﺠﻲ
ﺩﻧﺴﻮﻟﻒ ﺍﻧﻲ ﻭﺍﻣﻲ ﻫﻴﺞ ﻭﺻﺎﺭﺕ ﺍﻟﻬﻮﺳﻪ ﺑﺮﻩ ﻃﻠﻌﻨﻪ ﻭﺣﻴﺪﺭ ﻫﻢ ﺟﺮ ﺳﻼﺡ ﻟﻜﻴﻨﻪ ﻳﻤﺎﻥ ﻭﻋﻠﻲ ﻭﺻﺎﺩﻕ ﻭﺍﻛﻔﻴﻦ ﻭﻳﺎﻩ ﻭﻣﺤﺴﻦ ﺑﻨﻔﺲ ﺻﻼﻓﺘﻪ ﻭﺑﻌﺪ ﺃﻛﺜﺮ
ﻳﻤﺎﻥ ﻣﻴﺪﺭﻱ ﺷﻨﻮ ﺍﻟﻤﻮﺿﻮﻉ ﻛﻞ ﺍﻟﻴﻌﺮﻓﻪ ﻣﺤﺴﻦ ﻳﺮﻳﺪ ﻳﺄﺧﺬﻧﻲ ﻛﺎﻡ ﻳﺸﻴﻞ ﺑﺮﻭﺣﻪ ﻭﻳﻠﻄﺦ ﺣﺘﻰ ﻋﻞ ﺣﻴﺪﺭ ﺛﺎﺭ ﻣﻴﺪﺭﻱ ﺣﻴﺪﺭ ﻭﺍﺳﻄﻪ ﺑﻴﻨﻪ ﻭﺑﻴﻨﻬﻢ ﺳﻼﺡ ﻣﺤﺴﻦ ﺑﺼﺪﺭﻩ ﻭﻫﻮﻩ ﻣﺎﻣﻬﺘﻢ ﻛﻞ ﺿﺮﺑﻪ ﻳﺄﻛﻠﻪ ﻣﺤﺴﻦ ﻭﻳﺮﺩ ﻳﻜﻮﻡ ﻭﻟﻪ ﺍﻟﺜﺎﻧﻴﻪ ﺍﻟﻤﺨﺘﺎﺭ ﺗﺪﺧﻞ ﻭﺍﺧﺬﻫﻢ ﺑﻴﺘﻪ ﺿﻠﻴﺖ ﺑﺤﻀﻦ ﺍﻣﻲ ﻣﺎﻋﺮﻑ ﺷﻨﻮ ﻣﺼﻴﺮﻱ ﻭﻻ ﺃﺩﺭﻱ ﺣﻀﻲ ﻭﻳﻦ ﻧﺎﻳﻢ ﺣﺘﻰ ﺩﻳﺼﻴﺮﻟﻲ ﻫﻴﺞ
ﺷﻜﺪ ﻣﺎﺑﻴﻪ ﺍﺣﺎﻭﻝ ﺍﺗﻤﺎﺳﻚ ﻧﻔﺴﻲ ﻭﺃﺧﺬ ﺍﻟﻘﻮﻩ ﻣﻦ ﺍﻣﻲ ﺍﻣﻲ ﻫﻢ ﺑﻤﺤﻨﻪ ﻭﻟﺪﻩ ﻫﻢ ﺑﺨﻄﺮ ﻭﻫﻴﻪ ﺗﻌﺮﻑ ﻣﺤﺴﻦ ﻻﺫﻣﻪ ﻭﻻﺿﻤﻴﺮ ﻳﻤﻮﺗﻬﻢ ﺑﺪﻡ ﺑﺎﺭﺩ ﻭﻳﺘﺤﻤﻞ ﺍﻟﺴﺠﻦ ﻭﻳﺘﺤﻤﻞ ﻛﻠﺸﻲ ﺑﺲ ﺍﻫﻢ ﺷﻲ ﻳﻤﺸﻲ ﺣﻘﺎﺭﺗﻪ ﺻﻮﺕ ﻗﺮﺍﻧﻪ ﻭﺳﺘﻐﻔﺎﺭﻩ ﻳﻨﻄﻴﻨﻲ ﻃﺎﻗﻪ ﻭﻳﺨﻠﻴﻨﻲ ﺍﺭﺩﺩ ﻭﺍﺭﻩ
‏( ﺭﺑﻲ ﻣﺴﻨﻲ ﺍﻟﻀﺮ ﻭﺍﻧﺖ ﺍﺭﺣﻢ ﺍﻟﺮﺍﺣﻤﻴﻦ ‏)
ﻓﻮﻙ ﺍﻝ ﻣﻴﻪ ﻣﺮﻩ ﻛﻠﺘﻪ ﻭﻛﻠﻲ ﺍﻣﻞ ﺑﺮﺏ ﺍﻟﻌﺎﻟﻤﻴﻦ ﻳﻄﻠﻌﻨﻲ ﻣﻦ ﻫﺎﻱ ﺍﻟﺸﺪﻩ ﻭﻣﻴﺨﻠﻲ ﺍﺣﺪ ﻳﻨﻀﺮ ﺑﺴﺒﺒﻲ ﺣﺘﻰ ﻣﺎﺷﻴﻞ ﺧﻄﻴﺘﻪ ﻃﻮﻝ ﺍﻟﺤﻴﺎﻩ
ﺻﺎﺭﺕ ﻧﺺ ﺍﻟﻴﻞ ﻭﺍﻟﻮﻟﺪ ﺗﺄﺧﺮﻭ ﻣﺮﺕ ﺣﻴﺪﺭ ﺳﻮﺕ ﺍﻟﻌﺸﻪ ﻣﺎﺿﻜﻨﺎﻩ ﻻ ﺍﻧﻲ ﻭﻻ ﺍﻣﻲ ﻭﺧﻄﻴﻪ ﻫﻴﻪ ﺗﺘﻮﺳﻞ ﺣﻄﺘﻪ ﻭﺷﺎﻟﺘﻪ ﻣﺜﻞ ﻣﺎ ﻫﻮﻩ ﻭﺍﻧﻲ
ﺍﺣﻂ ﺍﻟﻤﻲ ﺍﺣﺴﻪ ﻋﻠﻜﻢ ﻟﺤﺪ ﻣﺠﻮﻱ ﺭﻳﻜﻲ ﻳﺒﺲ ﻓﺎﺗﻮ ﺣﻴﺪﺭ ﻭﻋﻠﻲ ﻭﺻﺎﺩﻕ ﺧﻮﺍﻟﻲ ﻭﻳﺎﻫﻢ ﻭﺍﻟﻮﺟﻪ ﻣﺘﺘﻔﺴﺮ ﻋﻴﻮﻧﻲ ﺗﺪﻭﺭ ﻋﻞ ﺭﻭﺣﻲ ﻋﻞ ﻳﻤﺎﻥ
ﻭﻳﻨﻪ ﺷﺼﺎﺭ ﺑﻲ ﻟﻴﺶ ﻋﺎﻓﻨﻲ ﻟﻴﺶ ﻣﺎﺍﺟﻪ ﺷﻲ ﺑﻴﻪ ﺧﺎﻳﻒ
ﺧﺎﻑ ﻋﺎﻓﻨﻲ
ﺧﺎﻑ ﺧﺬﻟﻨﻲ
ﻻﻣﻴﺴﻮﻳﻪ
ﻫﻮﻩ ﻭﻋﺪﻧﻲ
ﻛﻌﺪﻭ ﻭﺑﻠﺶ ﺣﻴﺪﺭ ﺑﻠﻜﻼﻡ ﺑﻌﺪ ﻣﺎ ﺍﻣﻲ ﻛﻠﺘﻠﻪ ﺑﺸﺮ ﺍﺑﻮ ﻛﺮﺍﺭ ﺍﺧﺬ ﻧﻔﺴﻲ ﻣﻨﺼﻲ ﺭﺃﺳﻪ
ﻭﺍﻟﻠﻪ ﻋﻤﻪ ﻣﺎﻋﺮﻑ ﺷﻜﻠﺞ ﻣﺤﺴﻦ ﻧﺬﻝ ﻭﺣﺎﺳﺒﻪ ﺻﺢ ﻫﺴﻪ ﻛﻌﺪﻧﻪ ﺑﻴﺖ ﺍﻟﻤﺨﺘﺎﺭ ﻭﻛﻊ ﻛﻞ ﺍﻟﺤﻖ ﻋﻠﻴﻜﻢ ﻭﻫﻮﻩ ﻃﻠﻊ ﻣﻨﻪ ﻣﺜﻞ ﺍﻟﺸﻌﺮﻩ ﻣﻦ ﺍﻟﻌﺠﻴﻨﻪ
ﺷﻮﻥ ﺑﻠﻪ ﻋﻤﻪ ﻓﻬﻤﻨﻲ ﺗﺮﻩ ﻛﻠﺒﻲ ﺧﻠﺺ
ﻋﻤﻪ ﻳﻜﻮﻝ ﺍﻧﻲ ﻣﺮﺗﻲ ﻭﺟﻨﺖ ﺭﺍﻳﺪﻩ ﺑﺲ ﻫﻴﻪ ﻣﺘﺮﻳﺪﻧﻲ ﻭﻃﻠﻜﺘﻪ ﻭﻣﺎﻋﻔﺘﻪ ﺿﻠﻴﺖ ﺭﺍﻳﺢ ﺟﺎﻱ ﺍﺭﻳﺪ ﺍﺭﺟﻌﻪ ﺣﺘﻰ ﺑﻠﻨﻬﻮﻩ ﻫﺪﺩﺗﻪ ﺗﺎﻟﻲ ﺗﻄﻠﻊ ﻋﺎﻗﺪﻩ ﻭﻣﺎﺩﺭﻱ ﺑﻴﻪ ﻭﻓﻮﻙ ﻛﻞ ﻫﺬﺍ ﻭﺫﺍﻙ ﺭﺟﻠﻪ ﻳﺘﻌﺪﻩ ﻋﻠﻴﻪ ﻭﺑﻴﺘﻨﻪ ﻭﻫﺎﻱ ﺍﺛﺎﺭﻩ ﺑﻮﺟﻬﻲ ﻭﺟﺴﻤﻲ ﻭﺍﻟﻔﺎﺗﺤﻪ ﻛﻠﻪ ﺷﺎﻫﺪﻩ
بيج قصص عراقيه حقيقيه من واقعنا.روعه الطائي
ﻭﺗﺎﻟﻲ ﻭﺍﺫﺍ ﺿﺮﺑﻪ ﻏﻴﺮ ﻫﻮﻩ ﻋﺎﻳﻞ ﺑﻌﺪﻳﻦ ﻫﻴﻪ ﻣﻦ ﻧﺨﻄﺒﺖ ﻣﻮ ﺍﺧﻮﺗﻪ ﻣﻮﺟﻮﺩﻳﻦ ﻭﺧﻮﺍﻟﻪ ﻣﻦ ﻳﻤﺘﻰ ﻫﻮﻩ ﻋﺘﺮﻑ ﺑﻴﻪ ﻣﻜﺘﻮﻟﻪ ﻣﺴﻮﻟﻔﺘﻮ ﺷﻨﻮ ﺟﺎﻥ ﻣﺴﻮﻱ ﺑﻴﻪ
ﻋﻤﻪ ﺳﻮﻟﻔﻨﻪ ﻭﺣﺠﻴﻨﻪ ﻛﻮﻣﻪ ﻭﺍﻟﻤﺤﺮﻭﺱ ﻳﻤﺎﻥ ﺍﻟﻠﻪ ﻳﺴﻠﻤﻪ ﻫﻢ ﻣﻴﻜﻌﺪ ﺑﻴﺖ ﺍﻟﻤﺨﺘﺎﺭ ﻭﻛﺪﺍﻡ ﺍﻟﻨﺎﺱ ﺳﻮﻩ ﻫﻮﺳﻪ ﻭﻳﺎﻩ ﻭﺧﻠﻪ ﺍﻟﻌﻴﻠﻪ ﻋﻠﻴﻪ
ﻳﺎ ﻋﻴﻠﻪ ﻋﻤﻪ ﻓﺪﻭﻩ ﻟﻌﻴﻨﻚ ﻏﻴﺮ ﻣﺮﺗﻪ
ﺍﺩﺭﻱ ﻭﺍﻟﻠﻪ ﺍﺩﺭﻱ ﺑﺲ ﺍﺣﻨﺎ ﻭﻛﻞ ﺍﻟﻜﺎﻋﺪﻳﻦ ﻋﺮﻓﻨﻪ ﻣﺤﺴﻦ ﺷﻨﻮ ﻏﺎﻳﺘﻪ ﻫﻮﻩ ﻻ ﺭﺍﻳﺪ ﻳﺴﺮ ﻭﻻﺭﺍﻳﺪ ﻳﻨﻬﻪ ﻣﺤﺴﻦ ﻳﺪﻭﺭ ﻓﻠﻮﺱ ﻭﻓﺼﻞ ﻭﻃﻠﻊ ﺣﺠﺘﻪ ﺑﺪﻭﺳﻪ ﺍﻟﺒﻴﺖ ﻭﻛﺘﻠﺘﻪ
ﺍﺩﺭﻱ ﻟﻌﺪ ﻫﻮﻩ ﻣﻮ ﺩﺍﺱ ﺑﻴﺘﻨﻪ ﻭﺑﻠﺴﻼﺡ ﻫﻢ
ﻭ ﺍﻟﻠﻪ ﺍﻟﻮﻟﺪ ﻛﻠﻮﻟﻪ ﻭﻛﻞ ﺍﻟﻜﺎﻋﺪﻳﻦ ﺻﺎﺭ ﻭﻳﺎﻩ ﻛﺎﻟﻮ ﻫﻮﻩ ﺍﺑﻦ ﻋﻤﻜﻢ ﺑﺲ ﻳﻤﺎﻥ ﻳﻌﺘﺒﺮ ﻏﺮﻳﺐ
ﻭﺍﻟﺘﺎﻟﻲ ﻭﻳﻦ ﻭﺻﻠﺘﻮ
ﻭﺍﻟﻠﻪ ﺟﺮ ﻭﻋﺮ ﻧﺎﺱ ﺗﺮﻓﻊ ﻧﺎﺱ ﺗﻜﺒﺲ ﺍﻟﻨﺎﺱ ﺍﻟﺨﻴﺮﻩ ﺩﺧﻠﺖ ﻭﺍﻧﻲ ﺗﻜﻔﻠﺖ ﻳﺴﺮ ﺑﺎﻣﺎﻧﺘﻲ ﻭﻫﻮﻩ ﻛﺎﻝ ﺗﺪﻓﻌﻮﻥ ﺍﻟﻔﺼﻞ ﺍﻓﻚ ﻳﺎﺧﻪ ﻣﺘﺪﻓﻌﻮﻥ ﻳﻄﻠﻚ ﻭﺍﻧﻬﻪ ﺑﻌﺪ ﺟﺪﺍﻝ ﻭﺍﻟﻒ ﻋﺮﻛﻪ ﻗﻨﻌﻨﻪ ﻳﻤﺎﻥ ﻳﻮﺍﻓﻖ ﺑﻠﻔﺼﻞ ﻻﻥ ﺍﻟﻌﺮﻙ ﻭﺍﻟﻄﻼﻳﺐ ﻣﺘﻔﻴﺪ ﻭﺍﻟﺪﺍﺧﻞ ﻋﻞ ﻃﻤﻊ ﻟﻮ ﻳﺎﺧﺬﻩ ﻟﻮ ﻳﻜﺴﺮﻟﻪ ﺿﻬﺮ ﺍﺣﺪ ﻳﻤﺎﻥ ﻭﺍﻓﻖ ﺑﻠﻔﺼﻞ ﻭﺑﺎﺟﺮ ﺗﺼﻴﺮ ﻛﻌﺪﻩ ﺷﻴﺨﻨﻪ ﻭﺷﻴﺨﻜﻢ ﻳﻤﺎﻥ ﻳﺘﻌﻬﺪ ﻳﺪﻓﻊ ﺍﻟﻔﺼﻞ ﻭﻣﺤﺴﻦ ﻳﺘﻌﻬﺪ ﻳﺸﻴﻞ ﺍﻳﺪﻩ ﻣﻨﻜﻢ ﻓﺪﻧﻮﺏ
ﺩﻧﻜﺖ ﺍﻣﻲ ﺗﺒﺠﻲ ﺩﻙ ﻋﻞ ﺭﺟﻠﻴﻪ ﺗﺼﻴﺢ ﺍﻟﻠﻪ ﻳﺮﺣﻤﻚ ﺍﺑﻮ ﺻﺎﺩﻕ ﻫﺴﻪ ﻋﺮﻓﺖ ﻟﻴﺶ ﺍﻧﺖ ﺳﻨﻴﻦ ﻣﻤﻌﺘﺮﻑ ﺑﻴﻬﻢ ﺍﻟﻠﻪ ﻳﺮﺣﻤﻚ
ﻧﺼﻴﺖ ﺍﻧﺪﺏ ﺑﺤﻀﻲ ﻋﻔﻴﻪ ﻣﺤﺴﻦ ﻛﻞ ﻫﺬﺍ ﺍﻟﺒﻠﻪ ﺑﻴﻚ ﺷﻨﻮ ﺍﻧﺖ ﻣﻨﻴﻦ ﻣﺨﻠﻮﻕ ﻣﻦ ﻳﺎ ﻃﻴﻨﻪ ﺑﻌﺪ ﺑﺲ ﺍﻟﻠﻪ ﺍﻟﻴﻌﻠﻢ
ﺍﻟﻜﻞ ﺭﺿﺦ ﻟﻼﻣﺮ ﺍﻟﻮﺍﻗﻊ ﺣﺘﻰ ﻳﺘﺠﻔﻰ ﺍﻟﺸﺮ ﻣﺪﺍﻡ ﻋﺮﻓﻮ ﻧﻴﻪ ﻣﺤﺴﻦ ﺍﻟﻄﻤﻊ ﻭﺍﻟﻔﻠﻮﺱ ﺧﻮﺍﻟﻲ ﻭﺍﺧﻮﺗﻲ ﺟﺎﻧﻮ ﺑﺤﺎﻟﻪ ﻳﺮﺛﻰ ﻟﻪ ﺻﺪﻣﻪ ﻋﺒﺎﻟﻚ ﻣﻤﺘﻮﻗﻌﻴﻦ ﻫﻴﺞ ﻳﺴﻮﻱ ﻭﻫﻴﺞ ﻏﺎﻳﺘﻪ ﻭﻫﻢ ﺣﺎﻳﺮﻳﻦ ﻳﻤﺎﻥ ﻣﻨﻴﻦ ﺭﺍﺡ ﻳﺠﻴﺐ ﻓﻠﻮﺱ ﺍﻟﻔﺼﻞ ﻭﺍﻧﻲ ﺣﺎﻳﺮﻩ ﺃﻛﺜﺮ ﻣﻨﻬﻢ ﺍﻋﺮﻓﻪ ﻣﺎﻋﻨﺪﻩ ﻏﻴﺮ ﺍﻟﺴﻴﺎﺭﻩ ﻭﻟﻬﺴﻪ ﻣﻔﺎﻙ ﻗﺮﺿﻪ ﺟﻨﺖ ﺍﺣﻤﺲ ﺑﺮﻭﺣﻲ ﻭﺍﺗﺸﻌﻮﻁ ﻭﺩﺍﺧﻠﻲ ﻣﺪﻣﺮ ﺩﻣﺎﺭ ﺣﺘﻰ ﻧﻀﺮﻩ ﺍﻟﻌﻄﻒ ﺑﻌﻴﻮﻥ ﻟﻴﺒﺎﻭﻋﻮﻥ ﻋﻠﻴﻪ ﻛﺮﻫﺘﻪ ﻋﻔﻴﻪ ﺑﺸﺮ ﻣﺘﺴﺪ ﻋﻴﻨﻪ ﺑﺲ ﺍﻟﺘﺮﺍﺏ ﺍﻟﻤﻦ ﻳﺤﻀﻲ ﺍﻟﻤﻦ ﻣﻮ ﺍﺣﻨﺎ ﺗﺎﻟﻴﻨﻪ ﻟﻬﺎﻱ ﺍﻟﺘﺮﺍﺏ ﻭﺍﻟﺪﻭﺩ ﻳﺎﻛﻞ ﺑﻴﻨﻪ
ﻭﻛﻔﻮ ﺍﻫﻠﻲ ﺩﻳﺮﺣﻮﻥ ﺟﻠﺒﺖ ﺑﻴﺪ ﺍﻣﻲ ﺣﻀﻨﺘﻲ ﺗﺒﺠﻲ
ﻣﺎﻋﻮﻓﻮﺝ ﻳﻤﻪ ﻭﻫﺎﻱ ﺍﺑﻮ ﻛﺮﺍﺭ ﻭﻣﺮﺗﻪ ﻳﻤﻨﺞ
ﻣﺜﻞ ﺍﺧﻮﺝ
ﺍﻧﻲ ﻫﻢ ﻣﺎﻛﺪﺭ ﺍﺧﻠﻲ ﺍﺧﻮﺗﺞ
ﻋﻠﻲ ﻣﺎﺍﻣﻦ ﺑﻲ
ﻭﺻﺎﺩﻕ ﻳﺘﺼﺮﻑ ﺑﺪﻭﻥ ﺗﻔﻜﻴﺮ ﺷﻴﻜﻠﻪ ﻋﻠﻲ ﻳﺴﻮﻱ ﻟﻴﺘﻔﻘﻮﻥ ﻋﻞ ﻣﺤﺴﻦ ﻭﻳﺒﺘﻠﻮﻥ
ﺟﻨﺖ ﺧﺎﻳﻔﻪ ﻭﻣﻨﺮﻋﺒﻪ ﻣﺎﺭﻳﺪ ﺍﻣﻲ ﺗﺮﻭﺡ ﻭﻣﻦ ﺳﻤﻌﺖ ﻫﻴﺞ ﺩﺳﺖ ﻋﻞ ﺭﻭﺣﻲ ﻻ ﺍﺧﻮﺗﻲ ﺍﻫﻢ ﻋﻠﻲ ﻳﺒﺎﻭﻉ ﺑﻌﻴﻨﻲ ﻳﻄﻤﻨﻲ ﺑﺠﻴﺖ ﺣﻀﻨﻲ ﻭﺍﺧﺬﻧﻲ ﺟﻮﻩ ﺟﺘﻔﻪ ﻃﻠﻌﻨﻪ ﻟﻠﺤﺪﻳﻘﻪ ﻭﻛﻔﺖ ﻛﺒﺎﻟﻪ
ﻋﻠﻲ ﻓﺪﻭﻩ ﻣﺎﻋﻨﺪﻱ ﻏﻴﺮﻛﻢ ﻻﺗﻌﻮﻓﻮﻧﻲ
ﻣﻨﻮ ﻳﻌﻮﻓﺞ ﻛﻞ ﻋﻘﻠﺞ ﺍﻧﻲ ﻟﻮ ﻣﺎ ﺫﻭﻟﻪ ﻣﺤﺎﻭﻃﻴﻨﻲ ﺍﺩﻳﺮ ﻟﺴﻼﺡ ﺑﺼﺪﺭﻩ ﻭﺍﻧﻌﻞ ﻭﺍﻟﺪﻳﻪ ﻫﺎﻱ ﺷﺒﻴﺞ ﺍﻧﺘﻲ
ﻻﻓﺪﻭﻩ ﻛﻠﺸﻲ ﻭﻻ ﺗﺴﻮﻱ ﺷﻲ ﻳﺨﺴﺮﻙ ﻳﻮﻡ ﻭﺍﺣﺪ ﻣﻦ ﻋﻤﺮﻙ ﻏﻴﺮ ﺍﻣﻮﺕ
ﺗﻨﻬﺪ ﻻﺗﺨﺎﻓﻴﻦ ﺍﻟﻠﻪ ﻛﺮﻳﻢ ﺍﻧﻲ ﺟﺎﻥ ﺣﺘﻰ ﻫﻨﺎ ﻣﻌﻔﺘﺞ ﺑﺲ ﺣﻴﺪﺭ ﺗﻌﻬﺪ ﻭﺍﻟﻤﺨﺘﺎﺭ ﻛﺎﻝ ﺣﺘﻰ ﻻﻗﺮﻳﺒﻪ ﻋﻞ ﺭﺟﻠﻪ ﻭﻻ ﻳﻢ ﺍﺑﻦ ﻋﻤﻪ ﺧﻠﻮﻩ ﻳﻢ ﺍﺑﻮ ﻛﺮﺍﺭ ﺍﺣﺴﻦ ﻟﺤﺪ ﻣﺘﻔﺾ
ﻛﻠﻤﻪ ﺭﺟﻠﻪ ﺗﻨﺤﺮ ﻛﻠﺒﻲ ﺩﻣﻌﺖ ﻣﻨﺼﻴﻪ ﺭﺍﺳﻲ ﺗﻨﻔﺲ ﺑﻐﻀﺐ ﻓﻮﺗﻲ ﺟﻮﻩ ﺭﺑﺞ ﻳﺤﻠﻪ ﺍﺭﻭﺡ ﺍﻧﻲ ﻳﻢ ﻳﻤﺎﻥ ﺧﺎﻑ ﻫﻢ ﻳﺴﻮﻱ ﺷﻲ ﻭﺍﺣﻨﺎ ﻧﺮﻳﺪﻩ ﺗﻔﺾ ﻭﺗﺨﻠﺺ
ﺑﺠﻴﺖ ... ﻭﻳﻨﻪ
ﺩﻧﻚ ﺭﺃﺳﻪ ﺍﻳﺪﻩ ﺑﺠﻴﻮﺑﻪ ﻃﻠﻊ ﻓﻮﻧﻪ ﻓﺘﺤﻪ ﻃﻠﻊ ﺭﻗﻤﻪ ﺩﻙ ﻋﻠﻴﻪ ﻭﻧﻄﺎﻧﻴﻪ ﺍﺧﺬﺗﻪ ﻛﻌﺪﺕ ﻋﻞ ﺩﺟﻪ ﺍﻟﺤﺪﻳﻘﻪ ﻣﻜﺪﺭﺕ ﺍﻭﻛﻒ ﺟﺎﻭﺏ ﺑﺼﻮﺕ ﺗﻌﺒﺎﻥ ﻣﻠﻴﺎﻥ ﻗﻬﺮ ﺑﺲ ﻛﺎﻝ
ﺍﻟﻮﻭ
ﺷﻜﻬﺖ
ﺗﻨﻔﺲ ﻣﻦ ﺑﻴﻦ ﺳﻨﻮﻧﻪ ﻳﺼﻴﺢ
ﻛﺎﻓﻲ ﻛﺎﻓﻲ ﻟﺘﺒﺠﻴﻦ
ﻳﻤﺎﺍﺍﺍﺍﺍﻥ
ﻋﻴﻮﻧﻪ ﻭﻛﻠﺒﻪ ﻭﺍﻟﻠﻪ ﻃﻴﺤﺖ ﺣﻀﻪ
ﺳﺤﻠﺘﻪ
ﻛﻞ ﻣﻜﺎﻥ ﺑﺠﺴﻤﻪ ﺷﺎﻫﺪ ﻋﻞ ﻣﺴﻮﻱ ﺑﻲ
ﺑﺲ ﻧﻜﺲ ﻭﺍﻟﻨﺎﺱ ﺍﻟﺒﺎﻃﻠﻪ ﻭﻳﺎﻩ
ﻭﺗﺎﻟﻲ
ﺍﻟﻠﻪ ﺍﻟﻌﺎﻟﻲ ﺍﺩﻓﻌﻠﻪ ﻟﻴﺮﻳﺪﻩ ﻋﻞ ﻗﻨﺪﺭﻩ ﻭﺍﻟﻠﻪ ﻋﻞ ﻗﻨﺪﺭﻩ ﻭﻻﺍﺧﻠﻲ ﻳﻨﻮﻟﺞ
ﻣﻨﻴﻦ ﺭﺍﺡ ﺩﺑﺮﻫﻢ
ﺍﻟﻠﻪ ﻳﺪﺑﺮﻫﻢ ﺑﺲ ﺍﺻﺒﺮﻱ
ﺻﺎﺑﺮﻩ ﻭﺍﻟﻠﻪ ﺻﺎﻳﺮﻩ ﻭﻛﻠﺒﻲ ﻳﻤﻚ
ﺍﻧﻲ ﺍﻟﻜﻠﺒﻲ ﻳﻤﺞ ﻟﻮ ﻣﺎ ﺍﺑﻮ ﻛﺮﺍﺭ ﺗﻮﺳﻠﻨﻲ ﻭﺣﻠﻔﻨﻲ ﺣﻠﻔﺎﻥ ﻳﻜﺴﺮ ﺍﻟﻀﻬﺮ ﻓﻼ ﺍﺧﻠﻴﺞ ﺳﺎﻋﻪ ﻭﺣﺪﻩ ﺑﻌﻴﺪﻩ ﻋﻨﻲ
ﺍﺩﺭﻱ ﺑﻴﻚ ﻭﺍﻟﻠﻪ ﺑﺲ ﺭﺍﺡ ﻳﺒﻘﻪ ﺑﺎﻟﻲ ﻳﻤﻚ
ﻻﺗﺨﺎﻓﻴﻦ ﺍﻧﻲ ﺍﺣﻠﻪ ﻟﻴﺶ ﻣﻤﺎﺧﺬﻩ ﻓﻮﻧﺞ ﺷﻮﻥ ﺍﺧﺎﺑﺮﺝ
ﻣﺎﺩﺭﻱ ﺑﺎﻱ ﺷﻲ ﺟﻴﺖ ﺑﻄﺮﻙ ﺭﻭﺣﻲ
ﻳﺴﺮ
ﻫﺎﺍ
ﺧﻮﻣﺎ ﻟﺰﻣﺞ ﺧﻮﻣﺎ ﺳﻮﺍﻟﺞ ﺷﻲ ﺧﻮﻣﺎ ﺗﺠﺎﻭﺯ ﻋﻠﻴﺞ
ﺧﻔﺖ ﺭﺩﻳﺖ ﺑﺎﺭﺗﺒﺎﻙ .. ﻻ ﺍﺑﺪ ﺍﻟﻮﻟﺪ ﻭﺃﺑﻮ ﻛﺮﺍﺭ ﻭﻛﻔﻮ ﺑﻮﺟﻪ
ﻫﻴﻦ ﻭﺍﻟﻠﻪ ﺣﺘﻰ ﻭﺟﻪ ﻟﻔﻠﺸﻪ ﻫﺎﻱ ﺍﺫﺍ ﻣﺒﻘﻴﻠﻪ ﻭﺟﻪ
ﺳﻜﺘﺖ ﻋﻠﻲ ﻳﺮﻭﺡ ﻭﻳﺠﻲ ﺳﺪﻳﺘﻪ ﻣﻨﻪ ﻭﻧﻄﻴﺘﻪ ﺍﻟﻔﻮﻥ ﻃﻠﻌﻮ ﺍﻫﻠﻲ ﺍﻣﻲ ﺗﻮﺻﻲ ﺑﻴﻪ ﻻﺗﺨﺎﻓﻴﻦ ﺑﺎﺟﺮ ﺗﻔﺾ ﻭﻣﻦ ﺍﻟﺼﺒﺢ ﺍﻧﻲ ﻳﻤﺞ
ﺍﻛﻠﻲ
ﻧﺎﻣﻲ
ﻭﺍﻧﻲ ﺑﺲ ﺍﻫﺰ ﺑﺮﺍﺳﻲ
ﻃﻠﻌﻮ ﻭﺣﻴﺪﺭ ﺳﻼﺣﻪ ﺑﻠﻬﻮﻝ ﻣﻦ ﺍﺑﺎﻭﻋﻠﻪ ﺍﻧﺘﺮﺱ ﺧﻮﻑ ﻣﻨﺎﻡ ﺍﺑﺪ ﻳﻔﺘﺮ ﻳﻘﻔﻞ ﺑﻠﺒﻴﺒﺎﻥ ﻭﻳﺼﻌﺪ ﻛﻞ ﺷﻮﻳﻪ ﻟﻠﺴﻄﺢ ﺍﺑﺎﻭﻋﻠﻪ ﺑﺨﻮﻑ ﻳﻄﻤﻨﻲ ﺑﺒﺘﺴﺎﻣﻪ ﻳﻜﻠﻲ
ﻣﻮ ﺧﻮﻑ ﻣﻦ ﺍﻟﻤﻮﺍﺟﻬﺔ ﺧﻮﻑ ﻣﻦ ﺍﻟﻐﺪﺭ ﻭﻣﺤﺴﻦ ﻏﺪﺍﺭ
ﻣﻨﻤﺖ ﻭﻻ ﺷﻔﺖ ﺍﻟﺮﺍﺣﻪ ﺣﺘﻰ ﺍﻻﺯﺍﺭ ﻣﻨﺰﻋﺘﻪ ﻧﻄﺘﻨﻲ ﻣﺮﺕ ﺣﻴﺪﺭ ﻣﻼﺑﺲ ﻣﻘﺒﻠﺖ ﻛﺎﻋﺪﻩ ﺑﻤﻜﺎﻧﻲ ﻣﺘﺤﺮﻛﺖ ﻃﻠﻊ ﺍﺻﺒﺢ ﺍﺟﺘﻲ ﺍﻣﻲ ﺍﻟﺤﻘﻴﺮ ﻣﺤﺴﻦ ﺩﺯ ﺍﻣﻪ ﺣﺘﻰ ﻳﺘﺎﺍﻛﺪ ﻣﻦ ﻭﺟﻮﺩﻱ ﺑﻴﺖ ﺣﻴﺪﺭ ﺗﻼﻃﺸﺖ ﻫﻴﻪ ﻭﺍﻣﻲ ﻭﺧﺮﻃﺖ ﻛﻮﻣﻪ ﻭﻃﻠﻌﺖ ﺿﻠﺖ ﺍﻣﻲ ﺑﻴﻦ ﺣﺎﻧﻪ ﻭﻣﺎﻧﻪ ﺑﺎﻟﻪ ﻳﻢ ﺍﻟﻮﻟﺪ ﻭﻳﻤﻲ ﻻﺗﻜﺪﺭ ﺗﻌﻮﻓﻬﻢ ﻭﻻﺗﻜﺪﺭ ﺗﻌﻮﻓﻨﻲ ﻟﻠﻌﺼﺮ ﺻﺎﺭﺕ ﺍﻟﻜﻌﺪﻩ ﺑﻴﺖ ﺣﻴﺪﺭ ﻭﺣﻀﺮ ﻣﺤﺴﻦ ﻭﺇﺧﻮﺗﻪ ﺑﻜﻞ ﻋﻴﻦ ﺻﻠﻔﻪ ﻭﺍﻧﻲ ﺑﻠﻤﻄﺒﺦ ﺍﻟﻮﺏ ﻭﺍﺑﺎﻭﻉ ﻣﻦ ﺍﻟﺸﺒﺎﻙ ﻓﺎﺕ ﻳﻤﺎﻥ ﻟﻤﺤﺘﻪ ﺧﻄﻒ ﻭﻳﺎﻩ ﻛﻮﻣﻪ ﺯﻟﻢ ﺑﻌﺪ ﻣﺴﻤﻌﺖ ﺍﻱ ﺷﻲ ﻏﻴﺮ ﻣﻦ ﻃﻠﻌﻮ ﺑﻌﺪ ﻣﺘﻔﻘﻮ ﻋﻞ ﻛﻠﺸﻲ ﻭﻓﻀﺖ ﻳﻤﺎﻥ ﻗﺒﻞ ﺑﻠﻔﺼﻞ ﻛﺪﺍﻡ ﺍﻟﻜﻞ ﻭﻣﺤﺴﻦ ﺗﻨﺎﺯﻝ ﻣﻨﻲ ﺑﺸﺮﻁ ﻳﺴﺘﻠﻢ ﺍﻟﻔﻠﻮﺱ ﺑﻴﺪﻩ
ﺻﺮﺥ ﻳﻤﺎﻥ ﺻﻮﺗﻪ ﻭﺻﻞ ﻟﻴﻤﻲ
ﺍﻟﻔﺼﻞ ﺍﺩﻓﻌﻪ ﻭﻋﻞ ﻗﻨﺪﺭﻩ ﻫﻢ
ﻭﺍﻟﺒﻨﻴﻪ ﺍﺧﻄﺒﻪ ﺑﺲ ﻣﻮ ﻣﻨﻚ ﻣﻦ ﺍﺧﻮﺗﻪ ﻭﺍﺑﻮ ﻛﺮﺍﺭ ﻭﺍﻧﻲ ﺍﻟﻤﻤﻨﻮﻥ
ﺣﻴﺪﺭ ﻛﻠﻪ ﺑﺼﻮﺕ ﻋﺎﻟﻲ ﻭﺍﻧﻲ ﺍﺗﺸﺮﻑ ﺑﻴﻚ
ﺯﻧﺒﺮ ﻣﺤﺴﻦ ﻭﻣﺎﻟﻪ ﻭﺟﻬﻪ ﻳﺤﺠﻲ ﺍﻟﺸﻴﻮﺥ ﻛﺎﻋﺪﻩ ﺗﺼﺎﻓﺤﻮ ﻳﻤﺎﻥ ﻭﺍﺧﻮﺗﻲ ﻭﺃﺑﻮ ﻛﺮﺍﺭ ﻭﻃﻠﻊ ﻣﺤﺴﻦ ﺑﻮﺟﻪ ﺍﻷﺳﻮﺩ ﻣﺤﺼﻞ ﺑﺲ ﻛﻼﻡ ﺍﻟﻨﺎﺱ ﻭﺍﻟﻔﻠﻮﺱ ﻭﺻﺦ ﺍﻟﺪﻧﻴﻪ
ﺍﻟﻤﺸﻜﻠﻪ ﺍﻧﻲ ﻟﻨﺤﺼﺮﺕ ٤ﺍﻳﺎﻡ ﻋﻞ ﻣﺘﻜﻤﻞ ﻟﻔﻠﻮﺱ ﻭﻳﺴﺘﻠﻤﻪ ﻫﺬﺍ ﺷﺮﻃﻪ ﺍﻟﻨﺬﻝ ﻭﻓﻌﻼ ﺍﻟﻜﻌﺪﻩ ﺻﺎﺭﺕ ﻳﻮﻡ ﺍﻟﺠﻤﻌﻪ ﻭﻟﻴﻮﻡ ﺍﻟﺜﻼﺛﺎﺀ ﺍﻧﻲ ﺑﻴﺖ ﺣﻴﺪﺭ ﺍﻣﻲ ﺗﺮﻭﺡ ﻭﺗﺠﻲ ﻓﻮﻧﻲ ﺟﺎﺑﺘﻪ ﻭﺍﻧﻲ ﻭﻳﻤﺎﻥ ﻋﻞ ﺗﺼﺎﻝ ﺟﺎﻥ ﻣﻴﻜﻌﺪ ﻟﻴﻞ ﻭﻧﻬﺎﺭ ﻳﺮﻛﺾ ﺣﺘﻰ ﻳﺪﺑﺮ ﻟﻔﻠﻮﺱ ﻭﻣﻦ ﺍﺳﺌﻠﻪ ﻳﻜﻠﻲ ﺩﺑﺮﻭ ﻣﻀﻞ ﺷﻲ ﻛﺘﻠﻨﻲ ﺍﻟﻘﻬﺮ ﻭﺍﻟﺘﻔﻜﻴﺮ ﻟﺤﺪ ﻣﺎﺍﺟﻪ ﻳﻮﻡ ﺍﻟﺘﺴﻠﻴﻢ ﺟﺎﻥ ﺍﻟﻤﺒﻠﻎ ١٠ﻣﻼﻳﻴﻦ ﺳﻤﻌﺖ ﻧﺼﺪﻣﺖ ﻟﻄﻤﺖ ﻭﺣﻴﺪﺭ ﻳﻜﻠﻲ ﺣﻤﺪﻱ ﺭﺑﺞ ﺭﺍﺩ ﺧﻤﺴﻪ ﻭﻋﺸﺮﻳﻦ ﻣﻠﻴﻮﻥ ﻭﻛﻮﻩ ﺳﻮﻳﻨﺎﻩ ﻟﻠﻌﺸﺮﻩ
ﺣﺘﺮﻙ ﻛﻠﺒﻲ ﻭ ﺩﻋﻴﺖ ﺍﻥ ﺷﺎﻟﻠﻪ ﻣﻴﺘﻬﻨﻪ ﺑﻴﻬﻦ
ﻟﻠﻌﺼﺮ ﺻﺎﺣﻠﻲ ﺣﻴﺪﺭ ﻛﻠﻲ ﺭﺟﻠﺞ ﺑﻠﻬﻮﻝ ﻓﺘﺖ ﺷﺎﻓﻨﻲ ﻭﻛﻒ ﻧﺴﻴﺖ ﺭﻭﺣﻲ ﻭﺍﻟﻤﻜﺎﻥ ﺍﻻﻧﻲ ﺑﻲ ﻭﺭﺗﻤﻴﺖ ﺑﺤﻀﻨﻪ ﻋﺼﺮﻧﻲ ﻳﺒﻮﺱ ﺑﺮﺍﺳﻲ ﺑﺠﻴﺖ ﻣﺠﻠﺒﻪ ﺑﻲ ﺑﻌﺪ ﻭﺟﻬﻲ
ﻳﺎﺑﻪ ﺷﺒﻴﺞ ﺷﺴﺎﻟﻔﻪ
ﻳﻤﺎﻥ ﺷﺴﻮﻳﺖ ﺑﻴﻚ ﺍﻧﻲ ﺷﺴﻮﻳﺖ ﺑﺮﻭﺣﻚ ﺷﻮﻥ ﺩﺑﺮﺕ ﻟﻔﻠﻮﺱ
ﺑﺘﺴﻢ ﺑﺘﻌﺐ ﻻﺯﻡ ﺭﺍﺳﻲ ﺑﻴﻦ ﺍﻳﺪﻩ ﻣﺴﺢ ﺩﻣﻮﻋﻲ ﺑﻄﺮﻑ ﺃﺻﺎﺑﻌﻪ
ﻻﺗﺒﺠﻴﻦ ﻳﻨﻌﻞ ﺍﺑﻮ ﻟﻔﻠﻮﺱ ﻣﻴﺠﻮﻥ ﻟﻬﺬﺍ ﻻﺑﺴﺘﻪ ﺑﺮﺟﻠﺞ
ﻫﺰﻳﺖ ﺭﺍﺳﻲ ﺍﺭﻳﺪ ﺍﻋﺮﻑ ﻣﻨﻴﻦ
ﺗﻨﻬﺪ
ﻋﻨﺪﻱ ﻗﻄﻌﻪ ﻛﺎﻉ ﻃﻠﻌﺘﻠﻲ ﻭﻳﻪ ﻣﺘﻮﺿﻔﺖ ﺑﻌﺘﻪ ﻭﺑﻌﺖ ﺍﻟﺴﻴﺎﺭﻩ ﻭﺩﻳﻨﺖ ﻛﻢ ﻓﻠﺲ ﻭﺩﺑﺮﻭ
ﺧﺠﻠﺖ ﻭﻻ ﺍﻟﻲ ﻋﻴﻦ ﺍﺑﺎﻭﻉ ﺑﻮﺟﻪ ﻣﻌﻘﻮﻟﻪ ﻫﻠﻜﺪ ﻳﺤﺒﻨﻲ ﻭﺍﻧﻲ ﺍﺳﺘﺎﻫﻞ ﻛﻞ ﻫﺬﺍ ﺍﻟﺴﻮﻩ
ﺿﻤﻴﺖ ﺭﺍﺳﻲ ﺑﺼﺪﺭﻩ ﻟﻒ ﺍﻳﺪﻩ ﻋﻠﻴﻪ ﻫﻤﺲ ﺑﺬﻧﻲ
ﻛﻞ ﺫﻧﻲ ﻭﺍﻟﺪﻓﻌﺘﻪ ﻣﻴﺠﻲ ﻭﻻ ﺷﻲ ﻳﻢ ﺣﺒﻲ
ﺍﻟﺞ ﺍﻧﺘﻲ ﻋﻨﺪﻱ ﺗﺴﻮﻳﻦ ﻓﻠﻮﺱ ﺍﻟﺪﻧﻴﻪ
ﻛﻠﻪ
.
.
.
.
.
.
.
. ﻳﺘﺒﺒﺒﻊ
ﻫﺬﺍ ﺍﻟﺒﺎﺭﺕ ﻫﺪﻳﻪ ﻟﺰﻣﻴﻠﺘﻲ ﺍﻟﺼﺪﻳﻘﻪ ﺍﻟﻜﺎﺗﺒﻪ ﺍﺳﻦ ﺻﺒﺎﺡ asen223344 ﺑﻤﻨﺎﺳﺒﻪ ﺳﻼﻣﺘﻪ ﻭﺻﺤﻮﺗﻪ ﻣﻦ ﺍﻟﻐﻴﺒﻮﺑﻪ ﻭﻳﺎﺭﺏ ﺗﻜﻤﻞ ﺍﻟﻔﺮﺣﻪ ﻭﺗﻄﻠﻊ ﻣﻦ ﺍﻟﻤﺸﻔﻰ ﻭﺗﺮﺟﻊ ﺍﻻﺑﻨﻪ ﺑﺠﺎﻩ ﺍﻟﺤﺒﻴﺐ ﻣﺤﻤﺪ ﺍﺫﻛﺮﻭﻩ ﺑﺪﻋﻮﻩ ﺣﺘﻰ ﻟﻮ ﺑﻘﻠﺒﻜﻢ
ﻻﺗﻨﺴﻮ ﺍﻟﺘﺼﻮﻳﺖ ﻭﺍﻟﺘﻌﻠﻴﻖ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤