#بارت لعيونكم
#سلاسل_العاشقين
#بقلم رفل الكناني ✍✍✍
#بارت 22
يمان يكول
يبت كلبي العشك جتال
بس تارسني حنيه
أمنيتي قبل ماموت
جانت شوفتج هيه
أريد اهواج كد الكون
أريد اعشك سوادينج
أريد امشي بدرب بس انتي كون اوياي
أريد افرح انا بعينج
أريد اشتم انفاسج واترس الريه
احبج حييل يبنيه
،،،،،،،،،،،،،
أيام مرت مرتاحه يمان عوضني ونساني كل يوم أسود شفته بحياتي يوم بعد يوم كمت ااتاكد فعلا يمان صار انسان ثاني يوميه قبل طلعته لدوام يمرلي اشوف الكشخه والعطر يفوح اموت قهر اضل احمس بروحي أغار وهوه يضحك عليه
لج شبيج قصص وروايات عراقية كرار صلاح
شنوو لابس رصاصي انت ابيض شيطلع عليك
هسه شون انزعه
اي روح بدله
والله مضل وكت ياعيني دكولي روح الله وياك داروح مرتاح
جريت عيني درت وجهي قبض ايده خلص خلص لتعنفصين راح ابدله امري ل الله
طلع واني واكفه وره لباب فات لبيتهم دقايق وطلع بتشريت اسود وكف يم السياره ضربت كصتي داخلي اكول لوباقي عل رصاصي اشرفلي دك هورن جفلت رجع السياره اشرلي براسه فوتي هزيت جتفي
ما
ضحك باسني بلهوه ضحكت ودريته فر السياره وطلع
فتت اضحك عل عقلي صاير هل كدوته يمكن حيطير من وراه طلعت علا مبوزه الخلقه مكلوبه مبدله وشايله جنطه ملابسه تعدتني ضليت اباوع هاي وين راحت فتحت باب الشارع وطلعت فتحت عيني هاي خبله و الله موصاحيه وين موليه من الصبح
علا علا مجاوبت
فتت امي مدنكه تلم الخبز الناعم داير مداير الصينيه كعدت صافنه
يمه شبيج راح يمان
اي يمه راح اكلج يمه جنتج وين راحت من الصبح
رفعت رأسه طبكت حواجبه... منو علا
اي لعد عندج غيره
شبيه وين راحت
مادري شو لا سلام لا كلام شايله جنطته وطلعت احاجيه متجاوب
دنكت تكمل مادري والله يمه غير اخوج يدري
سكتت يجوز صدك شعلينه احنا
كل ضنه صادق يدري بيه مر اليوم للضهر اجه فات للغرفه وطلع سئل عنه كناله مندري تخبل كلب البيت كسر الغرفه شال روحه ولطخه حلف حلف بعد مترجع ولاتصيرله مره اني وامي وحده تباوع للخ شهل وكاحه شهل صلافه تطلع بدون علمه شون مين جابت هل جراء مادري سواه صادق صدك وحرمه عل روحه لاندري لبينهم شنو ولانعرف ليش زعلت احنا نحاجي يكول لوتموت مترجع شون تطلع واني مادري لاروح ولا اكلبه تركانه صدك طلعته من البيت راحه لكل البيت جانت صلفه وكحه لسان وترادد امي الوحيده لتحمس بروحه دكوم وتكعد يمه وضناك لاتضيعه بينكم طفل يصحيح طبه طب خل تولي طكت روحي منه وصخه صلفه كرهته
يمان كل يوم يمنه يتعلل مرات يجي من الدوام كبل البيتنه احضرله الغده خاله بشرى تجهز وتجيب وتحط كله بكيفه لادخلت ولاحطيت روحي كل هاي الامور متهمني اليوم كلي اجي من وكت لاتتغدين نتغده سوه بقيت انتضره تاخر خابرته
هلو حبي
هلو حبيبتي
وين صرت تاخرت
مصطفى مصخن خابروني داودي دكتور
سكتت شي بيه رجف منو خابره هيه موهيه مادري
الو يسر شبيج
سلامتك شوكت تجي
لاتنتضرين اتاخر
تمام
سديته فكري يودي ويجيب للمغرب فات شايله خاله بشرى كاعده توه تسولف وتشكي بي خلاه بحضنه وذب علاكه الدوه يمه رفع نفسه يباوعلي رافع حاجبه كمت للمطبخ لحكني
خليت الكلاص املي مي من البراد وكف بصفي
شنو ماكو الله يساعدك
الله يساعدك كلته منصيه
سكتت رفعتله لكلاص اخذه شرب وجرني من ايدي عل صدره
شبيج
مابيه
عل يمان
رفعت عيني بعينه .. شون جبت مصطفى
تنهد صدره رتفع ونقبض .. عرفتج والله بابا شبي عقلج لج هذا قافل عليج .. اشر عل كلبه
هذا شديكلج .. اشر عل عقلي
دنكت... تدري بيه اغار
اي ولمن ادري احرك كلبج لو شنو
مادري قصص وروايات عراقية كرار صلاح
موصاحيه وحق الله لج اني اشوفج ضايجه ينسمط ابو ابويه انوب اقهرج
لعد منو جابه
خاله جابلياه لراس الشارع اخذته دكتور وهسه جبته راح اخذ امي توصله الامه
سكتت حضني لزم وجهي بيده باس شفتي وبتعدنه
بطلي خبال
اخذ ايدي فتنه للهول كعدنه يمهم اخذت مصطفى بحضني ساكت يباوع بلوجوه بسته
فدوه يمان هذا كله انت
بعدني ماشفت رده جرته خاله بشرى من ايدي
جيبي جيبي يستغرب ابنه النه ويمان الج
أنت تقرأ
سلاسل العاشقين
Mystery / Thrillerقصة جديدة للكاتبة رفل الكناني 😍 افترقنا، و انتهت علاقتنا،، لكن لم تختفي ذكرياتنا، ذكريات اصبحت تُرهقنا و تُدمي قلوبنا بعد ان كانت ترسم البسمه على مُحيّانا، و لم ينقطع الحنين و الشوق لليالٍ طِوال قضيناها سِوياً ، الحنين للحظات اختطفناها من الزمن نت...
