Ning ang k nuka tihi ang mitidu,
Wayung bakla ha ang miya lai tim he dong ba k,
Ning ang k kana k tihi ang mitidu,
Daono beren gadak paika, ning la kanaya ma.
Alu krang duko ning? Nadi bumu jalang ka? —
Haiger bu grao k-- Nini mokong elai rogong ha prong
Nuba giri ko, nini khanai gisim
Gisi, gdain-gdain rigusa daoblaiba lai.
Ejang nai haya lao, gainsong haya lao,
Gainsong ka ning ning khana nang, kandrikma,
Gu baren bringba k, ang k
Longthai bakla ha prong, hagra khetra ha prong
Ning khana nang. Khana ka la nadi bao nang?
Nuka la nadi thinang? Mini nang na jikrao nang? —
Paithai-sanaithai jayaba ni,
Mitiya dangya — Ahladdha!
Hai, nadi tima ko!
Ang la pailaba misai hamlaithai jimane paiba lai,
Prik-prik kaising gurudi pontho ha kaising paiba lai —
Lama giri ka bo, kim-bothor ni dao lai!
Hajing lai ani khani grao yaosiji ha taoblaiya,
Glai lang la du — ulai ning ang bo mothaoblaiya,
Riku jao la du!
