#وجعي انا 🖤🔥
(حقيقه)
Part2
ب قلم :منى المجبري
خشت غزلان للمطبخ وفتحت شباك المطبخ ، وعزقت حيطه ع روشن الجيران المقابل
معتز ب عيون يلمعو : استحشتك ياعمري وين مغيبه
غزلان ب دموع: بابا وماما يتناشبو وآخر مره طلقها وتوا قاعدين هك
معتز بتاثر:لا حول ولا قوه الا بالله العلي العظيم ربي يسرللكم اموركم ونا جنبك متخفيش يا ضى عيوني
غزلان ب حب وامان: ربي يخليك ليا يا حب طفولتى
معتز:امتى ب تبدي اداومي المدرسه كساد بلاك
غزلان:والله مانعرف مرات محمود يستغل فرصه طلاق بابا وماما ونقعد هك مفش مدرسه
معتز: يحلم تجي غصب عنه إلا مستقبلك ساد هما هدمو ارواحهم متخلش شى يأثر عليك
غزلان: حاضر توا نشوف شن يصير لازم نسكر الروشن رد بالك ع روحك
معتز: من عيوني وحتى انتِ رد بالك ع روحك ومتبكش منحبش ادموعك السماح ينزلن
ابتسمت غزلان من وسط وجعها وبذالها معتز ب نفس الابتسامه شيرتله ب يدها ب باي❤وسكرت الروشن وحطت طنجره ع النار فتحت دولاب المواد الغذائيه
غزلان ب تفكير: اوف مفيش إلا مكرونه نديرها وخلاص ع طرفين دجاج يمشي حالها
وبدت اطيب مكرونتها❤
(حطت زيت وقرضت بصله وحطتها ف الطنجره فوق الزيت وخلتها شوي وحطت عليها طرفين الدجاج🤤 وحطت 2 ملاعق طماطم حكه وملعقه وشوي ملح وملعقه فلفل اكحل وملعقه ابزار وربع ملعقه فلفل حمر وقلبتهن مع بعضهن وخلت الطماطم لين يطيب❤ بعدها خذت كأس اميه وكباته عليها وغطت طنجرتها لين يطيب المرق وكسرت مكرونتها ووتت السلاطه❤وبعد ربع ساعه حطت المكرونه ف المرق ❤ وخلتها لين طابت بعدها غرفت وطلعت ب السفره🔥الطريقه للبنوتات المبتدائات والى عمرهن ماخشن للمطبخ تعلمن ع حالكن سلم بنياتي😒😂❤)
حسن ب براءه: واخيرا طابت
غزلان: غير انشاءالله تاكل وانت ديما دير ف حوسه وتسمع الجيران ع الفاضى
ريما ب طفوله: وف نهايه يسيب الصونيه زي ماهيا
ريم: به هي اسكتو وانتو 24 ساعه تناقرو
قعمزت غزلان وقعدت تبردلهم وتعطي فيهم ،
حسن ب براءه: هيا غزولتي بطني دير ف صوت جعانه
غزلان ب ضحكه: وسع بالك كنك ساكن توا نعطيك ساخن يلذعلك السانك
ريما تناشب: بشويا شويا غزلان مش مستعجلين🙃
شبحلها حسن ب نظره تقتل ، شبحت ريم ل غزلان وضحكو ع برائة الصغار❤
ريم: هي قعمزو كولو واحترمو الطعام ماتكلموش ع الماكله❤
ريما &حسن ب حماس: حاضر
غزلان:سمي بالله وكل مايليك هي صغاري الحلوين سمو بالله
ريما &حسن : بسم الله
بدو ياكلو وغزلان وريم ياكلو معاهم وقفت غزلان وشبحت ل خوتها وقلبها وجعها💔 وقفت ماكله
ريم:خيرك كملي ماكلتك
غزلان ب غصه: لا الحمدالله شبعت
وشبحت ل خوتها وقالتلهم
أنت تقرأ
وجعي انا 💔 ( روايات ليبية )
Romanceللكاتبة : مني المجبري هل ممكن ان يأتر وجع علي حياتك . رواية من داخل المجتمع الليبي 🔥❓
