#وجعي انا 💔🔥
(حقيقه)
Part11
بقلم:منى المجبري
حليمه ب فرحه: اي كنت عارفه ه ينفك السحر وطلقها ومتجيبش ف صغار اصلا
صالحه بصدمه: تي علاش طلقها مشاءالله عليها
فارس ب هستيريا ودموع: عشان نحبها نحبها و ربي حبيتها
حليمه ب صدمه؛ كيف تحبها وطلقتها شن تحكي
فارس ب دموع زي الطفل: لان اني منجيبش ف صغار اني عندي عقم تريحتي هكي تريحتي
حليمه ب عدم استواعااب: هها ايش كيف كيف
صالحه: لاحول ولا قوه الا بالله
فارس: اي السبب مني اني واني منقدرش نحرمهامن الصغار
وقعدت يبكي وحليمه تبكي 💔 وصالحه وجعها خوها
وهكي يكون دور فارس انتهاء ف حياة غزلان
(نقابل ناس نفارق ناس ومشيه الحياه عادي حال الدنيا بيتغير مابين الثانيه والثانيه ه نعمل اي🔥)
/////////////
تسريع الاحداث
بعد مرور 3 شهور
رمزي: والله وضعها يبكي اليهود
سعاد: الله غالب نصيبها
رمزي: شوفي كم لها كملت عده الطلاق ومازلت حايسه روحها وتبكي لازم انطلعوها من الحاله الي قاعده فيها
سعاد: اي نفكر ندز ع خوتها هما اكثر أشخاص تحبهم ومتاكده ه يطلعوها من وحدتها
رمزي: اي خير ماديري وياريت تحكي مع بوهم توا ويدز الصغار
سعاد:انشاءالله يوافق بس
رمزي:بعد يعرف وضع بنته صدقيني ه يدز الصغار
سعاد: توا بعد الغذاء نرن ونشوفه توا قعمز نحطو انتغدو
رمزي: اي ، كلمي غزلان تاكل معانا
خشت سعاد تكلم ف غزلان
سعاد: نوضي كولى وصحصحي محد ب ينفعك إلا صحتك
غزلان ب حزن : منبيش معندش نيه
سعاد ب حزن: مش معقوله هكي عايشه ع السوائل وخلاص نوضي سلم بنيتي راه ربك ماينسه حد وهوا مسبب الاسباب بالك فرقكم لان هكي خير لكي
غزلان ب اقتناع: ونعم بالله
سعاد: هيا عمك رمزي واجعه حالك نوضي كولى معانا وطمنيني عليك
غزلان ب كسره؛ حاضر جايه
طلعو تغدو ولمة سعاد المواعين وغسلتهن ورنت ع حمدي
////////////
حمدي: خلاص شيلي الي ع طاوله
ريما: زيد كول
حمدي : كليت الحمدالله
قطع عليهم صوت رنت فون حمدي
حمدي:السلام عليكم
سعاد:، وعليكم السلام كيف الحال
حمدي:الحمد.الله شن اموركم انتو وكيف حال غزلان توا
سعاد: غزلان مش كويسه بكل
حمدي ب خوف: خيرها شن مزالت زي ماهيا
سعاد:اي نفكر ادز الصغار ل مصراته يغيروا جوها شوي
حمدي ب تفكير: اي حتى هما مستاحشينها وخايفين عليها
سعاد: خلاص امالا دزهم وب المره يغيرو جو
حمدي: اي بس ف طيران لان نخاف عليهم
سعاد: اي غدوه اكيد ف حجز
حمدي: تمام انشاءالله خير
سكر حمدي الخط وشبح ريما تشبحلها وعيونها معبيات ادموع
ريما: خيرها غزلان شن صارلها
حمدي؛ مفيش شى غير نفكر ندزكم ل مصراته تغيرو جو
أنت تقرأ
وجعي انا 💔 ( روايات ليبية )
Romanceللكاتبة : مني المجبري هل ممكن ان يأتر وجع علي حياتك . رواية من داخل المجتمع الليبي 🔥❓
