وجعي انا🖤🔥
(حقيقه)
Part3
ب قلم :منى المجبري
حمدي: قعمزو نبيكم ف موضوع
ريم : خير انشاءالله
محمود: شني في
حمدي: أمكم امس جابت ولد
غزلان ب فرحه: يعني ب تردو
ريم : وواو شن ب يسموه
حمدي ب عصبيه: لا مش ه نردو غدوه ب توصلها ورقت طلاقها غير حبيت نقوللكم منندرش عليه ومزال ماشفته
ريم ب احباط: انشاءالله خير
حمدي ب جمود: وغدوا ب نجيبه لكم
غزلان ب صدمه: بس صغير ومحتاج ل ماما لين يشد روحه
حمدي: هيا ماتبيش ومتخليه ع حضناتكم
وناض وسيبهم تحت ثاثير الصدمه💔
ناض كل واحد وهوا يفكر ب طريقه مختلفه وشن بيصير ف المستقبل وكيف ب يربو البيبي
غزلان ب هم: كيف ب نربو البيبي
ريم ب ايمان: ربي يساعدنا ونقدرو نهتمو بيه
ريما ب فرح: يعني ب يجينا بيبي توا
غزلان:اي بس نبيكم اتعاملو معاه ب لطف ومحد يرفعه اتفقنا
حسن ب تفكير: امم لو رفعته نخليك تساعديني بيش نرفعه
ريم ب ضحكه:هههههههه غير يجي شكلكم ناووين ع خير
ريما ب تسال: غزلان
غزلان: نعم
ريما:يعني ماما متبيش خونا الجديد صح
غزلان ب قهر: لا ياروحي غير ماما تعبانه ب تعطيني البيبي نهتمو بيه لين يكبر
ريما ب استواعب: اها
شبحت غزلان ل ريم ب نظره قهر 💔
ريم: هي تعالو نديرلكم انصاص جبنه تاكلوهن وترقدو عشان غدوه دراسه لازم تنوضو ناشطين
حسن: لا مانبيش جبنه نبي حلوه معجونه
ريم : به الحقوني للمطبخ
ناضو ولحقو ريم وقعمزو يتناشبو لين كملت ريم دور الانصاص❤وعطتهم
ريما: شوف نصي اكبر من نصك
حسن: عارفه ليش نصك اكبر من نصي وريم دراتلك اكبر
ريما ب تفكير:ليش
حسن: لان انتِ ف حجم الفيل لو ماكليتيش ماكله كويسه تاكلينا
ريما ودموع ف عيونها: ريم كلمي حسن يعيب عليا
ريم ب نرفزه: ريحو ارواحكم خير ماننفصل عليكم
ع خشت غزلان
غزلان: خيركم شن في أصواتكم وأصله ل حوش الجيران
ريم: يتناشبو ع حجات تافه حسن يقول ل ريما ان هيا سمينه زي الفيل
قعمزت غزلان جنبهم وقالتلهم
غزلان: انتو خوت لازم تحبو بعضكم وتكونو سند ل بعضكم وبعدين كيف يا حسونه تعيب ع خلقت ربي وريما دبدوبه وتهبل عندها شدوق شوف كيف حمر وحلوات مفش حد شين كل واحد ربي اميزه ب ميزه والى ف نظرك عيوب ف نظر غيرك مميزات
حسن ب اقتناع: إني اسف
ريما ب ابتسامه بريئه: سامحتك❤
ريم : هي كملو انصاصكم وخشو رقدو
حسن &ريما: حاضر
كلو الي ف يديهم وخشو رقدو وخشت غزلان وريم رقدن وهنا يفكرن ك العاده ف غدوه🔥
____________________
(سنجد ما نريد يوماً ما وسنفرح لحدوث
أشياء تمنيناها طويلاً ، إنَّ الله لا يخذل من آمن به وأحسن الظن برحمته 💙)
___________________
أنت تقرأ
وجعي انا 💔 ( روايات ليبية )
Roman d'amourللكاتبة : مني المجبري هل ممكن ان يأتر وجع علي حياتك . رواية من داخل المجتمع الليبي 🔥❓
