#وجعي انا🔥💔
(حقيقه)
Part6
ب قلم: منى المجبري
معتز ب صدمه: خيره وجك هكي
غزلان ب دموع: محمود ضربني
خبط معتز الروشن ب ايده لين انكسر ونجرحت يده
معتز: الحقير كل حاجه ضرب عنده السوسه
غزلان ب خوف: يدك دم امشي داوي جرحك راه يصيرلك حاجه
معتز ب صوت مهزوز: انتِ دواء إجروحي كيف ب يبعدوني عليك
غزلان ب دموع: نصيبنا 💔
معتز: تهربي معاي
غزلان ب خوف: مستحيل انا راضيه ب نصيبي
معتز : يعني راضيه انك تبعدي عليا
غزلان: مش ب يدي والله والى كاتبه ربي ب يصير
معتز: صار هكي خليني نخش خير مايركبني الضغط
غزلان ب دموع: ماتزعلش مني عارف اني قد ايش نحبك
معتز: لا معاك حق هي سلام
وخش وسكر وخشت غزلان وهيا تبكي 💔
تسريع الاحداث ، جا يوم الخميس وقرو فاتحت ريم
غزلان ب دموع: مش مصدقه انك ب تمشي وتسيبينا😭
ريم: الله غالب نصيبي ادعي يكون كويس بس
غزلان: ربي يجبر ب خاطرك ويعوضك ع تعبك معانا يارب
ريم ب حب : يارب
سلمت ع الصغار وحضنتهم وسلمت ع بوها وطلعت ل راجلها اللي اول مره تشوفه حتى مقابله مدروش💔
❤الخير في ما اختاره الله❤
ركبت السياره
ريم: السلام عليكم
مؤيد: وعليكم السلام
شبحتله ريم واستغربت وفتحت فمها من صدمه
ريم ف خاطرها: اه محلاها وصغير واني الي كنت نحسابه شايب
مؤيد ب لطف: اوو وين رحتي
ريم ب احراج: قاعده
مؤيد: مبروك علينا
ريم: الله يبارك فيك
مؤيد:عرفيني ع روحك 😊
وقعدو يهدرزو لين وصلو ل حوشهم ❤
/////////
محمود:اهو الحمدالله وحده من البلاوي اجوزت
امينه ب خبث: معقوله اختك ادير علاقه وانت وين كنت راقد
محمود: والله نطلع ومنقعدش بكل استغلت الفرصه الحقيره لكن خذت طريحه رباش القبور ومستحيل تاخذ معتز
امينه: اي انت راجل الحوش بوك راجل كبير وصحته ب الهون لازم حتي الولد ياخذ قرصه وذن لانه كان مستهين بيكم وبيش معش يعاودها
محمود ب تفكير: اي اي ماعنده وين هارب مني
بعد مرور 3 ايام
رنت ريم تطمن ع خوتها
ريم: والله استحشتكم واستحشت لمتنا
غزلان: توا تجي تباتي معانا معندكش وين هاربه منا
ريم: اي انشاءالله
غزلان: اهم حاجه كويس وميصربش فيك
ريم: لا الحمدالله متريحه معاه ذوق وأسلوب بكل
غزلان: الحمدالله ربي عوضك خير
ريم: هي وجك ياحنه نبي اندير الغذاء
غزلان ب ضحكه: ربي يعاونك يا مدام سلام
أنت تقرأ
وجعي انا 💔 ( روايات ليبية )
Romansaللكاتبة : مني المجبري هل ممكن ان يأتر وجع علي حياتك . رواية من داخل المجتمع الليبي 🔥❓
