ادعى اللقيطة (باللهجة الجزائرية)

الحلقة 23 و 24

سندس تحكي:
عارفة أنو قيس ما بغاش روحتي و في نفس الوقت ماقدرش يمنعني ،عارفة أنو فاهمني ،و فاهم بلي نحتاج أمي حتى لو في هذا العمر
شكرت عمي ابراهيم و خالتي فريدة و خرجنا ،
لحقنا لواحد البلاصة ،فيها فيلات كبار باينة تاع ناس مرفهة ،شويا و دخلنااا طوموبيل  لحديقة كبيرة تهبل فيهااا مسبح و شجر ، و وورد ،دخلنااا للفيلا تهبل ديكورها حديث و كل واش فيها ،صراحة بقيت حالة فمي جامي كنت من المجتمع هذا
فريدة : عجبتك؟ اسنايي تشوفي غرفتك
ماخلاتنيش ننطق شدتلي يدي و طلعنا فتحت البيت و قالتلي : ادخلي بنتي
حطيت يدي على فمي من دهشة أنا:هذي لياااا ؟؟؟
فريدة: إيه ليك و فيها كل واش تحتاجي حتى أني شريتلك حاجات تلبسيهم ،إذا ما عجبوكش نخرجو نزيدو نشرو .
روحت ليها عنقتهااا بكل قوتي ،الإنسان مهما يكبر يحتاج لي يهتم بتفاصيل ،
أنا :صحيييت صحيييت أمي 😱😱😢😳
فريدة : و غذوا يجي محامي تاعي باش نغيرو أسمك و تاخدي إسم عايلتك ...
أنا : منك بصح ،😱 ،راح يولي عندي أسم ،راني طايرة من الفرحة ماما ،دنيا أخيرا بدات تضحك في وجهي 😍😄
قيس يحكي :
من بعد ما راحت ،روحت تسطحت في بيتي و حاولت نرقد ،ماقدرتش  حسيت بفراااغ كبير ، و صورتها تجي بين عينيااا ،ضحكتها ووجهااا ... اوووف ،هزيت تيليفون و عيطتلها ،شويا و هزت
أنا: و هذا بديتي تنسانى من أول يوم !
سندس:ههههه و الله والو ،هذا وين أمي راحت .
أنا: مممم سما وليتي ما تقعديناش
سندس : لا قيس ،علابالك ...
قاطعتها أنا: تواحشتك ما دانيش نوم 😭
سندس:هههه مام أنا تواحشتك 😍
حكينا شوياااا ، حكاتلي على الفيلا ،و بيتهااا و على تغيير إسمها  كانت فرحانة ،نفرح كيتفرح 😃
سندس تحكي: صونا تيليفون لقيتو قيس حكيت معاه حكيتلو على كلش و رقدنااا ، في صباح نوضت على صوت أمي تفيق فيا قالتلي :سندس ألبسي و هبطي شويا و يكون المحامي هنا
أنا خديت دوش لبست غوب قصيرة صدري باين شويا  و هبطت لقيت وحد شخص في صالون يخزرلي بظرات غريبة من فوق التحت و يخزر لصدري شويا و دخلت أمي
فريدة : سندس هذا المحامي لي خبرتك عليه هو يدي اليمنى في شركة أيمن .
أنا: أه ... ممم سلام سي أيمن ، و مديتلووو يدي مد يدو و صافحني مابغاش يطلقي حتى جبدتها من عندو قعدنا ، و حكاتلو ماما الوضع
أيمن : لازم أنا نروح ،و نبدا الاجراءات ماطوليش و ترجعي بأسم باباك نشاله ،و راح...