ادعى اللقيطة (باللهجة الجزائرية)

الحلقة 7و8

قيس يحكي:من اليوم لي حكيتلها حكايتي رجعنا أصدقاء ساعات تحكيلي واش عاشت واش جوزت و انا كيف كيف نضحكو نخرجو ،معلاباليش حسيتها حنينة بريئة ضحكتها تهبل بعكس ماريا لي كانت قوية ما يهدها لا جبل لا والو واش لي جاب ذهب للفضة ، حسيت نفسي تغيرت ماوليتش نشرب ماوليتش نبات مع البنات ماوليتش نخمم في مارياااا باسكو كنت نشرب باش ننساها ننسى محبتي ليها و كيفاه جازاتني ،وليت كل ليلة نخمم في البريئة لي قدااامي ملاكي بديت نعجب بيهاااا ريتها مختلفة على كامل لبنات مانقدرش نهار بلا شوفتها و نحكي معاها ...في يوم جيت فايت من الحومة و نلقى سندس مع رااااجل ،دمي ولا يغليي عينيا ولاو دم عروق يديا بانو من العصب الغيرة عماتني كيفاه توقف مع رجل غيري روحت ليهم شديتووو من رقبتووو :شكونك أنت علاه راااك معاها سندسسس شكون هذا العبد حابة ترجعيني قاتل أه ؟ موتك على يدي...

سندس تحكي: كنت مع مدير الميتم و نلقى قيس زدم علينا شد المدير من رقبتووو و يقووولو شكون انت عينيه دم مايبشروش بالخير أنا تخلعت تنفضت نبكي و نجبد فيه :قيس تعيييش بعد منو أصبر نفهمك .عطاه بونية لوجهووو طاح ،و المدير مافاهم والو المدير:واش راه صاااري سندس ،أنا تلبكت مالقيت ما نقول خزرت فيه قلتلووو :عمي روح من بعد نتلاقاو .راح هو و أنا نخزر في قيس لي قريب يضربني في عينيه حقد و كره خلاني و راح و انا جارية وراه ... قيس قيس تعيش أصبررر نفهمك تعيش ماتفهمش كيما حبيت .رغم أنو ما كان بينتنا والو مي حسيت لازم نبرر موقفي كان يهمني يعرف بأني بريئة ... شديتو من دراعووو قيس تعيش هذااا مدييير الميتم خزر فيا بشط عين و قالي :هيه و من بعد؟ شديتو من يدو و مشيتو :أيا نقعدو هنااا و نحكيلك .
قعدنااا و حكيتلو علاه حوس عليااا
أنا:قيس ماما لقاتني و راهي تحوس عليااا جات للميتم و المدير جااا يخبرنييي نظرت قيس تبدلت ولا يخزر فيااا و يسمع يحب يعرف و كأنو ماش شخص لي كان ...قيس:هيه؟كملي.
أنا : قلتلو ماتعرفني مانعرفهاااا ما تحوسش علياااا
تربيت وحدي شفت الذل و تحمات كلام النااااس سندس لقيطة والفت بيها هذيييي مانسحقهاش في حيااااتي من بعد  هذا الوقت ربيت روحي برووووحي ،وقفت و نهدر: هذو سنين وين كانت علاه ضميرها هذاااا وين فااااق طيحت في الارض و بديت نبكي نبكي ...جراااا ليا قيس وعانقني حسيت بدفا في حضنو ما حسيتو مع حتى واحد و كأنو ربي بعتهولي يكون سند ليا ...