ادعى اللقيطة (باللهجة الجزائرية)

الحلقة 17و 18

سندس تحكي : تعدااااو يامات من لي شفت يمااا صح كنت حابة نعرف عايلتي و نعرف سبب لي خلاهم يخلوني بصح نقمت عليهم قاسيت بزاااف و مالقيت حد معاااي  ،واش ذنبي أنا ؟
كنت نغسل في مواعن نلقى يد تحطت علياااا مع لتفت لقيتها لي راهي تقول أنا يماااك  ،بلا ما نخمم شديتلها دراعها
أنا:أخرجيييي علياااااا ماباغياش نشوووفك
نواال:...... 😖😥
جراااقيس: عمري واش كاااين غير الخير ؟
أنا : ....
قيس:ايجي معاي سندس دقيقة نهدر معاااك ،مدااام أسناي شويااا راجعين
جبدني لبعيد و تكلم
قيس: سندس حبيبتي أعطيها فرصة تبرر موقفهااا أسمعيلها ولو مرة وحدة خليها تصلح غلطتهااا يمكن حتى هي مظلومة ...
خممت في كلامهم و روحت ليهاا
أنا: تفضلي راني نسمع فيك !
قيس راح و خلانا نحكوووو

نوال :
حبيت  شخص اسمو حليم  لي هو باباك عشقته نموت على جاله و هو ثاني حبني و حسسني بلي أنا كل واش عندوو دامت علاقتنا عام، كيما كان الحال جااا خطبني من بابا و  هو رفض علاقتنا و حاول يفرقنا بشتى الطرق و عذرو أنو كان قد حالو و أنا مرفهة كيما قال بابا ماش من مستوانا ، حبسني في بيتي قطع عليا كل شي،في وحد ليلة خططنا و هربنااا وفاء بالوعد تاعووو تزوجنااا بصح في وحد نهااار و حنا بالسياااارة عملنااا أكسيدووو 😥😥😥😞😞😞 مات حليم حبي و كل واش عندي من بعد ما تبرى مني بابا ،و أنا عرفت أني حامل بيك ....
تبكي و تهدر و توريلي في صور قديمة
أنا قلبيي تقطع من كلامهاااا حسيت صح الدنيا ظلمتهاااا
نوااال: من بعد جا بابا داني ،كيما كان الحااال لحقت الولادة ،فقت و قالولي بنتك ماتت ،واش بقااالي من حليم خسرتوووو ، زوجني بابا بأحمد كان ناس ملاح معااايا بصح ماحبيتوش مات عندو سنين بأزمة قلبية ،و قبل ثلاث شهور توفى بابا و ورثت عليه كل شي و في الخزنة تاع المكتب تاعه لقيت أوراق يثبتو بلي أنت حية و الميتم وين حطوك كل شي على حياتك حوست عليك حتى لقيتك و راني قداااامك ....