الحياة حلوة لما نعيشها ببساطة ( روايات ليبية )

حلقة 4🔥

الحلقة الرابعة من رواية
#الحياة_حلوة_لما_نعيشها_ببساطة 
.
.
مؤلفة الرواية #حنو
.
.

.
.
.
.
.
عهد..شن تبي فيا 😕
هاني نزل ع ركبيه وقاللها..تتزوجيني 💍
عهد مكانتش متوقعة الشي اللي بيقوله بكككل ولا كان ع البال ولا ع الخاطر استاكت وقعدت تشبحله..😳😳😳
هاني..جاوبيني 😊😊
عهد..ءءءء ايه اكييييد
هاني..اوك 😊 خلاص هي توا روحي واهلي حيتفقو مع اهلك
وكانت طايرة من الفرحة شن اللي غير هاني هكي
.
.
.
قبل ساعة
هاني..والله ابديت نحبها معاد نقدر كل مانشبح لي مكان نتخايلها ياااربي لا اماليا حيقبلو بيها ولا مستوانا زي بعض هي لوطة واني فوق بس خيرك ياهاني عمرك ماعدلت ع المستوى اووووف اني لازم ننساها لاااازم وحنمشي ناخد خاتم ونطلب الزواج من عهد اي عهد اصلا هي خطيبتي خلي نمشي توا واصلا لما نتزوج حننساها حلا ايه هدا الصح 😃
وهدا اللي صار قبل ساعة
.
.
.
الاء..حي شوفي
اني..شن
الاء..هاني وضعيته كأنه يطلب في الزواج او حاجة زي هكي
اني وين قالتها تقول موس خش في قلبي هه اصلا شن كنت متوقعة ان يجيني ويقولي نحبك احلام فارغة😣😣..ربي يهني سعيد بسعيدة هي بسرعة قبل مايفوت الباص 😔😌
الاء وكأنها لاحظت عليا..اي هي 😕
مشينا وركبنا الباص روحنا وكان جوي اخي خشيت الدار وتمددت ع السرير..اني خيرني هكي مضايقة شن صارلي توا كنت نضحك اوووف معقولة نطلع نحبه ؟ تي شن الخرابيط هدي قال نحبه قال هه 😒😏
خشت الاء..حلا يا حلا هييي حلااااا
اني..ها خيرك❗ ولوحت عليها المخدة
الاء..خيرك شن في
اني..ولا شي😒راسي يوجع فيا بس خليني نرقد
الاء..باه ارقدي
خشيت تحت البطانية ودفنت راسي تحت المخدة وابدو الدموع ينزلو معاد قدرت نسيطر ع روحي 😭😭
.
.
.
.
عند هاني
حس بيضيقة في قلبه كل اللي يصير فوق من نفسه يشبح للعيلة فرحانة بالخبر قال المهم عيلتي فرحانة 💔 وقلبه مجروح ودمعته في عينه
عامر..هههههه اي حق ..وشبح لي هاني لقاه سارح..هاني خيرك 😕
هاني..ااه لا شي اي شن كنا ندوو 😣
عامر..شي
هاني..هي نمشو بوي نحددو العرس
علي..مستعجل 😃
هاني..حاجة زي هكي
علي..هي توا كلمته بوها وقال قاعد توا
مشو وحددو العرس بعد اسبوعين 😕
.
.
.
.
هالة..اسمعي ياحلا عليا قالت تبيك اديريلها تورطة العرس ره 🍰
اني..😦😦ءءء شنوو
الاء شبحتلي وشبحت لي ماما..وشن فيش غيرها
اني..ءءلالا عادي يا ماما تو نديرها وشبحت لي الاء ونضت 😞
هالة..شن في
الاء..ءءءءلالا تعرفيها يا ماما في قرب الامتحانات هكي يصيرلها😁
اني خشيت للدار وقعدت نبكي معقولة اني بالنديرلك تورطة عرسك 😭😭اننني ااااه ياقلبي اااه 😭😭
.
.
مشو الايام ودارو العرس واني نوتي في التورطة العرس اللي متكونة من 3ادوار وكبيرة كانت تساعد فيا الاء كانو بنات خالاته وبنات العيلة خشت وحدة للمطبخ والكل تغمروها ويقولولها هنادي
اني..من هيا هدي الاء
الاء..مانعرفش علمي علمك هي نكملو
وكانو طبعا البنات يتفرجو عليا كيف نزين وير فيها ومرة مرة يساعدو فينا
هنادي..كيف حالكم
اني والاء..الحمدلله
هنادي..اني اخت العريس😊
اني..ءء اهلا تشرفت بمعرفتك 😊
هنادي..وحتى اني
الاء..تشرفت بمعرفتك يا ؟
هنادي..يا هنادي
الاء..يا هنادي☺
هنادي..عادي خليكم طبيعيين قدامي ره اني مش زي ماما هههههه
اني فرحت ان في حد مش متكبر ووواو واخيرا 😃..اكيد 😍
ووها بنات خالاتها وبنت عمها ومشو فتحو الاغاني ومدايرين جو واني والاء قاعدين نديرو ساهرين ع التورطة
وعلى خشة هاني وعامر من باب المطبخ اللي يطل على الجنان وهما شادين صناديق اميا ويضحكو اني تلفتت طول طبعا كنا لابسين اوشحتنا اي
اني..شبحت لي الاء ودمعتي في عيني
عامر..اهلا بنات اووو حلا اديرلنا في التورطة معناها من توا ياهاني التورطة احلى حاجة حتكون
هاني ويشبحلي وضاغط على يده..ايه💔
اني..💔تسلمو
ونزلت دمعة مسحتها قبل مايشوفها حد طول بس شافني هاني
هاني..شفت دمعتها نزلت زعمك تحس باللي نحس فيه ؟؟ لالا باهي علاش دمعتها نزلت ومسحتها طول خلي نسئلها
هاني..حلا تبكي⁉
اني كيف شبحني 😳 حي شن بالنقول وشبحتله جت عيني في عينه كانو عيوننا يحكو كل شي تمنيت اللحظة هدي ماتمش بكل ثواني وعاود سؤاله عامر..حلا؟ حق تبكي؟
اني..ءءلا ههه شن نبكي بس مش عارفة ذن خش في عيني 😊بس هههه
الاء..😳اي هههه
هاني..هي يا عامر وقت 💔
عامر..هي 😉بنات نتلاقو فرصة سعيدة الاء 😍
الاء..😍😍😘
اني نخصت الاء والاء فاقت على روحها وقعدت ادير معاي جي تاني يوم كان الجو ولا اروع التنسيق الديكور😍😍😍 كل شيء حلو
الاء..واو محلاااه 😍😍 الديكور
هالة..هي يابنات مش وقت تفريجكم حطو حجاتكم ووتو الحلويات وكل شي هي هي
اني كانو الشغالات في كل مكان يجرو ويوتو كأن عرس ملك مش ولد عادي 😒 قال مطمعة روحي ان نحبه هه 😏 فجأة نحس بي قرصة زي السم من الاء..ياحمارة من بكري تكلم فيك عليا
اني..ءء😳
عليا..حنعاود الكلام مرة تانية وافتحو ودانكم زين 😠 مانبيش ولا غلطة نبي كل شي يمشي زي مانبي واهم شي ان لما تفرقو ردو بالكم تصير غلطة واطيح حاجة على شخص ماتحشمونيش 😠 فهمتوو
احني..فهمنا 😒
وابدينا نشتغلو وانحطو كان يوم متعب والاكتر اني
مشو جابو العروسة وجو خش هاني و عهد وكانت عهد تجنن 😍😍
اني واقفة ونشوف ودمعتي تنزل حااارة من موتت بابا معاد بكيت ولا نزلت مني دمعة بهالحرقة هدي نحس بقلبي يتقطع الف قطعة💔💔 ماكنتش متوقعة في حياتي ان اني نحب بككل😣 قعمزت في مكان بعيد شوية ومايشوفني فيه حد وبكيت وبكيت وبكيت لين عيوني وجعوني 😭😭😭
نضت وغسلت وجهي ومشيت اندير معاهم ومش عارفة روحي شن ندير 💔 طلعت واني رافعة صواني باش يقصو التورطة مع بعض وبعدها اني نبدا نقصها كانت المهمة هدي نتهرب منها مانبيش نشوفهم مع بعض قلبي 💔 مشيت وقويت روحي وحاولت نعفس ع قلبي ونخلي روحي عادية وقفت جنبهم
عهد..هههههوا انتي طلعتي خدامة 😝 😂 واني نقول اسلوب البيئة منين جايبتيه ههههه
هاني..عهد 😠
عهد..خفت ع شعورها ااه ؟؟
هاني..لا خفت ولا شي بس عيب المعاملة هدي في النهاية هيا بشر زينا زيها
عهد..متساوينيش بالخدامة هدي
هاني وهو ظاغط ع يده ويتكلم بين سنونه ..عهددد والله تزيدي كلمة نهارك 👌
اني..خليها تتكلم براحتها الدنيا دوارة 😉
سكتت عهد ومعاد تكلمت وهي الشياطين يتنطرو فوقها واني هه بس دفاعه عليا خلا شعور بداخلي يتحرك شكله اناقته اااه 💔 شن نقول اني هو اختار غيري وربي يهنيه معاها 💔
قصو التورطة وهما يضحكو مع بعض وصوروهم احلى صور مع بعض وكانو فرحانين وباينة الفرحة الصراحة احلى عرس واحلى عروسين نشوفهم مع بعض بس💔 ..
قصيت باقيها وكانو دايرين زي البوفيه مفتوح وكان فيه جميع مايسمي الفم 😍😍لا حب لا بطيخ الماكلة اهم شي اصلا 😍😍
الاء..خسارها الماكلة ابتتلوح هدي كلها؟
اني..هه هدم ناس الفلوس مايحسوش بالنعمة بككل 😣
الاء..بعض الناس طبعا مش كلهم
اني..ايه اكيد اني نقصد ع الناس المتكبرة 😕
وروحو الناس وروحنا احني بعد كملنا كل شي وعطتني عليا الف ع الخدمة والف ع التورطة والله طلعت كريمة اكتر من اللازم الصراحة بس مايبانش عليها بكل 😮
ووصلنا للحوش وكان اللي موصلنا عمو محمد 😍 نزلنا نجرو اني والاء وخلينا ماما وعمي محمد بالعاني 😂
هالة..هالمطيوشات هدم 😠
كيف ابتفتح الباب محمد سكر البيبان
هالة..العفو خيره مايفتحش
محمد..اني سكرته
هالة..😠😠افتحه مانلعبش اني
محمد..اسمعيني لحضة بس اني مش مطول بالنقولك حاجة يا هالة لي اخر مرة نطلب منك الطلب هدا هالة تقبلي تتزوجيني 😊☺
هالة..ءءء
محمد..نخليك تفكري الليلة وغدوا الصبح نبي الجواب لووو سمحتي ارجوك اعطيني فرصة اني والله رايدك ونبيك بالحلال 😍😍
هالة..ان شاءالله
نزلت هالة وهي متلخبطة مش عارفة حتى شن بالترد عليه وخشت للحوش وماكلمتش البنات بكل وخشت للدارها ومارقدتش من كتر التفكير واخيرا وصلت لي قرار وغدوا حتبلغه بيه 😉
..
نضت اني ساعة 2 معادش قدرت نرقد نزلت لوطة لي الجنان قعمزت في الدرجيحة
فتحت اغنية
مخنوووق😣 مشتاق اييي مشتاق 💔 وقعدو دموعي ينزلو زي المطر حسيت بحاجة على كتافي لقيتها الاء قعمزت جنبي وغطتني بكاب وفتحتلي يديها اني كنت محتاجة هالحضن طول ارتميت في حضنها وقعدت نبكي بشهقة معاش نقدر نشد اكتر من هكي قعدت نبكي ونبكي 😭😭لين دخت رقدت في حضنها 😴
الاء..😢اااه ياوخيتي ربي يطلعه من قلبك يارب ان شاءالله ربي يرزقك بولد الحلال اللي يحبك واللي يصونك مرات هدا مش خير ليك هدا باش ولو هو خير ليك مهما يصير انتم حتكونو لي بعض وزادت حضنتني وقعدت تبكي شوية وبعدين نوضتني وخشينا للدار 💔
.
.
نضنا تاني يوم اني غبت من الجامعة كنت مريضة ومش قادرة نمشي جتني ماما وقتلي ع عمي محمد وانها خلاص قررت انها بالتوافق 😍😍واخيرا في حاجة تفرح تغمرتها وتمنيتلها كل شي حلو😍😊😊
مشت ماما وقعدت بروحي نضت ودوشت 🚿وبعدها ضميت ودرت قهوة وطلعت للجنان نشرب في قهوة ونقرا في كتاب📓 ومرة مرة يجو في بالي ونقول زعمك توا شن يديرو اااه ياقلبي 💔💔
.
.
فاتو ايام وسمعت انهم مشو لي باريس شهر العسل 😏😞
.
.
.
ابديت نحاول نوقف ع رجليا وصحباتي مش مقصرين هما والاء بعد شهر ماما و عمو محمد اتزوجو وكنا بايتين اني والاء عند صاحبتي ع اساس اسبوع ومروحين لي حوشنا وعيلة صاحبتنا مش معارضين وافقو وفرحو بينا
اني..هنو بلكي نتقلو عليكم😞
هنا.ء..شن تقولي انتي صكفمك هوا اسبوع مانبيهش يمشي بكل هي هي حطو حجاتكم وتعالو نعرفكم ع عيلتي
اني و الاء..هي نزلنا معاها وكانو عندها 3 خوت ولاد وهي البنت الوحيدة والدلوعة نزلنا ومشينا معاها لي الصالون لقيناهم مقعمزين ويضحكو وفرحانين شن كان صار لو بابا قاعد حي ومعانا وفرحانين ومكونين عيلة زي هالعيلة اااه الحمدلله 😞 خشينا اني والاء
هناء..احم هدي ماما ماما هدي حلا وهدي الاء
امها..مشاءالله كيف مفرقتيهم والله مانفرق بينكم هههه تعالو بنياتي سلمنا عليها وكانت فرحانة بينا وسلمنا ع بوها وعرفتنا ع خوتها وكانو جوهم حلو😍😍الصراحة اني بروحي نقول في خاطري نبيهمش يفوتو الايام هدم بكل
.
.

نعرفكم ع خوتها احمد خوها الكبير مواليد 90 شاد مدير في الشركة انتعهم طويل وجنتل لحيته خفافي 😍😍وكل شي حلو عصبي وحزاار
.
.
فارس..خوهاا التاني مواليد 92 نفس مواصفات احمد بس هوا اشقر واحمد اسمراني 😍😍😍شاد الفرع التاني انتع شركتهم
.
.
فهد..خوها الصغير مواليد 95 هياجة وبس حياته ضحك ولعب وبصايري هلبا يقرا في الاقتصاد ☺
.
.
ركبنا مع هناء لي دارها طقت علينا الشغالة وكانت جايبة تشيبس وحجات مشقشقات 😍😍
الشغالة..قال احمد خدوهم وخلو منهم باش تسهرو بيهم الليلة
هناء..تي احسن واحد هوا به تمام طيري
مشت الشغالة واحني قعمزنا
اني..هنو علاش قتيلها طيري اكيد اضايقت يناري
هناء..لالا اني وياها ديما هكي تقول صحبات راه تي حتى كلبة وحمارة نقولو فيها غير متحشمة هيا قدامكم
اني..هههه باهي كوييس الاء خيرك ساكتة من بكري
هناء..تي اني زابطتها
الاء..ءءء شن زابطة خيركم 😳
اني..شبحناك كيف تشبحي لي خوها احمد
الاء..انيييي😒😒تفو ياخامرة انتي وياها مخكم مشي بعيد بككل
هناء..اي اصلا حتى هو شكله حب من اول نظرة احمد عمره مجابلي حاجة من غير مانقوله ولا شوفي شن قال قال باش نسهرو 😳😂
اني..غر قولي قولي
الاء..باه باه خلاص اسكتي انتي وياها خير ماننزل 😳😒😒
اني..ابتنزلي لي احمد😂😂
حدفتني الاء بالمخدة اني وهناء
اني و هناء..😂😂😂
الاء..ع اللي يقعمز معاكم😒😏😠
.
.
.
نزلت الاء خشت للمطبخ لقت ام هناء عايدة
عايدة..خير يابنتي تبي حاجة
الاء..خويلة 😊عادي لو درت معاك الغدي ؟
عايدة..عيب عاد انتي ضيفة عندنا يابنتي قعمزي هدرزي علينا بس اهو الشغالة تساعد فيا
الاء..لا والله ماصايرة ياخويلة مانحبش نقعمز عطيني ندير طاجين به؟
عايدة..مكسح راسك يابنتي باهي عادي ديري اللي تبيه 😊
الاء..يسس 😃😄
ابدت الاء اطلع في حجات الطاجين وكملت وابدت ادير فيه تشبحلها عايدة وتتأمل فيها وكانت كل مرة تنعجب بيها فرحت ان بنتها مصاحبة بنات كويسات
نحت الاء وشاحهتدا لانه ضايقها وواست شعرها الاصفر وداراته ديل حصان وقعدت ادير وهي منسجمة يخش عمكم احمد
احمد نحى نظاراته وقعد يشبحلها وهو معجب بيها وبي حركاته العفوية 😍😍
انتبهتله عايدة..احم احمددد
احمد..ءءء*****
الاء انتبهتله قعدت تشوف ومصدومة..😳😳
..
.
اني..الاء عطلت صح
هناء..هايمة مع احمد بلكي اسمعي شن رايك نطلعو
اني..😍😍ووين
هناء..ندهورو ونروحو عندي حجات ناقصيني نشروهم
اني..اوك كلمي الاء
هناء..اوك
نزلت هناء وسمعت ****😍😍😍
.
.
.
ان شاءالله تكون نالت اعجابكم 😉😂👌