#رواية_الحياة_حلوة_لما_نعيشها_ببساطة✨
🌟
🌟
#الحلقة_العاشرة 🔟
🌟
🌟
المؤلفة #حنو
🌟
🌟
🌟
فراس..محلا عيونك وغمازتك ضحكتك ااااه ياقلبي
حلا..نعم😳😳
فراس..😍😍حلا اني
حلا..انت شنو😊
فراس..اني ياحلا من شفتك انعجبت بيك بس كنت نخفي في الشي هدا وخصوصا بعد ماعرفت انك تحبي هاني😒اللي مش عارف شن حببك فيه المهم انتي الحلا اللي من شفتك كأني شفت القمر😍لا إراديا وقت نشبحك نبتسم ومانقدرش نخفي ابتاسمتي ليك حلا اني نحبك والله نحبك سحرتيني بعفويتك وأسلوبك واخلاقك بكل شي فيك حلا تقبليني ك حبيب وبعدها كزوج 😆😍😍
حلا من الصدمة معاد عرفت شن تقول وقعدت تشوفله للحظات وبعدين تكلمت حلا..بس يافراس انت شن حببك فيا يعني لاني من مستواك ولا عندي شهادات زيك انت حتى القراية قاريها برا يعني انت احسن مني في كل شي وولد عيلة كبيرة ومحترمة واما اني
قص عليها فراس..اما انتي بنت راجل عرف يربيك بنت مراء عرفت كيف تربيك انتي بنت مشفتش زيها انتي بذات خشيتي عقلي وتفكيري وسكنتي هدا💓 تعرفي شن معنى راجل هكي شناباته يقول لي بنت نحبك هو صح زمنا هدا ابدي كلمة نحبك زي المستيكة بس مايقولها بصدق كان الراجل😉
حلا..بجد مصدومة اني ماعمري توقعت انك تحبني
فراس..تي نعشقك
حلا..☺😳
فراس..خلاص معناها اول ماتروح امك امي ابتمشي تخطب اختك وبالمرة تخطبك ليا😍😍
حلا..كل هالشي بسرعة
فراس..اي وعلاش التطويل خير البر عاجله
حلا..ههههه به
فراس..بس نبي نقولك معاد نبي سيرة هداكا هاني ومرته تنعاد مفهوووم ولو وقفك في الجامعة ماعليك الا انك تفوتيه وتمشي وتقوليلي لو هو تعرضلك ومادابيك ماتخليشي يعرف ان اني ابنتزوجك لانة حيحاول يخرب بيننا ف خليه هكي لعند ماينصدم اننا تزوجنا تمام ياعمري😍 (اااااه ياقلبي 😂😂مصو الليم مصو)
حلا تحشمت..هههه اممم تمام 😊😊
فراس ناض وباس راسها..ربي يخليك ليا هي نوضي ارقدي باش تنوضي بكري للجامعة نوضي(احم كدا أوڤر😭😭)
حلا..حاضر😃
ركبت حلا وتحساب ان الكل راقد خشت وهي تنقز وفرحانة في الدار وينفتح الضي وتلقاهم 2 يشبحولها هناء و الاء
حلا..😳😳نايضييين
الاء..لالا احني نايضين وتشبح لي هناء
هناء..اي لالالا
الاء..تي شن تشبحي فينا😒
هناء..تعالي تعالي غر ايدي اني تعااالي
جت حلا وهي خايفة منهم
الاء..شن اللي عرفناه
حلا تلفتت لي الاء..شن عرفتو اما مصيبة😳😳
مدته هناء ايدها لي وجه حلا ولفتتها ليها.وعلاش غبارتك شن دايرة من مصيبة😱
الاء لفتتها ليها..يانهارك اغبر شن قعمزك مع فراس لعند نص الليل 😱
لفتتها هناء ليها..وجاية وتنقزي وفرحانة 😱شن درتووو
لفتتها الاء ليها..حي حي حي شن درتي غبر فيك يانهاري اني
هناء لفتتها..حيييي باش تحبي هاني؟؟
وفي نفس الوقت حلا كل مرة يلفتها حد ليه وتشبحلهم ووجهها زي السمايل هدا👈😳😵
الاء وهناء..تي تكلللللمي
حلا نطت من عياطهم..تي باهي الهم درهتولي كبدي حسستوني درت جريمة خلاص خلاص صدعتولي راسي كان ابتتكلمو بروحكم هكي ياحمارة انتي وياها يا أغبياء يابقرات ياكلبات يا كل شي في بالكم ماخليتوليش حتى دقيقة نتكلم تانية باهي ماخليتونيش نتكلم بكككل شن هدا 😠😲دوختوني
هناء..تي تكلمي
الاء..والمفيد من القصة كلها
حلا..باختصار فراس ابيخطبني معاك يا الاء تمام هكي تهنيتو ارتحتووو خلاااص 😠
هناء والاء..😂😂😂😂فراس وحلا حلا وفراس ههههههههههه
هناء..وحق ربي الا صغاركم نتخايل فيهم كيف بيطلعو تي انتم الزوز اضرب من بعض
الاء..😂😂😂ولا شوفي انتي سبحان الله النصيب احني توامة ونحبو خوت وخوت مني خوت صاحبتنا ولا ابنبدو سلفات
هناء..😂😂😂اوووه هكي ارتحت عليكم اغلى صاحبات ابيتزوجوهم خوتي الحمدلله بس يناري مرت فهد هي اللي واجعتني زوز خوات و توامة وسلفاتها يناري بجد
حلا..😂😂😂الله غالب عليها
الاء..مزال الصدمة على خويلة عايدة
هناء..اي ههههههه مش حاسة عليهم بكل هيا اصلا
حلا..حي قصدكم مرات ماتوافقش؟؟😔
هناء غمزت لي الاء..اي مرات مرات وين تندري
الاء..اييي ياوخيتي عادي عادي
وفجأة يسمعو صوت مسج وشبحو لي حلا
حلا وهي تشوف للمسج فراس..ﺑﺂﺧﺘﺼِﺂﺭْ : ~ ﺃَﻧﺖَ ﺷِﻲْﺀ ﻟَﻮ ﻓﻘِﺪﺗﻪّ .. ﺇﻧْﺘِﻬَﻴْﺖ ﺃَﻧﺂ ~ 😍
حلا..😍😍😍ياربي ياقلببببي
نطو عليها البنات
هناء..اييي ايدي هاتي جاي اوووه خوي طلع رومنسي
الاء..😂اووووه حتى احمد قاعد مابعتلي هكي
حلا..ردو عليه وخلاص مدابيكم هدرزو معاه انتم
هناء..😂😂تي باه باه هاك خودي
الاء..😜😜😂😂
حلا ردت عليه..يكفيني قربك الذي يبعث بداخلي الأمان😍😍فلا تبتعد عني😦
فراس اتصل بيها..نحبك نحبك نحبك
حلا وجهها ولا احمر وولت حرارة وقفت وقعدت تمروح فتحت الروشن وطلعت وجهها منهوهي تمروح😳😍😍..حتى اني
فراس سمع الروشن انفتح فتح البلكونة انتعه وطلع وكانت قريبة من دارهم يعني يقدر يشبحها
فراس..خيرا وجهك احمر😂😉
حلا..هي وانت وين شفتني
فراس..شوفي يمينك
شفات حلا وتلقا فراس في البلكونة سكرت الروشن طول وقعمزت
هناء..سكري الضييي بنرررقد
حلا..باه باه
سكرت حلا الضي واتكت ع الدب الكبير انتع هناء وقعدت تهدرز مع فراس و الاء تهدرز مع احمد وهناء في وسطهم
هناء..خلاااااص عيييت خدت منهم الفونات وحطتهم ع ودانها الاثنين كل واحد من جيهة
هناء..ياخوتي المصوونين تبو البنات خودوهم عندكم اما تبنو سعادتكم ع حساب تعاستي ان اني مانرقدش كل ليلة كانت الاء بس توا تغير الوضع راسي ابيتفجر منكم ارقدو مرقد وسكرت الفونات وحطتهم تحتها
الاء و حلا كانو ميتين من الضحك..😂😂😂
🌟
🌟
🌟
🌟
🌟
🌟
🌟
روحو امالي حلا والاء وهما خلاص يركبو في شناطيهم للسيارة وبيروحو
هناء..😭😭خلوووكم
حلا والاء متغمرينها..خلاص اووس 😢😢
حولت حلا من هناء ومشت سلمت على عايدة وتغمرتها
عايدة..تعودنا عليكم يابنيتي 😔
حلا..الله غالب
وسلمت ع هشام وع الاولاد وصلت في فراس..مع السلامة😕
حلا..خلاص عاد اكيد مش حنقعدو من غير مانشوفو بعض😢 يعني
فراس ابتسم..☺
حلا..ايوواه
احمد..هي نوصلكم
فراس..لا تو نوصلهم هي اركبو
احمد..لا هي اركبو معاي
فراس..لا معاي
احمد..لا معاي
فهد..هي يابنات 😂
فاتوهم البنات وركبو مع فهد ومشو 😂😂
احمد..😠
فراس..😡
طلعو حتى هما واللي هدا مشي لي مشواره
وفهد كان فاتح الاغاني يطرشو ودانهم حلا والاء وهناء كانو قريب يطيرو مع الاغاني 😂😂
وفرحانين ووقت وصلو لي حوشهم نزلو ونزلو معاهم الشناطي
حلا..مع السلامة وبارك الله فيكم
هناء..ولو
فهد..هدا واجبنا انتم زي خواتي 😉
الاء..شكرا صحيتو
طقو ع الحوش وفتحتلهم امهم طول تغمروها وفرحانين ويتباكو تخلطت عليهم وقعمزو وقعدو يهدرزو وفرحانين بيها
حلا..ماما مولية حلوة
الاء..اي وزايد وزنك شوية مولية تهبلي
هالة..😆😊😊بنات بالنقوللكم
حلا..شنوو
الاء..شنن😧
هالة..اني حامل واليوم عرفت 😊😅
حلا..نعمم😆
الاء..شنوو😄😃
وتغمرو امهم طوول وقعدو يمسو في بطنها
حلا..يارب يطلع ولد
الاء..لالا عينك بنت احللى 😍😍
حلا..لالا ولدد
الاء..بنت
حلا..ولد
هالة..خلاااص
حلا..هههههه باه اللي يجيبه ربي
الاء..ايه هههههه
خش محمد..اووو بناتي اهني
طول مشوله وسلمو عليه وخدو من يده الحجات وخشو يطيبو ويديرو وفرحانين
🌟
🌟
🌟
قعمزو في الليل مع امهم
حلا..انتي قوليلها
الاء..لالا انتي قوليلها
حلا..لا انتي
الاء من غير ماتندري علت صوتها..انتيي
حلا..😳🙊بشكةة
هالة..بنات خيركم شن في
حلا..اممم ماما بالنكلموك في موضوع
هالة..شن في
حلا..ماما خوت هناء كلمو امها عايدة قالو ان غدوا بيجو وابيخطبونا احني 2☺
الاء..اي ياماما
هالة..😳نعم وكيف صار
الاء..هدا اللي صار
محمد..يتفضلو
هالة..وخيركم ماقلتوش من بكري
حلا..نسينا
هالة..باه باه خلاصاركبو ارقدو توا وغدوا يستر ربي
حلا والاء..ماما بالنقولولك ان احني موافقين😳
هالة..اممم توا فهمت الموضوع😉
ركبو البنات يتجارو ومتحشمين
🌟🌟🌟
هالة..كبرو وابيتزوجو
محمد..ايه الحمدلله
هالة..الحمدلله
وجي اليوم المنتظر غابو البنات من الجامعة وناضو نكتو الحوش (ع فكرة هما حولو لي حوش محمد وكان صغير وحلو وراقي)
وضموه وبخروه بالوشق وطلعو للجنان كان صغير سيقاته حلا وكملاته وخشت غسلت هي والاء وبدلو
حلا..بدلت ولبست قونة ابيض واسود قصيرة ولبست سورية كحلة ودخلتها تحت القونة ولبست ساعة ذهبية وخاتم ذهبي ولبست شخشير كامل اسود وكعب اسود ودارت شعرها خلاته مطلوق ع طوله وبخت بارفانها ودارت شوية لمسات ع وجهها دارت ال حاجة البرايمر وبعدين ابدت ادير في الفاونديشن وبعدين دارت البودرة وبعدين دارت بلاشر وبعدها دارت ايلاينر وبعدين دارت لب لاينر حددت بيه شفايفها ودارت الروج💄 زهري هادي😍😍 وكملت ونظرت لي روحا نظرت تقة اعجاب بنفسها وطلعت وكانت مقابلتها الاء لابسة لبست بنطلون
ابيض وفوقه فانيليا بزارية صوف وكويش بزاري 😍😍😘😘
جو عيلت فراس واحمد وكانو جايبين حلويات و2بوكيهات ورد وشيكولاته 😍😍 وخشو وكيف ابتكلمو يطق الباب
الكل سكت يعني من بيطق الباب😳😲؟؟؟؟
حلا..ااه حنفتح الباب اني
مشت حلا وفتحت الباب شبحت عزوزة واقفة قدامها ومتكنطية..😠
حلا..ءءءعفوا من
العزوزة..خطبة من غيري؟؟!!😕😠
حلا..نعم😳😳؟؟
العزوزة..****** #يتبع
🌟
🌟
🌟
🌟
ان شاءالله تكون نالت اعجابكم
أنت تقرأ
الحياة حلوة لما نعيشها ببساطة ( روايات ليبية )
Romantikقصة حب غير اعتيادية بين طرفين رواية ليبية خفيفة من داخل المجتمع الليبي من ابداعات الكاتبة : حنو
