لحلقة السادسة من رواية
#الحياة_حلوة_لما_نعيشها_ببساطة
.
.
.
.
.
.
اني..😳😳😳علاش هكي والله كل اللي قالاته كدب في كدب
هناء..😱😳😳😳شنن اللي سمعته هدا شن تقول يا فراس
فراس..😠😠😡 اني كنت توووا عند البنت والولد وهو بعضمة لسانه قال ايه كانت تجري جرتي والبنت نفس الكلام علاش الكدب يا حلا علااااش
اني جتني زي الصاعقة وقت قال حتى الولد قال نفس كلامها😳😟 معادش قدرت نتكلم
هناء..كدب كدب هو قال هكي باش مايبيكش تتقربلها وهما 2 كدابين وتوا بالتقعمز بالسيف عليك باش تسمع مني كلل شي 😠
قعمز فراس وهو يهز في رجله😠
اني قعمزت ودموعي زي المطر😭معقولة لهدرجة اني مانهماش معقولة يدوي عليا ويمسخلي سمعتي اااه يابابا وينككك
هناء..حلاااا تكلمي
اني..سواء ان قلت او ماقلتش خوك خلاص اللي سمعه هو اللي صدقه 😏واني مش مستعدة نبررله مدامه سمعلهم ومجاش فهم مني 😒
فراس..حتى اني فاضي مقعمز وابنسمعلكم😠😏
اني..😠😒😒
هناء..مبرد جد امكم اني تو نحكي..احم فراس كل اللي سمعته انت غلط في غلط يوم من الايام اني واقفة وحلا ماشية تجري للباص تنخبط في الولد هدا وتعاركو ع خاطر كسرلها فونها عطاها فلوس خدتهم يحسابها تنشرا بالفلوس لوحتهم على وجهه تاني مرة في حوش الولد طبعا امها تخدم غادي هدا باش ف تلاقو ودارو عركة اكبر من اللي قبلها وبعدها كل مرة يتلاقو ويتعاركو وابدت حلا تحبه بس حتى لينا احني مقالتش كانت كاتمة الحب هدا لانه كانت تقول مستحيل اني بنت الشغالة وهو تقول ولد الامير يعني فرق كبير بينهم ويوم عن يوم تزيد تحبه وبعدها تكلم السي هاني وقال ابنتجوز من اليوم هداكا وحلا في حالة تانية تصور روحك انت تحضر عرس اللي تحبها هدي حلا قوت روحها وحضراته ومش هكي وبس 😢دارتلهم تورطة عرسهم 💔وقفت قدامهم وهما عرسان وفرحانين وهيا قلبها متقطع بس الحمدلله ربي فكها منه لانه كان مش خير ليها ومن وقتها حلا نست حاجة اسمها هاني وتباعدت عليها حتى الجامعة معاش مشت لين هما سافرو واهو توا شكلهم ولو وهدي كل القصة..وطبعا كل اللي سمعته غلط وعهد هدي وحدة متكبرة وحقودة اني رافقتها يومين وسيبتها تعامل بالمستوى بسس ماعندهاش لا احترام ولا قدر 😒😏 وشفت روحك توا قداش غالط
واني مع كل كلمة تقولها هناء تنزل دمعة حارة 😭 اااخ ياربي
فراس تنهد..حلا
اني..اوك يا فراس اني حنروح بعد الاسبوع هدا طبعا و معاد بالتشوفني زي ماقلت انت ولا حتشوفني مع اختك 😉 هي تصبحو على خير
ونضت وركبت للدار لقيت الاء راقدة رقدت جنبها وفي حضنها وقعدت نبكي لين رقدت 😭😭
.
.
فراس..اوووف والله معارف كيف صدقتهم
هناء..هدي عادتك تصدق طول المفروض سمعت من الطرفين مش منهم هما بس وتحكم
فراس..مسكينة ربي يوفقها ويهنيها ويرزقها بولد الحلال اللي يصونها
هناء..يااااااارب🙌🙌
ناضت هناء ورقدنا في اليوم هدا وكل منا يفكر في حاجة
جي تاني يوم نوضتني ماما
اني..الو ماما
هالة..صباح الفل هي نوضي عيب تقعدي راقدة لعند توا وبرو للجامعة مش تتأخرو
اني..حاضر
هالة..امتى بالتروحو عيب والله عيب اتقلو ع الناس هكي
اني..عادي ياماما توا انتم خودو راحتكم وبعدها جايينكم لين ندرهولكم كبدكم😂
هالة..باهي هي نوضي ونوضي اختك
اني..حاضر
نضت وفتحت الضي والستار خشت الشمس داخل
هناء..😠سككري الضييي
اني..😂انلااا هيا وقت نوضو الجامعة
الاء..فرخة حلا وربي انوضلك
اني..نمشي ندوش ونجي حي عليكم نلقاكم راقدين
طلعت من شنطي حوايجي و فرشتي ومعجون اسناني وكل شي نحتاجه وطلعت لقيت الحوش هدوء خشيت للحمام حشاكم ودوشت وكملت ولبست وجففت شعري بالفوطة وسيقت الحمام وطلعت ونتقابل اني وفراس كان لابس ومتكم والريحة😍😍 اللي تجنن كان شاد نظاراته و فونه والمفاتيح وقف وقت شافني قعدنا سارحين في بعض شوية وبعدين اني جاية بالنخش نجري شدني من يدي
اني ومغمضة عيوني..أطلقني لو سمحت 😣
فراس..اسف 😔اني مانحبش نظلم حد وامس طول الوقت والله مجاني النوم واني نتقلب سامحيني مكانش قصدي
اني..مسامحاتك😏وتوا اطلقني يشوفنا حد يفكر غلط
طلقني فراس وخشيت نجري للدار واني قلبي ابيطلع من مكانه سرحت شعري وقمته ديل حصان ولبست الوشاح ناضو البنات غسلو وبدلو واني معاهم في الجنان نفطرو 🍞☕
هناء..صباح الخير
الكل..صباح النور
الاء..صباح الخيير 😃😄
الكل..صباح النور
احمد..صباح الورد😍😍
فهد يوشوش لي احمد..شن صباح الورد والجو😂😉مسرع
احمد شرق..كح كح كح
فهد وقف وخبط ع ظهره خبطة ماهي خبطة و عطاه اميا..اشرب وخيي اشرب 😂😉😉يناري شرق
احمدد..مدسوسة
عايدة..ووك عليا يافهد قريب طلعتله قلبه خيرك
فهد..😂😂عادي يايما مش اول مرة 😉😉
اني..سفرة دايمة هي نوضي انتي وقت المحاضرة
هناء..مزال مزال
الاء..مزال عينكك نوضي هيا😱
هشام..نوضي يابنت وقت عليكم
اني..مابتش ياعمو هدي مفجوعة الاكل قبل الوطن
هناء نحت الشوكة من يدها..هاها اهو نضت هي قدامي انتي وياها 😠😣
اني..😂😂مش سيارتك وقفت
هناء..😱حي بابا سيارتي واقفة كيف الحل
احمد..نوضي نوصلكم 😍
هشام..امتى وخيرك ماتكلمتي راهو رفعناها للصلاح امس
هناء..نسيت😆
ركبنا مع احمد وحسيته يطول في الطريق او مش عارفة بعتت مسج لي هناء
اني..خيره خوك يطول في الطريق 😂😂
هناء..خوي مات وشبع موت في الاء😂😂
اني..😂😂😂اي شوفي مرة مرة يشبحلها من المراية
هناء..😂😂😂
هناء..احم احمد وقت ع المحاضرة طولت الطريق ولا شنو
اني..😂😂
الاء..😍😳😳
احمد..ءء لا ماك تشبحي في الزحمة 😒 قلت نطلع من طريق تانية😌
هناء..امم اي اي😂
وصلنا للجامعة عطي احمد فلوس لي هناء وشبحلنا احني..بلكي ماعندكمش يابنات
اني..الحمدلله بارك الله فيك
الاء..شكرا بارك الله فيك
احمد..فيك بارك الله 😍😍😘😘
مشينا حظرنا محاضراتنا كانو عندنا 3 قعمزنا بعد المحاضرة التالتة في الكافي ☕ قعدنا نهدرزو وفجأة نلقى شخص واقف عليا قمت راسي ونلقا هاني 💔
اني..خير شن تبي؟؟
هاني..حلا اني نحبك
اني..اهاا وبعدين!
والاء و هناء مصدومين..😳😳😳
اني..لو سمحت بعد عن طريقي 😒قال نحبك قال هه
هاني..اي نحبك وقد مادرت ننساك تزوجت باش ننساك بس للأسف مستعد ندير كل شي ع خاطرك
اني..بعد شن؟؟مستحيل احني قصتنا انتهت من قبل ماتبدا😏وتوا بعد من عليا ابنمشي عندي محاضرة ناقصني اني ماهو😏ترا سلم وخيي حول
دفيته ومشيت وقفني بكلمة وحدة
هاني..مستحيل تكوني لي غيري 😠
اني..دير اللي تبيه بس ليك مش حنكون 😠
ومشيت خشينا للمحاضرة كملنا ولقيته واقف يستنى هدا دراه شلال في كاغط حشاكم 💩
هناء..😂
الاء..اختي وقت تتعفلق كل شي تقوله😂😂
اني..هي برو مانبيش ندوي معاه وكان ابندوي معاه اشبح شن بالنديرله هالمستنتي هدا شن حببني فيه بس
هاني..زادت محلوة اكتر من قبل اااااه يا حلا نحبك والله نحبك ومش حنخليك لي غيري وجي ورانا
اني..هنو من جانا
هناء..فراس
اني..باه😕
قريب نوصلو في فراس وينادي عليا الدراه هدا هاني والله ماوقتك 😠 مشيت وخليته ينادي اخر شي جي وجبدني من يدي نزل فراس وجانا جري ونحا يدي منه وفنص فيا تفنيصة خلتني نمشي طووول للسيارة بدون ولا كلمة😁
فراس..لو لقيتك ماس شعرة منها والله نخربلك وجهك يا@#$٪&
هاني..ومن تكون انت لاك خوها ولا حد من عيلتها منو؟؟؟
فراس..ماليكش علاقة من نكون اني انت بس تجرأ ومسها
هاني..نتواجهو 😠😠
فراس..وين ماتبي موجود😉😉😠😠مش جبان زيك
وخلاه ومشي ركب السيارة وهوا متعفلق
هاني وهو يحك في لحيته..شن قصده بكلمة مش جبان زيك 😕
وصلنا للحوش نزلنا وهو مشي
هناء..يستر ربي اشبح شن قالو
اني..خلاص هنو نروحو لي حوشنا خير 😣
هناء..شن تقولي انتي صكفمك اليوم جايين بنات عمي
اني..اهااا😊
الاء..كم عم عندك😊
هناء..خمسة حشا عويناتك😊
اني..ربي يحفظهملك😃
خشينا وبدلنا نزلنا تغدين وقعدنا مقعمزين وجو صغار عمامهم وبناتهم وكبارهم وصغارهم وكل وحدة احلى من التانية ومش الكل تريحتله في منهم متكبرات وفي منهم لا
مرت عم هناء اسمها نادرة مرت عمهم الصغير
نادرة..كيف حالكم
اني و الاء..الحمدلله
نادرة..كأني شايفتكم مش عارفة وين ؟
اني كيف ابنتكلم قطعت عليا
اسيل..اكيد شايفتيهم في وحدة من الحفلات لانهم شغالات 😒
هناء..😱تحشمي وسكري فمك هدم صحباتي ومانسمحلكش تهينيهم
الاء..خليها هناء عادي اصلا الخدمة مش عيب واحني ماخدمنا الا لي سبب 😉ويجيك يوم وتجربي👊😉
نادرة..شن الكلام هدا يا اسيل عيب تحشمي
اني شفتلها اللي اسمها اسيل هدي من فوق لي لوطة وقلت لي هناء ان ابنركب نصلي
ركبت وشوية ولحقتني الاء
.
.
هناء..بالله عليكم يا بنات معادش تكلموهم هكي ع الاقل احترموني اني عيب والله عيب وهما عندهم ظروفهم 😢لوسمحتو معاد نبي من يغلط فيهم
سكتو كلهم ومعاد تكلمو قعدنا اني والاء في الدار معاد بينا ننزلو لين خشو علينا البنات كلهم ومن ظمنهم اسيل جت وقعمزت بيناتنا 😒
اسيل شدت يدينا..اني اسفة سامحوني جرحتكم بكلمتي 😔
اني والاء..ولا يهمك😊
قعدنا نهدرزو احني والبنات في شوية تلقيحات بس ماعدلناش نزلنا قعمزنا في الجنان على جية فراس واحمد وفهد
هند بنت عمهم تبي احمد بس احمد فايتها ناضت تجري
هند..دودي جيييت 😍😍
الاء..😠😒😒
اني و هناء..😂😂
احمد..اياح علينا توا شن جيبها هدي😒
فراس..😂😂
جت تجري تغمراته لاكن هو قعد واقف حاط يديه لوطة لين تحولت هيا وشدت يده وجت هيا وياه
الاء..💔😢 عن اذنكم
مشت الاء تجري للدار وقعدت تبكي تحسابة احمد يضحك عليها ويلعب بمشاعرها
الاء..علاش بس اول مرة نحس بشعور حلو زي هدا واني الغبية اتسرعت 😔 وفهمته غلط
خش عليها احمد وسكر الدار بالمفتاح
الاء..حلا مش رايقتلك خليني واطلعي
وجي وقف قدامها ونزللها وطبس عليها ومسحلها دميعاتها اللي ع خديداتها 😢
الاء..😳😳
احمد..هي ديمة هكي باردة وتتلصق عليا
الاء..واني شن ليا علاقة يعني
احمد..اممم صار ماليكش علاقة😉
الاء..😔اي
احمد..الاء
الاء وقت سمعت اسمها منه ..😍😍😍
احمد..الاء اسمعيني اني وله عرفتك امس صح نشبح فيك بس مش زي امس مش عارف وقت شفتك حركتي فيا مشاعر وحجات هلبا وقت نشوفك نبتسم بدون حتى مانفكر الاء اني مش مفكر ندير معاك علاقة بس نبي لو سمحتي نتعرف عليك نبي نعرف كل شي عليك طبعا لو انتي وافقتي ولمدة شهر
الاء..نفكر
خدي احمد فونها وكتب فيه رقمه واتصل بيها وكتب اسمها لولي 😍😍
ابتسمت الاء وخدت فونها وكتبت اسمه حميدا😍😍
احمد..علاش كتبتيش دودي😂😂
الاء لوحت عليه المخدة😠..برا اطلعع
طلع احمد وهو يضحك خش لي داره وكانت هند تراقب فيه 😈😈هند..وانتم من امتى ع هالحال امس جت واليوم كلمها سحراته لهدرجة هيا معقولة هي احلى مني😠
وفاتو الايام هدم وكان اليوم اخر يوم عندهم في الحوش هدا
هناء..بالتروحو غدوا 😭😭والله تعودت عليكم
اني..الله غالب حبي..الو ماما
هالة..وين انتم قاعدين في الحوش وله
اني..ايه خيرك
هالة..😔******
اني..كيف صار😳
هالة..****** #يتبع
.
.
ان شاءالله تكون نالت اعجابكم يااااارب
أنت تقرأ
الحياة حلوة لما نعيشها ببساطة ( روايات ليبية )
عاطفيّةقصة حب غير اعتيادية بين طرفين رواية ليبية خفيفة من داخل المجتمع الليبي من ابداعات الكاتبة : حنو
