الحياة حلوة لما نعيشها ببساطة ( روايات ليبية )

حلقة 12🔥

#رواية_الحياة_حلوة_لما_نعيشها_ببساطة✨
😍
😍
😍
#الحلقة 1⃣2⃣🍃
😍
😍
🌟
🌟
🌟
الاء حضناته..نحبك وحق ربي 😍😍
خديجة..حبكم برص انت وياها😠
الاء..😳😳😵😵ءء
احمد..😵😵😳😳😳تو اني تأكدت انها طلعت من وين جت هدي
خديجة..سمعتك ياولد
احمد..مكبر ودانها
الاء..😂
خديجة..زيدي وزعي ابتساماتك زيدي
الاء..😳😳مشكورة ع الاحراج👍
احمد..😂
خديجة..قعمزو اهني قدامي👇
احمد..ع التراب يا حناي
خديجة..😱حناك في عينك اني اصغر حتى من امك (وقعدت اتساوي في تسمالها وشوية من قصيصتها الحمرة طالعة)تو اني تشبح فيا حناك يا الظالم ااااه😠
احمد..اي حق سامحيني يا خالتي والله عيوني معادش يشبحو😣
خديجة..خالتك خالتك ياظالم خالتك اني تقولي مدام خديجة فااااهم☝(وقعدت تهز في رجلها وحاطة صبعها على الاء واحمد)انتم 2 نهاركم احرف الما نقول لي هالة
الاء..😰😱😱
احمد قدم لي خديجة وشد يدها وباسها..مدام خديجة معقولة تغدري فينا وتحرشيهم ؟؟مش حرام عليك
خديجة..يااربي😍 خلاص خلاص بس هدي اخرلكم مرة👌
الاء فاتحة فمها وتشبح وبس..😯😯😮😮
خديجة..خلاص كملو هدرزتكم وروح راك تعطلو😉
احمد..حاااضر😍
قعمزو في طاولة الجنان دردشو شوية وبعدين طلع طول وبعدهم بشوية جو امها ومحمد وخشت بعدهم حلا
حلا..اوووه الحمامة زاهية😉😉
الاء..😅😃
حلا..هي هي قولي بلا سمايلات زايدة😈😉
الاء..جي
حلا نطت ع سرير الاء طول..نهارك ابيض من هو اللي جي اهني😱😱
الاء..احمد😍😍
حلا..وانتي هبلة سامحتيه وله😒😏
الاء..بعد جاني لعند اهني وباسني ااااه😍😍تبينيش نسامحه؟؟
حلا..حي حي لازم انتم تستعجلو في العرس لااازم
الاء..😂😂
حلا..غر اسمعي توا
الاء..شنو
حلا..شن رايك لين نكملو قرايتنا ولا نتزوجو ونكملوها عندكم
الاء..مش عارفة الحق بس نحس فيها كانا بالنطولوها وكان يخش بيننا حد وبنات واولاد الحرام كاترين اني عن نفسي معاد نقدر نقعد اكتر ع احمد يهبل ياوخيتي نحبه
حلا..اممم مش عارفة اني الصراحة مرات نقول نديره توا حتى ع الاقل نوفر ع ماما ونريحوها من التفكير فينا وفي نفس الوقت خايفة لانة حتكون عندي مسؤلية تانية غير القراية فهمتي
الاء..اممم هو تبي الصح وصح الصح ان نكملو قبل بس مش عارفة اني الحاجة مانالزواج😉😉
واحني حتى كان بيستنونا قداش ابيستنو تره هلبا ره اني الصراحة يعني نبي نكون مع احمد هكي وقت نكلمه تفتح نفسي للقراية ولي كل شي يعني خلاص اني نبي نديرو العرس وانتي ؟؟
حلا..اي واني معاك
🌟
الادمن #حنو..واني مش معاهم في الرأي الشهادة اولا وبعدين الزواج😉😉👌👌
🌟
وكلمت هالة عيلة احمد وفراس وقتلهم موافقين😍😍
عايدة..وهداا اليوم المبارك ربي يتمم ع خير يارب وربي يهنيهم
هالة..امين يارب😍😍
عايدة..باه يا هالة ضروري منه البيان اني راهو نبي العرس بعد اسبوعين
هالة..لاكن هلبا قريب
عايدة..مش اني اللي نبيه هما يبوه فراس جاته بعتة برا ومايبيش يضيعها واني الحق نبي ولادي 2 مع بعض
هالة..اهااا باهي معناها ربي يقدم اللي فيه الخير
عايدة..تمام معناها الفضانية الخميس الجاي يناسبكم؟؟
هالة..اي اكيد يناسبنا
عايدة..تمام امالا اوك مع السلامة
هالة..بالسلامة ..حلاااااااا الااااااااء
حلا..حي حي زعمك اما مصيبة عرفتها
الاء..بجديات مصايبي كلهم خطرو ع بالي ربي يستر انزلي انتي الاولى
حلا..لالا انزلي انتي الاولى
الاء..ءء نعم ماما
هالة..وين اختك
الاء..اهيا جاية
حلا..ءءء خير يانبع الحنان😍😉😅😅
هالة..تعرفي ان فراس جاته بعتة برا وبعد عرسكم بالتسافرو ومش معروف امتى تروحو
حلا..نعم؟!!!امتى وكيف عرفتي وخيرني مانعرف شي اني
هالة..امالا شن تدوي انتي وياه من الصبح لعند الليل😒المهم عرسكم بعد اسبوعين
حلا & الاء..نعمممم
هالة..اللي سمعتوه ع اساس ماتعرفوش
حلا..والله مانعرفو هي باهي
خديجة..هاكم عرفتو توا
الاء..مبردها😒اي ريتي الصدفة يا مدام خديجة😏😒😒
خديجة..😕
هالة..مدام خديجة؟!!
الاء..اي هههه المهم توا ياماما احني ماوتينا شي
هالة..كل شي يوتا ان شاءالله
حلا..حقا ماما شن قالولك بنت ولا ولد 😍😍
هالة..ولد😊😍😍
الاء..الحمدلله الف مبروك مامي
حلا..خسارة انتي يا الاء ابتحضريه اني اللي مش معروف امتى نشوفكم
هالة..اكيد في المناسبات حتروحو والاعياد يعني مش حتقعدو غادي طول العمر
حلا..ان شاءالله عند اذنكم
هالة..ارقدو بكري فضانيتكم الخميس الجاي خلي نوتولها ونوتو للعرس باش نحجزو
حلا & الاء..اي به
ركبو البنات وقعمزو كل وحدة في مكانها
حلا..ها
فراس..عصا فوق راسك
حلا..شكرا
فراس..خيرك حبيبي
حلا..شي😕
فراس..قولي شن شي
حلا..علاش ماقتليش ع موضوع السفرة
فراس..والله امس بس عرفت نسيت نقولك وقلت تو نقولك اليوم ومعادش فضيت ياروحي😕
حلا..به به لين نعرف من ماما يعني 😟
فراس..اسف ياروحي 😔
حلا..وباهي وين بالنسافرو وكيف هكي ولي امتى 😟امك قالت بعتة
فراس..هدا ياستي مش بعتة امي شورها فهمت غلط ولا حبت تختصر الموضوع المهم احني عندنا شركة تانية في لندن وطبعا كان بوي نص حياته هو وامي غادي ووقت كبرنا ابدي بوي يمشي شهر شهرين ويروح وبوي تعب قبل يبي يبعت خوي الصغير فهد امي قتله لا صغير وعازب وهلبا حجات المهم قال احمد مانقدرش نبعته ع خاطر هو حامل عليه اللي هني كله واني واخد شوية امشي قال لي فهد خود خدمة فراس وفراس نبعته برا وخدي رأيي واني قتله باهي ماعنديش مانع وهدا اللي صار ياستي 😃شن تبي تعرفي تاني ياروحي 😊
حلا..لا خلاص
فراس..وانتي تقبلي تمشي معاي؟؟
حلا..لي اخر العالم😍
فراس..هيا هدي حبيبتي
حلا..😊😊
فراس..وماتخافيش اول ماتقولي نبي امي تلقي روحك عندها ومرات تلقيها عندك من غير ماتندري ياروحي
حلا..ربي يحفظك ليا يااااااارب
فراس..حبيبتي اني توا طالع مع صحابي اهم جوني شوية تانية ونكلمك تمام😉
حلا..تمام دير بالك من روحك
فراس..حاضر حتى انتي
حلا..حاضر😍😍
سكرو من بعض
حلا..اووف الاء
الاء..ها
حلا..هاني يتصل من بكري 😰
الاء..هييييي😥😱😱
حلا..والله😔
الاء..وكيف عرفتيه وكيف عرف رقمك
حلا..مانعرفش منين جابه لاكن كيف عرفته تعالي نحكيلك امس ياحنة
✴
حلا وهي مقعمزة في وسط الحوش ع الكنبة..اوووف من الرقم هدا شادها جرتي 😕😒شرين لين تمل مش حنرد اللي يبيني يبعت مسج😒
ورن فون محمد وكان فوق الانتري
محمد..ترا يا حلا جيبيهولي
حلا..حاااضر
ناضت حلا خداته ولقت مكتوب ع الرقم هاني ونفس الرقم عطاته لي محمد وبعدت عليه وشبحت الرقم اللي عندها لقاته نفسه بالزبط
✴
الاء..حي حي امتى هدا
حلا..انتي راقدة واني نتفرج جي عمو محمد فاتح الاب توب انتاعه وكان سمعتي شن قاله تنصدمي
الاء..شننن
✴
محمد..شوف ياهاني اني بنات هالة زي بناتي وابديت اني المسؤل عليهم ومش كان خدمو في عرسكم يومها معناها خلاص ابدو خدم لا راهو خدمو لانهم محتاجين مايصرفو وتوا اني اللي نصرف عليهم ف خلاص يعني
هاني..باهي خيرك ياعمي شن قتلك اني😒
محمد..شن شن قتلي شوف روحك تقولي نبي حلا نشغلوها خدامة عندي لاني مش حنلقى أمن منها !هه واني فاهمك وعارفك يا هاني كووويس ف خليك بعيد على حلا وهي خلاص رح تتزوج وبالتسافر ف ابعد عليها😠
هاني..اوك مع السلام عمي😕😒
محمد..مع السلامة😠
✴
الاء. الحقير هذا 😠
حلا..اي ريتي الحيوان😔
الاء..اللي مايتحشمش ويبيك خدامة يمشي مرض الحيوان😡😡
حلا..يارب سحيقة تسحقه هو وهديكا عهد😡 حيييي يا الاء يتصل 😱😱كان يتصل فراس يلقاني مشغول ياهمي مانعرفش نكدب اننني حي حي شن يبي مني بسسس😭😭
الاء..هاتي هاتي هدا يبيله ترباية من جديد😠😠
هاني..واخيرا رديتي😎
الاء..لو يكون اخر يوم في عمرك مش حتسمع صوتها او تشوفها شن تبي انت شن تبي
هاني..نبي اختك اني
الاء..واااو واحني عطيناك البنت هي تي تبي عينك العورة انت فضلت البنت اللي كلها مظاهر وفضلت الفلوس وكل شي ع اختي معناها تحمل نتيجة كل شي درته😉👌والله والله لو نشبح رقمك في الفون هدا الله وجهك اللي كل يوم تمليط فيه تبدا تقول يا يوم من ايامات وجهي الجميل تي برا سحيقة ان شاءالله تسحقك برا الساحق والماحك والرصاص المتلاحق امشي عطيك سحيقة ونار طليقة في دار ضيقة وصواريخ معيتيقة امشي اعطيك سمسام وعشرة ايام في الحمام تفوو عليك خزي يلي مش متربي دهشتني مصيبة ان شاءالله فوق راسك😡😠😠
هاني..ءء
طففف سكرت عليه
الاء..شن رايك اوووووه تعرفي توا حاسة براحة مش طبيعية بجد😂😂لاكن دهشني العطيب
حلا..😳😳خودي اميا سلم وخيتي خودي والله ماخايفة الا ع احمد بس يناااري خلي نكلمه نقوله بلالك من هالجوازة هدي 😲😵😵
الاء..😂😂😂والله استمتعت ودرت تسجيل للمكالمة بالنسمعها لي هناء 😂😂😂
حلا..نحس فيه الولد معاد مكلمني ولا جاي جيهتي بكل 😂😂😂😂 دعيتي عليه لين ماسده 😂😂 اقوا حاجة عطيك سمسام وعشرة ايام في الحمام😂😂😂
الاء..نعجبك اصلا اني 😉😂😂وكان كلمك تاني اعطيهولي بسسس تي قلة جريدة خضرة هالمستنتي هدا حتى كلمة ماقدرش يقولها تي هوا يخاف من ظله ويقولي نبي اختك يبي عينه مش يبيك عطيني عطيني خلي نكمله مزاااال قلبي معبي عليه اني وجه القردة هدا🐵
حلا..😂😂😂😂خزي تي ياسر فكينا منه ترا
وفجأة وهما يضحكو رن الفون
حلا..حي رقم غريب يتصل اوووف اهو شكله عاود هوا تاني ردي انتي
الاء..ايوا تو شن تبيني نعاودلك السيناريو من جديد يعني؟؟!!😒
فراس..سيناريو شن😠
الاء تبكشت وحدفت الفون لي حلا..😳😳😱😱ف ق فراس
حلا من الخلعة حدفت الفون لي الاء..😱😱😰😰
الاء ردت حدفاته..ردي ياحمارة
حلا..ءءء ها
فراس..جنوني فوق راسي ساعة واني نقول الو
حلا..ءءء #يتبع
فراس..😡😡😠
حلا..😭😭😔😔
فراس..اي اي توا تبكي وله؟؟
حلا..######
🌟
🌟
🌟
🌟
ان شاءالله تكون نالت اعجابكم