الحلقة #السابعة من رواية
#الحياة_حلوة_لما_نعيشها_ببساطة
.
.
ملاحظة ابنبدا نكتب اسم (حلا) بدال (اني)😊😊
.
.
.
.
.
حلا..الله غالب حبي..الو ماما
هالة..وين انتم قاعدين في الحوش وله
حلا..ايه خيرك
هالة..😔بنيتي احني بالنسافرو
حلا..كيف صار😳
هالة..جانا هاني وكان جايب تذكرتين معاه قال انتم غاليين عليا وهدي هديتكم 😕
حلا..اممم كم يوم
هالة..شهر😥
حلا..شهررر هلبا ماما
هالة..كان عمك محمد ماشي ابيقطعلكم تذاكر حتى انتم لاكن اني وقفته قتله قرايتهم مايقدروش يسيبوها 😔 تقدرو تقعدو يابنتي ولا نفوتوها السفرة خير هي واللهي ماهي لازمة
هناء كانت حاطة ودنها ع السماعة وخدت مني الفون..خلاص خالتي هالة اتمتعو وسافرو بناتك معاي في الحفظ والصون واصلا اني كنت زعلانة نبيهمش يروحو واهو جتني الفرصة ماتخافيش عليهم بري وكوني مطمنة خويلة
هالة..عادي يابنيتي؟؟مايتقلوش عليكم خوتك وبوك مايقولو شي وامك
هناء..امي وخوتي وبوي معتبرينهم وحدين من العيلة وبابا معتبرهم زي بناته بالزبط
هالة..باهي امالا خلاص صحيتي يابنتي والله ماعارفة كيف نردولك جميلك 😊
هناء..ولا يهمك خويلة مش بيناتنا هي رحلة سعيدة باااي
وسكرت منها وعطت لي حلا الفون ونقزت عليهم
حلا..😂😂ياحمارة قتلتينا اني واختي
الاء..نوضو ياسمينات نوووضو قتلتوني 😲
ناضو وقعدو يضحكو مشت هناء لوطة
عايدة..بيروحو اليوم البنات ؟😦
هناء..مددو شهر
عايدة..كيف صار
هناء..امهم بالتسافر جتهم هدية من الناس اللي يخدمو عندهم وكانت الام ماهيش مسافرة تبي تقعد مع بناتها امشي خديت متهم الفون وقتلها بري اني من بكري ندعي تصير حاجة ويقعدو😃😄
عايدة..ااهاا باهي يقعدو الحوش حوشهم😊
ركبت هناء وقعدو يحدفو على بعضهم المخاد لين الريش كله فوق روسهم
حلا طالعة من الدار وتتحلف فيهم خلوها كلها ريش 😂 نزلت لقت عايدة كيف ابتطلع
عايدة..حلو قولي لي هنو ماشية لي جارتنا كلمتني تو نجي
حلا..حااضر😊☺
مشت عايدة وحلا خشت للمبطخ وتغني واطلع من الثلاجة وتستف جاعت المفجوعة😂😂قعمزت ابدت تاكل
خش فراس وهو يتكلم بالفون ويسمع فيها تقول
حلا..اصلا مافيش ااحلى من الماكلة قال حب قال كله كدب وكلهم يسيبوك لاكن الماكلة وين ماتمشي تلقاها معاك يعني الماكلة احلى من وجوههم كلهم 😂😁
فراس حط يديه ع وجهه ويضحك بدون صوت خشلها
فراس..احم
حلا شرقت..كح كحح كح 😳
فراس..صحة صحة😂 ها اشربي اميا
شربها اميا وقعدت هي تشبحله
فراس..مش بالتروحو اليوم
حلا وهي تاكل..قاعدة ع قلبك امالا😒
فراس..اي مضايقتيني الصراحة😒
حلا..هاهاها قاعدتلك شهررر ع قلبك 😉
فراس..خلاص تو نسافر شهرر لين تروحو
حلا..فكة 😒
فراس..باردة عندك علم
حلا..قديمة شوفلك حاجة جديدة 😒
فراس مدلها لسانه وقعد يغايض فيها وطلع لاكن ولا لقي حلا..😜😜
حلا تقلد فيه وفي صوته..باردة عندك حلم 😒😒😒حاطلي روحه واو وجمال وجو وهو متقل دمه ..لاكن علاش الكدب والله محلاه هو ودوته وصوته الرجولي شخصيته 😍😘ريحته اللي من اول ماينفتح الباب تجي معاه😍😍 قلبه اللي تحسه مافيش ما احن واطيب منه 😍😍
وهدا كله وحلا تدوي فيه بصوت مسموع وهي سارحة وفراس يسمع فيها 😂يعني حلا مشت فيها
.
.
طلع فراس وهو يضحك عليها
😍
.
.
هناء..وين حلا
فراس..شوفيها في المطبخ
هناء..خيرك مبتسم وعيونك هكي 😍😍
فراس..خيرني 😳مافيا شي تتخايلي بسس
هناء..امممم بااه 😉
مشت هناء لي حلا ولقتها اتضم في اماعينها انتع الماكلة ودارت معاها هناء وطلعو ركبو لي الاء
الاء..كساااد😣
هناء..بابا صلحلي سيارتي شن رايكم نطلعوو😆
الاء..اي اي
اني..اي احسن
هناء..خلي نكلم ماما
هناء..ايوا ماما اني والبنات ابنطلعو باهي
عايدة..باه ماتعطلوش بس
طلعو البنات وكان جوهم مليح خشو لي المطعم طلبو شن يبو وقعمزو يهدرزو
حلا..اووووف والله كرهت الطلوع 😣😠
هناء..خيرررك
حلا..شوفي وراك😒وتلفتت حلا ودموعها حابستهم😣
الاء حطت يدها ع يد اختها..ماتعدليش لولي بالعكس انتي خليك قوية وهو مايستحقش هدا كله بكككل وزي ماهما يجاكرو فيك حتى انتي ديريلهم هكي وخليك عاادية بكل 😉
هناء..واني رأيي من رأي الاء😉
حلا..والله تعبت منه حتى نبي ننساه بس مش قادرة لاكن بإذن الله حنحاول 😉
هناء..اضحكي وفوتيهم
كانو هاني و عهد يضحكو وفرحانين وماشبحوش حلا
الاء..هه باش تعرفيه ملاعبي احسنلك تنسيه ذوفيه كيف يضحك وجوه مليح وانبكري يقولك نحبك شن هدا فاتح جمعية خيرية شكله 😂😒
هناء..شوفي هديكا البنت نعرفها يعني حنجرب نقوللها حاجة وهل هي حتقبل او لا انتم وحظكم
حلا.. علاش شن اللي في راسك
هناء..ماعاشش اللي يزعل صاحبتي تو تشوفي شن حيصير😉😈
حلا..ربي يستر منك
مشت هناء وغمزت للبنت مشتلها البنت تجري
اسمها فاتن
فاتن..اهلا شن جو هنو
هناء..الحمدلله
فاتن..خيرك حسيتك في حاجة تبي تقوليها
هناء..نبي نطلب منك مساعدة وياريت تساعديني واي شي تبيه اوك
فاتن..شن اي شي تبيه انتي ديمة تخدمي فيا وتوا جي الوقت اللي نردلك فيه معروفك
هناء..سلمها تعالي معاي ريتي البنت والراجل هداكا
فاتن..اي
هناء..اي توا نبيك تمشي وتقولي ع اساس الولد هدا يكلم فيك وهكي المهم فهمتيي
فاتن..بس لازم نفهم اني
هناء..تعالي نقولك
وحكتلها القصة بإختصار
فاتن..اهااا تمااام😉معاك للموت واصلا يستاهلو
هناء..تمام بري هيا
مشت فاتن ليهم
عهد..تفضلي 😕
فاتن..اووو هاني ماعرفتنيش
هاني..عفوا من انتي
فاتن..ههههه صار انتي مرته😂
عهد..شنن تقوولي
فاتن..راجلك هدا هه ع اساس راجل يعني المهم يخون فيك معاي صح وله هنوني 😉
هاني..والله كدابة مانعرفك ولا عمري شفتك
عهد ناضت وخدت شنطتها..براڤوو يا هاني صحيتت بككل
هاني..عهد استني والله كدب
فاتن دارتلها بيدها..باي باي ياحلوة😉😉شكرا خليتيلي المجال ان نهدرز معاه 😈😉😉
عهد ولت تجري وشدت هاني وتجري
فاتن..😂😂😂غر راهو يهرب منك بس شديه كويس 😂😂
عهد..لو ماتسكتيييش مش عارفة شن ندير فيك
فاتن..😂😂بري بري شدي راجلك 😂😂
مشت عهد هي وهاني ونصبوها عركة للسمي
تلفتت فاتن لي هناء ومشتلهم
فاتن..ها شن رايك😉
هناء..ابدعتي الصراحة
الاء..يستاهلو
حلا..مسحتي ع كبدي 😂😂 لاكن منظرها يضحك تقول ابياخدوه منها
الاء..اقوا حاجة كيف ولت جبداته معاها وهو تقول بناوتي
فاتن..هدا شكل ينحب ياظالمة😒
حلا..الله غالب الحب اعمى
فاتن..اي والله فعلا اعمى ولما تبدي تنسيه الشخص اللي غدر فيك وقت تشبحيه تقولي اني حبيت شخص زي هدا خيرني وين كان عقلي وهو طبعا لما يشوفك يلقاك محلوة اكتر
حلا..اي شكلك مجربة
فاتن..اااه من الحب وناره
هناء..هي هي فكونا من النكدد
وفجأة اتصل فون الاء انسحبت منهم
احمدد..وين انتي 😕
الاء..غر بالشوية حالي الحمدلله😑
احمد..جاوبيني
الاء..في المطعم مع اختك وحلا
احمد..وعلاش ماعنديش علم؟؟
الاء..ظروري مانقولك
احمد..اي ظروري ماتقولي وهدي اخرلك مرة خطوة من الحوش مافيش الا بعلمي 😠
الاء..بالشوية صوتك عالي
احمد..بالنعلي كيف مانبي وانتي تسكتي تسمعي وبس😠😡
الاء..لا اوڤر مش مجبورة نتحمل عياطك هدا وكلامك اللي يجرح وكان من اولها هكي بلاش بككل
وطف سكرت عليه وسكرت فونها وطلعت
هناء..ايااح انتم كل ملنشبح وحدة فيكم ناخد عبرة ان مانحبش ولا نفكر نجرب لانة ينكد العيشة
حلا..هي نوضو
الاء..هي
هناء..هيا اصلا مغرب قريب اوك فاتن شكرا مش حننساهولك المعروف هدا 😃😄
فاتن..ولو في الخدمة😉
سملو عليها البنات وطلعو ومشو روحو خشو لل🏡 ولقت الاء احمد قدامها
هناء..الشياطين ينطو فوق راسه شن دايرة يابنت
الاء..سكرت فوني
حلا &هناء..😱😱ليلتك سووودة
وقفو قدام احمد ويشبحوله وخايفين
احمد..خلوني مع الاء بروحنا😠
الاء..لا ماتسيبونيش
هناء..كانك تبي من الاء حاجة قول قدامنا😁
احمد قدم ع هناء وهي توخر تكلم بهدوء..اني قلت كلمة وحدة خلونا برووحنا سمعتتي 😡
هناء..ءءءحلااا خوديني معاااك
ومشو يتجارو ويبيتو من بعيد
حلا.. خايفة ع الاء
هناء..ماتخافيش عليها خوي عمره مامد يده ع حد يكشخ بس
حلا..به ربي يهديها حتى هيا المفروض سايراته
.
.
الاء..ءءءءاحممد
احمد..علاش مسكرة الفووون😠😠
الاء..ءءءء هو ءءءماهو ءءءانت عفلقتني😠
احمد..تعرفي اكره حركة عندي تسكيرة الفون والله والله لو تتعاود ماتشوفي خير
الاء..😭😭😭😭
احمد..😳😳
الاء..😭😭حول من قدامي حول انت زي الغول تخوف😢😢😭😭
احمد..😳اني غووول
الاء..اي اي ناقص تضربني بس حول هيدفاته الاء ومشت من جنبه لحقها شدها من يدها وحطها في حضنه 💑 😍😍😍
الاء وهي مكرشة في سوريته وتبكي..😭😭معاد اتعيط عليا ماعمره حد عيط عليا واني ماكنتش ننظري ان لازم نقولك نحسابك عادي وانت زي الغول تكشخ وتعيط 😭😭
احمد يمسح ع ظهرها باسها ع جبهتها وحط دقنه فوق راسها..اسف والله اسف بس اني هكي طبعي مانحبش من يكسح راسه معاي واي حاجة نقولها حاضر طول مانبيش اي نقاش
الاء..بس اني حبيبتك مش اي حد😔
احمد..حبيبتي وفوق راسي وربي يصبرني عليه راسك اليابس هدا
.
.
خلونا منهم العشاق هدم😭😭#حنو
.
.
هناء..صار خايفة ع اختك اممم
حلا..اقرصيني يا هناء شكلي نحلم تي توا كان قريب يضربها فجأة تحولت لي رومنسية وكلام حلو 😍
هناء..اني بروحي نبي من يفيقني من الصدمة نمشي نجيب ليم ونمصو اني وياك ونتفرجو لانة مشهد لا يعوض ولايف 😍
حلا..😂😂ختشه وحق ربي
وفعلا مشت جابت ليمتين قعدو البنات يمصو في الليم ويتفرجو
وفجأة ينفتح باب اللي يخشو منه السيارات
فراس..حي حي السحاب ابدي ينفتح شكلا اشبح من روح بري اجري
مشت الاء تجري ولقت البنات مقابلينها
الاء..😳😳
حلا..😉😉
هناء..😈😉😉
الاء..بسم الله الرحمن الرحيم شن في
حلا شبحت لي هناء تغمرتها زي ماكانت الاء متغمرة احمد وقتلها..بس اني حبيبتك مش اي حد😢
هناء وهي تقلد في صوت خوها ودايرة نفس حراكاته..حبيبتي وفوق راسي وربي يصبرني عليه راسك اليابس هدا
البنات..😂😂😂😂😂
الاء..حيواناااات انتم كنتم تراقبو فينااا😱😰
حلا..اي ياحبيبتي حتى قعدنا نمصو في الليم 😂😂🍋تبي ؟؟
الاء..خزي ياكلاب والله ماتتحشو باااهي
هناء..غر تحشمو انتم بعدكم احني بإذن الله
حلا..بس كلووو بما يرضي الله ☝ 😂
هناء..ايوووه صح اي 👊👌
الاء..خزي ماتخلوش الحد في حاله انتم😳😒
هناء..😉😉معليشي معليشي 😂😂
حلا..😂😂
الاء..اووف مبردكم اسمعو ياسر بلا تسهويك😒😒
حلا..هههههه والله كل مانذكر منظركم نقعد نضحك😂😂
الاء..الصبر وخلاص
هناء جتهم تجري وهما كانو في الدار
هناء..😱😱
اني..خيركك
هناء..مصيييبة😱😱
الاء..شنننوو فييي
هناء..*******
الاء جت مقعمزة من اللي سمعاته
وحلا قعدت تشبح لي اختها وخايفة😕
هناء.. #يتبع
.
.
ان شاءالله تكون نالت اعجابكم يارب
أنت تقرأ
الحياة حلوة لما نعيشها ببساطة ( روايات ليبية )
Romanceقصة حب غير اعتيادية بين طرفين رواية ليبية خفيفة من داخل المجتمع الليبي من ابداعات الكاتبة : حنو
