حجروها ريدي 💔 ( روايات ليبية )

حلقة 2🔥

#حجروها_ريدي💔
بقلم:Hadeel Al

الحلقه الثانيه:
معتصم ابتسم:تفضلي
لمياء:نخش
معتصم وسعلها:خشي لولي
لمياء خشت وفي ايدها الصفره:سلم وخيي كول
معتصم: صحيتي لولي بس ماعنديش نيه
لمياء:عشان خاطري كول
معتصم: عشان خاطرك ياستي هي
لمياء فاتحه فيس تتفرج قابلها منشور مكتوب فيه:
(ربي يعوضك خير عصومي ، وداير تاق لمعتصم)
لمياء وجعها خوها وايات اللي فرقوا بينهم
لمياء:معتصم
معتصم ياكل:نعم
لمياء:سمعتك مبدري تكلم وتقول حتى قبل الفاتحه تقابلت معاه وقال كلام بنعرف من هذا وشن قال
معتصم:عليش تسألي
لمياء:قولي بس
معتصم وخر:الحمد الله ، لما نزلت من السياره وبنمشي للجامع قابلني الكلب اللي حجر ايات وقالي اليوم عندي ليك شي حلو بكل قتله شن قصدك قال بعدين تعرف😉 وهذا اللي صار
لمياء:اها
معتصم: كنك تسألي
لمياء:فضول بس ،وصبت،انا بننزل نرقد تصبح على خير
معتصم: وانتي بخير
2:30
معتصم فاتح تلفونه ويقرا في كلامه ومحادثاتهم مع بعضهم ويكتب في كلام ويفضفض وبعدها يمسح واستمر وهو يكتب لعند طلعتله ايات Active وبدت تكتب معتصم نفجع وبدا يمسح في الكلام بعتتله ايات
ايات:فرقونا💔.  
             تمت المشاهده
ايات:ادمرت بلاك
          تمت المشاهده
ايات:خليني نحكي معاك اخر مره قبل ماتنقرا فاتحتي
            تمت المشاهده
ايات:معتصم عصومي رد عليا
                تمت المشاهده
ايات:رد عليا انت تشوف في كلامي
                تمت المشاهده
ايات:انا حنفضفضلك لأخر مره ومافيش داعي ترد عليا
ايات: كنت حاسه بشي مضايقني من الصبح ومش فرحانه زي باقي البنات اللي يفرحن ويقولن اليوم حبيبي يولي حلالي مضايقه مخنووقه مش مصدقه انني نقعد لغيرك وانتي لغيري وااعره عليا واااجد يا عصومي💔
معتصم معش قدر يسكت ودزلها:
كنت واعدك نعيط في الشارع ونقول خذيت حبيبتي ياناس وتوا قعدت نقول خذوها مني فرقونا💔💔💔
"محرها لما تبدوا تحبوا بعض ويدير المستحيل عشان ياخذك ويجي النصيب ياخذه منك💔"
ايات بدت تبكي واتصلت بيه
معتصم صكر عليها وبعتلها:مانقدرش نحكي معاك ونرد عليك لأنك قعدتي لغيري وربي يهنيك مع غيري يارب
ايات بدت تبكي وانصدمت لما دارلها بلوك❌ وقعدت تبكي لعند داخت ورقدت
معتصم في فراشه يفكر كيف بتكون مع بنت عمه (ميمونه) ومن كثر تفكيره تعب وترقد
4:25
"مثلا ان تستيقظ على الرابعه فجرا لكي تخبر احدآ انك لست بخير ، لكنك لا تجد احد"
معتصم ناض مضايق مشعارف شن يدير صبا صلى ركعتين ورد لسريره قعد شوي بعدها رقد
في الصبح:
9:00
في بيت اهل معتصم
بنت خال معتصم امنه:تي كيف يصير هكي
جمال:وانا شن دخلني
امنه:نحنا اتفاقنا انك تحجرها لأنك تبيها ولما يسيبها معتصم بيكون ساهل عليا ناخذه وتوا راح مني
جمال:انا اللي نبيها خذيتها وانتي دبري كيف تجيبي معتصم لكي ساهل عليك التدبير ووجك هي معش ترني عليا ،،وصكر في وجهها
امنه:اففف توا كيف بندير ،، وطلعت گأنها مش دايره وماتندريش ان في حد كان يسمع فيها
امنه:صبااحو عمتوو
سليمه:صباح الخير موني
لمياء:امنه ممكن تلفونك نرن بيه على بابا
امنه مدتلها التلفون:هاكي
لمياء خذاته وخشت للدار واول حاجه دارتها فتحت على تسجيل المكالمات وبعتت التسجيل لها وحذفاته وصبت مدت التلفون لأمنه:شكرا امونه
امنه تاكل:العفو
في بيت عائلة ايات
نيروز طلعت من حوش جدها بتمشي لحوشهم  بيشيلها باتها وهي طالعه خبطت في واحد رفعت راسها لقاته عبد السلام
نيروز:اسفه اسفه
عبد السلام:لا عادي وين ماشيه
نيروز:لحوشنا بيسشيلني بابا ،ومشت
عبد السلام:اها ،، وقعد يتبع فيها بعيونه لعند طلعت  وهو خش للحوش
عند ايات:
كانت مضايقه ومخنوقه وصبت بتطلع للجنان
سالمه:وين طالعه
ايات:طالعه بنشم هواء في مشكله
سالمه هزت راسها
ايات طلعت  قعمزت على الكرسي
جمال:شن يدير الحلو بروحه
ايات نفجعت:بسم الله
جمال:شن شفتي جن
ايات:اها وواقف قدامي تحديدا
جمال عصب بس حاول يهدى:تؤ تؤ تؤ تؤ عيب تردي على خطيبك
ايات نصدمت:شنو
جمال:انتي بنت عمي وانا اولى بيك من الغريب
ايات:ياحقير ياتافه ،،وصبت تضرب فيه
جمال مسكها:ماتمديش ايدك احسنلك لأن بعدها يصير فيها كلام ثاني😉😉
ايات فكت روحها:تاافهه، وخشت للحوش
مرن ايام وايات ومعتصم مايفرقش حالهم
معتصم مش لاقي من يصبره
وايات تبكي وترقد ومروه طول الوقت معاها وماسيبتهاش بككل
"ونعم الصحبه"
ايات:حاسه روحي مغموومه ومش متحمله حتى ؤوحي ولعب في راسي الشيطان صبيت جبت ادوية الضغط بتاع بابا وادوية ماما وقعدت نبحت فيهن
ايات:ياربي سامحني وخذيت الادويه وقعدت شويه وحسيت روحي نخنقت وبعدها دخت
ليلى:ههههه لا والله
مروه:كلا انتي ههههه
وفتحت الباب لقت ايات طايحه جنب السرير
مروه:هيييي ايات
ليلى:ايات حي،،وجنها يجرن
ليلى تخبط على وجه ايات
مروه صبت:عبد السلاااام اشرف تعاالو ،،وهيا طالعه خبطت في اشرف
اشرف:كنك تعيطي
مروه:ايات ايات داخت
اشرف:شنوو,, وخشو للدار لقوا ليلى ماسكه ادويه في يديها ومصدومه
اشرف جا لأيات:ايات ايات
مروه قربت لليلى:كنك
ليلى:بتنتحر؟!
اشرف شاف النبض لقاه ضعيف:العبايه وين
مروه صبت جابت العبايه:هاك هاك ،، ومشت تلبس في عبايتها ووشاحها
اشرف لبس ايات وطلع 
مروه طلعت ورا اشرف وسيبت ليلى المصدومه
اشرف شايل ايات:المفتاح فوق الطاوله جيبيه
مروه مشت تجري جاباته وفتحت السياره وركبوا
في الطريق:
مروه حاطه راس ايات على كرعيها وتشوف في نبضها:اشرف بسرعه نبضها ضعيف
اشرف:هي نجري حتى انا
وصلوا للمستشفى ونزل اشرف رفع ايات وخش للمستشفى ووراه مروه
اشرف رافع ايات ومصبي يعيط:جيبوا برييله تي وينكم اززف ياهوو
جت ممرضه جايبه البريلا:حطها حطها
اشرف حط ايات ووخر ، جو اللمرضات خشوا بيها للغرفه
مروه:يارب استر يارب
الممرضات طلعوا يجروا بأيات ووراهم الدكتور  ومشوا لغرفة العمليات
اشرف:شن في شن في ،،ومسك الممرضه
الممرضه:المريضه محاوله تنتحر
اشرف ومروه:شنوو
الممرضه:ربي يشفيها ومشت
بعد وقت طلع الدكتور
اشرف&مروه:شن فيها يادكتور
الدكتور:الحاله واخذه حبوب ضغط وسكر وجرعة ## مش لها وواضحه انها حالة انتحار وتوا درنالها غسيل معده وركبنالها تغذيه لأن عندها هبوط وحتقعد تحت الملاحظه وبكرا تطلع وتعال معايا يا استاذ نشرحلك حالتها كويس
اشرف:تمام ولف على مروه:اقعدي هنا توا نجيك
مروه هزت راسها:باه ، وقعمزت على الكراسي
اشرف مشا
مروه بينها وبين نفسها -افف ياربي شن الشعور اللي يجيني كل مانشوفه زعمك حب افف اصلا هو معتبرني كيف اخته
شاب:اوووي
موده لفت وجهها
الشاب:غير ورينا هالوجه السمح
الشاب قعمز جنبها:غير عبرينا
مروه جت بتصبي
الشاب مسك يدها:غير خوذي ا.. وماكملش كلامه اللا وجاه كف من مروه
مروه:احترم نفسك يا حيوان
اشرف جاي في بداية الممر وشاف مروه ضربت الشاب كفف قعد يسرع في خطواته
الشاب تعصب:احح ،،وصبا ضربها كف
اشرف جا بسرعه ونط على الشاب وبدا فيه ضرب:ياحيوان يا $$$ تمد مكسورتك على بنت ياب$$
الناس التمت تتفرج
جا دكتور:يا اخ هذي مستشفى وفيها مرضى مايبوش ازعاج
اشرف كر الشاب من دبشه وطلع بيه برا المستشفى وبدا يضرب فيه والشاب مالحقش يدافع روحه بكل
على جية عبد السلام
عبد السلام نزل من السياره وجا يجري يحز:غير كنك يا اشرف تي $$
جو مجموعة شباب وقعدوا يحزوا لعند انحزت العركه
عبد السلام ماسك اشرف:كنك كنك
اشرف:تي اطلقني عليه هال$$
عبد السلام:غير كنك مع الراجل
اشرف:لو هو راجل مايمدش ايده على بنت
عبد السلام سيبه:من البنت
اشرف مسح وجهه:مش شورك ،،واذكر مروه
خش يجري للمستشفى لقا الصبايا ملتمات على مروه
اشرف:معليش ممكن شويا يا ابلات
المراه1:من هذا
المراه2:شكله راجلها لأنه ضرب الولد اللي نابشها
المراه1:اها ومشن
اشرف قعمز:حسيتيه الكف
مروه:لا
اشرف مسك وجهها لقا الكف معلم:خذا جزاته الكلب بس شن اللي صار
مروه حكتله اللي صار
اشرف:هالل$## ترا وجك
مروه:اشرف خلاص كف هو بس
اشرف بيحكي جاء عبد السلام
عبد السلام:شن صار مع ايات
اشرف تنهد:كانت بتنتحر
عبد السلام:لا حول الله
اشرف صبا:روح لهلي قوللهم ايات كويسه كان قالولك ليش داخت قول هبوط لأن لو قلنا انتحار بيجوا كلهم هنا
عبد السلام:تمام ،وعدا
اشرف:نازل نجيب ميه نجيبلك ؟
مروه:باه
اشرف عدا
في العنايه:
"ولكن الحقيقه انني انهار دائما وحدي💔'
ايات فتحت عيونها:انا عايشه؟ ليش نقذوني ،وقعمزت فكت التغذيه من يدها صفر الجهاز وايات صبت بتطلع بس ماقدرتش وطاحت على خشت الممرضه
الممرضه:وين طالعه لا لا انتي مريضه تعالي للسرير ،، وقربت منها
ايات عيطت:ابعدديي
الممرضه مسكتها بترفعها
ايات قعدت تعيط وتخبط على الوطا والدم يتنطر:سيبووني سيبووني ليش ماخليتوني نموت ليش
مروه خشت تبكي:اهدي اهدي،،وتمسك فيها ايات تخبط ع الوطا لعند معش قدرت وارتخت:خلووني نمووت انا رلاه شي مانقدرش على فراقه نقدرش😭😭😭
خشن مجموعة ممرضات ورفعنها حطنها على السرير وضربلها مهدئ وطلعن ومعاهن مروه لأنه ممنوع تقعد
مروه طلعت مسكها اشرف
اشرف:كنها ايات
مروه:انهارت وضربولها مهدئ رقدت
اشرف تنهد:باه هيا نروح بيك
مروه:لا لا بنقعد
اشرف:بكرا نجوا نروحوا بيها
مروه:باه وطلعوت روحوا
اشرف&مروه:السلام عليكم
حمد &سالمه&عبد السلام&فتحيه:وعليكم السلام
سالمه:كنها بنتي انا متأكده انه مش هبوط
اشرف:كانت بتنتحر
العيله:شنوو
سالمه:ووه ووه ووه كلا منكم ووووه
فتحيه:ينعلي ليش هكي
هناء تمت تبكي
مروه ماحبتش تقعد والعيله يحكوا صبت بتمشي للدار وهيا في الممر تسمع في صوت حد يبكي في دار ايات فتحت الباب:لولو كنك
ليلى لفت:ماتت صح ماتت😭💔
مروه:كويسه قالولنا
ليلى:لا لا تكذبي
مروه:اسسس بكرا بتروح
ليلى:يااربيي💔
في الليل:
2:00
مروه طالعه بتشرب ميه خبطت في اشرف
مروه:اسفه اسفه
اشرف:لا عادي وقعد يشوفلها
مروه تخزرطت:انا بنمشي
اشرف بتوتر:مروه انا ..
#يتبع
شن بيصير في ايات؟
وهل حتتجوز جمال؟
وشن اللي بيقوله اشرف لمروه؟
كله نعرفوه في الحلقات الجايه❤
وعطوني رايكم في الحلقه حبايب قلبي💋