حجروها ريدي 💔 ( روايات ليبية )

حلقة 4🔥 النهاية 🔥

تحت عنوان #حجروها_ريدي💔
الحلقه الرابعه والاخيره:

سالمه:وااااك عليا بنتي
ليلى تبكي:شن بيديرلها الحقير
هناء تبكي
وصالحه تندب:حسبي الله فيك ياجمال كل مره دايرلي مصيبه ووه ووه
عند جمال:
ايات بدت تفتح في عيونها
جمال ضحك:نضتي
ايات نصدمت:جمال ياحقير
جمال:مش رفضتيني لما طلعت من الحبس وطلبتك وباتك اللي هو عمي حيقبل غصبا عنه عشان يلم الفضيحه اللي دارتها بنته
ايات بهزوه:كيف بيقبل بيك وانت اللي خطفتني😏
جمال:ساهله وضحك نقوللهم قلتلها تهربي معاي قالتلي باه وهربت وماحدش شافنا لما خطفتك وحتكوني ليا غصبآ على الكل
ايات بدت تبكي:حرام عليك انا بنت عمك
جمال:وانا ولد عمك ليش ماقبلتي بيا😡
ايات:ردني لهلي وتفاهم مع خوتي وباتي
مرو شهرين والعيله تدور على ايات مالقتهش لاهيا ولاجمال
ومعتصم ما طلقش ميمونه بسبب عرس اخته لمياء مايبيش يخرب عليها
في المزعه عند ايات:
ايات:زعمك راقد ولا مش قاعد نطلع خير ،،وطلعت لقت جمال راقد قدمت على باب المزرعه اللي جوا لقاته مفتوح فرحت
ايات:هذي فرصتي وطلعت ولما جت بتفتح باب المزرعه الخارجي لقاته مصكر
ايات:اففف شن ندير وقعدت تبحت لعند شافت شجره قريبه من سور المزرعه اشعبطت عليها وقعمزت على السور بس لقت المسافه عاليه ولو نطت حتحسها بس ماعدلتش المهم تهرب ونطت طاحت ع التراب
ايات:اييي ايدي وصبت تنفض في دبشها وعدت تجري ووقفت معش عرفت وين تمشي لأن المزرعه اللي كانت فيها ايات مزرعة صاحب جمال وماحدش يعرفها قعدت تبحت في المزارع بعدها شافت بنت فتحت الباب وحطت الكناسه (حشاكم) بره وخشت ردت الباب
ايات مشت تجري وقعدت تدق على الباب
البنت:هيا يا نونا جايه ،،وجت فتحت تحسابها اختها لقتها ايات
البنت:تفضلي اختي؟
ايات تبكي:بالله عليك ساعديني ساعديني انا مخطوفه وتوا هربت بالله عليك ساعديني
البنت تبحت في ملامح ايات وكأنها تعرفها:خشي وخيتي نكلم راجلي ونجيك
ايات خشت لقت كرسي قعمزت عليه
البنت خشت كلمت راجلها وطلعت
ايات كانت مطبسه راسها وتبكي وحوايجها ترااب كلهن
الراجل:شن صاير معاك اختي؟
ايات حست روحها سامعه الصوت رفعت راسها ونصدمت:معتصم
معتصم نصدم:اياات😨
ايات تبكي:بالله عليك ساعدني بالله عليك😭😭😭
ميمونه:انتي ايات
معتصم:شن جابك هنا
ايات تبكي وتشهق:انا ااا خطفني جمال
معتصم:مش تجوزك ؟؟
ايات:لا لا سيبته
معتصم:كيف سيبتيه
ايات:قبل الشهور مش مسكوا ديسكو في ###
معتصم بإستغراب: اها
ايات:جمال  ....وحكتله
معتصم بخوف:دارلك حاجه
ايات تبكي وتهز في راسها:لا لا وحق ربي لا
معتصم:من امتى عنده
ايات:من شهرين ونص
معتصم فتح تلفونه:حافضه رقم حد من هلك
ايات:لا نسيتهم
معتصم هز راسه:ميمونه خوذيها خليها تغير دبشها وانا توا نشوف هلها
ميمونه:تعالي معايا
ايات صبت ومشت معاها وهيا تبكي
ميمونه خشت لدارها طلعت دبش لأيات وطلعت:تعالي اهوا الحمام خشي دوشي والبسي
ايات خذت الدبش:شكرا
ميمونه:العفو ،،وطلعت لمعتصم:شن بيصير توا
معتصم:عندي رقم بوها بنرن عليه
ميمونه:اها
معتصم بحت فيها:كنك
ميمونه:انت قتلي اليوم نشيلك لهلك لأن اليوم اخر يوم مع بعضنا
معتصم:،نأجلوها بكرا
ميمونه:تمام
ايات طلعت:بترن على بابا
معتصم:ماغيرش رقمه
ايات:لا لا
معتصم:تمام وفتح تلفونه رن
(الرقم المطلوب مقفل)
ايات:افف وبعدين اه اذكرت
معتصم:شنو
ايات:رقم مروه
معتصم:انتوا غيرتوا حوشكم
ايات:لا لا عليش
معتصم صبى:صبي نروح بيك ..ولف على ميمونه:هيا حتى انتي
ايات بتصبي حطت ايدها على الكرسي بس حستها:ايي
ميمونه:كنك
ايات:ايدي وجعتني
ميمونه مسكتها تشوف فيها:طايحه عليها انتي؟؟؟
ايات بإحراج:لما هربت نطيت من فوق السور
معتصم ضحك:من جدك😂
ميمونه:معتصم عيب ،،ولفت على ايات:تعالي نلفها لكي ونمشوا
ايات:باه وصبت وراها لفتها لها وطلعت
ايات:مازلت كيف ما انت
معتصم:ايات مش وقته الكلام هذا
ايات ابتسمت بكسره:ربي يهنيكم💔
ميمونه طلعت:هيا
معتصم:هيا وطلع ووراه ايات
ميمونه كانت تحساب ايات جريئه وحتحاول ترد لمعتصم طلعت بسرعه وطبعا سيارة معتصم مضلمه وجا في بالها ان ايات قاعده قدام فتحت الباب اللي لاورا لقت ايات
ميمونه بتوتر:يييه لخبطت وركبت قدام
في السياره طول الوقت ساكتين لعند وصلوا
معتصم:وصلنا
ايات بحتت فيهم:عمري ماننسا فضلكم عليا وبارك الله فيكم وربي يهنيكم❤ونزلت
ايات تدق على الباب وبرمت شيرتلهم وقعدت تدق لعند فتح
عبد السلام نصدم:اياات😨 ولف صبا في الجنان ويعيط:يممممي يمممي يابوي ايااااات رووحت ولف حضن اياات وهيا تبكي
نيروز:كنه عبسي وطلعت شافت ايات خشت تجري للحوش وتعيط:ياحنيي ياعمي ياعمتي ايات روحت
اشرف نزل يجري من فوق:كنك كنك
سالمه طلعت ووراها مبروكه وهناء:كنك تعيطي كنك
فتحيه من الفرحه قعدت تبكي:اشرف ياولد تعالا صبيني
اشرف جاها يجري صباها وعدا يجري حضن ايات مع عبد السلام
سالمه معش قدرت تصبي وقعمزت على الكريسي وجنبها ليلى ومبروكه وهناء ونيروز ماسكه حنها
اسمهان كانت تصلي بعد كملت طلعت وشافت ايات:اياات روحتي😍😍
سالمه تبكي:اسمهان كلمي عمك
اسمهان ركبت تجري تدق فتح حمد
حمد:كنك ياسومه
اسمهان:اياات روحت ياعمي روحت
حمد قعد يبكي:وينها ،،ونزل لوطا لقا العيله تضبط فيها
حمد:ايات يابنتي
ايات:باتي وجاته حضناته وتبكي
حمد:الحمد على سلامتك يابنتي
ايات:الله يسلمك يابابا
والعيله التمت تضبط فيها وقعمزوا يحكوا وعرفوا كيف خطفها جمال وجاء منصور وعيلته وطلعوا قعدوا يرنوا على جمال ومايردش
عند جمال:
ناض لقى الباب مفتوح نفجع وخش يجري لدار ايات مالقاهاش وقعد يدور فيها في الحوش وطلع للمزرعه برا مالقاهاش عرفها هربت
جمال:هربت مني الكلبه😡
وولع سيارته وخطم من جنب حوش جده لقا عيال ابراهيم واشرف وعبد السلام قدام الباب خاف وروح لحوشه خش حط دبشه في الشنطه وخذا جواز السفر وفلوس وطلع حجز طياره وروح للمزرعه وفي الليل طلع للمطار وسافر
عند ميمونه ومعتصم:
معتصم في مربوعة حوش عمه:سامحني ياعمي بس ماتفاهمناش
عبد الباري:مالكمش 3شهور ياولدي
معتصم:سامحني ياعمي وياريت مايصيرنش مشاكل خلونا زي قبل واحسن وربي يعطيها ولد الحلال
عبد الباري:انشاء الله يارب ويرزقك بنتالحلال
معتصم:انشاء الله ،،وصبا نستأذن منك عندي موضوع بنديره
عبد الباري صبا:ربي يوفقك يا وليدي ويفتحها في وجهك
معتصم سلم على عمه:سلملي على عمتي
عبد الباري:يوصل ياولدي
مر شهر بخيره وشره ومعتصم يفكر في موضوع وبيديره
ميمونه مازالت في العده وبعد تكملها بيتقدملها ايمن
اي ومعتصم عرف ان ميمونه وايمن يحبو بعضهم وشجعهم وقال لأيمن مش حيرفضوك دامني قاعد
اشرف ومروه كل يوم يزيد حبهم💜
عبد السلام مازال ما اعترف لنيروز بسبب الضروف اللي صارن
في بيت حمد:
ايات:الهدايا حطهن في الدار هنا وعطيهن لها بروحك
عبد السلام:تمام ورفع الهدايه وعدا
ايات:ياعمتي مبروكه
مبروكه:نعم
ايات:رني على نيروز شوفيها امتى تجي
مبروكه:اهم العيال قدام الباب لما يشوفوها جت يقولولنا
ايات:لا لا رني عليها اصلا اشرف مازال ماجاب التورته
مبروكه:باهي ،،ورنت عليها
نيروز:ايوه ماما
مبروكه:امتى بتروحي
نيروز:كنكم انتم اليوم ترنوا عليا وتسألو؟
مبروكه:لا ياماما غير خايفين عليك اول مره تسوقي
نيروز:لا تمام انا
مبروكه:باه امتى بتروحي انا والعيال في حوش امي وبعدها بنمشوا لحوش جدك
نيروز:نص ساعه ونطلع
مبروكه:تمام ،،وصكرت
ايات:شن صار
مبروكه:نص ساعه وتطلع
ايات:حي حي بسرعه تعالوا نحطوا التباسي
وجن البنات ينظمن ويرتبن في الحفله
في السياره:
ليلى ماسكه القاتو:مروه انتي انزلي انا مانقدرش
مروه:باهي ،،ونزلت ووراها اشرف غلفوا الهديه وجابوا الزينه وردوا للسياره
ليلى:جبتي كل حاجه
مروه:اها
اشرف:خلاص نروحوا
ليلى:اها
وروحوا للحوش وتوا كل شي للحفله ويستنوا في نيروز
ايات:بعد يقولوا جت تصبي ليلى ع الجنب جنب الباب ومن الجيهه الاخرى رندا وتاخذن البخاخ تبخنه تمام😂
البنات:تمام😂😂
ايات:ومروه تطفي الضي وتفتحه وسميحه تفتح الرشاشات والباقيات يغنن
اسمهان:شن نغنوا😂🤣
ايات:طلي بالأبيض طلي عنجد هذي والله😂😂
جنات خشت بالدربوكه:جديده بعد نكملوا هابي بيرثدي دربكي باهي
فتحيه مسكت الدربوكه:امري لله🤣
إسلام خش:جت راه
ايات:كلمهم يخشوا كلهم
اسلام طلع:خشوا ياشباب والشياب يقعمزوا😂😂
الشباب خشوا للمربوعه
نيروز خشت:خيرات ياخالي
حمد:خير يابنتي
نيروز خشت سلحت الكندره واستغربت الهدوء اول ماخشت للشقه
رندا وليلى يرشن عليها:هييييييييي
العيله:هابي بيرث داي تو يو هابي بيرث داي تو يو
نيروز تغطي في وجهها:وووه عليا وقفن
سالمه تضحك:خلااص يابنات😂
ايات مدتلها منديل:كل عام وانتي بخير مرة خويا😂❤
نيروز تمسح في وجهها:وانتي بخير بس شن مرة خويا هذي
ايات غمزتلها:بعدين ساهل يامرت عبسي
العيله جتها تعيد عليها وجابولها هدايه وقصوا التورته وقعمزوا ياكلوا
ايات تدوي بصوت واطي لنيروز:عارفتك تحبي خويا وتبيه وحتى هو يبيك عديله يبيك ورا الحوش
نيروز صبت:تمام بس لو في حد جاء لاورا رني عليا
ايات:تمام
نيروز مشت ورا الحوش لقت عبد السلام
نيروز:اهلا
عبد السلام لف وابتسم:اهلين بنور العين
نيروز ابتسمت
عبد السلام:كل عام وانتي بخير❤
نيروز:وانت بألف خير
عبد السلام:دوتلك ايات صح
نيروز هزت راسها
عبد السلام:ها شنو
نيروز:انت تحبني؟؟
عبد السلام:اك
اشرف يعيط ويضحك:وووووه ياهنود😂😂😂
عبد السلام تعصب:اشرف
اشرف يضحك:المهم رديتها لكي 😂😂وعدا
عبد السلام لف لقا نيروز تضحك:كنك تضحكي
نيروز:شن دايرله انتا؟
عبد السلام:مره جاني قالي لما الواحد يفرح لما يشوف حد شن معناها قتله معناها مكبد عدا فضح بروحه قال حي انا مكبد ويبي يصارحها ومش عارف كيف وانا فهمته كيف وتقابل معاها وانا كرست وهو اعترفلها وهيا بترد وانا ماتحملتش قعدت نضحك وجهه زي الطماطمه 😂والبنت نحرجت وعدت😂😂
نيروز تضحك:هذا باش بيردهالك
عبد السلام:اها😂
نيروز:باه انا بنمشي
عبد السلام:باه ردي عليا
نيروز:ايه نحبك
عبد السلام فرح:وووووه وووه
نيروز:اسسسس ورن
تلفونها ردت:ايوه ايات
ايات تضحك:قوليله يسكت راه الشباب كانوا بيطلعوا يشوفوا
نيروز:تمام😂
عبد السلام:كنها
نيروز:قالتلك اسكت😂
عبد السلام:😂😂
نيروز:بنمشي انا
عبد السلام:استني اولا عطيني رقمك
نيروز:........
عبد السلام سجله:تمام ثانيا ،،ولف مسك شكااره كبيره وعطاها لها :هذي هديتك
نيروز مسكتها:شكرا
عبد السلام:انشاء الله تعجبك
نيروز:اكييد حبيبي
عبد السلام ابتسم:كنت بنديرلك مفاجئه حلوه بكل اليوم بس ماصارش منها عطيني فتره ونديرلها لكي حبيبي❤
نيروز ابتسمت:تمام توا انا بنمشي خير مايلاحظوا انني طولت
عبد السلام:تمام
نيروز:باي
عبد السلام:باي
نيروز خشت للحوش
ايات:وين وين هذا كله
نيروز ابتسمت:نعللللي منه خووك طرف😍😍🤤
ايات:حتى انتي طرف مشاء الله على عيونك
نيروز:تسلمي
فوق السطاح:
اشرف:باه حبيبي انا بنجي نخطبك
مروه تنهدت:تمام
اشرف:كنك
مروه:شي
اشرف:لا لا في؟
مروه:ماعنديش اخت تصبي معايا و تفرحلي 💔.
اشرف مسك يدها:خلاص حبيبي انا حنعوضك ماتخافيش❤
مروه ابتسمت
مر شهر ومافي شي تغير غير ان عبد السلام واشرف قالوا لهلم على الخطبه وحددوا يوم
يوم الخطبه: 5-20
العيله اول حاجه تمشي لأهل مروه ويطلبوها لأشرف وبعدها يمشوا لحوش العمه مبروكه ويطلبوا نيروز وحددوا الفرح يوم
9-9
مرو 3 شهور وجا يوم كان يوم مفررررح واااجد لأيات وهو انه معتصم جا خطبها حلييييلي انا😍❤
وجا خطبها 8/6
وكان متفق مع العيله انه يقولولها في عريس بس مايقولوش اسمه
ايات تبكي:مانبيييش انا مانبيش
سالمه:بلا دلع بنات شن بتعنسي
ايات تبكي :اها بنعنس بنعنس شن دخلكم بيا
سالمه بعياط:نووضي بيجن البنات يوتنك
ايات صبت تبكي غسلت وجهها وجنها البنات
ليلى فتحت الدولاب وطلعت سروال جينز وعليه بلوزه بدريه قصييره :بنات شن رايكن
نيروز:حلووه وتوا نرفعولها  نص شعرها والباقي نطلقوه ومع شوية ميكب حتطلع تهههبل
اسمهان:انا ننزل نوتي الضيافه ونبخر الحوش احسنلي ونزلت
ليلى رن تلفونها خذاته وطلعت تجري:حبيبي
اسلام:عيونه
ليلى:كيف حالك
اسلام:كويس حبيبي وانتي
ليلى:تمام الحمد الله
اسلام:لولي عندي لكي مفاجئه
ليلى:شنو
اسلام:عدي وتي روحك بنجي نخطبك والعرس مع ايات ومعتصم
ليلى:حلييييلي انا تبصر💜
اسلام:والله لا وهي وتي روحك بنجوكم
ليلى:حاضر صكر نقوللهم
اسلام:تمام وصكر
ليلى نزلت تجري لحوش جدها:مااامااااا
سالمه:كنك تعيطي
ليلى داهشه:ماما اسلام بيجي اليوم يخطبني
سالمه:حي يا حي مش عابيين عليهم
على خشت اشرف:شن ناقصكم نجيبه
سالمه: جيب ... و قالت ع النواقص
اشرف:تمام وطلع
ليلى ركبت تجري لحوشهم وفتحت الباب بالقوه
البنات نفجعن:بسم الله كنك
ليلى صكرت الباب:اسلام اسلام
البنات:كنه
ليلى:توا رن عليا وقال جايب هله بيخطبني
البنات:مبروك مبروك
ليلى:الله يبارك فيكن
ايات تبحت في اختها وكيف فرحانه بحبيبها وتدعي انه ربي يخليه لها❤
في العشيه:
دق الباب:
اسمهان:توا نمشي نفتح ..وفتحت لقتهم اهل معتصم:تفضلو تفضلو
سليمه:الله يفضل عليك بنيتي وسلمت عليها وعلى اللي معاها وكانت مرت خال معتصم وعمته وخالته وفطيمه وامنه عرفتنها🤔
سالمه:مرحبتين مرحبتين زارتنا البركه
وماغباكم في التسليم الصبايا😂
نص ساعه وجو اهل اسلام اللي هما عيت عمها ابراهيم
وخطبوا ايات لمعتصم
و ليلى لأسلام
سليمه:بنيتك هذي ياسالمه
سالمه:لا بنت صبيتي
سليمه:عجبتني بنيتك يا مبروكه بناخذها لمؤيد
مبروكه:الراي راي بوها وماتلقى زي مؤيد
سليمه:نزلولنا عروستنا
سالمه:مبدري ناصبه عزاء ماتبيش تتزوج ونحنا ماقلناش معتصم😂
سليمه:نزلوها😂
اسمهان ركبت:ويتا تعالي انزلي
ايات تمت تبكي:نبيييش
اسمهان:ولو قتلك معتصم اللي بيخطبك
ايات وقفت بكاء:تبصري
اسمهان:اها
ايات صبت سقمت روحها ونزلت تجري واول ماشافت سليمه صبت مصدومه
سليمه:مرحبا بمرات الغالي تعالي بنيتي تعالي
ايات قربت سلمت عليها:شنحالك عمتي
سليمه:بخير دامني شفت وليدي متهني
ايات ابتسمت
سليمه تضحك:صار دايره عزاء فوق😂
ايات نحرجت وطبست راسها
عبد السلام من برا:ايات ايات
نيروز طلعت:ايات جوا تبيها تطلع لمعتصم؟؟
عبد السلام:شن السماحه هذي
نيروز لفت على روحها :حلوه؟؟
عبد السلام:تجنني وهيا عدي قوليلها معتصم بيشوفك
نيروز:تمام وخشت قالت لأيات
ايات لبست عبايه ووشاح وطلعت
و اول ماخشت للمربوعه طلعوا خوتها ومعتصم صبا مد يده
ايات من الفرحه نطت عليه حضناته وقعدت تبكي
معتصم:اسسس ليش البكاء
ايات:مش مصدقه مش مصدقه😭😭
معتصم يضحك:لا صدقي😂
مر اسبوع وجا عرس ايات ومعتصم كان يبيها تجيب دبشها بسس
في العرس:
ايات في النص و اشرف على يمينها و عبسي على يسارها وخاشه بفيلوها الفخم وتسريحتها البسيطه وطالعه تهههبل😍 وصلت للمسرح وصورت مع هلها وحلو الاغنية اللي تحبها ايات وصبت رقصت مع صحباتها وهيجت وحتى سليمه ركبت ترقص معاها😂
وجا وقت يخش معتصم واول ماخش يمشي بسررعه ولما وصل فيها ورفع الطرحه قعد يبكي
ايات:عصومي كنك ياعمري
معتصم حضنها:مش مصدق انك قعدتي ليا ووخر ومسح دموعه وباس جبهتها وجت المصوارتيه صورتهم كم صوره وطلعوا روحوا وكان احلى يوم في حياتهم كانت بداية جديده لثمرة حبهم❤
بعد سنتين ونص:
ايات:بطل ياماما سيب اختك
رواد:نبييش ويكر في شعر نصيب
نصيب تبكي:ياماما
ايات صبت فكتهم:رواد ياماما بطل راه نعاقبك
وسمعوا صوت مفاتيح
نصيب رواد:بابااا ،،ومشو يجروا مسكوا في معتصم
معتصم رفعهم:هوبااا
ايات:خير حبيبي
معتصم:خيرات ياعمري كنك معصبه
ايات:رواد مش مهني روحه يضرب في نصيب
معتصم بحت في رواد:لا يابابا هذي اختك ماتضربهاش باهي
رواد:باه
ايات رن تلفونها ردت:ايوه
مروه:كيف حالك
ايات:تمام حال العياط وانتي
مروه:تعب بكل نجري ورا حمد شي مايبي يبطل يجري ويكسر وانا ماعنديش جهد له
ايات:اس..وماكملتش كلامها وسمعت مروه تعيط
مروه:حمممد ياحمار كسرته وووه عليا
ايات تضحك:طرشتي وذني😂😂
مروه:اشرررررف ،،صكري صكري توا نصرف معاهم
اشرف طلع:كنك تعيطي
مروه:من هالفرخ هو يخلي واحد مرتاح بحت بحت كسر التحفه
اشرف بحت في حمد:حممد را والله المره الجايه نضربك بالسير
مروه:اففف انت ديما في المكتب وانا نجري وراه
اشرف قعمز حداها:ولد هضا واكيد بيلعب ويكسر
مروه اتكت على كتفه:متعب بكل
اشرف باس راسها:توا يكبر
.....................................................
نيروز:عبسييي
عبد السلام:كنك
نيروز:تعال صبيني
عبد السلام صباها:مش قادره تشيلي حتى روحك😂
نيروز:مش مني من ولدك
عبد السلام ضحك:ربي يخليكم ليا❤
.................................
ليلى توتي في الدبش:الساعه كم الطياره
اسلام ماسك ولده ابراهيم:4 الفجر
ليلى:تمام حبيبي
......................................................
(ابطالنا تحملو مر الفراق والتغرب والغياب وفي الخر ربي جمع كل واحد بللي يحبه وتمت قصة كل واحد على خير)
(ايات تزوجت الانسان اللي كانت تحبه وتفرقوا بسبب العادات والتقاليد وفي الاخر ربي جمعهم ببعضهم ورزقهم بتؤام نصيب&رواد ونوروا حياتهم❤
اشرف تزوج مروه وقعدوا سنه وجابوا حمد اللي هبلهم ومروه حامل ببنت
وعبد السلام ونيروز تزوجوا مع اشرف ومروه في نفس اليوم ونيروز بعد سنه ونص حملت بتؤام وحياتهم حلوه💜
اسلام وليلى صارت بينهم مشكله بسبب غيرتهم على بعضهم وفسخوا الخطبه وقعدوا سنه وبعدها جاها اسلام وصالحها وتزوجها وجاهم ولد وسموه ابراهيم
اسمهان تزوجت مؤيد ومازال ربي مارزقهمش
ايناس وميلاد تزوجوا قبل متتصم وايات وعندهم ولدين وبنت
وميمونه وايمن
هذوما قصتهم زي معتصم وايات تفرقوا بسبب العادات وفي الاخير تزوجوا وربي رزقهم بولد وبنت صدفه و ايمن💜
جمال انقطعت اخباره
وهذي نهاية قصص ابطالنا وانشاء الله نالت اعجابكم)
التحجير
التحجير عمره ماكان فرصه عشان تاخذ اللي تحبه لو ربي رايدكم لبعضكم حيجمعكم مهما صار
والتحجير عاده غلط في غلط كانت ايام جدودنا بس خلاص توا تطور العلم والتفكير و مفروض يوقفوا العاده هذي
جمال بسبب تحجيره لبنت عمه ظلم ايات بنت عمه و معتصم و ميمونه كذلك و ايمن ولما خطف ايات ماكانش حل عشان يخليها له.
لقول الرسول صلى الله عليه وسلم:
لا تخطب على خطبة اخيك.
،،،،،،،،،،،،،،،
معتصم & ايات
حبك صمت يستعصي على الالفاظ التعبير عنه وحبك بوح ماتحمل قواميس الدنيا معناه . احبك❤
أيُّها الحُبُّ أنْتَ سِرُّ بَلاَئِي
وَهُمُومِي، وَرَوْعَتِي، وَعَنَائي
وَنُحُولِي، وَأَدْمُعِي، وَعَذَابي
وَسُقَامي، وَلَوْعَتِي، وَشَقائي
أيها الحب أنت سرُّ وُجودي
وحياتي ، وعِزَّتي، وإبائي
وشُعاعي ما بَيْنَ دَيجورِ دَهري
وأَليفي، وقُرّتي، وَرَجائي
يَا سُلافَ الفُؤَادِ! يا سُمَّ نَفْسي
في حَيَاتي يَا شِدَّتي! يَا رَخَائي!
ألهيبٌ يثورٌ في روْضَة ِ النَّفَسِ، فيـ
ـ‍‍‍‍طغى ، أم أنتَ نورُ السَّماءِ؟
أيُّها الحُبُّ قَدْ جَرَعْتُ بِكَ الحُزْ
نَ كُؤُوساً، وَمَا اقْتَنَصْتُ ابْتِغَائي
فَبِحَقِّ الجَمَال، يَا أَيُّها الحُـ
ـبُّ حنانَيْكَ بي! وهوِّن بَلائي
لَيْتَ شِعْري! يَا أَيُّها الحُبُّ، قُلْ لي
مِنْ ظَلاَمٍ خُلِقَتَ، أَمْ مِنْ ضِيَاءِ؟
للشاعر:ابو قاسم الشابي❤
تمممت قصتنا انشاء الله تكون عجبتكم💜
وعطوني رأيكم فيها؟
واحكولي على الشخصيات اللي عجبوكم وحنرد على كل التعليقات💜
بقلم:Hadeel Al