كرونيك:🔫💕ابتسمي فانت من املاك الشيطان💕🔫

51

ﺍﻟﺤﻠﻘﺔ 51
ﻭﺻﻠﻮ ﻟﻠﻜﺎﺑﻴﻨﻲ ﻣﺘﺎﻉ ﺍﻟﻄﺮﻳﺒﺔ ﻫﺒﻄﻮ ﺍﻟﺰﻭﺯ
ﺭﻭﺳﻠﻴﻦ : ﺷﻮﻑ ﻣﻨﺤﺒﺶ ﻧﺠﻴﺒﻮ ﺭﺍﻭ ﺍﻟﺼﻐﻴﺮ ﻫﺎﺫﺍ
ﻫﺎﺭﻭﻥ : ﻋﻠﻲ ﺍﺳﺎﺱ ﺍﻧﺎ ﻣﻴﺖ ﻋﻠﻴﻪ
ﺭﻭﺳﻠﻴﻦ : ﻋﻼﻩ ﺟﻴﻨﺎ ﻟﻨﺎ
ﻫﺎﺭﻭﻥ : ﺑﺎﺵ ﺗﻨﺤﻴﻪ
ﺭﻭﺳﻠﻴﻦ : ﻣﻢ ﺍﻭﻝ ﻣﺮﺓ ﺗﻌﻤﻞ ﺣﺎﺟﺔ ﺑﺎﻫﻴﺎ ڨﺤﺮﻟﻬﺎ ﻛﻤﻞ ﻳﻤﺸﻲ ﻳﻠﻘﺎ ﺍﻟﻄﺒﻴﺐ ﻳﺴﺘﻨﺎ ﻓﻴﻬﻢ
ﺍﻟﻄﺒﻴﺐ : ﻣﺮﺣﺒﺎ ﺳﻲ ﻫﺎﺭﻭﻥ
ﻫﺎﺭﻭﻥ : ﻛﻞ ﺷﻲ ﺣﺎﺿﺮ
ﺍﻟﻄﺒﻴﺐ :' ﺍﻱ ﺍﻭﻝ ﻣﻜﻠﻤﺘﻨﺎ ﺣﻀﺮﻧﺎ ﻛﻞ ﺷﻲ .. ﺗﻔﻀﻞ ﻣﻌﺎﻳﺎ ﻣﺪﺍﻡ .. ﻣﺸﺎﺕ ﺗﺒﻊ ﻓﻴﻪ ﻣﻦ ﻏﻴﺮ ﻣﺘﺨﺰﺭ ﻭﺭﺍﻫﺎ ﺧﺎﻳﻔﺎ ﻗﻠﺒﻬﺎ ﻳﻮﺟﻊ ﻓﺎﻫﺎ ﻣﺘﻌﺮﻓﺶ ﻣﻨﺎﺵ ﺩﺧﻠﺖ ﻟﺒﻴﺖ ﺍﻟﻌﻤﻠﻴﺎﺕ ﺍﻟﻄﺒﺎ ﺍﻟﻜﻞ ﻳﺴﺘﻨﺎﻭ ﻓﺎﻫﺎ ﺑﺪﻟﺖ ﺩﺑﺸﻬﺎ ﻭ ﻣﺸﺎﺕ ﻃﻠﻌﺖ ﻋﺎﻟﻠﻔﺮﺵ ﺣﻄﻮﻟﻬﺎ ﺍﻷﻭﻛﺴﻴﺠﺎﻥ ﻋﻠﻲ ﺧﺸﻤﻬﺎ ﺑﺪﺍﺕ ﺗﻐﻤﺾ ﻓﻲ ﻋﻴﻨﻬﺎ ﻣﻌﺎﺩ ﺣﺎﺳﺎ ﺑﺸﻲ ...
ﺗﻴﻤﻮﺭ : ﺍﺍﺍﺍ ﻫﺎﺭﻭﻥ ﻳﺎﺧﻲ ﺷﻨﻮﺓ ﺑﻴﻨﻚ ﺍﻧﺖ ﻭ ﺭﻭﺳﻠﻴﻦ
ﻫﺎﺭﻭﻥ : ﻋﻼﻩ ﺗﺴﺌﻞ ﺍﻧﺖ ؟
ﺗﻴﻤﻮﺭ : ﻻ ﺷﻲ ﺍﻣﺎ ﺷﺒﺎﻫﺎ ﻣﻌﺎﺩﺵ ﺗﺠﻲ ﻣﻌﺎﻙ
ﻣﺎﺯﻥ : ﻳﻲ ﺳﻴﺐ ﺿﺮﺑﺖ ﻟﺴﻘﺖ ﺍﻧﺖ
ﺗﻴﻤﻮﺭ : ﻻ ﺣﺒﻴﺖ ﻧﺴﺌﻞ ﻭ ﺍﻛﻬﻮ ...
ﺗﺤﻞ ﻓﻲ ﻋﻨﺎﻫﺎ ﺟﺎﺕ ﺑﺎﺵ ﺗﺘﺤﺮﻙ ﻣﻨﺠﻤﺘﺶ ﺧﺰﺭﺕ ﻟﺮﻭﺣﻬﺎ ﺗﻘﺎﻫﺎ ﻓﻲ ﺑﻴﺖ ﻣﺘﺎﻉ ﺳﺒﻴﻄﺎﺭ ﺷﺪﺕ ﺭﺍﺳﻬﺎ ﻣﺰﺍﻟﺖ ﻋﻨﺪﻫﺎ ﺩﻭﺧﺎ ﻟﻴﻦ ﺳﻤﻌﺖ ﺻﻮﺕ
ﺁﻳﺔ : ﻟﺒﺎﺍﺱ
ﺑﻘﺎﺕ ﺗﺨﺰﺭﻟﻬﺎ ﻣﺶ ﻓﺎﻫﻤﺎ ﺷﻲ : ﺵ .. ﺷﻔﻤﺎ
ﺁﻳﺔ : ﻣﺪﺍﻡ ﺍﻟﻌﻤﻠﻴﺔ ﻣﺘﺎﻋﻚ ﻣﺰﺍﻟﺖ ﻛﻲ ﻭﻓﺎﺕ ﻭ ﻛﻞ ﺷﻲ ﻟﺒﺎﺱ
ﺭﻭﺳﻠﻴﻦ ﺣﻄﺖ ﻳﺪﻫﺎ ﻋﻠﻲ ﻛﺮﺷﻬﺎ ﺗﻤﺸﻲ ﻓﺎﻫﺎ ﺑﺎﻟﺸﻮﻳﺔ ﻋﻨﺎﻫﺎ ﻣﺪﻣﻌﻴﻦ
ﺭﻭﺳﻠﻴﻦ : ﻭﺍﻧﺖ ﺷﻜﻮﻧﻚ؟
ﺁﻳﺔ : ﺍﻧﺎ ﺑﻌﺜﻨﻲ ﺳﻲ ﻫﺎﺭﻭﻥ ﺑﺎﺵ ﻧﻮﻟﻲ ﻧﻌﺎﻭﻧﻚ ﻣﺎﻟﻴﻮﻡ
ﺭﻭﺳﻠﻴﻦ : ﻣﻤﻤﻢ ﻭﻳﻨﻮ ﺧﻮ ﺗﻮﺍ ﺍﻟﺒﺮﺍ؟؟
ﺁﻳﺔ : ﻻ ﻣﺸﺎ ﺍﻭﻝ ﻣﺠﻴﺖ
ﺭﻭﺳﻠﻴﻦ : ﻓﻒ ﺑﺎﻫﻲ ﻋﺎﻭﻧﻲ ﻧﻠﺒﺲ ﺩﺑﺸﻲ ﻧﺤﺐ ﻧﺮﻭﺡ
ﺁﻳﺔ : ﺑﺎﻫﻲ ﻣﺪﺍﻡ
ﺭﻭﺳﻠﻴﻦ : ﻋﻴﻄﻠﻲ ﺑﺴﻤﻲ ﺍﺧﻄﺎﻧﻲ ﻣﻨﻬﺎ ﻫﺎﺫﻱ ﻭ ﺯﻳﺪ ﻣﻨﻴﺶ ﻣﺪﺍﻡ
ﻋﺎﻭﻧﺘﻬﺎ ﻟﺒﺴﺖ ﺩﺑﺸﻬﺎ ﺗﺘﺤﺮﻙ ﺑﺴﻴﻒ ﺷﺪﺗﻬﺎ ﻣﻦ ﻳﺪﻫﺎ ﺧﺮﺟﺘﻬﺎ ﺗﻌﺎﻭﻥ ﻓﺎﻫﺎ ﺑﺎﺵ ﺗﻤﺸﻲ
ﺍﻟﻄﺒﻴﺐ : ﻣﺪﺍﻡ ﺭﻭﺳﻠﻴﻦ ﻣﺘﻌﺒﺶ ﺭﻭﺣﻚ ﻋﻤﻠﻴﺘﻚ ﻛﺎﻧﺖ ﺻﻌﻴﺒﺔ ﺧﺎﻃﺮ ﻋﻤﺮﻙ ﺻﻐﻴﺮ
ﺭﻭﺳﻠﻴﻦ : ﺑﺎﻫﻲ
ﺧﺮﺟﺖ ﺭﻛﺒﻮ ﻓﻲ ﺍﻟﻜﺮﻫﺒﺎ .. ﺗﺨﺰﺭ ﻟﻠﻄﺮﻳﻖ ﻭ ﺍﻟﺤﻮﺍﻧﺖ ﻋﻨﺪﻫﺎ ﺍﻛﺜﺮ ﻣﺎﻟﺸﻬﺮ ﻣﺨﺮﺟﺘﺶ
ﺭﻭﺳﻠﻴﻦ : ﺧﻠﻴﻨﺎ ﻧﻌﻤﻠﻮ ﺩﻭﺭﺍ ﻣﺤﻼﻫﺎ ﺍﻟﺒﻼﺻﺔ
ﺁﻳﺔ : ﻻ ﻣﻘﻠﻨﺎﺵ ﻟﺴﻲ ﻫﺎﺭﻭﻥ
ﺭﻭﺳﻠﻴﻦ : ﺍﺵ ﻣﺪﺧﻠﻮ ﻫﻮ ﺯﺍﺩﺍ
ﺁﻳﺔ : ﺳﻤﺤﻨﻲ ﺍﻣﺎ ﻣﻨﺠﻤﻮﺵ ﻭ ﺯﻳﺪ ﻣﺰﻟﺖ ﺗﺎﻋﺒﺎ ﺭﺍﻙ
ﻭﺻﻠﻮ ﻟﻠﺪﺍﺭ ﺟﺎﻭ ﺍﻟﺨﺪﺍﻡ ﻋﺎﻭﻧﻮﻫﺎ ﺗﺘﻄﻠﻊ ﻟﺒﺘﻬﺎ .. ﺗﻤﺪﺕ ﻓﻲ ﻓﺮﺷﻬﺎ ﺗﺨﺰﺭ ﻟﻠﺸﺒﺎﻙ ﺍﻟﺜﻠﺞ ﻳﺼﺐ ﺗﻤﻨﺎﺕ ﺗﺨﺮﺝ ﺗﻠﻌﺐ ﺑﻴﻪ ﻭ ﺍﻣﻬﺎ ﻭ ﺑﻮﻫﺎ ﻣﻌﺎﻫﺎ