كرونيك:🔫💕ابتسمي فانت من املاك الشيطان💕🔫

165

165
_سي غسان مبروك الشركات الكل ملكك توا
غسان: باهي غدوة نكون في استراليا ....
المرا : ااا شربت دواها
الخديمة : اي مدام شربتو و رقدت كي العادة
المرا: باهي برا شوف خدمتك ...مشات للصالة ضربت الطالون متاعها في القاعة تبين الشر الي ناوية عليه مرا في الأربعين الي يشوفها يقول تلاثين  ..مشات وقفت عالشباك تلعب بالسلسلة الديامون الي في رقبتها هزت التلفون و تكلمت
المرا: ههه سي محسن ليك وحشة
محسن : مم و انت يا عروسة ماكش ناوية تورينا وجهم توا شهر كل يوم تكلمني
المرا: هه ماو قتلك تعجبني و نحب نحكي معاك
محسن: ممم مش وقيت نتقابلو توا
المرا: ههه كي نقرر انا توا نتقابلو
محسن: باهي يا للا قرر و انا علي ذمتك
المرا : مم حاضر ..علقت عليه و طلبت واحد آخر
المرا: علاه منمشيلوش اليوم تعدا شهر فاش تستنا ياخي
غسان: مزال شوية وقت و يوفا كل شي
المرا: مفهمتش علاه هاذا الكل كنا نجمو نرتاحو منو مالنهار اللول
غسان: اعمل الي نقلك عليه ..قلي توا اش فما جديد
المرا: كل شي لباس و هي متخافش كلات و شربت دواها و رقدت اما هاو نقلك الطفلة قريب تهبل راو
غسان: علااه شباها
المرا : نهار كامل في نفس البيت تاكل و ترقد
غسان: ميهمكش فاها اعمل الي نقلك عليه
المرا: مم باهي
غسان: توا علي قريب نكلمك كيف مقلت انت صبرنا برشا
المرا : متخافش كل شي يرجع كيف مكان وقتاه جاي انت
غسان: غدوة توا نجي في الليل و يمكن بعد غدوة يوفا كل شي
المرا : اذاكا النهار الي نستنا فيه
علقت عليه و قعدت تشرب في قهوتها
نور: ياخي شبيك تجي فيسع و تمشي متبقاش جملا مع هارون
تيمور: منجمش نبقي معاه منجمش حتي نخزرلو
نور: اي و كي يكبر باش تقلو راك تذكرني امك و بوك منجمش نلعب معاك
تيمور: منعرش منا لوقتها توا نستانس
نور: باهي انا اليوم باش نخرج ندور بيه شوية
تيمور: لا باردا عليه
نور: دخل الربيع راو الطقس يهبل خليه يتفرهد شوية
تيمور: باهي رد بالك عليه و غطيه بالباهي و متبعدش يمكن يوفالك الحليب توا يبقي جيعان
نور: ههه خرجو انت مش خير
تيمور: هه لا خرجو انت ميسالش اما يبقي هارون راو ربي يستر لا يطلع كي بوه هه
نور: اش خص كان يطلع كي هزار
تيمور: انا ماشي توا متستحق شي
نور: لا عيشك
هو خرج و خي خزرت لهارون : تحب نمشيو لماما ليوم هه يا روحي انت وقتاه تكبر و تولي تتكلم ولا تبقي صغير خير ملي تكبر اش يستنا فيك