كرونيك:🔫💕ابتسمي فانت من املاك الشيطان💕🔫

189

189
هارون: هزار عندك حاجة توجع فيك
هزار: لا
هارون: مالا علاه متمشيش بحذا نور و شيماء
هزار: منحبش
هارون: باهي هات آزر كان تحب ترتاح
هزار: لا خليه
خرج و خلاها يعرف راسها صحيح
نور: هارون هزار جاات
هارون: اي ايكا في بيتها
نور: شباها مجاتش بحذايا
هارون: خلاها تزيد ترتاح شوية
نور: قتلك باش تحضر مش هكا
هارون: اش باش تحضر برا انت معادش بكري راو
نور: باهي
نور رجعت يحضرو فاها البنات و قلبها واجعها علي اختها ..هزار لعبت هي ولدها لين تعب رقدت هي وياااه
منال: هزار عزيزتي هيا قوم معادش بكري
هزار حلت عناها : اش فماا
منال: هيا الكلهم حضرو قريب نمشيو راو
هزار: آزر ..آزر وينو
منال: آزر قام من بكري دوشتلو و لبستو و اوكا مع هارون لوطا هيا نستناو فيك
هزار: باهي ..قامت غسلت حالتها لبست روب طويلة متبعة بدنها ڨري شدت شهرها لوطا مرخوف و عملت مكياج غامق طلعها تهبل لبست الطالون متاعها و هبطت عرضها هارون لابس كوستيم نوار مكبوس عليه مبينلو الميسكل متاعو في حملتو آزر لابس اللبسة الي شراتهالو طلع فاها يتڨرمش هبطت شافت اختها في الصال شيماء تريڨللها في شعرها ..نور لبست برنوص ابيض باش تكتب بيه الصداق و بعد تبدل الروب ..هزار دورت وجها مشات لولدها تلعب عليه
هارون : محلاك طلعت
هزار: مم عيشك هاتو
هارون : خليه توا يتعبك امشي بحذا نور انت
هزار: لا خليه عندي ..مدهولها حملاتو
هزار: عطيتو حليبو
هارون: لا محبش ستانس بحليبك تلقاه
هزار: مم باهي هيا نمشيو ..خرجت من غير متكلم حد.ركبت مع هارون خلت آزر في حجرها ..نور جا تيمور هزها و شيماء مشات مع مازن
تيمور: هاذي هي الروب الي خوضت الدنيا علاها
نور: لا هه باش نبدل بعد
تيمور: مش هاذي محلاها خير مالروب الي لكلها عريا الأخرا
نور: تيموور ولله نهبط مالكرهبة
تيمور: هه نفدلك الكلهم محلاك فيهم ..وصلو للصال لقاوهم الكل وصلو قبلهم ..هبط و دار حل الباب لنور شدها من يدها دخلو يمشيو لكلهم وراهم هزار جبدت روحها تمشي ماللخر هي و هارون
دخلو قعدو عالطاولة متاع كتبان الصداق الكل شدو بلايصهم جا العدل و الشهود قعدو
هارون: اقرب عاللقل اقعد من قدام شوية
هزار: لا خليني لنا
هارون: باهي هات آزر راك تعبت
هزار: هارون لباس عليا سيبني
هارون: عرس اختك و انت بقيت واقفا في الباب و تقلي سيبني
هزار: شوف نتسما عملت حاجة باهيا كي حضرت
هارون: باهي اقعد ابقي شو