كرونيك:🔫💕ابتسمي فانت من املاك الشيطان💕🔫

174

174
حلت الباب طلت بالشوية لقاتو راقد دخلت تمشي بالشوية طلعت بحذاه للفرش و هبطت تلعب بشعرها علي وجهو ..حل عنيه و خزر لقاها فوقو دار علي ضهرو جبدها من يدها جابها فوقو و حملها
هزار: هه هارون قوم عاد ماكش باش تاكل
هارون: مم لا منحبش
هزار: قوم اول مرة نطيبلك قووم
هارون: ممم باهي ...قانت من فوقو جبداتو من يدو تمشي فيه وراها لين وصلو لقا الطاولة معبية بكل شي
هارون: هاذا الكل طيبتو انت
هزار: ممم مالا شكون
هارون: ههه ربي تستر ..قعد عالطاولة حطتلو صحنو قدامو
هارون: ماكش باش تاكل انت
هزار: ذوق انت ساعة و قلي خاطر اول مرة نطيب ههه
هارون: صاار تجرب فيا
هزار: تي ذوق ولله تبعتها مالأنترنات بالضبط يعني لازم باش تطلع بنينة
هارون : اي ماو ماكلتك ذوق انت اللولا
هزار: هارون كان متكلش توا ولله نطلع نرقد و نخليك الليلا تعداها وحدك
هارون: باهي باهي هاو باش ناكل
هز المغرفة حط في فمو بلع و خزرلها
هزار: مم متقليش ماسطا ولله عرفتها
هارون: لا بنينا اما ماو اول مرة توا تزيد تتعلم بالوقت
هزار: بنينا بالحق كول مالا
هارون وجهو احمر باش يطرشق : ااا اي اي هاو باش ناكل و انت
هزار: مم انا قلت توا متطلعش بنينا وليت كي خرجت انت و آزر طلبت پيتزا و كليتها
هارون: هه خسارا باش تفوتك ماكلتك البنينة
هزار: يا روحي انت مبنك باهي كول نشوف آزر و نطلعلك ..هي مشات و هو خرج الي في فمو طيشو و هبط علي دبوزة الماء تقريب حاطة في الماكلة زوز كيلو ملح
كمل شرب و هي رجعتلو : مم مزال راقد
هارون: اي خليه راقد خير
هزار: مزلت مشبعتش منو 
هارون: هزار يا روحي علاه منجيبوش صغير آخر
هزار: ههه آزر مزال عمرو شهر راو
هارون: اي عاد شببه و مش انت قلت تحب بنية
هزار: اي و كي يجي وليد
هارون: ميسالش توا المرة الثالثة تجي بنية و كان مش الثالثة توا الرابعة نبقاو نجيبو لين تطلع بنية
هزار: ههه مبلدك باهي نخمم و نقلك
هارون: لا الليلا قص عالدواء
هزار: اصلا بديت نشرب اليوم متنساش البارح يمكن تخطف
هارون: هه باهي قوم
هزار: كمل كول
هارون: توا نكمل الفوق ...قام حملها و طلع باها للبيت يجري  دخل للبيت سكر الباب وراه حطها عالفرش بالشوية و هبط فوقها
هارون: وينو الدواء الي تشرب فيه
هزار: في القجر
هارون : باهي ..قام من فوقها مشا جبدو دخل للدوش رماه و صب فوقو الماء و خرح
هزار: ههه علاه هكا
هارون: ماو قلنا مش باش تشرب