كرونيك:🔫💕ابتسمي فانت من املاك الشيطان💕🔫

147

147
ﺭﻭﺳﻠﻴﻦ : ﻫﺎﺭﻭﻥ ﻳﺎﺧﻲ ﻭﻳﻦ ﻣﺎﺷﻴﻦ
ﻫﺎﺭﻭﻥ : ﺃﻟﻤﺎﻧﻴﺎ
ﺭﻭﺳﻠﻴﻦ : ﻭ ﻋﻼﻩ ﺳﻤﻌﺖ ﺣﺎﺟﺔ ﻋﻠﻲ ﺑﺎﺑﺎ
ﻫﺎﺭﻭﻥ : ﻻ ﻋﻨﺪﻱ ﺧﺪﻣﺔ ﻫﻴﺎ ﺣﻀﺮﺕ
ﺭﻭﺳﻠﻴﻦ : ﺍﻱ ﺻﺎﻳﻲ
ﻫﺎﺭﻭﻥ : ﺑﺎﻫﻲ ﻫﻴﺎﺍ ... ﺧﺮﺝ ﻫﻮ ﻭﻳﺎﻫﺎ ﻣﺎﺷﻴﻦ ﻟﻠﻤﻄﺎﺭ ﺍﻭﻝ ﻣﻮﺻﻞ ﺩﺧﻞ ﻟﻠﻄﻴﺎﺭﺓ ﻭ ﺧﻼﻫﺎ ﻫﻲ ﻭ ﺗﻴﻤﻮﺭ ﻭﺣﺪﻫﻢ ﺍﻟﺒﺮﺍ
ﺗﻴﻤﻮﺭ : ﻫﻴﺎ ﺍﻃﻠﻊ
ﺭﻭﺳﻠﻴﻦ : ﻓﻒ ﺑﺮﺑﻲ ﻗﻠﻲ ﺷﺒﻴﻪ ﻭﻻ ﻫﻜﺎ
ﺗﻴﻤﻮﺭ : ﺗﻲ ﺧﺪﻣﺔ ﻭ ﺍﻛﻬﻮ ﻫﻴﺎ
ﺭﻛﺒﻮ .. ﻃﻠﻌﺖ ﺑﻴﻬﻢ ﺍﻟﻄﻴﺎﺭﺍ ﻷﻟﻤﺎﻧﻴﺎ ﻛﻞ ﻭﺍﺣﺪ ﻓﻴﻬﻢ ﻳﺨﻤﻢ ﺍﺵ ﺑﺎﺵ ﻳﺼﻴﺮ
...... ﻧﻮﺭ : ﻳﺎ ﻫﺰﺍﺭ ﻗﻮﻡ
ﻫﺰﺍﺭ : ﻣﻤﻢ ﺧﻠﻴﻨﻲ ﻧﺰﻳﺪ ﺷﻮﻳﺔ
ﻧﻮﺭ : ﺑﺎﻫﻲ ﺷﻮﻑ ﺍﻧﺎ ﻫﺎﻭ ﻣﺎﺷﻴﺎ ﻧﺨﺪﻡ ﻧﻜﻤﻞ ﺍﻟﻌﺸﻴﺔ ﻧﻠﻘﺎﻙ ﺣﺎﺿﺮﺍ ﺑﺎﻫﻲ؟؟
ﻫﺰﺍﺭ : ﺑﺎﻫﻲ ﺑﺎﻫﻲ ﺳﻜﺮ ﺍﻟﺒﺎﺏ ... ﻏﻄﺎﺗﻬﺎ ﻭ ﺧﺮﺟﺖ ﻣﺎﺩﺍﺭ ﻣﺎﺷﻴﺎ ﻟﻠﺨﺪﻣﺔ
ﻧﻮﺭ : ﺍﻭﻭﻩ ﻓﺠﻌﺘﻨﻲ ﺯﺡ
ﺧﻠﻴﻞ : ﺍﺍﺍ ﺍﺵ ﻗﺘﻠﻚ
ﻧﻮﺭ : ﻣﺰﺍﻟﺖ ﺗﺨﻤﻢ ﺍﺑﻌﺪ ﻣﻦ ﻗﺪﺍﻣﻲ .. ﻓﺎﺗﺎﺗﻮ ﺗﻤﺸﻲ ﻭ ﻫﻮ ﻳﻤﺸﻲ ﻭﺭﺍﻫﺎ
ﻫﺰﺍﺭ : ﻣﻤﻢ ﻻﺯﻣﻬﺎ ﺗﻮﺍﻓﻖ ﺑﻄﺒﻴﻌﺔ ﻣﻜﺎﻧﺶ ﺑﺎﺵ ﺗﺼﻴﺮ ﺑﺮﺷﺎ ﻣﺸﺎﻛﻞ
ﻧﻮﺭ : ﻛﻲ ﻫﻲ ﻣﺘﺤﺒﺶ ﺗﻌﺮﺱ ﺑﻴﻚ ﺑﺴﻴﻒ
ﺧﻠﻴﻞ : ﺍﺍﺍﺍ ﺍﻱ ﺑﺴﻴﻒ ﻋﻼﻫﺎ ﻭ ﻋﻠﻴﻚ ﻳﻌﻨﻲ ﺭﺩ ﺑﺎﻟﻚ ﺍﻩ
ﻧﻮﺭ : ﺍﺑﻌﺪﻧﻲ ﺗﻮﺍ
ﺧﻠﻴﻞ : ﺑﺎﻫﻲ ﻫﺎﻭ ﻣﺎﺷﻲ ﻧﺴﺘﻨﺎ ﻣﻨﻚ ﺍﻟﺒﺸﺎﺭﺍ ﻣﺘﻨﺴﺎﺵ
ﻧﻮﺭ : ﺗﻤﺸﻲ ﻟﺠﻬﻨﻢ ﻧﺸﺎﻟﻠﻪ
ﺗﺴﻤﻊ ﻓﻲ ﺍﻟﺒﺎﺏ ﻳﺪﻕ ﻭ ﻫﻲ ﻧﺎﻗﺼﺎ ﻧﻮﻡ ﻗﺎﻣﺖ ﺑﺴﻴﻒ ﺣﻠﺖ
ﻫﺰﺍﺭ : ﺍﺍ ﺧﻠﻴﻞ ﺷﻔﻤﻬﺎ
ﺧﻠﻴﻞ : ﺣﺒﻴﺖ ﻧﺠﻲ ﻧﻄﻞ ﻋﻠﻴﻚ
ﻫﺰﺍﺭ : ﻣﻢ ﻳﻌﻴﺸﻚ ﺍﻳﺠﺎ ﺍﺩﺧﻞ
ﺧﻠﻴﻞ : ﻻ ﺟﻴﺖ ﻧﻄﻞ ﻭ ﺍﻛﻬﻮ ﻣﺎﺷﻲ
ﻫﺰﺍﺭ : ﻣﻤﻢ ﺑﺎﻫﻲ .. ﻫﻮ ﻣﺸﺎ ﻭ ﻫﻲ ﺳﻜﺮﺕ ﺍﻟﺒﺎﺏ ﻣﺸﺎﺕ ﺣﻠﺖ ﺍﻟﺘﻠﻔﺰﺓ ﺑﻘﺎﺕ ﺗﺘﻔﺮﺝ ﻟﻴﻦ ﺟﺎﺕ ﺍﻟﻌﺸﻴﺔ ﻗﺎﻣﺖ ﻟﺒﺴﺖ ﺭﻭﺏ ﻗﺼﻴﺮﺍ ﻭﺍﺳﻌﺎ ﺷﺪﺕ ﺷﻌﺮﻫﺎ ﻣﺮﺧﻮﻑ ﺍﻟﻠﻮﻃﺎ ﻭ ﺑﻘﺎﺕ ﺗﺴﺘﻨﺎ ﻓﻲ ﺍﺧﺘﻬﺎ
ﻧﻮﺭ : ﺍﺍ ﺭﻭﺭﻭ ﺍﻟﺤﻤﺪﻟﻠﻪ ﻛﻲ ﻣﻨﺴﻴﺘﺶ ﻫﺎﻙ ﺣﺎﺿﺮﺍ
ﻫﺰﺍﺭ : ﻣﻢ ﺍﻱ
ﻧﻮﺭ : ﻣﺶ ﻛﻴﻨﻮ ﺑﺎﺭﺩﺍ ﻋﻠﻴﻚ
ﻫﺰﺍﺭ : ﻻ ﺍﻟﺪﻧﻴﺎ ﺳﺨﻨﺖ ﺻﺎﻳﻲ
ﻧﻮﺭ : ﺑﺎﻫﻲ ﻫﻴﺎ ﻧﻤﺸﻴﻮ ﺍﻟﺠﻤﺎﻋﺔ ﻳﺴﺘﻨﺎﻭ
ﻫﺰﺍﺭ : ﺷﻜﻮﻧﻬﻢ
ﻧﻮﺭ : ﺗﻲ ﺷﻜﻮﻥ ﺑﺮﺑﻲ ﻣﺎﻭ ﻣﻼﻙ ﻭ ﺍﺣﻤﺪ ﻭ ﻳﺎﺳﻴﻦ ﻫﻴﺎ ﻭﺻﻠﻮ ﻣﻦ ﺑﻜﺮﻱ
ﻫﺰﺍﺭ : ﺑﺎﻫﻲ ﻫﻴﺎ .. ﻗﺎﻣﻮ ﺧﺮﺟﻮ ﺍﻹﺛﻨﻴﻦ ﻣﺸﺎﻭ ﻟﻠﻘﻬﻮﺓ ﻣﺘﺎﻉ ﺍﻟﻌﺎﺩﺓ ﻟﻘﺎﻭﻫﻢ ﻳﺴﺘﻨﺎﻭ ﻓﻴﻬﻢ ﻗﻌﺪﻭ ﻣﻌﺎﻫﻢ ﻭ ﻃﻮﻝ ﺩﺧﻠﻮ ﻓﻲ ﺍﻟﺘﻔﺪﻟﻴﻚ ﻭ ﺍﻟﺠﻮ ﻣﺘﺎﻋﻬﻢ ﻛﻲ ﺍﻟﻌﺎﺩﺓ
ﺗﻴﻤﻮﺭ : ﻣﺤﻼﻫﺎ ﺍﻟﺒﻼﺻﺔ ﻟﻨﺎ
ﺭﻭﺳﻠﻴﻦ : ﺍﻱ ﺗﻬﺒﻞ ﻋﻴﺎ ﻧﺨﺮﺟﻮ ﺷﻮﻳﺔ
ﺗﻴﻤﻮﺭ : ﻭﻟﻠﻪ ﻛﺎﻥ ﺣﺐ ﺳﻲ ﻫﺎﺭﻭﻥ ﻳﺎ ﻫﺎﺭﻭﻥ ﻫﻴﺎ ﻧﺨﺮﺟﻮ
ﻣﻠﻲ ﻭﺻﻠﻮ ﻭ ﻫﻮ ﺷﺎﺭﺩ ﻳﺨﺰﺭ ﻣﺎﻟﺸﺒﺎﻙ : ﺍﺍ ﻻ ﻣﻌﻨﻴﺶ ﺍﺧﺮﺟﻮ ﺍﻧﺘﻮﻣﺎ
ﺗﻴﻤﻮﺭ : ﺗﻲ ﻫﻴﺎ ﻫﺎﻭ ﻓﻤﺎ ﻗﻬﻮﺓ ﻣﻘﺎﺑﻠﺘﻨﺎ ﻧﺒﻘﺎﻭ ﻓﺎﻫﺎ ﺷﻮﻳﺔ
ﻫﺎﺭﻭﻥ : ﻣﻢ ﺑﺎﻫﻲ ﻫﻴﺎ .. ﺧﺮﺟﻮ ﻣﻊ ﺑﻌﻀﻬﻢ ﺭﻭﺳﻠﻴﻦ ﻻﺻﻘﺎ ﻓﻲ ﻫﺎﺭﻭﻥ ﻣﺤﺒﺘﺶ ﺗﺒﻌﺪ ﻋﻠﻴﻪ ﻟﻴﻦ ﻭﺻﻠﻮ ﻟﻠﻘﻬﻮﺓ ﻭ ﻛﻞ ﻭﺍﺣﺪ ﺷﺎﺩﻅ ﺑﻼﺻﺘﻮ .. ﺗﻴﻤﻮﺭ ﻭ ﺭﻭﺳﻠﻴﻦ ﻳﺤﻜﻴﻮ ﻭ ﻫﻮ ﻣﺶ ﻣﻌﺎﻫﻢ ﺟﻤﻼ ﻟﻴﻦ ﺳﻤﻊ ﺻﻮﺕ ﺿﺤﻚ ﺻﻮﺕ ﻣﺴﺘﺤﻴﻞ ﻳﻨﺴﺎﻩ ﺑﺪﺍ ﻳﻠﻮﺝ ﻋﻠﻴﻪ ﻣﻨﻴﻦ ﺟﺎﻱ ﻟﻠﻴﻠﻲ ﻟﻘﺎﻩ ﻭﺭﺍﻩ
ﺗﻴﻤﻮﺭ : ﻫﺎﺭﻭﻥ ﺷﺒﻴﻚ ﺗﺨﺰﺭ ﻭﺭﺗﻴﻤﻮﺭ : ﻫﺎﺭﻭﻥ ﺷﺒﻴﻚ ﺗﺨﺰﺭ ﻭﺭﺍﻙ
ﻫﺎﺭﻭﻥ : ﻻ ﺷﻲ ﻧﺘﺨﻴﻞ ﻭ ﺍﻛﻬﻮ
ﺗﻴﻤﻮﺭ : ﺑﺎﻫﻲ ﺍﺵ ﺗﺤﺐ ﺗﺎﺧﺬ
ﻫﺎﺭﻭﻥ : ﺷﻮﻑ ﺍ ﻧﺎ ﻣﻌﻴﻨﻴﺶ ﺑﻬﺎﻟﻘﻌﺪﺓ ﺍﺑﻘﺎﻭ ﺍﻧﺘﻮﻣﺎ ﺍﻧﺎ ﺭﺍﺟﻊ ﻟﻸﻭﺗﺎﻝ .. ﻗﺎﻡ ﺧﺮﺝ ﻭ ﺧﻼﻫﻢ
ﺭﻭﺳﻠﻴﻦ : ﺑﺮﺑﻲ ﻳﺎ ﺗﻴﻤﻮﺭ ﻗﻠﻲ ﺷﺒﻴﻪ
ﺗﻴﻤﻮﺭ : ﺷﺒﻴﻪ ؟؟
ﺭﻭﺳﻠﻴﻦ : ﺑﺎﻫﻲ ﻗﻠﻲ ﺍﻣﺎﻥ ﻋﺮﻑ ﻭﺣﺪﺍ ﺑﻌﺪﻱ
ﺗﻴﻤﻮﺭ : ﺷﻮﻑ ﺭﻭﺳﻠﻴﻦ ﻣﺎﻟﻮ ﺍﻻ ﺑﺎﺵ ﻳﺠﻲ ﻭﻗﺖ ﻭ ﺗﻌﺮﻑ ﻫﺎﺭﻭﻥ ﻋﺮﺱ ﺑﻌﺪﻙ
ﺭﻭﺳﻠﻴﻦ ﻣﺼﺪﻭﻣﺔ : ﻋﺮﺱ؟؟؟ ﻛﻔﺎﻩ ﻭ ﻭﻳﻨﻮ ﻣﺮﺗﻮ
ﺗﻴﻤﻮﺭ : ﺍﻱ ﻋﺮﺱ ﺍﺫﺍﻛﺎ ﻋﻼﻩ ﻫﻮ ﺍﻛﺎﻛﺎ ﺧﺎﻃﺮ ﻣﻴﻌﺮﻓﺶ ﻋﻼﻫﺎ ﻭﻳﻨﻲ
ﺭﻭﺳﻠﻴﻦ : ﻫﺮﺑﺖ ﻳﻌﻨﻲ
ﺗﻴﻤﻮﺭ : ﺣﻜﺎﻳﺔ ﻃﻮﻳﻠﺔ ﺍﺵ ﺑﺎﺵ ﻳﺤﻜﺎﻫﺎ
ﺭﻭﺳﻠﻴﻦ : ﻛﺎﻧﻮ ﻳﺤﺒﻮ ﺑﻌﻀﻬﻢ
ﺗﻴﻤﻮﺭ : ﻣﻨﻌﺮﺵ ﺍﻣﺎ ﺍﻟﻲ ﻧﻌﺮﻓﻮ ﺍﻟﻲ ﻫﻲ ﻭﻗﺘﻠﻲ ﻣﻌﺎﻩ ﺑﺪﻟﺖ ﻓﻴﻪ ﺑﺮﺷﺎ ﺣﺎﺟﺎﺕ ﺣﺘﻲ ﺍﻧﻮ ﻛﺎﻥ ﺑﺎﺵ ﻳﺠﻴﻬﻢ ﺻﻐﻴﺮ
ﺭﻭﺳﻠﻴﻦ : ﺯﺍﺩﺍ ﻭ ﻣﻦ ﻭﻗﺘﺎﻩ ﺑﻌﺪﻭ ﻋﻠﻲ ﺑﻌﻀﻬﻢ
ﺗﻴﻤﻮﺭ : ﻋﻨﺪﻫﻢ ﺳﺒﻌﺔ ﺷﻬﺮ ﻣﺤﺴﻮﺏ
ﻫﺰﺍﺭ : ﻧﻮﺭ ﻫﻴﺎ ﻧﺮﻭﺣﻮ ﺗﻌﺒﺖ
ﻧﻮﺭ : ﺑﺎﻫﻲ ﻫﻴﺎ .. ﺳﻠﻤﻮ ﻋﺎﻟﺠﻤﺎﻋﺔ ﻭ ﺧﺮﺟﻮ
ﻧﻮﺭ : ﺗﻲ ﺑﺮﺑﻲ ﻫﻴﺎﺍﺍ
ﻫﺰﺍﺭ : ﻧﻮﺭ ﻗﺘﻠﻚ ﻻ ﻧﺤﺐ ﻧﺒﺎﺕ ﻓﻲ ﺍﻟﺪﺍﺭ ﻭﺣﺪﻱ ﺍﻣﺸﻲ ﺍﻧﺖ ﺑﺤﺬﺍ ﺧﺎﻟﺘﻲ
ﻧﻮﺭ : ﺗﻲ ﻋﻼﻩ ﻣﻨﺠﻤﺶ ﻧﺨﻠﻴﻚ ﻭﺣﺪﻙ
ﻫﺰﺍﺭ : ﺷﻮﻑ ﺧﺎﻟﺘﻲ ﻣﺮﻳﻀﺔ ﻫﻲ ﺍﻷﻫﻢ ﺗﻮﺍ ﺑﺮﺍ ﺑﺎﺕ ﺑﺤﺬﺍﻫﺎ ﺍﻧﺎ ﻣﻌﻨﺪﻭ ﻣﻴﺼﻴﺮﻟﻲ ﻭ ﺯﻳﺪ ﺍﻟﺪﺍﺭ ﺑﺤﺬﺍﻛﻢ
ﻧﻮﺭ : ﺑﺎﻫﻲ ﺧﻠﻲ ﺗﻠﻔﻮﻧﻚ ﺑﺤﺬﺍﻡ
ﻫﺰﺍﺭ : ﺑﺎﻫﻲ .. ﺑﺎﺳﺖ ﺍﺧﺘﻬﺎ ﻭ ﻣﺸﺎ ﻛﻞ ﻭﺍﺣﺪ ﻓﻲ ﻃﺮﻳﻖ ﺗﻌﺪﺍﺕ ﻟﻠﻤﺮﺷﻲ ﺧﺬﺍﺕ ﺣﺎﺟﺎﺕ ﻧﻘﺼﻴﻨﻬﺎ ﻭ ﺭﻭﺣﺖ ﻟﻠﺪﺍﺭ ﺣﺎﺳﺔ ﺭﻭﺣﻬﺎ ﺗﻔﺮﻫﺪﺕ ﺑﻌﺪ ﺍﻟﺨﺮﺟﺔ ﻫﺎﺫﻱ ﺣﻠﺖ ﺍﻟﺒﺎﺏ ﻭ ﺩﺧﻠﺖ ﺗﻌﺪﺍﺕ ﻛﻮﻝ ﻟﻠﻜﻮﺟﻴﻨﺔ ﺣﺒﺴﺖ ﻓﻲ ﺍﻟﺒﺎﺏ ﺑﻘﺎﺕ ﺷﻮﻳﺔ ﻭ ﺑﺪﺍﺕ ﺩﻭﺭ ﺑﺎﻟﺸﻮﻳﺔ ﻟﻴﻦ ﻋﻴﻄﺖ ﻭ ﻃﻴﺤﺖ ﺍﻟﺼﺎﺵ ﻣﻦ ﻳﺪﻫﺎ ﻣﺎﻟﻔﺠﻌﺔ ﺷﺪﺕ ﻛﺮﺷﻬﺎ ﺗﺨﺰﺭ ﻣﺶ ﻣﺼﺪﻗﺎ
ﻫﺰﺍﺭ : ﺍﺍ .. ﺍﺵ ﺗﻌﻤﻞ ﻟﻨﺎ
ﻫﺎﺭﻭﻥ ﻳﺨﻮﺭ ﻟﻜﺮﺷﻬﺎ : ﻇﺎﻫﺮﻟﻲ ﻓﻤﺎ ﺑﺮﺷﺎ ﺣﺎﺟﺎﺕ ﻻﺯﻣﻚ ﺗﻔﻬﻤﻬﻤﻠﻲ ﻳﺎ ﻫﺰﺍﺭ
ﻫﺰﺍﺭ : ﺍﺧﺮﺝ ﻣﻌﻨﺪﻱ ﻣﻨﻔﻬﻤﻚ
ﻫﺎﺭﻭﻥ : ﻳﺰﻳﻚ ﺷﻮ ﻋﻨﺪﻙ ﻗﺪﺍﻩ ﻣﺘﺨﺒﻴﺎ
ﻫﺰﺍﺭ : ﻛﻔﺎﻩ ﻟﻘﻴﺘﻨﻲ
ﻫﺎﺭﻭﻥ : ﺗﻨﺠﻢ ﺗﻘﻮﻝ ﺻﺪﻓﺔ .. ﻗﺎﻡ ﻳﻤﺸﻲ ﻭ ﻳﻘﺪﻣﻠﻬﺎ ﻭ ﻫﻲ ﺗﺮﻋﺶ ﺑﻜﻠﻬﺎ
ﻫﺰﺍﺭ : ﺍﺑﻌﺪ ﻭﻳﻦ ﺟﺎﻱ ﻣﺘﻘﺮﺑﻠﻴﺶ
ﻭﻗﻒ ﻗﺪﺍﻣﻬﺎ ﻫﺰ ﻳﺪﻭ ﻳﻌﺪﻱ ﻓﺎﻫﺎ ﻋﻠﻲ ﻛﺮﺷﻬﺎ
ﻫﺰﺍﺭ : ﻣﻬﻮﺵ ﻭﻟﺪﻙ
ﻫﺎﺭﻭﻥ : ﻫﻬﻪ ﺍﻱ ﺻﺪﻗﺘﻚ
ﻫﺰﺍﺭ : ﺻﺪﻕ ﻭﻻ ﺍﺑﻘﻲ ﺍﺧﺮﺝ ﺗﻮﺍ
ﻫﺎﺭﻭﻥ : ﻣﻢ ﻻ ﺑﺎﺵ ﻧﺒﺎﺕ ﻟﻨﺎ
ﻫﺰﺍﺭ : ﺍﺑﻘﻲ ﺗﻮﺍ ﻧﺨﺮﺝ ﺍﻧﺎ .. ﺟﺎﺕ ﻣﺎﺷﻴﺎ ﺷﺪﻫﺎ ﻣﻦ ﻳﺪﻫﺎ ﻭ ﺭﺟﻌﻬﺎ
ﻫﺎﺭﻭﻥ : ﻻﺯﻣﻨﺎ ﻧﺤﻜﻴﻮ ... ﻧﻄﺮﺕ ﻳﺪﻫﺎ ﻭ ﺑﻌﺪﺕ ﻋﻠﻴﻪ : ﻣﻌﻨﺎ ﻣﻨﺤﻜﻴﻮ ﺍﺑﻌﺪ
ﻫﺎﺭﻭﻥ : ﻫﺰﺍﺭ ﻭﻳﻦ ﻣﺎﺷﻴﺎ ﺍﻳﺠﺎ ﻟﻨﺎ
ﻫﺰﺍﺭ ﺑﺪﺍﺕ ﺗﻌﻴﻂ : ﺳﻴﻴﺐ ﻣﺘﻤﺴﻨﻴﺶ
ﻫﺎﺭﻭﻥ : ﺑﺎﻫﻲ ﺭﻳﺾ ﺍﻧﺖ ﺗﻮﺍ ﻣﻨﻤﺴﻜﺶ
ﻫﺰﺍﺭ : ﺍﺵ ﺗﺤﺐ
ﻫﺎﺭﻭﻥ : ﺷﻜﻮﻥ ﺍﻟﻲ ﻛﻨﺖ ﻣﻌﺎﻫﻢ
ﻫﺰﺍﺭ : ﺍﺵ ﻳﻬﻤﻚ ﺍﻧﺖ
ﻫﺎﺭﻭﻥ : ﻣﺮﺗﻴﻲ
ﻫﺰﺍﺭ : ﻻ ﻛﺎﻥ ﺟﻴﺖ ﻣﺮﺗﻚ ﻣﺘﻌﻤﻠﺶ ﻓﻴﺎ ﻫﻜﺎ
ﻫﺎﺭﻭﻥ : ﻭﻟﻠﻪ ﻣﺸﻜﻠﺘﻚ ﺟﻴﺘﻨﻲ ﻓﻲ ﺍﺧﻴﺐ ﻭﻗﺖ ﻭ ﻗﺘﻠﻲ ﻛﻞ ﺷﻲ ﻣﻊ ﺑﻌﻀﻮ .. ﻗﺮﺑﻠﻬﺎ ﻟﺼﻘﻬﺎ ﻟﻠﺤﻴﻂ ﻳﺤﻜ