كرونيك:🔫💕ابتسمي فانت من املاك الشيطان💕🔫

163

163
قاعد يخزرلها بكات بكات لين رقدت غطاها و خرج لين شاف فادي طايح لوطا و باين مصدوم من حاجة
مشالو و قعد بحذاه
تيمور: فادي اش فما تبكيي؟؟ اش فماا؟؟
فادي باقي ساكت
تيمور: علي هزار ؟؟ لكلنا حاسين علاها ربي يرحمها
فادي بدا يعمل براسو لا خزرلو عينو حمرا بالدموع : هارون هارون ماات
تيمور: ش..شنوة فتش تحكي يا ولدي
فادي: كلموني توا .. رما روحو في البحر
تيمور: لاااااااا مش هو غالطين
فادي: في جيبو خاتم هزار و طربوشة ولدو و زيد هارون شكون ميعرفو
تيمور طاح بحذاه يخزر عشير عمرو مشا و خلاه صاحبو و خوه مشا معادش يرجع
تيمور: قتلك لا ....
محسن يخزرلو كفاه يبكي : ههههه تي سكتوه هاذا ملي جبتوه و هو يبكي
الخديمة: سيدي صغير لازم يرضع من عند امو
محسن  : ميسالش خليه يبكي خلينا نحكيو شوية زادا
محسن: ههه يا ولد هارون العياشي ممم فيبالك انا اليوم قتلت بنتي خاطر مسمعتش كلامي يعني انت زادا اسمع الكلام و اسكت لا نعملك كيفها هههه ولا لا لا هاو عندي ليك خبر مخير ياسيدي يا سي آزر العياشي انا اليوم قتلت امك ههه قلت ميسالش خلي يعيش مع بوه اكهو اما خسارا بوك ضعيف اول مماتت مرتو مسئلش عليك و خلط علاها هه مزلت تبكي مش نكذب ماكش تسمع في الخبار مقتل هزار العياشي و انتحار زوجها هارون العياشي ممم خسارا خلوك وحدك ههه اي اش باش نعمل بيك انا توا
دار عيط لواحد من رجالو
الراجل: نعم سيدي
محسن: هز طيش الهم هاذا قدام الدار الي يسكنو فاها و رتحني من حسو
الراجل : حاضر ..مشا حملو و خرج بيه
نور: لا لا لا لا لا لا لا لا لا لا لا لا لا لا
تيمور: نور يزي
نور: لا لا مماتوش باش يرجعو لولدهم
تيمور دار لفادي: مشيت شفتو
فادي: لا منجمتش اما قالولي باش يدفنوهم الزوز اليوم
نور: لا متدفنش اختي بحذاه
فادي مشا قدملها : هاك هاذا خاتم هزار كان عند هارون
خذاتو ترعش بكلها حتي دموعها شاحو حملاتو و بقلت تخزر حتي من تيمور عينو حمراء دمعتو شاددها بسيف اما فادي منجمش بكا لين فرغ قلبو
تيمور : هيا قوم نمشيو للدفينة عاللقل
فادي : لا منجمش هارون الي كل يوم نتعارك معاه باش نشوفهم مهبطينو لقبرو لا منجمش
تيمور: مش مصدق هارون مش ضعيف لها الدرجة
فادي: علاه انا مصدق اما كل شي معاه متاع هارون
تيمور : نمشي نشوف شكون في الباب ..مشا حل الباب بقا شوية و دخل للصالة محل صغير في يدو نور شفاتو قامت تجري
نور: آااازر..و خذات حملاتو