تم كتب الكتاب تحت تهنئه الجميع لهم
والتمنى بالسعاده عندما بعد الكل عنهم
احتضنها و دار بها تحت ضحكتها المرحه
وقبل جبينها ومن يراه يقول كانه يحبها
فعلا ولم يكون هذا الزواج تحت طلب من
أبيها لكنه يشعر شعور غريب معها ولا يعرف وصفه او معرفته
$$$$$$$$$$$$$$$$$
عند زين وريم
كان يتعمد مضايقتها أثناء الفرح
زين : انتى يا بت اقعدى شويه بدل مانتي
عامله زى الدبانه رايحه جايه كده اى ده
ريم : انا إللى دبانه ولا انت إللى زى البرص إللى عايز يضرب بشبشب حمام كده
زين بغضب: بقا انا زى البرص يا عرسه
ريم : انت إللى بدأت الأول على فكره انا
مش كلمتك
زين: خلاص انا اسف
ريم: وانا كمان اسفه يعنى مش هتضيقنى
تانى اصل انت بارد اوى وهزارك تقيل
زين : شوف بقا بردو بتغلط انتى يا بنتى لسانك قد اى انتى مش بتعرفي تقعدي غير لما تطولى لسانك ده
ريم : خلاص ياعم بقا هو عشان قلت كلمه عن اذنك انا ماشيه
زين فى سره : شكلى كده هحبك لما اشوف اخرك اى يا ريم
ريم وهى ماشيه : يخربيت حلاوتك يا شيخ مش بترحم ابدا اتلقيك ماشي مع خلق الله
&&&&&&&&&&&&
عند رهف وآدم
رهف : مالك يا ادم وشك مقلوب كده لي
ادم: مفيش حاجه بس مش بحب الصوت
العالى كتير
رهف: خلاص نمشي مش لازم نكمل
يالا نقوم
ادم : لا يا ستي خلينا للاخر كده كده
هنخرج شويه بعد كده
رهف بفرح : بجد يا حبيبي هنخرج
مع بعض يعنى انا وانت بس
ادم بضحك : ايوه انا وانتى بس ولا انتى عايزه حد تانى معانا
رهف بسرعه : لا طبعا عايزه نكون لوحدنا
قصدى يعنى عادى إللى انت تشوفه
ادم : خلاص يا ستي انا وانتى بس إللى
هنخرج تمام
رهف : تمام
*************&*********
بعد انتهاء الفرح يأخذ ادم رهف للخروج
معا بينما ذهبت ريم مع زين لتوصيلها بعد
معناه لكى تذهب
زين: يالا عشان اوصلك الوقت اتأخر
ريم: معلش مش بركب مع حد غريب انا هاخد تاكسي
زين بيسخريه : والله يعنى انا غريب لكن التاكسي لا على الاقل انا هخاف عليكى
لكن التاكسي الله اعلم بيه اركبى يا ختى
اركبى وفى سره ده انتى غبيه غباء
ريم: ذهبت للركوب خلف
زين : اي ده هو انا السواق بتاع حضرتك انزلى اركبى معايا يالا بلاش دلع
ريم: مش انت قولت انك بدل التاكسي يبقي خلاص اركب ورا مش تفرق
زين: ماشي براحتك
*******************
عند ادم و رهف
رهف : والنبى يا ادم قول احنا رايحين على فين
ادم : لا دى مفاجأه بقا مش لازم تعرفي وكده كده شويه هتعرفى
رهف : خلاص اديني مستنيه لما اشوف
وصلوا إلى المكان المراد وكان
مطعم على البحر خالى من الناس
و ترابيزة عليها عشاء و ورود حمراء وبيضاء متناثرة على الأرض والترابيزه
والشموع عليها أيضا كان منظر ساحر حقا
رهف ببلاهه: ده عشاني انا بجد مش مصدقه خالص
ادم بضحك : صدقى عشانك كل ده انتى تستاهلى اكتر من كده
رهف بحب : كفايه عليا انت بس مش محتاجه حاجه من الدنيا غيرك انت بس
بحبك اوي اوى يا ادم
ادم بتهرب : طب يالا عشان الاكل مش يبرد ولا انتى مش كنتى جعانه ولا نسيتي
رهف: فعلا نسيت انى جعانه
ويذهب الليل فى الكلام مع بعضهم والرقص على اغانى رومانسيه ولم يشعروا بالوقت ابدا حتى بدأت الشمس فى الظهور ومن يراهم يظن انه حبيب حقا لكن لا أحد يعلم ما في القلوب
وبعد سهرتهم اخذها إلى منزلها
ادم : تصبحى على خير
رهف : وانت من اهل الجنه يا حبيبي
سلام خلى بالك من نفسك و سوق براحه عشان الطريق
ادم : حاضر اطلعى انتى اتصلي عليا اول لما تدخلى عشان اطمن انك وصلتى
فرحت كثيرا بهتمامه بها فى اقل الأشياء
رهف بحب: من عنيا باى
ادم : باى
صعدت رهف إلى المنزل واتصلت عليه لتطمئنه ثم ذهب
ادم وهو ذاهب الى المنزل وجد الكثير من الرسائل النصية من همس لا يعرف
ماذا سوف يقول لها لا يريد أن يجرحها
او يحزنها
وامسك هاتفه واتصل على شخص ما
***************
يا ترى ادم هيكلم مين واى إللى هيحصل مع زين وريم
وهل يعترف ادم بحب رهف
❤❤❤❤استنونى فى فصل جديد ان شاء الله
